ໂຄງການເຂື່ອນໄຟຟ້ານ້ຳອູລາວແມ່ນໂຄງການສຳຄັນລະດັບຊາດຂອງປະເທດລາວ, ລົງທຶນກໍ່ສ້າງໂດຍບໍລິສັດ Power China ດ້ວຍຮູບແບບ BOT ກໍຄືບໍລິສັດເປັນຜູ້ກໍ່ສ້າງ, ດຳ​ເນີນ​ງານ ແລະ ຈະມອບ​ໃຫ້ປະເທດລາວ​ເປັນ​ຜູ້​ຄຸ້ມ​ຄອງ​ແລະ​ນຳ​ໃຊ້ໃນທີ່ສຸດ. ໂຄງການນີ້​ແມ່ນ​ມີ​ຄວາມ​ຈຳ​ເປັນຕ້ອງໄດ້ຍົກຍ້າຍ ປະຊາຊົນ 10 ຕົວ ເມືອງຂອງແຂວງຜົ້ງສາລີ ແລະ ແຂວງຫຼວງພະບາງຈຳນວນ 126000 ກວ່າຄົນໄປຢູ່ບ່ອນໃໝ່. ນັບແຕ່ເລີ່ມການກໍ່ສ້າງໂຄງການແຕ່ປີ 2011 ເປັນຕົ້ນມາ, ກຸ່ມບໍລິສັດ Power China ໄດ້ສ້າງບ້ານໃໝ່ໃຫ້ແກ່ປະຊາ ຊົນດັ່ງກ່າວ ແລະ ຊ່ວຍເຫຼືອເຂົາເຈົ້າດຳລົງຊີວິດຢູ່ບ່ອນໃໝ່. ຕໍ່ໄປ ເຊີນຟັງລາຍລະອຽດກ່ຽວກັບຊີວິດໃໝ່ຂອງປະຊາຊົນທີ່ຢູ່ບ້ານຫ້ວຍລໍ ແຫ່ງໃໝ່.

 

 

ເມື່ອຮອດບ້ານຫ້ວຍລໍ​ເຊິ່ງ​ເປັນບ້ານ​ຕັ້ງໃໝ່, ນັກຂ່າວໄດ້ເຫັນເຮືອນໃໝ່ຫຼາຍຫຼັງ ທີ່ມີ ຫຼັງຄາສີແດງແລະຝາສີຂາວ ເຊິ່ງເປັນເອກະລັກພິເສດຂອງລາວໄດ້ສ້າງ ຢູ່ແຄມພູ, ມີທາງຢາງກວ້າງ 4 ແມັດສາຍໜຶ່ງເນັ່ງເຂົ້າສູ່ບ້ານ. ຢູ່ສອງຟາກທາງ, ພໍ່ແມ່ປະຊາຊົນພວມປູກຕົ້ນໄມ້ເພື່ອສ້າງຄວາມຮົມ​ເຢັນ​ແລະ​ສວຍງາມໃຫ້ແກ່ ບ້ານ.

 

 

ທ້າວເອເລັກ ປະຊາຊົນທີ່ຍ້າຍມາຢູ່ບ້ານຫ້ວຍລໍແຫ່ງໃໝ່ນີ້ເປັນເວລາ 1 ປີປາຍແລ້ວ ລາວເວົ້າຕໍ່ນັກຂ່າວວ່າ, ການປາສະຈາກບ້ານເດີມບໍ່ແມ່ນງ່າຍ, ເມື່ອໄດ້ຍິນວ່າຕ້ອງໄດ້ຍົກຍ້າຍໄປຢູ່ບ່ອນໃໝ່ໃນເບື້ອງຕົ້ນ, ຕົນເອງບໍ່ແນ່ໃຈວ່າຊີ ວິດຈະມີການປ່ຽນແປງແນວໃດ. ທ້າວເອເລັກເວົ້າວ່າ: “ດຳລົງຊີວິດຢູ່ບ່ອນເດີມມາ ຫຼາຍປີ, ມີຄວາມຊິນເຄີຍແລ້ວ, ວ່າຕ້ອງໄດ້ຍົກຍ້າຍໄປ​ຢູ່​ບ່ອນ​ໃໝ່, ໃນໃຈຂອງ​ປະ​ຊາ​ຊົນ​ສ່ວນຫຼາຍ​ເຊິ່ງ​ລວມ​ທັງ​ຂ້ອຍ​ກໍ​ມີ​ຄວາມວິຕົກກັງວົນຫຼາຍ.”

ເພື່ອຜ່ອນຄາຍຄວາມວິຕົກກັງວົນຂອງພໍ່ແມ່ປະຊາຊົນ ແລະ ຊ່ວຍ ເຫຼືອເຂົາເຈົ້າດຳລົງຊີວິດໃໝ່ເປັນຢ່າງດີໂດຍໄວ, ກຸ່ມບໍລິສັດ Power China ໄດ້ຈ້າງບໍລິສັດລາວເປັນຝ່າຍກໍ່ສ້າງບ້ານໃໝ່ຕາມເອກະລັກພິເສດຂອງ​ຮູບ​ຊົງລາວ ແລະ ວິຖີຊີວິດຂອງພໍ່ແມ່ປະຊາຊົນລາວ. ປັດຈຸບັນນີ້, ຢູ່ບ້ານຫ້ວຍລໍມີວັດ ວາອາຮາມ, ໂຮງຮຽນ, ຫ້ອງການບ້ານ, ໂຮງໝໍ, ຕະຫຼາດແລະສິ່ງກໍ່ສ້າງຕ່າງໆທີ່ ຄົບຊຸດ, ນອກຈາກນີ້ແລ້ວ, ຍັງປູທາງໃຫ້ເຂົ້າສູ່ທຸກຄອບຄົວ, ເຮັດໃຫ້ແຕ່ລະ ຄອບຄົວມີມ້ຳ ແລະໄຟຟ້າໃຊ້ຢ່າງສະດວກ​ສະ​ບາຍ.

 

 

ຈາກເຮືອນເກົ່າຍ້າຍມາຢູ່ເຮືອນໃໝ່ທີ່ກວ້າງໃຫຍ່ແລະແຈ້ງສະຫວ່າງ​ກ່​ວາ​ເກົ່າ, ທ້າວເອເລັກ​ໄດ້ຄ່ອຍໆ​ປັບ​ຕົວ​ເອງ​ໃຫ້​ເຂົ້າ​ກັບສະພາບແວດລ້ອມໃໝ່ແລະຊີວິດ ໃໝ່ຢູ່ບ້ານໃໝ່ແລ້ວ. ທ້າວເວົ້າວ່າ: “ເສັ້ນ​ທາງຂອງ​ບ້ານ​ເກົ່າຍາກຫຼາຍ, ບາງທີລົດ ຈັກເຂົ້າ​ບໍ່​ໄດ້ລົດຖີບກໍເຂົ້າບໍ່ໄດ້. ຍາມຝົນຕົກຈະ​ມີ​ຂີ້ຕົມດິນ​ເປື້ອນ​ຕ່າງໆ, ຖະ​ໜົນ​ຫົນທາງແຮ່ງໄປ​ຍາກຫຼາຍ. ພາຍຫຼັງ​ໂຄງ​ການ​ຍ້າຍ​ເຮົາ​ມາ​ຢູ່​ນີ້ ​ຮູ້​ສຶກມີ​ຄວາມ​ສະ​ບາຍຫຼາຍ​ຂຶ້ນ, ຫົນ​ທາງ​​ດີ​ຂຶ້ນຫຼາຍ​ແລ້ວ, ຄັນມີລົດ​ໃຫຍ່​ກໍ​ສາ​ມາດຂັບເຂົ້າມາຮອດ ເຮືອນ​ໂດຍບໍ່ມີບັນຫາ.”

 

​ການຍ້າຍປະຊາຊົນອອກໄປ, ກໍຕ້ອງເຮັດໃຫ້ປະຊາຊົນມີຄວາມໝັ້ນຄົງ ແລະ ສ້າງຄວາມສຸກໃຫ້ແກ່ປະຊາຊົນໄດ້. ດັ່ງນັ້ນ, ບໍລິສັດລົງທຶນຢູ່ຕ່າງ ປະເທດຂອງກຸ່ມບໍລິສັດ Power China ໄດ້ຮ່ວມມືກັບຝ່າຍທີ່ກ່ຽວຂ້ອງ, ນຳເອົາເຕັກນິກການປູກຝັງທີ່ກ້າວໜ້າ ເພື່ອຊ່ວຍເຫຼືອພໍ່ແມ່ປະຊາຊົນ ປ່ຽນແປງວິ ທີການປູກຝັງລ້ຽງສັດທີ່​ເກົ່າ​ແກ່, ເພີ່ມລາຍຮັບ ແລະ ຍົກລະດັບຊີວິດການເປັນ ຢູ່ຂອງປະຊາຊົນ​ໃຫ້​ດີ​ຂຶ້ນຢ່າງບໍ່ຢຸດຢັ້ງ. ທ່ານຮວງຢ້ຽນເຕີ ຜູ້ຊ່ວຍຜູ້ອຳນວຍການ ໃຫຍ່ບໍລິສັດດັ່ງກ່າວກ່າວວ່າ: “ມອບປາໃຫ້ເຂົາ​ເຈົ້າບໍ່ທໍ່ສອນ ເຂົາ​ເຈົ້າຕຶກປາ. ພວກເຮົາ​ໄດ້​ຂໍງົບປະມານສະເພາະ ເພື່ອໃຊ້ໃນການຊ່ວຍເຫຼືອພໍ່ແມ່ປະຊາຊົນ ຟື້ນຟູອາຊີບ, ຊ່ວຍເຂົາເຈົ້າ ຮຽນຮູ້ເຕັກນິກທີ່ມີປະໂຫຍດຕໍ່ຊີວິດການເປັນຢູ່ໃນຕໍ່ ໜ້າຂອງເຂົາເຈົ້າ.”

 

 

ທ່ານຊອຍດາວ ພອຍມະນີ ນາຍ​ບ້ານ​ບ້ານ​ຫ້ວຍລໍບອກ​ກັບນັກຂ່າວວ່າ, ບໍລິສັດຈີນໄດ້ສ້າງໂອກາດປະກອບອາຊີບຕ່າງໆໃຫ້ແກ່ປະຊາຊົນບ້ານໃໝ່ຕາມ

 

ສະພາບຕົວຈິງ ເພື່​ອເພີ່ມລາຍຮັບໃຫ້ແກ່ປະຊາຊົນ. ທ່ານເວົ້າວ່າ: “ນອກຈາກໄດ້ຮັບປະຊາຊົນໄປຮ່ວມວຽກໃນໂຄງການແລ້ວ, ບໍລິສັດຈີນໄດ້ກວດ​ກາ​ເບິ່ງວຽກ​ງານ​ຟື້ນ​ຟູ​ຊີບ, ຈັດ​ສັນອາຊີບໃຫ້ແກ່ພໍ່ແມ່ປະຊາຊົນ, ​ສົ່ງ​ເສີມ​ປະ​ຊາ​ຊົນ​ໃຫ້​ມີ​ອາ​ຊີບ​ໃນ​ການ​ລ້ຽງ​ສັດ, ຄ້າ​ຂາຍ​ບໍ​ລິ​ການ ແລະ​ອື່ນໆໂດຍອີງຕາມ ເງື່ອນໄຂແລະອາຊີບເດີມຂອງແຕ່ລະຄອບຄົວ, ​ແລ້ວຈັດການອົບຮົມດ້ານ ການລ້ຽງສັດ, ການປູກ​ຜັກ ແລະອື່ນໆ​ໃຫ້​ເຂົາ​ເຈົ້າ​ມີ​ຄວາມ​ຮູ້​ທີ່​ກ່ຽວ​ຂ້ອງ.”

 

ປັດຈຸບັນ, ບ້ານຫ້ວຍລໍມີປະຊາຊົນ 134 ຄອບຄົວ 600 ກວ່າຄົນ. ຫຼັງຈາກ ຍ້າຍມາຢູ່ບ້ານໃໝ່ແລ້ວ, ປະ​ຊາ​ຊົນ​ຜູ້ເຮັດນາເຮັດສວນ ບໍ່ໄດ້ປະ​ການ​ເຮັດ​ໄຮ່​ເຮັດ​ນາແຕ່ກ່ອນໄປ, ແຕ່​ຍັງມີຄວາມຫວັງໃໝ່ໆອີກ. ທ່ານຊອຍດາວ ພອຍມະນີເວົ້າວ່າ: “ຫຼັງ​ການ​ຍົກ​ຍ້າຍ​ມາ, ບໍລິສັດໄດ້ຢາຍແກ່ນ​ຜັກໃຫ້ແຕ່ລະຄອບຄົວ, ​ສົ່ງອາຈານ ມາອົບຮົມວິທີການປູກ​ຜັກທີ່ປອດສານຜິດ. ປັດຈຸບັນນີ້ພວກເຮົາ​ສາ​ມາດປູກ​ກິນ​ເອງໄດ້ແລ້ວ, ບໍ່ຕ້ອງໄປຊື້ຢູ່ຕະຫຼາດ. ຕໍ່ໄປຄັນເປັນໄປໄດ້, ​ປະ​ຊາ​ຊົນ​ທີ່ບໍ່​ມີ​ອາ​ຊີບຈະ​ສາ​ມາດສົ່ງໄປຂາຍຢູ່ຕະຫຼາດ.”

 

 

ເວລາທີ່ນັກຂ່າວໄປເອົາຂ່າວແມ່ນເດື່ອນ​ເມ​ສາ ເຊິ່ງເປັນໄລ​ຍະທີ່ປີໃໝ່ ລາວໃກ້ຈະ ວຽນມາເຖິງ. ​ຢູ່ໂຮງຮຽນປະຖົມແຫ່ງໃໝ່ຂອງບ້ານຫ້ວຍລໍ, ​ນ້ອງນັກຮຽນ​ທັງຫຼາຍພວມຮຽນຮ້ອງເພງຈີນທີ່ມີຊື່ວ່າ “ສະບາຍດີປີໃໝ່”. ສຽງເພງຂອງພວກ​ນ້ອງນັກຮຽນ ໄດ້​ສະ​ແດງເຖິງຄວາມພໍໃຈແລະ​ການຄອງ ຄອຍຕໍ່ຊີວິດໃໝ່ຂອງພໍ່ ແມ່ປະຊາຊົນທີ່ຍ້າຍມາດຳລົງຊີວິດຢູ່ບ້ານໃໝ່​ແຫ່ງ​ນີ້.

 

ກຳລັງຕິດຕັ້ງຂອງເຂື່ອນໄຟຟ້ານ້ຳອູ​ບັນ​ລຸ 1 ລ້ານ 2 ແສນ 72000 ກິໂລວັດ, ຫຼັງຈາກສ້າງສຳເລັດໃນປີ 2020 ແລ້ວ, ສາມາດຮັບປະກັນ ການສະໜອງໄຟຟ້າ 12% ໃນທົ່ວປະເທດລາວ ເຊິ່ງ​ສາ​ມາດຊຸກຍູ້ການ ສ້າງເຄືອຂ່າຍໄຟຟ້າຢູ່ພາກ ເໜືອຂອງລາວໃ​ຫ້​ມີລະດັບສູງຂຶ້ນແລະ ການເຊື່ອມຈອດດ້ານການສົ່ງໄຟຟ້າ, ສາມາດຕອບສະໜອງຄວາມ ຕ້ອງການຕໍ່ໄຟຟ້າ ຂອງຕະຫຼາດພາຍໃນປະເທດ, ທັງຊ່ວຍເຫຼືອປະເ​ທດ ລາວເພີ່ມລາຍຮັບ ໃນການສົ່ງໄຟຟ້າອອກໄປຕ່າງປະເທດ ແລະ ຊຸກຍູ້ຂະບວນການເຊື່ອມໂຍງເຂົ້າກັນດ້ານໄຟຟ້າໃນພາກພື້ນ​ອີກ​ດ້ວຍ.