ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ເມສານີ້, ທ່ານຣາມອນ ໂລເປສ ລັດຖະມົນຕີກະຊວງອຸດສາຫະກຳການຄ້າຟິລິບປິນກ່າວຢູ່ນະຄອນຫຼວງປັກກິ່ງວ່າ, ຟິລິບປິນເຫັນດີເຫັນພ້ອມຕໍ່ຄວາມເຫັນກ່ຽວກັບຂະບວນການໂລກາພິວັດແບບກວມລວມ ແລະຫຼັກໝັ້ນຄັດຄ້ານລັດທິປົກປ້ອງການຄ້າທີ່ທ່ານສີຈິ້ນຜິງ ປະທານປະເທດຈີນໄດ້ກ່າວປາໄສໃນພິທີເປີດກອງປະຊຸມສຸດຍອດເວທີປຶກສາຫາລືການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ຄັ້ງທີສອງທີ່ຈັດຂຶ້ນໃນວັນດັ່ງກ່າວ, ເຊິ່ງຄວາມເຫັນດັ່ງກ່າວກໍເປັນທັດສະນະຂອງທ່ານໂຣດຣິໂກ ດູເຕີເຕ ປະທານາທິບໍດີຟິລິບປິນມາໂດຍຕະຫຼອດ.
ທ່ານຣາມອນ ໂລເປສທີ່ເຂົ້າຮ່ວມກອງປະຊຸມດັ່ງກ່າວກ່າວຕໍ່ນັກຂ່າວວ່າ, ມາດຕະການຕ່າງໆ ເປັນຕົ້ນການຫຼຸດພາສີລົງຕື່ມອີກ ທີ່ທ່ານສີຈິ້ນຜິງໄດ້ກ່າວໃນຄຳປາໄສນັ້ນສະແດງໃຫ້ເຫັນວ່າ, ຈີນຍິນດີຮັກສາຄວາມດຸນດ່ຽງດ້ານການຄ້າກັບປະເທດອື່ນ, ຈົນວ່າຍິນດີຊ່ວຍເຫຼືອປະເທດອື່ນໃນການສົ່ງອອກສິນຄ້າໃຫ້ຫຼາຍຂຶ້ນກວ່າເກົ່າ ແຕ່ບໍ່ແມ່ນພຽງແຕ່ຄິດຫາຜົນປະໂຫຍດແຕ່ຝ່າຍດຽວຈາກການຄ້າກັບປະເທດອື່ນ. ທ່ານກ່າວຕື່ມວ່າ, ພາຍໃຕ້ການຊຸກຍູ້ຈາກຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”, ບໍລິສັດຈີນຕັ້ງໜ້າຊອກຫາໂອກາດການລົງທຶນຢູ່ຕ່າງປະເທດ ແລະຟິລິບປິນທີ່ເປັນບ້ານໃກ້ເຮືອນຄຽງກັບຈີນກໍໄດ້ຮັບຜົນປະໂຫຍດຫຼາຍສົມຄວນ.
ຄຳເຫັນ
0