ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສົນທະນາອາລະຍະທຳອາຊີຈະຈັດຂຶ້ນຢູ່ນະຄອນຫຼວງປັກກິ່ງໃນວັນທີ 15 ພຶດສະພານີ້ ໂດຍມີຫົວຂໍ້ວ່າ: “ການແລກປ່ຽນແລະຖອດຖອນບົດຮຽນລະຫວ່າງອາລະຍະທຳອາຊີແລະປະຊາຄົມຮ່ວມຊາຕາກຳ” ເຊິ່ງແມ່ນກິດຈະກຳທາງການທູດສຳຄັນອີກຄັ້ງໜຶ່ງທີ່ຈັດຂຶ້ນຢູ່ຈີນໃນປີນີ້ ພາຍຫຼັງກອງປະຊຸມສຸດຍອດເວທີປຶກສາຫາລືການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ຄັ້ງທີ 2 ແລະ ງານວາງສະແດງສິລະປະສວນໂລກປັກກິ່ງ. ຕອນຄ່ຳກ່ອນໄຂກອງປະຊຸມ, ທ່ານສີຈິ້ນຜິງ ປະທານປະເທດຈີນພ້ອມດ້ວຍທ່ານນາງເພິງລີ້ຢວນ ພັນລະຍາຂອງທ່ານໄດ້ຈັດງານລ້ຽງອາຫານຄ່ຳຢູ່ຫໍສະພາປະຊາຊົນນະຄອນຫຼວງປັກກິ່ງ, ເພື່ອສະແດງຄວາມຍິນດີຕ້ອນຮັບຜູ້ນຳບັນດາປະເທດພ້ອມພັນລະຍາແລະແຂກຜູ້ມີກຽດທີ່ມາເຂົ້າຮວມກອງປະຊຸມສົນທະນາອາລະຍະທຳອາຊີ.
ໃນງານລ້ຽງອາຫານຄ່ຳທີ່ຈັດຂຶ້ນໃນຕອນຄ່ຳວັນທີ 14 ພຶດສະພານີ້, ທ່ານສີຈິ້ນຜິງໄດ້ກ່າວຄຳປາໄສ, ໂດຍໄດ້ຕາງໜ້າລັດຖະບານແລະປະຊາຊົນຈີນສະແດງຄວາມຍິນດີຕ້ອນຮັບຢ່າງອົບອຸ່ນຕໍ່ບັນດາແຂກຜູ້ມີກຽດທີ່ມາເຂົ້າຮ່ວມກອງປະຊຸມຄັ້ງນີ້, ແລະ ໄດ້ກ່າວເຖິງຈຸດປະສົງໃນການຈັດກອງປະຊຸມສົນທະນາອາລະຍະທຳອາຊີອີກຄັ້ງໜຶ່ງ ໂດຍກ່າວວ່າ: ການຈັດກອງປະຊຸມສົນທະນາອາລະຍະທຳອາຊີແມ່ນເປັນໄປຕາມທ່ວງທ່າການຮ່ວມມືແລະການພັດທະນາຂອງອາຊີ ແລະ ຕອບສະໜອງຕາມຄາວມມຸ້ງຫວັງຂອງບັນດາປະເທດທີ່ມີຕໍ່ການແລກປ່ຽນແລະຖອດຖອນບົດຮຽນດ້ານອາລະຍະທຳ ພ້ອມທັງສ້າງເວທີແລກປ່ຽນແລະຖອດຖອນບົດຮຽນເພື່ອໃຫ້ອາລະຍະທຳຕ່າງໆພັດທະນາຮ່ວມກັນ. ໃຫ້ພວກເຮົາຖືເອົາກອງປະຊຸມຄັ້ງນີ້ເປັນຈຸດເລີ່ມໃໝ່, ຮ່ວມແຮງຮ່ວມໃຈກັນ, ຈັບມືກັນກ້າວໄປໜ້າ ເພື່ອເຮັດໃຫ້ອາລະຍະທຳປະເທດຕ່າງໆຮຸ່ງເຮືອງເຫຼືອງເຫຼື້ອມໃນການແລກປ່ຽນແລະຖອດຖອນບົດຮຽນເຊິ່ງກັນແລະກັນ.
ຄຳເຫັນ
0