ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຊາວບ້ານຫຼຽງເຈ່ຍເຫີຖ່າຍຮູບຮ່ວມກັບທ່ານສີຈິ້ນຜິງເພື່ອໄວ້ເປັນທີ່ລະນຶກກ່ອນທ່ານອອກເດີນທາງໄປຮຽນຢູ່ມະຫາວິທະຍາໄລຊິງຮວາ
ຢູ່ເທິງຝາໃນຫໍພິພິດທະພັນປະຫວັດສາດບ້ານຫຼຽງເຈ່ຍເຫີ, ມີຮູບຖ່າຍລວມໝູ່ໃບໜຶ່ງເພື່ອເກັບໄວ້ທີ່ລະນຶກກ່ອນທີ່ທ່ານສີຈິ້ນຜິງຈະໄປຮຽນຢູ່ມະຫາວິທະຍາໄລຊິງຮວາທີ່ນະຄອນຫຼວງປັກກິ່ງ, ໃນຮູບຖ່າຍດັ່ງກ່າວ, ມີສະມາຊິກຄະນະພັກບ້ານ, ຍັງມີຊາວບ້ານທີ່ໄດ້ຮ່ວມກັນອອກແຮງງານແລະດຳລົງຊີວິດນຳກັນກັບທ່ານສີຈິ້ນຜິງໃນຕອນນັ້ນ. ການເວລາຜ່ານໄປ, ຊາວໜຸ່ມໃນເມື່ອກ່ອນດຽວນີ້ໄດ້ກາຍເປັນພໍ່ເຖົ້າອາຍຸ 60 ປາຍປີແລ້ວ, ສ່ວນລຽງຢູ້ພູ, ລຽງໂຢຮວາ, ລວີເໜີງເຊິ່ງ, ຂົງເຈິ່ນຈຸ່ນແລະຈ່າງຊິງຢວນ ຕ່າງກໍໄດ້ເສຍຊີວິດຈາກໂລກນີ້ໄປແລ້ວ. ເຖິງວ່າເວລາຜ່ານໄປ40 ປີແລ້ວກໍ່ຕາມ, ບັນດາຊື່ເຫຼົ່ານີ້ໄດ້ປາກົດຂຶ້ນໃນສະໝອງຂອງທ່ານສີຈິ້ນຜິງຫຼາຍໆເທື່ອ. ຕໍ່ໜ້າໝູ່ທີ່ເຄີຍຫຼິ້ນນຳກັນຕັ້ງແຕ່ນ້ອຍໃນຫຼຽງເຈ່ຍເຫີ, ທ່ານສີຈິ້ນຜິງບໍ່ເຄີຍຖືຕົນເອງວ່າເປັນ “ເຈົ້າໜ້າທີ່ການນຳ”
ປີ 1993, ທ່ານສີຈິ້ນຜິງໄດ້ເມື່ອຢາມບ້ານຫຼຽງເຈ່ຍເຫີ. ເວລານັ້ນ, ຈ່າງເວີ້ຍຜາງກຳລັງປູກເຂົ້າເບຼຢູ່ເທິງພູ, ເມື່ອໄດ້ຍິນວ່າ ທ່ານສີຈິ້ນຜິງກັບມາແລ້ວ, ກໍຟ້າວແລ່ນລົງຈາກພູ, ຫາກໍ່ຮອດເປີ້ນພູ ພໍດີພົບກັບທ່ານສີຈິ້ນຜິງ. ທ່ານຈ່າງເວີ້ຍຜາງບອກວ່າ: “ເມື່ອຈິ້ນຜິງເຫັນຂ້ອຍ, ເພິ່ນບໍ່ໄດ້ລັງກຽດຂ້ອຍເລີຍທັງທີ່ໂຕຂ້ອຍເປີເປື້ອນຈາກການເຮັດນາແລ້ວເພິ່ນໄດ້ຈັບມືຂ້ອຍໂລດທັງຖາມຂ່າວຄາວທຸກຢ່າງ, ຂ້ອຍຕື້ນຕັນໃຈຫຼາຍຈົນບໍ່ຮູ້ຊິເວົ້າຫຍັງດີ. ”
ເດືອນພະຈິກປີ 2009, ທ່ານສີຈິ້ນຜິງ ທີ່ເປັນຮອງປະທານປະເທດຈີນໃນເວລານັ້ນໄດ້ລົງເຄື່ອນໄຫວເຮັດວຽກແລະສຳຫຼວດຄົ້ນຄວ້າຢູ່ນະຄອນຢຽນອ່ານ,ເມື່ອທ່ານວາງຊ້ຽນຜິງ ທີ່ມີຊື່ຫຼິ້ນວ່າ “ໄຮຈື” ໄດ້ພົບທ່ານສີຈິ້ງຜິງແລ້ວສອງຄົນຈັບມືກັນແໜ້ນແໜ້ນ, ວາງຊ້ຽນຜິງທີ່ຕາມປົກກະຕິເປັນຄົນຊ່າງເວົ້າຊ່າງວ່າ ແຕ່ພັດເວົ້າບໍ່ອອກເລີຍ,ບໍ່ຮູ້ຊິເວົ້າຫຍັງດີ. ເພາະລາວບໍ່ຮູ້ຊິເອີ້ນທ່ານສີຈິ້ນຜິງວ່າ ຮອງປະທານສີ ຫຼືເອີ້ນວ່າ ຈິ້ນຜິງ. ຍັງແມ່ນທ່ານສີຈິ້ນຜິງເວົ້າກ່ອນວ່າ “ໄຮຈື, ເຈົ້າຕຸ້ຍຂຶ້ນຫຼາຍແລ້ວເນະທຽບໃສ່ເຮົາພົບກັນຄັ້ງຜ່ານມາ”ສອງຄົນໄດ້ລົມຫວນຄືນສະພາບທີ່ເຄີຍຫຼິ້ນນຳກັນໃນຕອນໄວໜຸ່ມ, ເວົ້າເຖິງເລື່ອງທີ່ຫຼິ້ນມວຍປ້ຳໃນຕອນນັ້ນ. ວາງຊ້ຽນຜິງເວົ້າວ່າ: “ຕອນນັ້ນເຮົາສອງຄົນອາຍຸຍັງນ້ອຍ, ແຕ່ວ່າ ຖ້າວ່າຕອນນັ້ນຂ້ອຍຮູ້ວ່າປັດຈຸບັນເຈົ້າເປັນຜູ້ນຳຕຳແໜ່ງສູງປານນີ້ ກໍບໍ່ກ້າແຂ່ງມວຍປ້ຳກັບເຈົ້າແລ້ວ”. ທ່ານສີຈິ້ນຜິງຕອບດ້ວຍການຫົວຢ່າງເບີກບານມ່ວນຊື່ນວ່າ : “ໂອ, ເວົ້າໄປ, ເຈົ້ານີ້”
ວັນທີ 13 ກຸມພາປີ 2015, ທ່ານສີຈິ້ນຜິງໄດ້ເມືອຢາມບ້ານຫຼຽງເຈ່ຍເຫີອີກຄັ້ງໃໝ່, ເພິ່ນພ້ອມກັບ ໝູ່ທີ່ເຄີຍຫຼິ້ນນຳກັນຕັ້ງແຕ່ນ້ອຍຍ່າງເຂົ້າໄປໃນບ້ານ ທັງລົມກັນທັງເວົ້ານົວຫົວນວນນຳກັນ. ແຕ່ກ່ອນ, ຊີວິດການເປັນຢູ່ຂອງຄອບຄົວຈ່າງເວີຍເຜິງທຸກຍາກຫຼາຍ. ທ່ານສີຈິ້ນຜິງຫາກໍ່ຂຶ້ນດຳລົງຕຳແໜ່ງເປັນເຂລາຄະນະພັກບ້ານຫຼຽງເຈ່ຍເຫີແລ້ວບໍ່ດົນ, ເພື່ອຊ່ວຍເຫຼືອຈ່າງເວີຍຜາງ, ເພິ່ນໄດ້ມອບສະບຽງອາຫານຂອງຕົນໃຫ້ຈ່າງເວີຍຜາງ ແລະກິນເຂົ້ານຳກັນກັບຄອບຄົວລາວ. ເມື່ອກ່າວເຖິງເລື່ອງນີ້, ທ່ານຈ່າງເວີຍຜາງຫວນຄືນວ່າ: “ຕອນກິນເຂົ້າຢູ່ເຮືອນຂ້ອຍ, ເມຍຂ້ອຍເຮັດຫຍັງໃຫ້ກິນ, ເພິ່ນກໍກິນນຳພວກເຮົາ, ເພິ່ນເປັນຄົນແບບນີ້ຫຼະ, ເຖິງວ່າອາຫານບໍ່ດີກໍຕາມ,ແຕ່ເພິ່ນກໍກິນໄດ້ແຊບທຸກຄາບເຂົ້າ, ເຖິງຈະເປັນຄົນທຸກຍາກແນວໃດກໍຕາມ,ລາວກໍບໍ່ເຄີຍດູຖູກ,ບໍ່ເຄີຍຖືວ່າໃຜສູງຫຼືໃຜຕ່ຳກໍເຄົາລົບນັບຖືເທົ່າທຽມກັນໝົດ.”
ເຖິງແມ່ນວ່າ ການເມື່ອຢາມບ້ານຫຼຽງເຈ່ຍຂອງທ່ານສີຈິ້ນຜິງໄດ້ຜ່ານໄປເປັນເວລາດົນພໍສົມຄວນກໍຕາມ, ແຕ່ເລື່ອງລາວຕ່າງໆທີ່ອົບອຸ່ນຫຼາຍເລື່ອງເວົ້າສຳລັບຊາວບ້ານຫຼຽງເຈ່ຍເຫີແລ້ວຍັງຈື່ໄດ້ດີເໝືອນດັ່ງປາກົດຕົວຢູ່ຕໍ່ໜ້າເລີຍ ຈົນມາເຖິງດຽວນີ້ຍັງຮູ້ສຶກວ່າອົບອຸ່ນຫຼາຍ.
ຄຳເຫັນ
0