黄理春

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ງານ​ວາງ​ສະ​ແດງ​​ການນຳ​ເຂົ້າ​ສາ​ກົນ​ຈີນເພີ່ມພະ​ລັງ​ແຮງ​ໃນ 3 ດ້ານ​ເພື່ອ​ຊຸກ​ຍູ້​ການ​ເປີດ​ປະ​ຕູ​ສູ່​ພາຍນອກ​ແລະ​ການ​ພັດ​ທະ​ນາ​ຮ່ວມ​ກັນ

2019-11-11 16:56:39 cri

ວັນ​ທີ 11 ພະ​ຈິກ​ນີ້, CRI ໄດ້​ອອກ​ບົດ​ວິ​ເຄາະ​ທີ່​ພາດ​ຫົວ​ຂໍ້​ວ່າ “ງານ​ວາງ​ສະ​ແດງ​ການນຳ​ເຂົ້າ​ສາ​ກົນ​ຈີນ​ເພີ່ມ​ພະ​ລັງ​ແຮງ​ໃນ​ 3 ດ້ານ​ເພື່ອ​ຊຸກ​ຍູ້​ການ​ເປີດ​ປະ​ຕູ​ສູ່​ພາຍນອກ​ແລະ​ການ​ພັດ​ທະ​ນາ​ຮ່ວມ​ກັນ”.

ບົດ​​ວິ​ເຄາະ​ລະ​ບຸ​ວ່າ, ງານ​ວາງ​ສະ​ແດງ​ການ​ນຳ​ເຂົ້າ​ສາ​ກົນ​ຈີນ​ຄັ້ງ​ທີ 2 ໄດ້​ສິ້ນ​ສຸດ​ລົງ​ຢູ່​ນະ​ຄອນ​ຊຽງ​ໄຮ້​ໃນ​ວັນ​ທີ 10 ພະ​ຈິກ​ນີ້. ໃນ​​ໄລ​ຍະ 6 ວັນ​ຜ່ານ​ມາ​ໄດ້​​ປະ​ສົບ​ຜົນ​ສຳ​ເລັດ​ຕ່າງໆ​ຢ່າງ​ອຸ​ດົມ​ສົມ​ບູນ, ​ເປັນ​ການ​ຢືນ​ຢັນ​ໝາກ​ຜົນ​ທີ່​ວ່າ “ຈີນ​ເປັນ​ຜູ້​ສ້າງ​ເວ​ທີ​ແລະ​ທົ່ວ​ໂລກ​​ໃຫ້​ການສະ​ໜັບ​ສະ​ໜູນ”, ໄດ້​ເພີ່ມ​ພະ​ລັງ​ແຮງ​ໃໝ່​ເພື່ອ​ຊຸກ​ຍູ້​ເສດ​ຖະ​ກິດ​ໂລ​ກາ​ພິ​ວັດ, ມີ​ຜົນ​ດີ​ຕໍ່​ການ​ເປີດ​ປະ​ຕູ​ສູ່​ພາຍນອກ, ການ​ຮ່ວມ​ມື​ແລະ​ການ​ພັດ​ທະ​ນາ​ຮ່ວມ​ກັນ​ຂອງ​ປະ​ຊາ​ຄົມ​ໂລກ.

ບົດ​ວິ​ເຄາະ​ຊີ້​ໃຫ້​ເຫັນ​ວ່າ, ງານ​ວາງ​ສະ​ແດງ​ການ​ນຳ​ເຂົ້າ​ສາ​ກົນ​ຈີນ​ໄດ້​ຊຸກ​ຍູ້​ໃຫ້​​ການ​ຄ້າ​ຫັນ​ເປັນ​ແບບ​ທົ່ວ​ໂລກ​ແລະ​ການ​ເຕີບ​ໂຕ​ຂອງ​ເສດຖະ​ກິດ​ໂລກ. ​ພາຍ​ໃຕ້​ສະ​ພາບ​ການ​ທີ່​ລັດ​ທິ​ປົກ​ປ້ອງ​ການ​ຄ້າ, ​ແລະລັດ​ທິ​ຝ່າຍ​ດຽວ​ຟື້ນ​ຕົວ​ຄືນ​​ພ້ອມ​ທັງເສດ​ຖະ​ກິດ​ໂລກ​ປະ​ສົບ​​ກັບແຮງ​ກົດ​ດັນ​ດ້ານ​ການ​ພັດ​ທະ​ນາໃນ​ປັດ​ຈຸ​ບັນ, ງານ​ວາງ​ສະ​ແດງ​ການ​ນຳ​ເຂົ້​າ​ສາ​ກົນ​ຈີນ​ມີ​ມູນ​ຄ່າ​ຊື້​ຂາຍ​ໃນ​ຂໍ້​ຜູກ​ພັນເພີ່ມ​ຂຶ້ນ​ຢ່າງ​ຫຼວງ​ຫຼາຍ, ມີ​ລະ​ດັບ​ເປັນ​ສາ​ກົນ​ແລະ​ລະ​ດັບມື​ອາ​ຊີບ​ສູງກວ່າ​ເກົ່າ, ທັງ​ມີ​ວິ​ທະ​ຍາ​ສາດ​ເຕັກ​ນິກ​ຫຼາຍກວ່າ​ເກົ່າ, ນີ້​ສະ​ແດງ​ໃຫ້​ເຫັນ​ວ່າ​ງານ​ວາງ​ສະ​ແດງ​ການ​ນຳ​ເຂົ້າ​ພວມ​ກາຍ​ເປັນ​ເຄື່ອງ​ມື​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ​ໂລກ. ພ້ອມ​ກັນ​ນັ້ນ, ໂດຍ​ຜ່າ​ນ​ການ​ແລກ​ປ່ຽນ​ວັດ​ທະ​ນະ​ທຳ​ແລະ​ທັດ​ສະ​ນະ​ຄະ​ຕິ, ແລກ​ປ່ຽນ​ແນວ​ຄິດ​ແລະ​​ເຕົ້າໂຮມ​ຄວາມ​ເຫັນ​ທີ່​ເປັນ​ເອກ​ະ​ພາບ​ກັນ, ງານ​ວາງ​ສະ​ແດງ​ກາ​ນ​ນຳ​ເຂົ້າ​ສາ​ກົນ​ຈີນ​ກໍ​ໄດ້​ສະ​ແດງ​ໃຫ້​ເຫັນ​ພະ​ລັງ​​ທີ່ເຂັ້ມ​ແຂງ​ໃນ​ການຕໍ່​ຕ້ານ​ລັດ​ທິ​ປົກ​ປ້ອງ​ການ​ຄ້າ​ແລະ​ສະ​​ໜັບ​ສະ​ໜູນ​ເສດ​ຖະ​ກິດ​ໂລ​ກາ​ພິ​ວັດ. ງານ​ວາງ​ສະ​ແດງ​ການ​ນຳ​ເຂົ້າ​ສາ​ກົນ​ຈີນ​ໄດ້​ສະ​ແດງ​ໃຫ້​ເຫັນ​ທັດ​ສະ​ນະ “​ຊົມ​ໃຊ້​ຮ່ວມ​ກັນ” ຕໍ່​ທົ່ວ​ໂລກ​ຢ່າງ​ເຕັມ​ທີ່, ໄດ້​ກາຍ​ເປັນ​ພຶດ​ຕິ​ກຳ​ທີ່​ມີ​ຊີ​ວິດ​ຊີ​ວາ​ແຫ່ງ​ການ​ສ້າງ​ປະ​ຊາ​ຄົ​ມ​ຮ່ວມ​ຊາ​ຕາ​ກຳ​ມວນ​ມະ​ນຸດ.

ຄຳ​ເຫັນ

0