尚艳波

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ເດັດ​ດ່ຽວ​ຊຸກ​ຍູ້​ເສດ​ຖະ​ກິດ​ໂລ​ກາ​ພິ​ວັດດ້ວຍ​ການເປີດ​ປະ​ຕູ​ສູ່​ພາຍນອກ​ໃນ​ລະ​ດັບ​​ສູງກວ່າ​ເກົ່າ

2019-10-04 17:59:44 cri

ວັນ​ທີ 3 ຕຸ​ລາ​ນີ້, ວິ​ທະ​ຍຸ​ສາ​ກົນ​ແຫ່ງ​ປະ​ເທດ​ຈີນ​ຫຼືCRI ໄດ້​ອອກ​ບົດ​ວິ​​ເຄາະ​ຂ່າວ​ພາຍ​ໃຕ້​ຫົວ​ຂໍ້ “ເປີດ​ປະ​ຕູ​ສູ່​ພາຍນອກ​ໃນລະ​ດັບ​ສູງກວ່າ​ເກົ່າ ເດັດ​ດ່ຽວ​ຊຸກ​ຍູ້​ເສດ​ຖະ​ກິດ​ໂລ​ກາ​ພິ​ວັດ”.
 

ບົດ​ວິ​ເຄາະ​ຂ່າວ​ເນັ້ນວ່າ:ການ​ເປີດ​ປະ​ຕູ​ສູ່​ພາຍນອກ​ພາ​ໃຫ້​ມີ​ການ​ພັດ​ທະ​ນາ​ທີ່ຈະ​ເລີນ​ຮຸ່ງ​ເຮືອງ,ການ​ປິດ​ປະ​ຕູ​ຈະ​ເຮັດ​ໃຫ້​ການ​ພັດ​ທະ​ນາ​ຊັກ​ຊ້າ​ລົງ,​ເຊິ່ງຄົນ​ຈີນ​ແມ່ນ​ຮັບ​ຮູ້ຕໍ່​ກົດ​ເກນ​ທາງ​ປະ​ຫວັດ​ສາດ​ນີ້​ຢ່າງ​ຈະ​ແຈ້ງ. ໂດຍ​ຜະ​ເຊີນ​ກັບ​ລັດ​ທິ​ປົກ​ປ້ອງ​ການ​ຄ້າ​ແລະ​ລັດ​ທິ​ຝ່າຍ​ດຽວ​ທີ່​ກຳ​ລັງ​ມີ​ຂຶ້ນ,ຈີນ​ໄດ້​ຊຸກ​ຍູ້​ການ​ເປີດ​ປະ​ຕູ​ສູ່​ພາຍນອກ​ຢ່າງ​ເດັດ​ດ່ຽວ​ໜຽວ​ແໜ້ນ​​ຄື​ທີ່​ຜ່ານ​ມາ. ລົງ​ເລິກ​ການ​ປະ​ຕິ​ຮູບ​ຢ່າງ​ບໍ່​ຢຸດ​ຢັ້ງ,ເປີດກວ້າງ​ການ​ເປີດ​ປະ​ຕູ,ຈຶ່ງ​ແມ່ນ​ຂໍ​ກະ​ແຈ​ທີ່​ສຳ​ຄັນ​ໃນ​ການ​ຮັບ​ມື​ກັບ​ສິ່ງ​ທ້າ​ທາຍ​ແລະ​ຄວາມ​ສ່ຽງ​ຕ່າງໆ​ນາໆ. ຈີນ​ຈະ​ສືບ​ຕໍ່​ປະ​ຕິ​ບັດ​ຍຸດ​ທະ​ສາດ​ການ​ເປີດ​ປະ​ຕູ​ສູ່​ພາຍນອກ​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ,ພະ​ຍາ​ຍາມ​ຊຸກ​ຍູ້​ການ​ສ້າງ​ໂລກ​ທີ່​ມີ​ຄວາມ​ກ້າວ​ໜ້າ​ແລະ​ວັດ​ທະ​ນາ​ຖາ​ວອນຍິ່ງ​ຂຶ້ນ.
 

ບົດ​​ວິ​ເຄາະ​ຂ່າວ​ດັ່ງ​ກ່າວ​ຊີ້​ໃຫ້​ເຫັນ​ວ່າ: ໃນ 70 ປີ​ຜ່ານ​ມາ, ບົນ​ຈິດ​ໃຈ​ເພິ່ງ​ຕົນ​ເອງ​ກຸ້ມ​ຕົນ​ເອງ​ແລະບຸກ​ບືນ​ສູ້​ຊົນ​ຢ່າງ​ອົດ​ທົນ,ໂດຍ​ສະ​ເພາະ​ແມ່ນ​ການ​ປະ​ຕິ​ບັດ​ນະ​ໂຍ​ບາຍ​​ການປະ​ຕິ​ຮູບ​ແລະ​ເປີດ​ປະ​ຕູ​ສູ່​ພາຍນອກ,ຈີນ​ໄດ້​ສ້າງ​ຄວາມ​ມະ​ຫະ​ສະ​ຈັນ​ແຫ່ງ​ການ​ພັດ​ທະ​ນາ​ທີ່​ບໍ່​ເຄີຍ​ມີ​ມາ​ກ່ອນ​ໃນ​ປະ​ຫວັດ​ສາດ​ຂອງ​ມະ​ນຸດ. ໃນ 70 ປີ​ຜ່ານ​ມາ,ຈີນ​ໄດ້​ດຳ​ເນີນ​ການ​ເປີດກວ້າງ​ການ​ເປີດ​ປະ​ຕູ​ສູ່​ພາຍນອກ​​ແບບຄ່ອຍ​ເປັນ​ຄ່ອຍ​ໄປ,ເພີ່ມ​ການ​ຕິດ​ຕໍ່ພົວ​ພັນ​ແລະ​ໄປ​ມາ​ກັນ​ກັບ​ໂລກ​ຢ່າງ​ບໍ່​ຢຸດ​ຢັ້ງ,ເສດ​ຖະ​ກິດ​ໄດ້​ຮັບ​ການ​ພັດ​ທະ​ນາ​ແບບ​ກ້າວ​ກະ​ໂດດ​ຢ່າງ​ບໍ່​ຢຸດ​ຢັ້ງ,ກາຍ​ເປັນ​ກຸ່ມ​ເສດ​ຖະ​ກິດ​ທີ່​ໃຫຍ່​ອັນ​ດັບທີ​ສອງ​ຂອງ​ໂລກ.​ການ​ລົງ​ທຶນ​ຕໍ່​ຕ່າງ​ປະ​ເທດ​ໄດ້​ບັນ​ລຸ​ການ​ກ້າວ​ກະ​ໂດດ​ຈາກ​ສູນ​ຮອດ​ຮ້ອຍ​ຕື້​ໂດ​ລາ​ສະ​ຫະ​ລັດ ເຊິ່ງ​ໄດ້​ສ້າງ​ຕຳ​ແໜ່ງວຽກ​ເຮັດ​ງານ​ທຳ​ແລະ​ລາຍ​ໄດ້​ຈາກ​ພາ​ສີ​ອາ​ກອນ​ໃຫ້​ແກ່​ປະ​ເທດ​ທີ່​ຮັບ​ການ​ລົງ​ທຶນເປັນ​ຈຳ​ນວນ​ຫຼວງ​ຫຼາຍ. ເລື່ອງ​ຄວາມ​ເປັນ​ຈິງ​ໄດ້​ຢືນ​ຢັນ​ຢ່າງ​ເຕັມ​ສ່ວນ​ວ່າ:ການ​ປະ​ຕິ​ຮູບ​ແລະ​ເປີດ​ປະ​ຕູ​ສູ່​ພາຍນອກ​ແມ່ນ​ບາດ​ກ້າວ​ທີ່​ສຳ​ຄັນ​ໃນ​ການ​ຕັດ​ສິນ​ຊາ​ຕາ​ກຳ​ຂອງ​ຈີນ​ໃນ​ຍຸກ​ປັດ​ຈຸ​ບັນ ເຊິ່ງ​ບໍ່​ພຽງ​ແຕ່​ເຮັດ​ໃຫ້​ໂສມ​ໜ້າ​ທາງ​ເສດ​ຖະ​ກິດ​ຂອງ​ຈີນ​ໄດ້​​ເກີດ​ມີ​ການ​ປ່ຽນ​ແປງ​ເໝືອນ​ໜ້າ​ມື​ເປັນ​ຫຼັງ​ມື​ເທົ່າ​ນັ້ນ,ແຕ່​ຍັງ​ໄດ້​ເຮັດ​ໃຫ້​ເສດ​ຖະ​ກິດ​ໂລກ​ໄດ້​ຮັບ​ຜົນ​ປະ​ໂຫຍດ​ອີກ​ດ້ວຍ.

ຄຳ​ເຫັນ

0