ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ເນື່ອງໃນໂອກາດວັນສະຖາປະນາ ສປ ຈີນຄົບຮອບ 70 ປີ, ທ່ານ ເຊັນວິນອຸງ ປະທານສະມາຄົມມິດຕະພາບມຽນມາ-ຈີນໄດ້ໃຫ້ສຳພາດຕໍ່ນັກຂ່າວCRIໂດຍກ່າວວ່າ: ມຽນມາຄວນຖອດຖອນແລະຮ່ຳຮຽນນຳບົດຮຽນດ້ານການພັດທະນາຂອງຈີນ.
ທ່ານເຫັນວ່າ:ຜົນສຳເລັດທີ່ຈີນໄດ້ຮັບໃນ 70 ປີຜ່ານມາແມ່ນຍ້ອນອາການນຳພາທີ່ຖືກຕ້ອງຂອງພັກກອມມູນິດຈີນ. ຈີນຍຶດໝັ້ນເດີນຕາມເສັ້ນທາງແຫ່ງການພັດທະນາທີ່ສອດຄ່ອງກັບສະພາບຕົວຈິງຂອງຕົນ,ຍຶດໝັ້ນການປະຕິຮູບແລະເປີດປະຕູສູ່ພາຍນອກ,ປະເທດຈີນໃນຍຸກປັດຈຸບັນໄດ້ກາຍເປັນປະເທດທີ່ເຂັ້ມແຂງໃນດ້ານການພັດທະນາການເມືອງ,ເສດຖະກິດແລະສັງຄົມໃນລະດັບສູງ,ບົດຮຽນດ້ານການພັດທະນາຂອງຈີນເປັນທີ່ມຽນມາຄວນຖອດຖອນແລະຮຽນນຳ.
ປັດຈຸບັນ,ຈີນແລະມຽນມາພວມຊຸກຍູ້ການສ້າງ “ໜຶ່ງແລວໜຶ່ງເສັ້ນທາງ” ແລະແລວເສດຖະກິດຈີນ-ມຽນມາຢ່າງຕັ້ງໜ້າ. ທ່ານ ເຊັນວິນອຸງ ກ່າວວ່າ: ຂໍ້ລິເລີ່ມເສັ້ນທາງສາຍນີ້ບໍ່ພຽງແຕ່ສາມາດເຮັດໃຫ້ຈີນໄດ້ຮັບການພັດທະນາເທົ່ານັ້ນ,ແຕ່ຍັງສາມາດຊຸກຍູ້ການພັດທະນາຂອງປະເທດຢູ່ລຽບຕາມ “ໜຶ່ງແລວໜຶ່ງເສັ້ນທາງ”ອີກດ້ວຍ.ເບິ່ງໄປແລ້ວນີ້ແມ່ນເສັ້ນທາງແຫ່ງການຊຸກຍູ້ພັດທະນາເສດຖະກິດເສັ້ນໜຶ່ງ,ແຕ່ຖ້າປະເທດຕ່າງໆໃນໂລກລ້ວນແຕ່ໄດ້ຮັບການພັດທະນາຢູ່ໃນນີ້,ການຮຸກຮານແລະການປຸ້ນຈີ້ຢູ່ໃນໂລກກໍ່ຈະຫຼຸດໜ້ອຍລົງ,ສະນັ້ນ “ໜຶ່ງແລວໜຶ່ງເສັ້ນທາງ” ບໍ່ພຽງແຕ່ແມ່ນເສັ້ນທາງແຫ່ງການພັດທະນາທົ່າເນັ້ນ,ຫາກຍັງເປັນເສັ້ນທາງແຫ່ງສັນຕິພາບອີກດ້ວຍ.
ເມື່ອກ່າວເຖິງການພົວພັນລະຫວ່າງສອງປະເທດ,ທ່ານ ເຊັນວິນອຸງ ກ່າວອີກວ່າ: ມີແຕ່ຖະນຸທະໜອມແລະປົກປັກຮັກສາມິດຕະພາບລະຫວ່າງມຽນມາ-ຈີນໃຫ້ດີ,ຈຶ່ງຈະບັນລຸການໄດ້ຮັບຜົນປະໂຫຍດຮ່ວມກັນ,ສະນັ້ນຂ້າພະເຈົ້າຫວັງວ່າປະຊາຊົນຂອງສອງປະເທດສາມາດຮັບຮູ້ຄຸນຄ່າຂອງມິດຕະພາບລະຫວ່າງສອງປະເທດໄດ້,ພ້ອມທັງຮ່ວມກັນປົກປັກຮັກສາໃຫ້ດີ.
ຄຳເຫັນ
0