ປີ 1999 ເປັນ​ປີ​ໜຶ່ງ​ທີ່​ເມືອງ​ຢຽນ​ອ່ານ​ເກີດ​ມີ​ການ​ປ່ຽນ​ແປງ​ຢ່າງ​ໃຫຍ່​ໃນ​ດ້ານ​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ. ພາຍ​ໃຕ້​ການ​ຊຸກ​ຍູ້​​ນະ​ໂຍ​ບາຍຂອງ​ລັດ​ຖະ​ບານ​ກ່ຽວ​ກັບ​ການ​ຟື້ນ​ຟູ​ເຂດ​ປ່າ​ໄມ້​ທີ່​ຖືກ​ທຳ​ລາຍ​ເພື່ອ​ທຳ​ການ​ຜະ​ລິດ​ໃນ​ເມື່ອ​ກ່ອນ ຫັນ​ມາ​ປູກ​ໄມ້​ເພື່ອ​ສ້າງ​ປ່າ​ຄືນ​ໃໝ່, ​ເມືອງ​ຢຽນ​ອ່ານ​ໄດ້​ເຊົາ​ປູກ​ຝັງ​ຢູ່​ຕາມ​ດິນໂນນ​ທັງ​ໝົດ ແລະ​ກັບ​ມາ​ປູກ​ໄມ້​ສ້າງ​ປ່າ​ຄືນ, ໄດ້ກາຍ​ເປັນ​ຂະ​ບວນການ​ປະ​ຕິ​ວັດ​ສີ​ຂຽວ​ຢ່າງ​ຟົດ​ຟື້ນ​ອີກ​ຄັ້ງໃນ​ທົ່ວ​ເມືອງ​ຢຽນ​ອ່ານ.

 

ນັບ​ແຕ່​ຢຸດ​ຕິ​ການປູກ​ຝັງ​ແລະ​ປູກ​ໄມ້​ສ້າງ​ປ່າ​ຄືນ​ໃໝ່​ເມື່ອ​ປີ 1999 ເປັນ​ຕົ້ນ​ມາ, ເມືອງ​ຢຽນ​ອ່ານ​ໄດ້​ເຊົການ​ປູກ​ຝັງ​ຢູ່​ຕາມ​ທີ່ເນື້ອ​ທີ່ການ​ຜະ​ລິດ ຫຼາຍ ກວ່າ 6 ແສນ 6 ໝື່ນກວ່າ​ເຮັກ​ຕາ, ເຮັດ​ໃຫ້​ແຜ່ນ​ດິນ​ຢຽນ​ອ່ານ​ຈາກ​ສີ​ເຫຼືອງ​ໃນ​ເມື່ອ​ກ່ອນ​ກາຍ​ເປັນ​ແຜ່ນ​ດິນ​ທີ່​ຂຽວ​ງາມ.
 

 

​ທິວ​ທັດຍ່າມ​ເຊົ້າ​ຂອງ​ບ້ານຫຼຽງ​ເຈ່ຍ​ເຫີ​ໃນ​ປັດ​ຈຸ​ບັນ
 

ວັນ​ທີ 28 ສິງ​ຫາ 2007, ທ່ານ​ສີ​ຈິ້ນ​ຜິງ​ໄດ້​ຕອບ​ຈົດ​ໝາຍ​​ພໍ່​ແມ່​ປະ​ຊາ​ຊົນ ໂດຍ​ກ່າ​ວວ່າ, ເພິ່ນ​ຮູ້​ສຶກ​ດີ​ໃຈ​ທີ່​ສຸດເມື່ອ​ຮູ້​ວ່າ​ບ້ານ​ຫຼຽງ​ເຈ່ຍ​ເຫີ​ພູ​ຂຽວ​ງາມ​ຂຶ້ນ ນ້ຳ​ສົດ​ໃສ​ກວ່າ​ເກົ່າ. ໃນ​ຈົດ​ໝາຍ ທ່ານ​ໄດ້ໃຫ້​ກຳ​ລັງ​ໃຈ​ປະ​ຊາ​ຊົນ​ວ່າ,ໂດຍ​ພາຍ​ໃຕ້​ການ​ຊີ້​ນຳ​ທີ່​ຖືກ​ຕ້ອງ​ຂອງ​ນະ​ໂຍ​ບາຍ​ພັກ​ກ່ຽວ​ກັບ​ການ​ສ້າງ​ຄວາມ​ຮັ່ງ​ມີ​ໃຫ້​ແກ່​ປະ​ຊາ​ຊົນ​, ແລະ​ພາຍ​ໃຕ້​ການ​ນຳ​ພາ​ຂອງ​ຄະ​ນະ​ພັກ​​ບ້ານແລະ​ຄະ​ນະ​ກຳ​ມະ​ການ​ຊາວ​ບ້ານ, ແລະ​ຄວາມ​ພະ​ຍາ​ຍາມ​ຮ່ວມ​ກັນ​ຂອງ​ປະ​ຊາ​ຊົນ, ຊີ​ວິດ​ການ​ເປັນ​ຢູ່​ຂອງ​ຊາວ​ບ້ານກໍ​ຈະ​ນັບ​ມື້​ນັບ​ດີ​ຂຶ້ນ​ເປັນ​ກ້າວໆ.

 

ເດືອນ​ກໍ​ລະ​ກົດ 2013, ເມືອງ​ຢຽນ​ອ່ານ​ປະ​ສົບ​ຝົນ​ຕົກ​ໜັກ​ຢ່າງ​ຕໍ່​ເນື່ອງ​ທີ່​ຮ້າຍ​ແຮງ​ທີ່​ສຸດ​ນັບ​ແຕ່​ມີ​ການ​ບັນ​ທຶກ​ສະ​ພາບ​ອາ​ກາດເມື່ອ​ປີ 1945 ເປັນ​ຕົ້ນ​ມາ. ປະ​ຊາ​ຊົນ​ຈຳ​ນວນ 1 ລ້ານ 5 ແສນ 4 ໝື່ນ 5 ພັນ​ຄົນ​ຂອງເມືອງ​ຢຽນ​ອ່ານ​ໄດ້​ຮັບ​ຜົນ​ກະ​ທົບ, ເຮັດ​ໃຫ້​ມີ​ຄວາມ​ເສຍ​ຫາຍ​ໂດຍ​ກົງດ້ານ​ເສດ​ຖະ​ກິດເຖິງ 12 ຕື້​ກວ່າຢວນ. ໃນ​ໄພ​ທຳ​ມະ​ຊາດ​ທີ່​ໜັກ​ໜ່ວງ​ຄັ້ງ​ນີ້, ​ເຮັດ​ໃຫ້ເຮືອນ​ຖ້ຳ​ຂອງ​ປະ​ຊາ​ຊົນ​ບ້ານ​ຫຼຽງ​ເຈ່ຍ​ເຫີ 80% ຖືກ​​ຜົນ​ເສຍ​ຫາຍ, ບາງ​ແຫ່ງ​ຈົນ​ພັງ​ທະ​ລາຍ.
 

​ຫຼັງ​ໄພ​ພິ​ບັດ, ອົງ​ການ​ປົກ​ຄອງ​ທ້ອງ​ຖີ່ນ​ຕົກ​ລົງດຳ​ເນີນ​ວ່າ​ສ້າງ​ບ້ານ​ຄືນ​ໃໝ່ ໂດຍ​ຍົກ​ຍ້າຍປະ​ຊາ​ຊົນ 100 ກວ່​ຄອບ​ຄົວ​ບ້ານ​ຫຼຽງ​ເຈ່ຍ​ເຫີ​ໄປ​ຢູ່​​ຢູ່​ໃນ​ເມືອງ​ນ້ອຍ​ເວີນ​ອ່ານອີ້, ເດັກ​ນ້ອຍ​ທັງ​ໝົດກໍໄດ້​ເຂົ້າ​ໂຮງ​ຮຽນອະ​ນຸ​ບານ, ໂຮງ​ຮຽນ​ປະ​ຖົມ​, ໄດ້​ຮັບ​ການ​ສຶກ​ສາກ​ທີ່​ດີກວ່າ​ເກົ່າ.

 

ເດືອນ​ມັງ​ກອນ 2014, ຄະ​ນະ​ກຳ​ມະ​ການ​ຊາວ​ບ້ານ​ຂອງ​ບ້ານ​ຫຼຽງ​ເຈ່ຍ​ເຫີ ໄດ້​ຂຽນ​ຈົດ​ໝາຍ​ໄປ​ຍັງ​ທ່ານ​ສີ​ຈິ້ນ​ຜິງ ທີ່​ເປັນ​ເລ​ຂາ​ທິ​ການ​ໃຫຍ່​ສູນ​ກາງ​ພັກ​ກອມ​ມູ​ນິດ​ຈີນ ໂດຍ​ໄດ້​ລາຍ​ງານ​ຢ່າງ​ລະ​ອຽດ​ກ່ຽວ​ກັບ​ສະ​ພາບ​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ ແລະ​ການ​ກໍ່​ສ້າງ ​ຂອງ​ບ້ານ. ວັນ​ທີ 5 ພຶ​ດ​ສະ​ພາປີ​ດຽວ​ກັນ, ທ່ານ​ສີ​ຈິ້ນ​ຜິງ​ໄດ້​ຕອບ​ຈົດ​ໝາຍ ໂດຍ​ກ່າວ​ວ່າ:“ລະ​ດູ​ຮ້ອນ​ປີ​ກາຍ, ເມືອງ​ຢຽນ​ຊວນ​ປະ​ສົບ​ໄພ​ຝົນ​ຕົກ​ໜັກ​ຢ່າງ​ຕໍ່​ເນື່ອງ, ຂ້າ​ພະ​ເຈົ້າ​ເປັນ​ຫ່ວງ​ນຳ​ພໍ່​ແມ່​ປະ​ຊາ​ຊົນ​ຕະ​ຫຼອດ. ພາຍ​ໃຕ້​ການ​ສະ​ໜັບ​ສະ​ໜູນ​ຂອງ​ພັກ​ແລະ​ລັດ​ຖະ​ບານ, ຄະ​ນະ​ກຳ​ມະ​ການ​ຊາວ​ບ້ານ​ໄດ້​ນຳ​ພາ​ປະ​ຊາ​ຊົນ​ຕັ້ງ​ໜ້າ​ດຳ​ເນີນ​​ກູ້​ໄພ​ແລະ​ຊ່ວຍ​ເຫຼືອ​ດ້ວຍ​ຕົນ​ເອງ, ​ພ້ອມ​ທັງ​ດຳ​ເນີນ​ການ​ກໍ​ສ້າງ​ສາ​ຄືນ​ໃໝ່​ຢ່າງ​ຮອບ​ດ້ານ, ພັດ​ທະ​ນາ​ການ​ຜະ​ລິດ​ກະ​ສິ​ກຳ​ຢ່າງ​ໜັກ​ແໜ້ນ, ເຮັດ​ໃຫ້​ປະ​ຊາ​ຊົນ​ມີ​ລາຍ​ໄດ້​ເພີ່ມ​ຂຶ້ນຕື່ມ​ອີກ, ຂ້າ​ພະ​ເຈົ້າ​ປິ​ຕິ​ຍິນ​ດີ​ເປັນ​ຢ່າງ​ຍິ່ງ​ແລະ​ຂໍ​ຊົມ​ເຊີຍ​ຕໍ່​ເລື່ອງນີ້. ປີນີ້ ທາງ​ບ້ານ​ໄດ້​ວາງ​ແຜນ​ການ​ພັດ​ທະ​ນາອອກ​ມາ, ຫວັງ​ວ່າ​ຄະ​ນະ​ກຳ​ມະ​ການ​ຊາວ​ບ້ານ​ຈະ​ນຳ​ພາ​ປະ​ຊາ​ຊົນ​ເຮັດ​ແທ້​ທຳ​ຈິງ, ພະ​ຍາ​ຍາມ​ສ້າງ​ຊີ​ວິດ​ການ​ເປັນ​ຢູ່​ໃຫ້​ດີ​ກວ່າ​ເກົ່າ, ແລະ​​ສ້າງ​ບ້ານໃຫ້​ສວຍ​ງາມ​ຂຶ້ນກວ່າ​ເກົ່າ.”

 

ນາງ​ຫຼິວ​ຈິ່ນ​ຫຼຽ​ນ ເຈົ້າ​ຂອງ​ເຮືອນ​ຖ້ຳ​ທີ່​ ​ທ່ານ​ສີ​ຈິ້ນ​ຜິງເຄີຍ​ອາ​ໄສ​ຢູ່​ນັ້ນ​ບອກວ່າ, ​ດຽວນີ້ ຖ້າ​ວ່າ​ເຈັບ​ເປັນ, ຈະ​ບໍ່ອົດ​ທົນ​ຢູ່​ເຮືອນ​ອີກຕໍ່​ໄປ. ຕົ້ນ​ປີ 2015 ນາງ​ເຈັບ​ແຂນ, ເມື່ອ​ໄປ​ກວດ​ຢູ່​ໂຮງ​ໝໍ​ແລ້ວ​ ພົບວ່າ​ເປັນ​ຊີ້ນ​ປົ່ງ​ຢູ່​ແຂນ, ກໍ່​ຜ່າ​ຕັດ. ນາງ​ຫຼິວ​ຈິນ​ຫຼຽນ​ບອກວ່າ​ຄ່າ​ປົວ​ແມ່ນ​ທາງ​ລັດ​ຖະ​ບານ​ໄດ້​​ຈ່າຍໃຫ​ຍ້ເກືອບ 8 ພັນ​ຢວນ, ຖື​ວ່າ​ຊ່ວຍ​ຫຼາຍ​ທີ່​ສຸດ​ແລ້ວ.
 

ນອກ​ຈາກ​​ລະ​ບຽບ​ການ​ປະ​ກັນ​ໄພ​ປິ່ນ​ປົວ​ພະ​ຍາດ​ແບບ​ຮ່ວມ​ມື​ກັນ​ແລ້ວ, ພໍ່​ແມ່​ປະ​ຊາ​ຊົນ​ຢູ່​ບ້ານ​ຫຼຽງ​ເຈ່ຍ​ເຫີ ກໍ່​ມີ​ປະ​ກັນ​ໄພ​ລ້ຽງ​ຊີບ​ຜູ້​ເຖົ້າ ເຊິ່ງ​ຜູ້​ເຖົ້າ​ທີ່​ອາ​ຍຸ 60 ປີ​ຂຶ້ນ​ໄປ ແຕ່​ລະ​ຄົນ​ແຕ່​ລະ​ເດືອນ​ຈະ​ໄດ້​ຮັບ​ເງິນ​ເບ້ຍ​ລ້ຽງ​ຜູ້​ເຖົ້າ​ໃນ​ລະ​ດັບ​ຕ່າງ​ກັນ.
 

ປະ​ຊາ​ຊົນ​ບ້ານ​ຫຼຽງ​ເຈ່ຍ​ເຫີ ທີ່​ຮັ່ງ​ມີ​ຂຶ້ນ​ນັ້ນ​ກໍ່​ນັບ​ມື້​ນັບ​ໃຫ້​ຄວາມ​ສຳ​ຄັນ​ຕໍ່​ການສຶ​ສາ​ຂອງ​ລູກ, ເຊິ່ງ​ພາ​ກັນ​ສົ່ງ​ລູກ​ໄປ​ຮັບ​ການ​ສຶກ​ສາ​ທີ່​ດີກວ່າ​ຢູ່​ໃນ​ໂຮງ​ຮຽນ​ຂອງ​ເມືອງ, ປັດ​ຈຸ​ບັນ ໄດ້​ມີ​ສິບກວ່າ​ຄົນ​ເສັງ​ເຂົ້າ​ມະ​ຫາ​ວິ​ທະ​ຍາ​ໄລ​ແລ້ວ.
 

 

ປາກ​ຮ່ອມ​ບ້ານຫຼຽງ​ເຈ່ຍ​ເຫີ
 

ປີ 2017, ​ສະ​ເລ່ຍລາຍ​ຮັບ​ສຸດ​ທິ​ຂອງ​ປະ​ຊາ​ຊົນ​ບ້ານ​ຫຼຽງ​ເຈ່ຍ​ເຫີ​ບັນ​ລຸ 20826 ຢວນ​ຕໍ່​ຄົນ,ເພີ່ມ​ຂຶ້ນ​ຫຼາຍກວ່າ​ປີ 2016 15,7%.
 

ບໍ​ລິ​ສັດ​ພັດ​ທະ​ນາ​ການ​ທ່ອງ​ທ່ຽວ​ວັດ​ທະ​ນະ​ທຳ​ບ້ານ​ຫຼຽງ​ເຈ່ຍ​ເຫີ, ສະ​ມາ​ຄົມ​ຮ່ວມ​ມືລ້ຽງ​ໝູ, ສະ​ມາ​ຄົມ​ຮ່ວມ​ມື​ ​ການ​ປູກ​ໝາກແອບ​ເປີນ, ການ​ຜະ​ລິດ​ຜະ​ລິດ​ຕະ​ພັນ​ຂະ​ໜາດນ້ອຍ, ການ​ສ້າງ​ບ້ານ​ພັກ​ເພື່ອ​ໃຫ້​ນັກ​ທ່ອງ​ທ່ຽວ ​ໄດ້​ສຳ​ຜັດ​ກັບ​ວິ​ຖີ​ຊີ​ວິດ​ຂອງ​ທ້ອງ​ຖິ່ນ​ແລະອື່ນໆ ເຊິ່ງການ​ສ້າງ​ຄວາມ​ຮັ່ງ​ມີ​ໃນ​ຮູບ​ແບບ​ຕ່າງໆ​ໂຮມ​ສູນ​ກັນ ໄດ້​ນຳ​ພາ​ບ້ານ​ຫຼຽງ​ເຈ່ຍ​ເຫີ​ເຂົ້າ​ສູ່​​ການ​ພັດ​ທະ​ນາ​ແບບໃໝ່.
 

ວັນ​ທີ 18 ຕຸ​ລາ 2017, ປະ​ຊາ​ຊົນ​ບ້ານ​ຫຼຽງ​ເຈ່ຍ​ເຫີ ໄດ້​ເຕົ້າ​ໂຮມ​ກັນ​ຢູ່​ທີ່​ຫ້ອງ​ການ​ຄະ​ນະ​ພັກບ້ານ ຄອງຄອຍ​ເບິ່ງ​ການ​ຖ່າຍ​ທອດ​​ສົດ​ກ່ຽວ​ກັບ​ການ​ໄຂ​ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ 19 ຂອງ​ພັກ​ກອ​ມ​ມູ​ນິດ​ຈີນ.
 

ເມື່ອ​ໄດ້​ຟັງ​ການ​ກ່າວ​ບົດ​ລາ​ຮຍ​ງານ​ຂອງ​ທ່ານ​ເລ​ຂາ​ທິ​ການ​ໃຫຍ່​ສີ​ຈິ້​ນ​ຜິງ​ແລ້ວ, ປະ​ຊາ​ຊົນ​ຮູ້​ສຶກວ່າ​ຄຳ​ເວົ້າ​ຂອງ​ທ່ານ​ໄດ້​ໃຈ​ຫຼາຍ, ຄົນ​ທັງ​ຫຼາຍ​ພາ​ກັນ​ລົມ​ກັນ​ຢ່າ​ງ​ຄຶກ​ຄື້ນ, ແລະ​ ​ເບິ່ງ​ເຫັນອະ​ນາ​ຄົດ​ທີ່​ດີ​ງາມ​ກວ່າ​ເກົ່າດ້ວຍ​ຄວາມ​ໝັ້ນ​ໃຈ​ອັນ​ເຕັມ​ປ່ຽມ.
 

ບ້ານ​ຫຼຽງ​ເຈ່ຍ​ເຫີ ບ້ານ​ນ້ອຍໆທຳ​ມະ​ດາຢູ່​ເຂດ​ພູ​ດອຍ ເຄີຍ​ເປັນ​ບ່ອນ​ທີ່​ຝາກ​ຝັງ​ຄວາມ​ຝັນ​ໄວ້ໃນ​ແຕ່​ກ່ອນ, ດຽວນີ້ ໄດ້​ກາຍ​ເປັນ​ບ່ອນ​ທີ່​ເຮັດ​ໃຫ້​ຄວາມ​ຝັນ​ບັນ​ລຸ​ຜົນ​ເປັນ​ຈິງແລ້ວ.