ເຜົ່າ​ເໝົາ​ນານ​ແມ່ນ​ໜຶ່ງໃນ 28 ​ຊົນ​ເຜົ່າທີ່​ມີ​ປະ​ຊາ​ກອນ​ອ່າວ​ໜ້ອຍ​ຂອງ​ຈີນ, ເມືອງ​ຮວນ​ຈ່ຽງ ເຂດ​ປົກ​ຄອງ​ຕົນ​ເອງ​ເຜົ່າ​ຈ້ວງກວາງ​ຊີ​ແມ່ນ​ບ່ອນຕັ້ງ​ພູມ​ລຳ​ເນົາແລະ​ບ່ອນອາ​ໄສຕົ້ນ​ຕໍ​ຂອງຊາວ​ເຜົ່າ​ເໝົາ​ນານ, ຍັງ​ແມ່ນ​ເມືອງ​ປົກ​ຄອງ​ຕົນ​ເອງ​ເຜົ່າ​ເໝົາ​ນານ​ພຽງ​ແຫ່ງ​ດຽວ​ຂອງ​ຈີນ, ໃນ​ທົ່ວ​ເມືອງ​ມີ​ປະ​ຊາ​ກອນ​ເຜົ່າ​ເໝົາ​ນານ​ຈຳ​ນວນ 6 ໝື່ນ 4 ພັນ 500 ຄົນ, ກວມ​ປະ​ຊາ​ກອນ​ທັງ​ໝົດ​ຂອງ​ເຜົ່າ​ເໝົາ​ນານ​ຈີນ​ປະ​ມານ 70%.

     ພາຍ​ຫຼັງ​ຈີນ​ໄດ້​ປະ​ຕິ​ບັດ​ນະ​ໂຍ​ບາຍ​ແກ້​ໄຂ​ບັນ​ຫາ​ຫຍຸ້ງ​ຍາກ​ໃນ​ການ​ຫຼຸດ​ພົ້ນ​ອອກ​ຈາກ​ຄວາມ​ທຸກ​ຍາກມານີ້, ເມືອງ​ຮວນ​ຈ່ຽງ​ໄດ້​ເລືອກ​ເອົາ​ການ​ລ້ຽງ​ມ້ອນແລະ​ໝູຫອມ ການ​ປູກ​ຕົ້ນຊາ​ນ້ຳ​ມັນ​ເປັນ​ຂະ​ແໜງ​ການທີ່​ມີເອ​ກະ​ລັກພິ​ເສດ​ຂອງ​ຕົນ, ສຸມ​ໃສ່ການ​ແກ້​ໄຂ​ຄວາມ​ທຸກ​ຍາກດ້ວຍ​ການ​ຜະ​ລິດ. ເຊິ່ງ​ເຮັດ​ໃຫ້ອັດ​ຕາ​ເກີດ​ຄວາມ​ທຸກ​ຍາກ​ທົ່ວ​ເມືອງ​ໄດ້​ຫຼຸດ​ຈາກ 19,56% ໃນ​ທ້າຍ​ປີ 2015 ລົງ​ເປັນ 1,48% ໃນ​ທ້າຍ​ປີ 2019. ໃນ​ເດືອນ​ພຶດ​ສະ​ພາ​ປີ 2020, ເຜົ່າ​ເໝົາ​ນານ​ໄດ້​ບັນ​ລຸ​ການຫຼຸດ​ພົ້ນ​ອອກ​ຈາກ​ຄວາມ​ທຸກ​ຍາກ​ທັງ​ໝົດ​ແລ້ວ.