ຕອນຄ່ຳ​ຂອງວັນ​ທີ 1 ຕຸ​ລາ​ປີ 2019ນີ້, ​ງານ​ສະ​ແດງ​ເພື່ອ​ສະ​ເຫຼີມ​ສະຫຼອງ​​ວັນ​ສະ​ຖາ​ປະ​ນາ ສປ ຈີນ ຄົບ​ຮອບ 70 ປີ​ ໄດ້​ຈັດ​ຂຶ້ນ​ຢູ່​ສະ​ໜາມຫຼວງ​ທ່ຽນ​ອ່ານ​ເມີນ​ນະ​ຄອນຫຼວງ​ປັກ​ກິ່ງ​ຢ່າງ​ຍິ່ງ​ໃຫຍ່​ອະ​ລັງ​ການ​ແລະ​ຄຶກ​ຄື້ນ​ມ່ວນ​ຊື່ນ​. ​ຜູ້​ນຳ​ພັກ​ລັດ​ຈີນ​ເຊັ່ນ: ທ່ານ​ສີ​ຈິ້ນ​ຜິງແລະ​ທ່ານ​ອື່ນໆ​ໄດ້​​ນັ່ງ​ຊົມ​ການ​ສະ​ແດງ​ທີ່​ຫໍ​ທ່ຽນ​ອ່ານ​ເມີນ ​ ​ສະ​ເຫຼີມ​ສະຫຼອງວັນ​ຊາດ​ຢ່າງ​ມ່ວນ​ຊື່ນຮ່ວມ​ກັນ​ກັບ​ມວນ​ຊົນ​ວົງ​ການ​ຕ່າງໆທົ່ວ​ປະ​ເທດ​ຈີນ.

ງານ​ສະ​ແດງ​ດັ່ງ​ກ່າວ​ໃຊ້​ເວ​ທີ 90 ນາ​ທີ, ​ເຊິ່ງ​ໄດ້​ສະ​ແດງ​ໃຫ້​ເຫັນ​ພາບ​ແຫ່ງ​ຄວາມມ່ວນ​ຊື່ນ​ທີ່​ມີ​​ເສ​ລີ​ພາບ, ມີ​ຊີ​ວິດ​ຊີ​ວາ, ມີ​ຄວາມ​ເບີກ​ບານ ແລະ​ປະ​ທັບ​ໃຈຂອງ​ປະ​ຊາ​ຊົນ​ຈີນ.