ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 20 ເມສາ 2020, ທ່ານສີຈິ້ນຜິງໄດ້ໄປສຳຫຼວດກວດກາເຂດປ່າສະຫງວນທຳມະຊາດລະດັບຊາດນິວເປີ້ຍຫຼຽງ
ທ່ານສີຈິ້ນຜິງກ່າວເນັ້ນວ່າ: ການກໍ່ສ້າງເຮືອນວິນລາຢ່າງຜິດກົດໝາຍຢູ່ສາຍພູຊິນຫຼິງເປັນບົດຮຽນດ້ານລົບທີ່ຮ້າຍແຮງ. ແຕ່ນີ້ເປັນຕົ້ນໄປ, ຜູ້ໃດທີ່ເປັນເຈົ້າໜ້າທີ່ການນຳຢູ່ແຂວງສ້ານຊີ່ຄວນຕ້ອງຮູ້ບົດຮຽນນີ້ສາກ່ອນ, ຢ່າສູ່ກະທຳຜິດຊ້ຳຮອຍເກົ່າ, ຕ້ອງເປັນຜູ້ປ້ອງກັນລະບົບນິເວດຂອງສາຍພູຊິນຫຼິງຢ່າງແທ້ຈິງ. ທ່ານກ່າວວ່າ:ເລື່ອງນີ້ເປັນບົດຮຽນດ້ານລົບທີ່ຮ້າຍແຮງສຳລັບສ້ານຊີ່. ຂ້າພະເຈົ້າເຫັນວ່າ:ໃນຕໍ່ໜ້າ, ຜູ້ທີ່ມາເປັນເຈົ້າໜ້າທີ່ການນຳຢູ່ສ້ານຊີ່, ຕ້ອງຮຽນຮູ້ບົດຮຽນອັນນີ້ສາກ່ອນ, ຮຽນຮູ້ປະຫວັດສາດຂອງເຂດນີ້, ຢ່າສູ່ກະທຳຜິດຊ້ຳຮອຍເກົ່າ.ເຮັດແນວນີ້ຈຶ່ງຈະຮູ້ວ່າຕົນເອງຈະປະຕິບັດໜ້າທີ່ຫຍັງແດ່, ມີຄວາມຮັບຜິດຊອບຫຍັງແດ່ແລະພວມປ້ອງກັນຫຍັງແດ່.
ສຳລັບການກະທຳທີ່ແຕະຕ້ອງເສັ້ນເກືອດຫ້າມໃນດ້ານການອະນຸລັກນິເວດທຳມະຊາດ, ທ່ານສີຈິ້ນຜິງໄດ້ມີທ່າທີທີ່ບໍ່ເຄີຍໂຍະຍານແມ່ນແຕ່ໜ້ອຍດຽວມາໂດຍຕະຫຼອດ.ໃນຊຸມປີມໍ່ໆມານີ້, ທ່ານສີຈິ້ນຜິງໄດ້ໄປສຳຫຼວດຄົ້ນຄວ້າວຽກງານຢູ່ແຫ່ງຕ່າງໆໃນທົ່ວປະເທດ.ເມື່ອໃດທ່ານໄປຮອດເຂດພູດອຍ, ທ່ານສີຈິ້ນຜິງກໍໄດ້ຕັກເຕືອນວ່າ: ຕ້ອງອະນຸລັກສິ່ງແວດລ້ອມທຳມະຊາດໃຫ້ດີ, ເຮັດໃຫ້ພູຂຽວນໍ້າໃສຢູ່ສະເໝີ,ແລະນຳເອົາຜົນປະໂຫຍດມາໃຫ້ປະຊາຊົນຕະຫຼອດໄປ.
ສາຍພູຊີລຽນເປັນແຫຼ່ງຂອງຍອດນໍ້າທີ່ສຳຄັນຢູ່ລຸ່ມແມ່ນໍ້າເຫຼືອງ,ແມ່ນເຂດທີ່ໄດ້ກຳນົດໃຫ້ເປັນບູລິມະສິດໃນການອະນຸລັກຄວາມຫຼາກຫຼາຍຂອງຊີວະນານາພັນຂອງຈີນ, ແຕ່ຍ້ອນວ່າໄດ້ມີການບຸກເບີກພັດທະນາຫຼາຍເກີນໄປ, ເຄີຍເກີດມີບັນຫາທີ່ທຳລາຍລະບົບນິເວດຢ່າງໜັກໜ່ວງຢູ່ບາງສ່ວນ. ກ່ຽວກັບບັນຫາການທຳລາຍລະບົບນິເວດຢູ່ສາຍພູຊີລຽນ, ທ່ານສີຈິ້ນຜິງກໍເຄີຍໄດ້ໃຫ້ທິດຊີ້ນຳທີ່ສຳຄັນມາຫຼາຍເທື່ອແລ້ວ,ໂດຍສັ່ງໃຫ້ “ເລັ່ງລັດແກ້ໄຂບັນຫາທີ່ພົ້ນເດັ່ນ, ປັບປຸງແກ້ໄຂບັນຫາການກະທຳຜິດໃນການທຳລາຍສິ່ງແວດລ້ອມ, ຊຸກຍູ້ການອະນຸລັກແລະ ຟື້ນຟູສິ່ງແວດລ້ອມຢູ່ສາຍພູຊີລຽນ.”
ເດືອນກຸມພາປີ 2017, ໜ່ວຍສະເພາະກິດເພື່ອຕິດຕາມກວດກາຂັ້ນສູນກາງໄດ້ດຳເນີນການຕິດຕາມກວດກາ. ກອງປະຊຸມຄະນະປະຈຳກົມການເມືອງສູນກາງພັກກອມມູນິດຈີນໄດ້ຮັບຟັງການລາຍງານຜົນການຕິດຕາມກວດກາ,ຄົ້ນຄວ້າຢ່າງເລິກເຊິ່ງກ່ຽວກັບຄະດີທີ່ກ່ຽວຂ້ອງກັບສິ່ງແວດລ້ອມທຳມະຊາດທີ່ຖືກທຳລາຍຢ່າງໜັກໜ່ວງຢູ່ເຂດປ່າສະຫງວນລະດັບຊາດຢູ່ສາຍພູຊີລຽນແຂວງກ່ານຊູ້, ທັງໄດ້ລົງໂທດຜູ້ຮັບຜິດຊອບທີ່ກ່ຽວຂ້ອງຢ່າງເດັດຂາດ.
ຈາກບັນຫາການສ້າງເຮືອນວິນລາຢ່າງຜິດກົດໝາຍຢູ່ສາຍພູຊິນຫຼິງ ຈົນຮອດບັນຫາການທຳລາຍລະບົບນິເວດຢູ່ສາຍພູຊີລຽນ, ຈາກບັນຫາທີ່ສ້າງເຂື່ອນກັ້ນນໍ້າຢ່າງຜິດກົດໝາຍຢູ່ໜອງນ້ອຍເຊ້ຍໄຊ້ຂອງໜອງຕົ້ງຖີງຈົນຮອດມົນລະພິດຢູ່ທະເລຊາຍເທີງເກີລີ, ຢູ່ບ່ອນໃດໄດ້ເກີດມີປະກົດການທຳລາຍລະບົບນິເວດຢ່າງໜັກໜ່ວງ, ທ່ານສີຈິ້ນຜິງກໍໄດ້ເດີນທາງໄປບ່ອນນັ້ນເພື່ອສອບຖາມດ້ວຍຕົນເອງ, ທັງສັ່ງໃຫ້ພາກສ່ວນທີ່ກ່ຽວຂ້ອງສືບສວນແລະ ປະຕິບັດການລົງວິໄນຢ່າງເຂັ້ມງວດ,ທາວຫາຜູ້ຮັບຜິດຊອບທີ່ກ່ຽວຂ້ອງ, ເຊິ່ງພາໃຫ້ເກີດມີສຽງຕອບຮັບຢ່າງຟັດຟື້ນຢູ່ໃນທົ່ວສັງຄົມ, ນີ້ໄດ້ສະແດງໃຫ້ເຫັນວ່າ ທ່ານສີຈິ້ນຜິງໄດ້ຊຸກຍູ້ການສ້າງຄວາມສິວິໄລດ້ານນິເວດຢ່າງແຂງແຮງ.
ເດືອນສິງຫາປີ 2019, ທ່ານສີຈິ້ນຜິງໄດ້ລົງໄປສຳຫຼວດກວດເບິ່ງນິຄົມລ້ຽງມ້າສ່ານຕ່ານຢູ່ຕີນພູຊີລຽນ
ນອກຈາກນັ້ນ, ທ່ານສີຈິ້ນຜິງຍັງໄດ້ຍຶດໝັ້ນທ່າທີໃນການແກ້ໄຂບັນຫາຢ່າງເຖິງກົກເຖິງຮາກ. ຫຼັງຈາກໄດ້ແກ້ໄຂບັນຫາແລ້ວ, ຍັງຕ້ອງກວດກາຄືນຫຼັງເລື້ອຍໆ ແລະ ໄປກວດເບິ່ງຢູ່ພື້ນທີ່ຕົວຈິງ. ຕົວຢ່າງວ່າ,ໃນເວລາໄປສຳຫຼວດກວດເບິ່ງຢູ່ແຂວງກ່ານຊູ້ເມື່ອເດືອນສິງຫາປີ 2019, ທ່ານສີຈິ້ນຜິງໄດ້ລົງໄປສຳຫຼວດກວດເບິ່ງນິຄົມລ້ຽງມ້າສ່ານຕ່ານຢູ່ຕີນພູຊີລຽນ, ຮັບຟັງການລາຍງານສະພາບການຟື້ນຟູລະບົບນິເວດຕາມສາຍພູຊີລຽນ;ກ່ອນບຸນກຸດຈີນປີ 2020ໃກ້ຈະໝູນວຽນມາເຖິງ, ທ່ານສີຈິ້ນຜິງໄດ້ໄປສຳຫຼວດກວດເບິ່ງວຽກງານຢູ່ແຂວງຢຸນນານ,ເດີນທາງໄປຮອດແຄມໜອງຕ່ຽນຊື, ກວດເບິ່ງສະພາບການປັບປຸງ ແລະ ການອະນຸລັກໜອງຕ່ຽນຊື, ເຊິ່ງທັງໝົດເຫຼົ່ານີ້ກໍເປັນການກວດເບິ່ງຄືນຫຼັງຢູ່ພື້ນທີ່ຕົວຈິງ. ໃນການສຳຫຼວດກວດກາວຽກງານຢູ່ແຂວງສ້ານຊີ່ເທື່ອນີ້ທ່ານສີຈິ້ນ ຜິງໄດ້ລົງໄປກວດເບິ່ງຢູ່ສາຍພູຊິນຫຼິງກໍມີຈຸດປະສົງໃນລັກສະນະດຽວກັນກັບທີ່ໄດ້ກ່າວຜ່ານມາ.
ປີ 2020ໃກ້ຈະໝູນວຽນມາເຖິງ, ທ່ານສີຈິ້ນຜິງໄດ້ໄປສຳຫຼວດກວດເບິ່ງສະພາບການປັບປຸງ ແລະ ການອະນຸລັກໜອງຕ່ຽນຊື
ທ່ານສີຈິ້ນຜິງໄດ້ກ່າວເນັ້ນມາຫຼາຍເທື່ອແລ້ວວ່າ: “ຢາກເຮັດວຽກທຸກດ້ານໃຫ້ດີ,ກໍຕ້ອງສ້າງນິເວດທາງການເມືອງທີ່ດີ.” ນິເວດທາງການເມືອງຈະດີ ຫຼື ບໍ່ດີ,ໄດ້ສະແດງອອກຢູ່ນຳ ແນວຄິດຈິດໃຈຂອງພະນັກງານສະມາຊິກພັກໂດຍກົງ.
ປີນີ້ແມ່ນປີສຸດທ້າຍຂອງການສ້າງສັງຄົມທີ່ອິ່ມໜໍາສຳລານໃຫ້ສຳເລັດຢ່າງຮອບດ້ານ ແລະການປະຕິບັດແຜນພັດທະນາເສດຖະກິດສັງຄົມແຫ່ງຊາດ 5 ປີຄັ້ງທີ 13. ບັ້ນລຶບລ້າງຄວາມທຸກຍາກໄດ້ເຂົ້າສູ່ໄລຍະນັບເວລາຖອຍຫຼັງ. ແຕ່ວ່າປະຈຸບັນ, ການພັດທະນາເສດຖະກິດຂອງຈີນພວມຜະເຊີນໜ້າກັບສິ່ງທ້າທາຍແບບບໍ່ເຄີຍມີມາກ່ອນ.ແຕ່ວ່າ ຍິ່ງຜະເຊີນໜ້າກັບສະພາບທີ່ຂ້ຽວຂາດແລະໜ້າທີ່ອັນໜັກໜ່ວງເທ່ົາໃດ, ກໍຍິ່ງຕ້ອງເພີ່ມທະວີການຄຸ້ມຄອງພັກຢ່າງເຂັ້ມງວດ, ປຸກລະດົມຄວາມຫ້າວຫັນ, ຄວາມຕື່ນຕົວເປັນເຈົ້າການ ແລະ ຫົວຄິດປະດິດສ້າງຂອງສະມາຊິກພັກ-ພະນັກງານ ອັນໄພສານ, ຍິ່ງຕ້ອງມີແບບແຜນທີ່ເຂັ້ມແຂງ,ມີຄວາມຮັບຜິດຊອບ ແລະຄວາມສາມາດຕົວຈິງເພື່ອເອົາຊະນະໃນບັ້ນຮົບຄັ້ງນີ້.
ຄຳເຫັນ
0