ຕາມ​ຂ່າວCRI: ນາງ ຊູ່​ລີ້ ທີ່​ຢູ່​ນະ​ຄອນ​ເຊີ່ນ​ເຈີ້ນ​ແຂວງກວາງ​ຕຸ້ງ​ເປັນ​ຄົນ​ພິ​ການຂາ,ປີ​ກາຍ​ນີ້ ນາງ​ໄດ້ເຮັດ​ໃບ​ຢັ້ງ​ຢືນ​ຄົນ​ພິ​ການ​ຂອງ​ຕົນ​​ເສຍ,ເຮັດ​ໃຫ້​ເກີດ​ມີ​ຄວາມ​ບໍ່​ສະ​ດວກ​​ຕໍ່​ຕົນ​ເອງ.
 

ໃນ​ຂະ​ນະ​ທີ່​ເອື້ອຍ​ຊູ່​ເປັນ​ຄົນໃຈ​ຮ້ອນ,ລາວ​ໄດ້​ຄິດ​ອອກ​ນຳ​ໃຊ້ Mini ໂບຼ​ແກຼມທີ່​ຊື່​ວ່າ “ເຢ​ວ້​ເສີງ​ຊື້” ຊ່ວຍ​ແກ້​ໄຂ​ບັນ​ຫາ​ຂອງຕົນ​ເອງ. ເອື້ອຍ​ຜູ້​ນີ້​ແນະ​ນຳ​ໃຫ້​ຮູ້​ວ່າ: ຫຼັງ​ຈາກ​ໄດ້​​ປະ​ຕິ​ບັດ​ຕາມ​ຂັ້ນ​ຕອນ​ຢູ່​ເທິງ Mini ໂບຼ​ແກຼມດ້ວຍ​ມື​ຖື​ແລ້ວ,ປະ​ມານ 1 ອາ​ທິດກວ່າກໍ່​ໄດ້​ຮັບ​ໃບ​ຢັ້ງ​ຢືນ​ໃໝ່,ຖ້າ​ທຽບ​ໃສ່​ເມື່ອ​ກ່ອນ,ຕ້ອງ​ໄດ້​ໃຊ້​ເວ​ລາ 1 ເດືອນ​ຈຶ່ງ​ຈະ​ໄດ້​ໃບ​ຢັ້ງ​ຢືນ.

ທ່ານ ວາງ​ຊິ່ນ​ຮຸ່ຍ CEO ​ຂອງ​ບໍ​ລິ​ສັດ​ການ​ສ້າງ​ຕາ​ໜ່າງ​ເຄືອ​ຂ່າຍກວາງ​ຕຸ້ງ​ດີ​ຈີ​ຕອນ​ຈຳ​ກັດ​ທີ່​ຮັບ​ຜິດ​ຊອບ​ການ​ພັດ​ທະ​ນາ​ແລະ​ດຳ​ເນີນ​ງານ​ຂອງ Mini ໂບຼ​ແກຼມ “ເຢ​ວ້​ເສີງ​ຊື້” ກ່າວ​ວ່າ: ບັນ​ຫາ​ທີ່​ປະ​ຊາ​ຊົນ​ສົນ​ໃຈ​ທີ່​ສຸດ​ແມ່ນ​ເປົ້າ​ໝາຍແລະ​ແນວ​ຄິດ​ການ​ອອກ​ແບບ​ຂອງ Mini ໂບຼ​ແກຼມ “ເຢ​ວ້​ເສີງ​ຊື້”. ກໍ່​ແມ່ນ​ຍ້ອນ​ທັດ​ສະ​ນະ​ຄະ​ຕິໃນ​ການ​ອອກ​ແບບ​ທີ່​ຖື​ປະ​ຊາ​ຊົນ​ເປັນ​ໃຈ​ກາງ,ຈຶ່ງ​ໄດ້​ເຮັດ​ໃຫ້ Mini ໂບຼ​ແກຼມ ​ດັ່ງ​ກ່າວມີ​ຜູ້​ນຳ​ໃຊ້​ເພີ່ມ​ຂຶ້ນ​ຢ່າງວ່ອງ​ໄວ​ຫຼັງ​ໄດ້​ຂຶ້ນ​ເນັດ,ປັດ​ຈຸ​ບັນ,ຈຳ​ນວນ​​ຜູ້​ນຳໃຊ້​ທີ່​ໄດ້​ຈົດ​ທະ​ບຽນ​ໄປ​ແລ້ວ​ນັ້ນ​ມີ​ເຖິງ 13,17 ລ້ານ​ຄົນ, ປະ​ລິ​ມານ​ການ​ເຂົ້າ​ເບິ່ງ​ເວັບ​ໄຊ​ສະ​ເລ່ຍ​ຕໍ່​ມື້​ມີ 9,15 ລ້ານ​ເທື່ອ​ຄົນ. ປັດ​ຈຸ​ບັນ, Mini ໂບຼ​ແກຼມ “ເຢ​ວ້​ເສີງ​ຊື້” ສາ​ມາດ​ສະ​ໜອງ​ການ​ບໍ​ລິ​ການໃຫ້​ແກ່​ປະ​ຊາ​ຊົນ​ກວມ​ເອົາ 687 ລາຍ​ການ.