ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ເພື່ອສະເຫຼີມສະຫຼອງການສ້າງຕັ້ງສາທາລະນະລັດປະຊາຊົນຈີນຄົບຮອບ 70 ປີ, ກ່ອນແລະຫຼັງວັນທີ 1 ຕຸລາປີນີ້, ນະຄອນຫຼວງປັກກິ່ງຈະຈັດກິດຈະກຳສະເຫຼີມສະຫຼອງຢ່າງຄຶກຄື້ນ,ສະນັ້ນຍິນດີຕ້ອນຮັບນັກຂ່າວພາຍໃນແລະຕ່າງປະເທດມາເອົາຂ່າວຢູ່ປັກກິ່ງ. ສູນຂ່າວດັ່ງກ່າວຕັ້ງຢູ່ຕຶກສູນເມເດຍທີ່ປັກກິ່ງ, ຈະເລີ່ມດຳເນີນງານຢ່າງເປັນທາງການແຕ່ວັນທີ 23 ກັນຍາໜ້ານີ້ເປັນຕົ້ນໄປ. ເພື່ອອຳນວຍຄວາມສະດວກໃຫ້ແກ່ນັກຂ່າວທັງພາຍໃນແລະຕ່າງປະເທດໃນການເອົາຂ່າວ,ສູນຂ່າວດັ່ງກ່າວຈະຮັບຜິດຊອບການຕ້ອນຮັບນັກຂ່າວພາຍໃນແລະຕ່າງປະເທດ,ຈະຈັດໃຫ້ມີກອງປະຊຸມຖະແຫຼງຂ່າວແລະງານລ້ຽງນັກຂ່າວ,ຕິດຕໍ່ແລະຈັດຕັ້ງການສຳພາດໃຫ້ນັກຂ່າວຈີນແລະຕ່າງປະເທດ,ພ້ອມທັງເປີດບໍລິການເວັບໄຊທາງການແລະຄໍລຳທາງວິແຊັດຂອງສູນຂ່າວ,ເພື່ອສະໜອງຂໍ້ມູນຂ່າວສານແລະການຮັບປະກັນດ້ານເຕັກໂນໂລຊີທີ່ຈຳເປັນໃຫ້ແກ່ນັກຂ່າວໃນການເອົາຂ່າວແລະລາຍງານຂ່າວຕໍ່ກິດຈະກຳດັ່ງກ່າວ.
ນັກຂ່າວຈາກເຂດບໍລິຫານພິເສດຮົງກົງ,ເຂດບໍລິຫານພິເສດມາກາວ,ເຂດໄຕ້ຫວັນແລະນັກຂ່າວຕ່າງປະເທດສາມາດຈົດທະບຽນສະເໜີຊື່ເຂົ້າຮ່ວມການສຳພາດໂດຍຜ່ານເວັບໄຊຄືດັ່ງນີ້: http://reg70prc.zgjx.cn), ເຊິ່ງການຈົດທະບຽນແລະສະເໜີຊື່ໄດ້ເລີ່ມແຕ່ວັນທີ 22 ສິງຫານີ້ເປັນຕົ້ນໄປຈົນຮອດວັນທີ 8 ກັນຍາໜ້ານີ້.
ຄຳເຫັນ
0