ຕາມ​ຂ່າວCRI: ວັນ​ທີ 3 ພະ​ຈິກ ປີ2013,​ ​ທ່ານ​ສີ​ຈີ້ນ​ຜີງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ກອມ​ມູ​ນິດ​ຈີນ​ໄດ້ສະ​ເໜີ “​ການ​ລົບ​ລ້າງ​ຄວາມ​ທຸກ​ຍາກໃຫ້​ຖືກ​ເປົ້າ​ໝາຍ” ເປັນ​ເທື່ອ​ທຳ​ອິດຢູ່​ໝູ່​ບ້ານ​ສື​ປ່າ​ຕົ້ງ ກິ່ງ​ແຂວງ​ປົກ​ຄອງ​ຕົນ​ເອງ​ເຜົ່າ​​ຖູ​ເຈ່ຍ​ເຜົ່າ​ມົ້ງ​ຊ່ຽງ​ຊີ່ ແຂວງ​ຮູ​ນານ​ຈີນ. ​ຈາກ​ນັ້ນ ມາ​ຮອດ​ປັດ​ຈຸ​ບັນ, ໝູ່​ບ້ານ​ດັ່ງ​ກ່າວໄດ້​ມີ​ການ​ປ່ຽນ​ແປງແບບໜ້າ​ມື​ເປັນຫຼັງ​ມື, ການ​ທ່ອງ​ທ່ຽວໄດ້​ກາຍເປັນ​ອຸດ​ສາ​ຫະ​ກຳ​ເສົາ​ຄ້ຳ​ຂອງ​ທ້ອງ​ຖິ່ນ. ວັນ​ທີ 25 ສິງ​ຫາ​ນີ້, ​ເປັນ​ໄລ​ຍະ​ເວ​ລາ​ຕົ້ນລະ​ດູ​ໃບ​ໄມ້​ຫຼົ່ນ, ຊາວ​​ບ້ານ​ສື​ປ່າ​ຕົ້ງ​ໄດ້​ເຕົ້າ​ໂຮມ​ກັນ ເພື່ອ​ຈັດ​ກິດ​ຈະ​ກຳບວງ​ສວງລະ​ດູ​ໃບ​ໄມ້​ຫຼົ່ນ​ຢ່າງ​ຟົດ​ຟື້ນ. ​ຄົນ​ທັງ​ຫຼາຍ​ໄດ້​ໃສ່​ຊຸດ​ປະ​ຈຳ​ຊົນ​ເຜົ່າ, ຟ້ອນ​ລຳ​ທຳ​ເພງ ເພື່ອ​ຂໍ​ພອນ​ໃຫ້​ຟ້າ​ຝົນ​ອຳ​ນວຍ, ຜົນ​ເກັບ​ກ່ຽວ​ຈົ່ງ​ເປັນ​ທີ່​ອຸ​ດົມ​ສົມ​ບູນ​ໃນ​ປີ​ໜ້າ​ດ້ວຍ​ຮູບ​ແບບ​ຂອງ​ຕົນ.