赵晓虹

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2020年两会专题_fororder_lianghuibannerxiao
  • ​​ຮູບພາບ
  • ​ວີ​ດີ​ໂອ

ນາ​ຍົກ​ຈີນ​ຜ່ານ​ບົດ​ລາຍ​ງານ​ວຽກ​ງານ​ລັດ​ຖະ​ບານ​ປະ​ຈຳ​ປີ 2019

2020-05-22 12:55:00 cri

图片默认标题_fororder_1126017684_15901177332141n

ວັນ​ທີ 22 ພຶດ​ສະ​ພາ​ນີ້, ກ​ອງ​ປະ​ຊຸມ​ປະ​ຈຳ​ປີ​ຂອງ​ສະ​ພາ​ຜູ້​ແທນ​ປະ​ຊາ​ຊົນ​ແຫ່ງ​ຊາດ​ຈີນ​ໄດ້​ຈັດ​ຂຶ້ນ​ຢູ່​ນະ​ຄອນຫຼວງ​ປັກ​ກິ່ງ. ທ່ານ​ສີ​ຈິ້ນ​ຜິງ ແລະ ຜູ້​ນຳ​ພັກ ແລະ ລັດ​ທ່ານ​ອື່ນໆ​ໄດ້​ເຂົ້າ​ຮ່ວມກອງ​ປະ​ຊຸມ. ຜູ້​ແທນ​ປະ​ຊາ​ຊົນ​ທົ່ວ​ປະ​ເທດ​ຈຳ​ນວນ 2897 ຄົນ​ໄດ້​ເຂົ້າ​ຮ່ວມ​ພິ​ທີ​ເປີດ, ​ເຊິ່ງສອດ​ຄ່ອງ​ກັບ​ຈຳ​ນວນ​ຜູ້​ແທນ​ທີ່​ກຳ​ນົດ​ໄວ້​ໃນ​ກົດ​ໝາຍ.

ເນື່ອງ​ຈາກ​ໄດ້​ຮັບ​ຜົນ​ກະ​ທົບ​ຈາກ​ການ​ແຜ່​ລ​ະ​ບາດ​ຂອງ​ພະ​ຍາດ​ໂຄວິດ-19, ນີ້​ແມ່ນກອງ​ປະ​ຊຸມ​ປະ​ຈຳ​ປີ​ຂອງ​ອົງ​ການ​ອຳ​ນາດ​ສູງ​ສຸດ​ແຫ່ງ​ຊາດ​ຈີນ​ເລື່ອນ​ເວ​ລາ​​ການ​ຈັດ​ກອງ​ປະ​ຊຸມ​ຈົນ​ເຖິງຮອດ​ເດືອນ​ພຶດ​ສະ​ພາ​ ເຊິ່ງ​ຖືເປັນ​ຄັ້ງ​ທຳ​ອິດ​ໃນຮອບ 22 ປີ​ຜ່ານ​ມາ. ໃນ​ພິ​ທີ​ເປີດ, ຜູ້​ເຂົ້າ​ຮ່ວມກອງ​ປະ​ຊຸມ​ທັງຫຼາຍ​ໄດ້​ກົ້ມ​ຫົວ​ໄວ້​ອາ​ໄລ​ຕໍ່​ວິ​ລະ​ຊົນ​ຜູ້​ເສຍ​ສະ​ຫຼະ​ຊີ​ວິດ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19 ກໍ​ຄື​ພີ່​ນ້ອງ​ຮ່ວມ​ຊາດ​ຜູ້​ເສຍ​ຊີ​ວິດ​ຍ້ອນພະ​ຍາດ​ດັ່​ງ​ກ່າວ.

ທ່ານຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ໄດ້​ຜ່ານ​ບົດ​ລາຍ​ງານ​ວຽກ​ງານ​ລັດ​ຖະ​ບານ​ໃນ​ປີ 2019 ຕໍ່​ກອງ​ປະ​ຊຸມ, ໂດຍ​ຈະວາງ​ຂໍ້​ສະ​ເໜີ​ກ່ຽວ​ກັບ​ວຽກ​ງານ​ໃນ​ປີ​ນີ້, ແລະ​ຈະ​ຍື່ນໃຫ້​ກອງ​ປະ​ຊຸມ​ເພື່ອ​ຄົ້ນ​ຄວ້າ​ພິ​ຈາ​ລະ​ນາ.

ນອກ​ນີ້, ກອງ​ປະ​ຊຸມ​ຍັງ​ມີ 2 ວາ​ລະ​ທີ່​ພົວ​ພັນ​ເຖິງ​ວຽກ​ງານ​ນິ​ຕິ​ບັນ​ຍັດ, ຄື ຄົ້ນ​ຄວ້າພິ​ຈາ​ລະ​ນາ​ຮ່າງ​ປະ​ມວນກົດ​ໝາຍ​ການ​ແ​ພ່ງ​ສະ​ບັບ​ທຳ​ອິດ​ຂອງ​ຈີນ ແລະ ຮ່າງ​ຍັດ​ຕິ​ກ່ຽວ​ກັບ​ການ​ສ້າງ ແລະ ປັບ​ປຸງ​ລະ​ບຽບ​ການ​ກົດ​ໝາຍ ແລະ ກົນ​ໄກການ​ບັ​ງ​ຄັບ​ໃຊ້​ກົດ​ໝາຍ​ດ້ານ​ການ​ປົກ​ປັກ​ຮັກ​ສາ​ຄວາມ​ໝັ້ນ​ຄົງ​ຂອງ​ຊາດ​ຢູ່​ເຂດ​ບໍ​ລິ​ຫານ​ພິ​ເສດ​ຮົງ​ກົງ.

 

ໃນ​ເວ​ລາ​ຜ່ານ​ບົດ​ລາຍ​ງານ​ວຽກ​ງານ​ລັດ​ຖະ​ບານ​ຈີນ, ທ່ານຫຼີເຄີ້ສຽງ, ນາຍົກລັດຖະມົນຕີຈີນກ່າວວ່າ,​ ໃນປີ 2019, ພາຍໃຕ້ສະພາບທີ່ ຜະເຊີນ ໜ້າກັບຄວາມຫຍຸ້ງຍາກ ແລະສິ່ງ ທ້າທາຍຕ່າງໆ,ຈີນໄດ້ສໍາເລັດໜ້າ ທີ່ເປົ້າ ໝາຍຕົ້ນຕໍໃນການພັດທະນາເສດຖະກິດສັງຄົມໝົດປີ 2019, ການດໍາເນີນ ເສດຖະກິດມີຄວາມໝັ້ນທ່ຽງໂດຍລວມ, ຊີວິດການເປັນຢູ່ຂອງປະຊາຊົນໄດ້ ຮັບການປັບປຸງໃຫ້ດີຂຶ້ນຕື່ມອີກ ເຊິ່ງໄດ້ສ້າງພື້ນຖານທີ່ສໍາຄັນໃຫ້ແກ່ການ ສ້າງສັງຄົມອີ່ມໜໍາສໍາລານ ຢ່າງຮອບດ້ານ.

ໃນປີ 2019, ຍອດມູນຄ່າຜະລິດຕະພັນພາຍໃນຂອງຈີນໄດ້ເພີ່ມຂຶ້ນ 6,1%, ບັນລຸເຖິງ 99.100 ຕື້ຢວນ. ການປະກອບອາຊີບທີ່ເພີ່ມຂຶ້ນໃໝ່ ຂອງຕົວເມືອງບັນລຸເຖິງ 13 ລ້ານ 5 ແສນ 2 ໝື່ນຄົນ,​ ປະຊາກອນທຸກ ຍາກຂອງຊົນນະບົດຫຼຸດລົງ 11​ ລ້ານ 9 ໝື່ນຄົນ, ລາຍໄດ້ສະເລ່ຍ ຕໍ່ຄົນຫຼາຍກວ່າ 3​ ໝື່ນຢວນ.

 

ປີ 2020, ລັດ​ຖະ​ບານ​ຈີນ​ຈະ​ໃຫ້​ບູ​ລິ​ມະ​ສິດ​ແກ່​​ວຽກ​ງານການ​ປະ​ກອບ​ອາ​ຊີບແລະ​ການ​ຮັບ​ປະ​ກັນ​ຊີ​ວິດ​ການ​ເປັນ​ຢູ່, ເດັດ​ດ່ຽວ​ເອົາ​ຊະ​ນະ​ໃນ​ການ​ລຶບ​ລ້າງ​ຄວາມ​ທຸກ​ຍາກ, ພະ​ຍາ​ຍາມ​​ເຮັດສຳ​ເລັດ​ເປົ້າ​ໝາຍ​ໃນ​ການ​ສ້າງ​ສັງ​ຄົມ​​ທີ່​ອີ່ມ​ໜຳ​ສຳ​ລານ​ຢ່າງ​ຮອບ​ດ້ານ.

ໃນ​ບົດ​ລາຍ​ງານ​ວຽກ​ງານ​ລັດ​ຖະ​ບານ​ຈີນ​ທີ່​ສະ​ເໜີ​​ຕໍ່​ສະ​ພາ​ຜູ້​ແທນ​ປະ​ຊາ​ຊົນ​ແຫ່ງ​ຊາດ​ຈີນ​ເພື່ອ​​ນຳ​ໄປ​ຄົ້ນ​ຄວ້າພິ​ຈາ​ລະ​ນາ​ໃນ​ວັນ​ທີ 22 ພຶດ​ສະ​ພານີ້ ​ໄດ້​ກຳ​ນົດ​ເປົ້າ​ໝາຍ​ການ​ປະ​ກອບ​ອາ​ຊີບ​ໃຫ້ເພີ່ມ​ຂຶ້ນ​ໃໝ່​ໃນ​ຕົວ​ເມືອງ​ຂອງ​ຈີນ​ໃຫ້​ເປັນ 9 ລ້ານ​ຄົນ​ຂຶ້ນ​ໄປ, ອັດ​ຕາ​ຫວ່າງ​ງານ​ຕາມ​ການ​ສຳ​ຫຼວດ​ໃນ​ຕົວ​ເມືອງ​ໃຫ້​ຢູ່​ໃນ​ລະ​ດັບປະ​ມານ 6%.

ເນື່ອງ​ຈາກ​ໄດ້​ຮັບ​ຜົນ​ກະ​ທົບ​​ຈາກສະ​ພາບ​ພະ​ຍາດ​ໃນ​ທົ່ວ​ໂລກ​ແລະສະ​ຖາ​ນະ​ການ​ເສດ​ຖະ​ກິດ​ການ​ຄ້າ​ມີ​ຄວາມບໍ່​ແນ່​ນອນຫຼາຍ, ການ​ພັດ​ທະ​ນາ​ຂອງ​ຈີນ​ຈະ​ຜະ​ເຊີນ​ກັບ​ປັດ​ໃຈ​​ຈາກ​ຜົນ​ກະ​ທົບ​ທີ່​ຍາກ​​ຈະ​ຄາດ​ຄະ​ເນ​ໄດ້, ສະ​ນັ້ນ ລັດ​ຖະ​ບານ​ຈີນ​ຈຶ່ງບໍ່​ໄດ້​ສະ​ເໜີ​ເປົ້າ​ໝາຍ​ລະ​ອຽດ​ກ່ຽວ​ກັບ​ການ​ເພີ່ມ ຄວາມ​​ວ່ອງໄວ​​ດ້ານເສດ​ຖະ​ກິດ​ໃນ​ປີ 2020. ບົດ​ລາຍ​ງານ​​ລະ​ບຸ​ວ່າ, ການ​ເຮັດ​ແນວນີ້​ມີ​ຜົນ​ດີ​ຕໍ່​ການ​ຊັກ​ນຳ​ທຸກ​ຝ່າຍ​ໃຫ້​ສຸມ​ກຳ​ລັງ​ເຮັດ​ວຽກ​ຕາມ “6 ໝັ້ນ​ທ່ຽງ” “6 ຮັບ​ປະ​ກັນ”, ​ໂດຍ​ໄດ້ເນັ້ນ​ໜັກ​ວ່າ: ການ​ເຮັດ​ໃຫ້​ເສດ​ຖະ​ກິດ​ສາ​ມາດ​ເຄື່ອນ​ໄຫວ​ໄດ້​ຢ່າງ​ໝັ້ນ​ທ່ຽງ​ແມ່ນ​ກ່ຽວ​ພັນ​ກັບ​ສະ​ພາບລວມ, ຕ້ອງ​ໃຊ້​ວິ​ທີ​ການ​ປະ​ຕິ​ຮູບ​ແລະ​ເປີດ​ປະ​ຕູ​ສູ່​ພາຍນອກ, ​ຊອກ​ຫາ​ເສັ້ນ​ທາງໃໝ່​ເພື່ອ​ຮັບ​ມື​ກັບ​​ຜົນ​ກະ​ທົບ​ຢ່າງ​ມີ​ປະ​ສິດ​ທິ​ຜົນ​ແລະ​ສາ​ມາດ​ບັນ​ລຸ​ການ​ໝູນ​ວຽນ​ໄດ້​ເປັນ​ຢ່າງ​ດີ.

ບົດ​ລາຍ​ງານ​ຍັງ​ກ່າວ​ເນັ້ນ​ວ່າ, ໃນ​ໄລ​ຍະ​ຕໍ່​ໜ້າ ຕ້ອງ​ດຳ​ເນີນ​ການ​ປ້ອງ​ກັນ​ແລະ​ຄວບ​ຄຸມ​ພະ​ຍາດ​​ຢ່າງບໍ່​ລົດ​ລະ​ແລະໃຫ້​​ດຳ​ເນີນເປັນ​​ປະ​ຈຳ​, ເຮັດ​ວຽກ​ຕ່າງໆ​ເພື່ອ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ໃຫ້​ດີ.“ 6 ໝັ້ນ​ທ່ຽງ” ໝາຍ​ເຖິງ: ເຮັດ​ໃຫ້​ການ​ປະ​ກອບ​ອາ​ຊີບ, ການ​ທະ​ນາ​ຄານ, ການ​ຄ້າ​ກັບ​ຕ່າງ​ປະ​ເທດ, ການ​ລົງ​ທຶນ​ຂອງ​ຕ່າງ​ປະ​ເທດ, ການ​ລົງ​ທຶນ​ພາຍ​ໃນ​ປະ​ເທດ, ແລະ​ການ​ຄາດ​ຄະ​ເນ​ລ່ວງ​ໜ້າ ​ມີ​ຄວາມ​ໝັ້ນ​ທ່ຽງ.“ 6 ຮັບ​ປະ​ກັນ” ໝາຍ​ເຖິງ: ການ​ຮັບ​ປະ​ກັນ​ວຽກ​ງານ​ໃນ​ດ້ານ​ການ​ປະ​ກອບ​ອາ​ຊີບ​ຂອງ​ປະ​ຊາ​ຊົນ, ຊີ​ວິດ​ການ​ເປັນ​ຢູ່​ພື້ນ​ຖານ​ຂອງ​ປະ​ຊາ​ຊົນ, ພາກ​ສ່ວນ​ຕົ້ນ​ຕໍ​ໃນ​ຕະຫຼາດ, ຄວາມ​ປອດ​ໄພ​ດ້ານ​ສະ​ບຽງ​ອາ​ຫານ​ແລະ​ພະ​ລັງ​ງານ, ຕ່ອງ​ໂສ້​ການ​ຜະ​ລິດ​ແລະ​ການ​ສະ​ໜອງ ແລະ​ການ​ໝູນ​ເດີນ​ຂອງ​ຂັ້ນ​ຮາກ​ຖານ.

 

ທ່ານຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ກ່າວ​ວ່າ, ໃນ​ປີ 2020 ນີ້​ຈີນ​ຈະ​ສືບ​ຕໍ່​ປະ​ຕິ​ບັດ​ນະ​ໂຍ​ບາຍ​ການ​ເງິນ​ຢ່າງ​ຕັ້ງ​ໜ້າ​ແລະ​ນະ​ໂຍ​ບາຍ​ເງິນ​ຕາ​ຢ່າງ​ໝັ້ນ​ທ່ຽງ. ທ່ານ​ກ່າວຕື່ມ​ວ່າ, ນະ​ໂຍ​ບາຍ​ກາ​ນ​ເງິນ​ຢ່າງ​ຕັ້ງ​ໜ້າ​ຕ້ອງ​ໄດ້​ຮັບ​ການ​ປະ​ຕິ​ບັດ​ຢ່າງ​ຕັ້ງ​ໜ້າກວ່າ​ເກົ່າ. ​ຈະ​ຈັດ​ວາງອັດ​ຕາ​ຂຸມ​ການ​ເງິນ​​ໃຫ້​ຫຼາຍກວ່າ 3,6% , ຂະ​ໜາດ​ຂຸມ​ການ​ເງິນ​ເພີ່ມ​ຂຶ້ນ 1000 ຕື້ຢວນ​ຖ້າ​ທຽບໃສ່​​ປີ 2019 , ເວ​ລາ​ດຽວ​ກັນຈຳ​ໜ່າຍ​ພັນ​ທະ​ບັດ​ແຫ່ງ​ຊາດ​ສະ​ເພາະ​ກິດ​ເພື່ອ​ຕໍ່​ຕ້ານ​ພະ​ຍາດ​ທີ່​ມີ​ມູນ​ຄ່າ 1000 ຕື້ຢວນ. ນີ້​ແມ່ນ​ມາດ​ຕະ​ການ​ພິ​ເສດ​ໃນ​ໄລ​ຍະພິ​ເສດ.

ທ່ານ​ຫຼີ​ເຄີ້​ສຽງ​ກ່າວ​ຢ້ຳ​ວ່າ, ຈີນ​ຈະ​ຮັກ​ສາ​ອັດ​ຕາ​ແລກ​ປ່ຽນ​ເງິນຢວນ​ໃຫ້ມີ​ຄວາມ​ໝັ້ນ​ທ່ຽງ​ຢ່າງ​ພື້ນ​ຖານ​ໃນ​ລະ​ດັບ​ທີ່​ມີ​ຄວາມ​ດຸນ​ດ່ຽງ​ຢ່າງ​ສົມ​ເຫດ​ສົມ​ຜົນ.
 

ບົດ​ລາຍ​ງານ​ວຽກ​ງານ​ລັດ​ຖະ​ບານ​ຈີນ​ລະ​ບຸ​ວ່າ, ປີນີ້, ຈີນ​ຈະ​ສືບ​ຕໍ່​ຫຼຸດ​ອາ​ກອນ​ ແລະ​ຄ່າ​ທຳ​ນຽມ​ຕ່າງໆ​ໃຫ້​ຕ່ຳ​ລົງ​ຕື່ມ​ອີກ, ປະ​ຕິ​ບັດນະ​ໂຍ​ບາຍທີ່​ມີ​ລັກ​ສະ​ນະ​ຂັ້ນ​ຕອນນັ້ນໃຫ້​ເຂັ້ມ​ແຂງກວ່າ​ເກົ່າ, ປະ​ສານ​ສົມ​ທົບ​ກັບ​ການ​ຈັດ​ວາງ​ດ້ານ​ລະ​ບຽບການ, ຊ່ວຍ​ພາກ​ສ່ວນຕ່າງໆ​ໃນ​ຕະ​ຫຼາດ​ແກ້​ໄຂ​ຄວາມ​ຫຍຸ້ງ​ຍາກ​ແລະ​ມີ​ການ​ພັດ​ທະ​ນາ, ຄາດ​ວ່າ, ປີນີ້​ຈະ​ຫຼຸດ​ອາ​ກອນແລະ​ຄ່າ​ທຳ​ນຽມ​ໃຫ້​ວິ​ສາ​ຫະ​ກິດ​ໃຫ້​ໜ້ອຍ​ລົງ​ອີກ 2500 ຕື້ກວ່າຢວນ, ສຸດ​ຄວາມ​ສາ​ມາດ​ເພື່ອ​ຊ່ວຍ​ວິ​ສາ​ຫະ​ກິດ​ຕ່າງໆໂດຍ​ສະ​ເພາະ​ແມ່ນ​ວິ​ສາ​ຫະ​ກິດ​ຂະ​ໜາດ​ກາງ​ແລະ​ນ້ອຍ, ວິ​ສາ​ຫະ​ກິດ​ຈູນ​ລະ​ພາກ ແລະນັກ​ທຸ​ລະ​ກິດ​ເອ​ກະ​ຊົນ​ໃຫ້​ຜ່ານ​ຜ່າ​ຄວາມ​ຫຍຸ້ງ​ຍາກ. ພ້ອມ​ກັນ​ນັ້ນ, ຈະຊຸກ​ຍູ້​ການ​ຫຼຸດ​ຕົ້ນ​ທຶນການ​ຜະ​ລິດ​ແລະດຳ​ເນີນ​ທຸ​ລະ​ກິດຂອງວິ​ສາ​ຫະ​ກິດ​ໃຫ້​ຕ່ຳ​ລົງ, ເພີ່ມ​ທະ​ວີ​ຄວາມ​ແຮງໃນ​ການ​ສະ​ໜັບ​ສະ​ໜູນດ້ານ​ການ​ທະ​ນາ​ຄານ, ສົ່ງ​ເສີມ​ໃຫ້​ທະ​ນາ​ຄານ​ແບ່ງ​ປັນຜົນ​ກຳ​ໄລໃຫ້​ວິ​ສາ​ຫະ​ກິດ​ຢ່າງ​ສົມ​ເຫດ​ສົມ​ຜົນ, ເຮັດ​ໃຫ້​ຕົ້ນ​ທຶນໃນ​ການ​ລະ​ດົມ​ທຶນສັງ​ລວມ​ຫຼຸດ​ລົງ​ຢ່າງ​ເດັ່ນ​ຊັດ.

 

ທ່ານ​ຫຼີ​ເຄີ້​ສຽງ​ກ່າວ​ຕື່ມ​ວ່າ,  ຈີນ​ຈະ​​ດຳ​ເນີນ​ການ​ເຄື່ອນ​ໄຫວການ​ປະ​ຕິ​ຮູບ​ລັດ​ວິ​ສາ​ຫະ​ກິດ​ເປັນ​ເວ​ລາ 3 ປີ. ​​ປັບ​ປຸງກົນ​ໄກ​ຕິດ​ຕາມ​ຄຸ້ມ​ຄອງ​ທຶນຂ​ອງ​ລັດ, ​ລົງ​ເລິກ​ການ​ປະ​ຕິ​ຮູບ​​ລະ​ບອບກຳ​ມະ​ສິດ​ປະ​ສົມ. ລັດ​ວິ​ສາ​ຫະ​ກິດ​ຕ້ອງ​ສຸມ​ໃສ່​ໜ້າ​ທີ່​ຮັບ​ຜິດ​ຊອບ​ຕົ້ນ​ຕໍ​ແລະວຽກ​ງານ​ຕົ້ນ​ຕໍ​ຂອງ​ຕົນ, ​ປັບ​ປຸງ​ກົນ​ໄກ​​ດຳ​ເນີນທຸ​ລະ​ກິດ​ຕາມຫຼັກ​ການ​ຕະຫຼາດ​ໃຫ້​ສົມ​ບູນ​ແບບ, ຍົກ​ສູງ​ກຳ​ລັງ​​ແຂ່ງ​ຂັນທີ່​ເປັນ​ແກນ​ກາງ​.

ບົດ​ລາຍ​ງານ​ຍັງ​ເນັ້ນ​ໜັກ​ໃຫ້​ປັບ​ປຸງສະ​ພາບ​ແວດ​ລ້ອມ​ການ​ພັດ​ທະ​ນາ​ເສດ​ຖະ​ກິດ​ເອ​ກະ​ຊົນ​ໃຫ້​ດີ​ຂຶ້ນ. ຮັບ​ປະ​ກັນ​ໃຫ້​ວິ​ສາ​ຫະ​ກິດ​ເອ​ກະ​ຊົນ​ໄດ້​ຮັບ​ປັດ​ໃຈ​ການ​ຜະ​ລິດ​ແລະ​ການ​ສະ​ໜັບ​ສະ​ໜູນ​ດ້ານ​ນະ​ໂຍ​ບາຍ​ຢ່າງ​ສະ​ເໝີ​ພາບ​ກັນ, ​ຍົກ​ເລີກ​ຂໍ້​ກຳ​ນົດ​ທີ່ບໍ່​ສົມ​ເຫດ​ສົມ​ຜົນ​ທີ່​ຕິດ​ພັນ​ກັບ​ລັກ​ສະ​ນະ​ຂອງ​ວິ​ສາ​ຫະ​ກິດ. ກຳ​ນົດ​ເວ​ລາ​ໃຫ້​​ອົງ​ການ​ລັດ​ໄຊ້​ແທນ​​ໜີ້ສິນ​ຕໍ່​ວິ​ສາ​ຫະ​ກິດ​ເອ​ກະ​ຊົນ​ແລະ​ວິ​ສາ​ຫະ​ກິດ​ຂະ​ໜາດ​ກາງ​ແລະ​ນ້ອຍ, ຊຸກ​ຍູ້​​ເສດ​ຖະ​ກິດທີ່ບໍ່​ແມ່ນ​ລະ​ບອບ​ກຳ​ມະ​ສິດ​​ສ່ວນ​ລວມ​ໃຫ້​ພັດ​ທະ​ນາ​ຢ່າງປອດໄສ.

 

ທ່ານຫຼີເຄີ້ສຽງກ່າວວ່າ, ໃນປີນີິ້, ຈີນຈະຊຸກຍູ້ການ ຍົກລະດັບຂະ ແໜງການຜະລິດແລະການພັດທະນາຂະແໜງການຈະເລີນໃໝ່. ເພີ່ມເງິນກູ້ ຢືມໄລຍະກາງແລະໄລຍະຍາວຢ່າງຂະໜາດໃຫຍ່ໃຫ້ແກ່ ຂະແໜງການ ຜະລິດ. ພັດທະນາອິນເຕີເນັດອຸດສາຫະກໍາ, ຊຸກຍູ້ການຜະ ລິດແບບສະ ມາດ. ຈີນຈະ ສືບຕໍ່ວາງນະໂຍບາຍສະໜັບສະໜູນ, ຊຸກຍູ້ “ອິນເຕີເນັດ+” ຢ່າງຮອບດ້ານ, ສ້າງທ່າແຮງໃໝ່ດ້ານເສດຖະກິດດິຈິຕອນ.

ຈີນຈະຍົກສູງຄວາມສາມາດຄໍ້າປະກັນການປະດິດສ້າງໃໝ່ດ້ານ ເຕັກ ນິກວິທະຍາສາດ.ເລັ່ງລັດສ້າງຫ້ອງທົດລອງສາກົນ, ລົງເລິກການຮ່ວມມື ດ້ານເຕັກນິກວິທະຍາສາດລະຫວ່າງຊາດ. ເປີດໂອກາດໃຫ້ຜູ້ທີ່ມີຄວາມ ສາມາດໃນການປະຕິບັດໂຄງການທີ່ສໍາຄັນ.

 

ທ່ານຫຼີ​ເຄີ້​ສຽງກ່າວ​ວ່າ: ປີ​ນີ້ ລັດ​ຖະ​ບານ​ຈີນ​ຈະ​ເປີດກວ້າງ​ການ​ລົງ​ທຶນ​ທີ່​ມີ​ປະ​ສິດ​ທິ​ຜົນ. ມີ​ແຜນ​ການ​ຈະ​ຈຳ​ໜ່າຍ​ພັນ​ທະ​ບັດ​ສະ​ເພາະ​ກິດ​ຂອງ​ທ້ອງ​ຖິ່ນ​ທີ່​ມີ​ມູນ​ຄ່າ 3750 ຕື້ຢວນ, ຈັດ​ວາງ​​ແຜນການ​ລົງ​ທຶນ​ສຳ​ລັບ​ໃນ​ງົບ​ປະ​ມານ​ສູນ​ກາງ 600 ຕື້ຢວນ, ໂດຍ​ສຸມ​ໃສ່​ສະ​ໜັບ​ສະ​ໜູນ​ໂຄງ​ການ “2 ໃໝ່ 1 ສຳ​ຄັນ”, ຄື: ເພີ່ມ​ທະ​ວີ​ການ​ກໍ່​ສ້າງ​ພື້ນ​ຖານ​ໂຄງ​ລ່າງ​ແບບ​ໃໝ່, ພັດ​ທະ​ນາ​ເຄືອ​ຂ່າຍ​ຂໍ້​ມູນ​ຂ່າວ​ສານ​ລຸ້ນ​ໃໝ່, ເປີດກວ້າງ​ການ​ນຳ​ໃຊ້​ເຕັກ​ໂນ​ໂລ​ຊີ 5G; ເພີ່​ມ​ທະ​ວີ​ການ​ກໍ່​ສ້າງ​ຕົວ​ເມືອງ​ແບບ​ໃໝ່, ອອກ​ແຮງ​ຍົກ​ລະ​ດັບ​ສິ່ງ​ກໍ່​ສ້າງ​ສາ​ທາ​ລະນູ​ປະ​ໂພກ ແລະ ຄວາມ​ສາ​ມາດ​ການ​ບໍ​ລິ​ການ​ຂອງ​ເມືອງ​ຕ່າງໆ. ເພີ່ມ​ທະ​ວີ​ກາ​ນ​ກໍ່​ສ້າງ​ໂຄງ​ການ​ສຳ​ຄັນ ເຊັ່ນ ຄົມ​ມະ​ນາ​ຄົມ ແລະ ຊົນ​ລະ​ປະ​ທານ​ເປັນ​ຕົ້ນ. ເພີ່ມ​​ທຶນ​ໃນ​ການ​ກໍ່​ສ້າງ​ທາງ​ລົດ​ໄຟຂອງ​ລັດ 100 ຕື້ຢວນ.

ພ້ອມ​ນັ້ນ ຕ້ອງ​ປັບ​ປຸງ​ກົນ​ໄກ​ການ​ລົງ​ທຶນ ແລະ ລະ​ດົມ​ທຶນ​ຕາມຫຼັກ​ການ​ຕະຫຼາດໃຫ້​ສົມ​ບູນ​ແບບ, ສະ​ໜັບ​ສະ​ໜູນ​ວິ​ສາ​ຫະ​ກິດ​ເອ​ກະ​ຊົນ​ໃຫ້​ເຂົ້າ​ຮ່ວມ​ຢ່າງສະ​ເໝີ​ພາບ​ກັນ.

 

 ບົດ​ລາຍ​ງານ​ວຽກ​ງານ​ຂອງລັດ​ຖະ​ບານ​ຈີນ​ກ່າວ​ວ່າ, ໃນ​ປີ 2020 ນີ້​ລັດ​ຖະ​ບ​ານ​ຈີນ​ຕ້ອງ​ເອົາ​ຊະ​ນະ​ໃນ​ການ​ປົກ​ປັກ​​ຮັກ​ສາທ້ອງ​ຟ້າ​ສີ​ຄາມ, ນ້ຳ​ສະ​ອາດ​ແລະ​ດິນ​ປອດ​ມົນ​ລະ​ພິດ, ດຳ​ເນີນ​ໂຄງ​ການ​ປົກ​ປັກ​​ຮັກ​ສາ​ແລະ​ສ້ອມ​ແປງ​ລະ​ບົບ​ນິ​ເວດ​ທີ່​ສຳ​ຄັນ, ຊຸກ​ຍູ້​ການ​ສ້າງ​ສາ​ຄວາມສິ​ວິ​ໄລ​ດ້ານ​ລະ​ບົບ​ນິ​ເວດ.

ບົດ​ລາຍ​ງານ​​ຍັງ​ລະ​ບຸ​ຕື່ມ​ວ່າ, ຕ້ອງ​ເນັ້ນ​ໜັກ​ການ​ແກ້​ໄຂ​ມົນ​ລະ​ພິດ​ຢ່າງ​ຕາມ​ກົດ​ໝາຍ, ຕາມ​ຫຼັກວິ​ທະ​ຍາ​ສາດ​ຢ່າງ​ຖືກ​ຕ້ອງແມ່ນ​ຍຳ, ພັດ​ທະ​ນາ​ຂະ​ແໜງ​ການ​ອະ​ນຸ​ລັກ​ສິ່ງ​ແວດ​ລ້ອມ​ແລະປະ​ຢັດ​ພະ​ລັງ​ງານ, ຫ້າມ​ການ​ກະ​ທຳ​​ການ​ໄລ່​ຈັບ​ແລະ​ຊື້​ຂາຍ​ສັດ​ປ່າ​ທີ່ຜິ​ດ​ກົດ​ໝາຍ​ຢ່າງເດັດ​ຂາດ. ພ້ອມ​ກັນ​ນັ້ນ, ຈະຊຸກ​ຍູ້ການ​ນຳ​ໃຊ້​ຖ່ານ​ຫີນ​ຢ່າງ​ສະ​ອາດ​ແລະ​ມີ​ປະ​ສິດ​ທິ​ພາບ​ສູງ, ພັດ​ທະ​ນາ​ພະ​ລັງ​ງານ​ໝູນ​ວຽນ.

ບົດ​ລາຍ​ງານວຽກ​ງານ​ລັດ​ຖະ​ບານຈີນ​ເນັ້ນ​ວ່າ: ປີນີ້, ຈີນ​ຕ້ອງ​ຮັບ​ປະ​ກັນ​ໃຫ້​ປະ​ຊາ​ກອນ​ທຸກ​ຍາກ​ສ່ວນ​ເຫຼືອ​ຫຼຸດ​ພົ້ນ​ອອກ​ຈາກ​ຄວາມ​ທຸກ​ຍາກ​ທັງ​ໝົດ, ເພີ່ມ​ທະ​ວີ​ຄວາມ​ແຮງ​ໃນ​ການ​ລຶບ​ລ້າງ​ຄວາມ​ທຸກ​ຍາກ​ຢູ່​ເມືອງ​ແລະ​ບ້ານ​ທີ່​ຍັງ​ທຸກ​ຍາກ​ຢູ່, ດຳ​ເນີນ​ການ​ເຄື່ອນ​ໄຫວ​ລຶບ​ລ້າງ​ຄວາມ​ທຸກ​ຍາກ​ດ້ວຍ​ການ​ບໍ​ລິ​ໂພກ, ສະ​ໜັບ​ສະ​ໜູນ​ຂະ​ແໜງ​ການ​ລຶບ​ລ້າງ​ຄວາມ​ທຸກ​ຍາກ​ໃຫ້​ຟື້ນ​ຟູ​ການ​ພັດ​ທະ​ນາ​ຄືນ​ໃໝ່. ເພີ່ມ​ທະ​ວີ​ຄວາມ​ຊ່ວຍ​ເຫຼືອພາຍ​ຫຼັງປະ​ຊາ​ກອນຜູ້​ທຸກ​ຍາກຍ້າຍ​ບ່ອນ​ອາ​ໄສ. ສືບ​ຕໍ່​ຊຸກ​ຍູ້​ໃຫ້​ການ​ລຶບ​ລ້າງ​ຄວາມ​ທຸກ​ຍາກ​ ກັບ​ການ​ຟື້ນ​ຟູ​ຄວາມ​ຈະ​ເລີນ​ຂອງ​ຊົນ​ນະ​ບົດ​ເຊື່ອມ​ຕໍ່​ກັນ​ຢ່າງ​ບັງ​ເກີດ​ຜົນ, ສຸດ​ຄວາມ​ສາ​ມາດ​ເຮັດ​ໃຫ້​ປະ​ຊາ​ຊົນ​ທີ່​ໄດ້​ຫຼຸດ​ພົ້ນ​ອອກ​ຈາກ​ຄວາມ​ທຸກ​ຍາກສ້າງ​ຄວາມ​ຮັ່ງ​ມີ​ຂຶ້ນ.

 

​ໃນ​ເວ​ລາ​ຜ່ານ​ບົດ​ລາຍ​ງານ​ລັດ​ຖະ​ບານ, ທ່ານຫຼີເຄີ້ສຽງ, ນາຍົກລັດ ຖະມົນຕີຈີນກ່າວວ່າ, ປີນີ້ ຈີນຈະຫຼຸດເນື້ອໃນໃນບັນຊີດ້ານລົບກ່ຽວກັບ ການອະນຸຍາດການລົງທຶນຂອງຕ່າງປະເທດໃຫ້ໜ້ອຍລົງຢ່າງຂະໜາດໃຫຍ່,ວາງບັນຊີດ້ານລົບດ້ານການຄ້າການບໍລິການຂ້າມຊາຍແດນ,ມອບສິດເປັນ ເຈົ້າຕົນເອງດ້ານການປະຕິຮູບແລະການເປີດປະຕູສູ່ພາຍນອກທີ່ຫຼາຍກວ່າ ເກົ່າໃຫ້ແກ່ເຂດທົດລອງການຄ້າເສລີ. ທ່ານຫຼີເຄີ້ສຽງກ່າວຕື່ມວ່າ, ຕ້ອງ ເລັ່ງລັດການກໍ່ສ້າງເຂດ ການຄ້າເສລີໄຫຫຼໍາ, ເພີ່ມສ້າງເຂດທົດລອງການ ຄ້າເສລີ ແລະເຂດປອດ ພາສີສັງລວມຢູ່ເຂດພາກກາງ ແລະພາກຕາເວັນ ຕົກ. ພ້ອມກັນນັ້ນ, ເຮັດໃຫ້ວິສາຫະກິດສະແດງບົດບາດຂອງຕົນ, ດໍາເນີນ ການຮ່ວມມືແບບຕ່າງ ຝ່າຍຕ່າງມີຜົນປະໂຫຍດ, ຮ່ວມກັນກໍ່ສ້າງ”ໜຶ່ງ ແລວໜຶ່ງເສັ້ນທາງ”ຢ່າງ ມີຄຸນນະພາບສູງ.

ນອກນີ້, ຈີນຈະປົກປັກຮັກສາໂຄງປະກອບການຄ້າ ຫຼາຍຝ່າຍຢ່າງເດັດ ດ່ຽວໜຽວແໜ້ນ,ເຂົ້າຮ່ວມການປະຕິຮູບອົງການການຄ້າໂລກຢ່າງຕັ້ງໜ້າ.ຊຸກຍູ້ການເຊັນສົນທິສັນຍາການພົວພັນໝູ່ຄູ່ເສດຖະກິດຮອບດ້ານຂອງພາກ ພື້ນ, ຊຸກຍູ້ການເຈລະຈາການຄ້າເສລີຂອງຈີນ-ຍີ່ປຸ່ນ- ສ.ເກົາຫຼີ ແລະອື່ນໆ. ຮ່ວມກັນຈັດຕັ້ງປະຕິບັດສັນຍາເສດຖະກິດການຄ້າໄລຍະທີໜຶ່ງລະຫວ່າງຈີນກັບອາເມຣິກາ.

 

 ທ່ານ​ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ກ່າວ​ວ່າ: ຈີນ​ຈະ​ເພີ່ມ​ທະ​ວີ​ການ​ສ້າງ​ສາ​ລະ​ບົບ​ສາ​ທາ​ລະ​ນະ​ສຸກ. ຍຶດ​ໝັ້ນ​ໃນຫຼັກ​ການ​ທີ່​ວ່າ​ຊີ​ວິດ​ຂອງ​ຄົນ​ຢູ່​ເໜືອ​ທຸກ​ສິ່ງ​ທຸກ​ຢ່າງ, ປະ​ຕິ​ຮູບ​ລະ​ບົບ​ປ້ອງ​ກັນ​ແລະ​ຄວບ​ຄຸມ​ພະ​ຍາດ, ​ປັບ​ປຸງ​ລະ​ບົບ​ການ​ລາຍ​ງານ​ໂດຍ​ກົງ​ແລະ​ການ​ເຕືອນ​ໄພ​ຂອງ​ພະ​ຍາດ​ຕິດ​ແປດ​ໃຫ້​ສົມ​ບູນ​ແບບ, ຍຶດ​ໝັ້ນ​ການ​ເປີດ​ເຜີຍ​ຂໍ້​ມູນ​ຂ່າວ​ສານ​ກ່ຽວ​ກັບ​ສະ​ພາບ​ພະ​ຍາດ​ຢ່າງ​ທັນ​ການ ເປີດ​ເຜີຍ​ແລະ​ໂປ່ງ​ໄສ. ເພີ່​ມ​ທະ​ວີ​ການ​ລົງ​ທຶນ​ເຂົ້າ​ໃນ​ການ​ຄົ້ນ​ຄວ້າ​ແລະ​ການ​ຜະ​ລິດ​ຢາ​ວັກ​ແຊງ ຢຸກ​ຢາ ແລະ​ເຕັກ​ນິກກວດ​ກາ​ວັດ​ແທກ​ຢ່າງວ່ອງ​ໄວ, ເພີ່ມ​ທະ​ວີ​ການ​ຮັບ​ປະ​ກັນ​ດ້ານ​ວັດ​ຖຸ​ອຸ​ປະ​ກອນ​ສຸກ​ເສີນ.

ທ່ານຫຼີ​ເຄີ້​ສຽງ​ຍັງ​ກ່າວ​ຕື່ມ​ວ່າ, ​ຈີນ​ຈະ​ຍົກ​ລະ​ດັບ​ການໃຫ້ບໍ​ລິ​ການ​ດ້ານ​ການ​ແພດ​ໂດຍ​ພື້ນ​ຖານ​ໃຫ້​ສູງ​ຂຶ້​ນ, ມາດ​ຖານ​ອຸດ​ໜູນ​ດ້ານ​ການ​ເງິນ​ສະ​ເລ່ຍ​ຕາມ​ຫົວ​ຄົນ​ທີ່​ເຂົ້າ​ຮ່ວມ​ການ​ປະ​ກັນ​​ສຸ​ຂະ​ພາບໃຫ້​ເພີ່ມ​ຂຶ້ນ 30 ຢວນ​ຕໍ່​ຄົນ.

 

ລັດ​ຖະ​ບານກາງຂອງ​ຈີນ​ຈະ​ຈັດ​ຕັ້ງ​ປະ​ຕິ​ບັດ​ທິດ​ທາງ​ນະ​ໂຍ​ບາຍ“ປະ​ເທດ​ດຽວ​ສອງ​ລະ​ບອບ”“ຊາວ​ຮົງ​ກົງ​ປົກ​ຄອງ​ຮົງ​ກົງ”“ຊາວ​ມາ​ກາວ​ປົກ​ຄອງ​ມາ​ກາວ”ແລະ​ປົກ​ຄອງຕົນ​ເອງ​ໃນ​ລະ​ດັບ​ສູງ, ສ້າງແລະ​ປັບ​ປຸງ​ລະ​ບົບກົດ​ໝາຍ ແລະ​ກົນ​ໄກ​ການ​ບັງ​ຄັບ​ໃຊ້​ກົດ​ໝາຍຂອງ​ເຂດ​ບໍ​ລິ​ຫານ​ພິ​ເສດໃຫ້​ສົມ​ບູນ​ແບບເພື່ອ​ປົກ​ປັກ​ຮັກ​ສາ​ຄວາມ​ໝັ້ນ​ຄົງ​ແຫ່ງ​ຊາດ, ຈັດ​ຕັ້​ງ​ປະ​ຕິ​ບັດ​ຄວາມ​ຮັບ​ຜິດ​ຊອບ​ຂອງ​ອົງ​ການ​ປົກ​ຄອງ​ເຂດ​ບໍ​ລິ​ຫານ​ພິ​ເສດ​ຕາມ​ລັດ​ຖະ​ທຳ​ມະ​ນູນ. ສະ​ໜັບ​ສະ​ໜູນ​ຮົງ​ກົງ​ແລະ​ມາ​ກາວ​ພັດ​ທະ​ນາ​ເສດ​ຖະ​ກິດ ປັບ​ປຸງ​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ໃຫ້​ດີ​ຂຶ້ນ, ເຊື່ອມ​ໂຍງ​ເຂົ້າ​ໃນ​ພາກ​ສ່ວນ​ໃຫຍ່​ຂອງການ​ພັດ​ທະ​ນາ​ແຫ່ງ​ຊາດຢ່າງ​ດີກວ່າ​ເກົ່າ, ຮັກ​ສາ​ຄວາມ​ຈະ​ເລີນ​ຮຸ່ງ​ເຮືອງ​ແລະ​ສະ​ຖຽນ​ລະ​ພາບ​ຂອງ​ຮົງ​ກົງ​ແລະ​ມາ​ກາວ​ຢ່າງ​ຍາວ​ນານ.

ບົດ​ລາຍ​ງານ​ດັ່ງ​ກ່າວ​ຍັງ​ໄດ້​ກ່າວ​ຢ້ຳ​ນະ​ໂຍ​ບາຍຂອງ​ແຜ່ນ​ດິນ​ໃຫຍ່​ຈີນ​ທີ່​ມີ​ຕໍ່​ເຂດ​ໄຕ້​ຫວັນ​ຈີນ, ກ່າວ​ເນັ້ນ​ວ່າ​ຕ້ອງ​ປັບ​ປຸງລະ​ບຽບ​ການ​ແລະ​ນະ​ໂຍ​ບາຍ​ມາດ​ຕະ​ການ​ໃນ​ການ​ຊຸກ​ຍູ້​ການ​ແລກ​ປ່ຽນ​ແລະ​ການ​ຮ່ວມ​ມື​ລະ​ຫວ່າງ​ສອງ​ຝັ່ງ​ຊ່ອງ​ແຄບ​ໄຕ້​ຫວັນ, ຊຸກ​ຍູ້​ໃຫ້​ສອງ​ຝັ່ງມີ​ການ​ພັດ​ທະ​ນາແບບ​ເຊື່ອມ​ໂຍງ​ເຂົ້າ​ກັນລົງ​ສູ່​ລວງ​ເລິກ, ແລະຮັບ​ປະ​ກັນ​ຄວາມ​ສຸກ​ຂອງ​ພີ່​ນ້ອງຮ່ວມ​ຊາດ​ໄຕ້​ຫວັນ, ສາ​ມັກ​ຄີ​ກັບ​ພີ່​ນ້ອງ​ຮ່ວມ​ຊາດ​ໄຕ້​ຫວັນອັນ​ໄພ​ສານເພື່ອ​ຄັດ​ຄ້ານ“ການ​ແບ່ງ​ແຍກ​ໄຕ້​ຫວັນ​ໃຫ້​ເປັນ​ເອ​ກະ​ລາດ”, ຊຸກ​ຍູ້​ການ​ເຕົ້າ​ໂຮມ​ຈີນ​ເປັນ​ເອ​ກະ​ພາບ​ກັນ ແລະສ້າງ​ອະ​ນາ​ຄົດ​ອັນ​ສົດ​ໃສໃຫ້​ແກ່​ການ​ຟື້ນ​ຟູ​ຄວາມ​ຈະ​ເລີນຮຸ່ງ​ເຮືອງ​ຂອງ​ປະ​ຊາ​ຊາດ​ຈີນ.

 

    ສຸ​ດ​ທ້າຍ, ໃນ​ເວ​ລາ​ຜ່ານ​ບົດ​ລາຍ​ງານ​ວຽກ​ງານ​ລັດ​ຖະ​ບານ, ທ່ານຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ກ່າວ​ວ່າ, ຈີນ​ຈະ​ປົກ​ປ້ອງ​ລະ​ບົບ​ສາ​ກົນ​ທີ່​ຖື​ອົງ​ການ​ສະ​ຫະ​ປະ​ຊາ​ຊາດ​ເປັນ​ແກນ​ກາງ ແລະ ລະ​ບຽບສາ​ກົນ​ທີ່​ຖື​ກົດ​ໝາຍ​ສາ​ກົນ​ເປັນ​ພື້ນ​ຖານ, ຊຸກ​ຍູ້​ການ​ສ້າງ​ປະ​ຊາ​ຄົມ​ຮ່ວມ​ຊາ​ຕາ​ກຳ​ຂອງມວນ​ມະ​ນຸດ. ຈີນ​ຈະ​ເດີນ​ຕາມ​ເສັ້ນ​ທາງ​ພັດ​ທະ​ນາ​ໂດຍ​ສັນ​ຕິ​ຢ່າງ​ເດັດ​ດ່ຽວ​ໜຽວ​ແໜ້ນ, ລົງ​ເລິກ​ການ​ຮ່ວມ​ມື​ມິດ​ຕະ​ພາບ​ໃນ​ການ​ເປີດ​ປະ​ຕູ​ສູ່​ພາຍນອກໃຫ້​ກວ້າງຂວາງ​ກວ່າ​ເກົ່າ, ຈີນ​ຈະ​​ເປັນ​ກຳ​ລັງ​ສຳ​ຄັນ​ເພື່ອ​ຊຸກ​ຍູ້​ສັນ​ຕິ​ພາບ ສະ​ຖຽນ​ລະ​ພາບ​ ການ​ພັດ​ທະ​ນາ ແລະ ຄວາມ​ຈະ​ເລີນ​ຮຸ່ງ​ເຮືອງ​ຂອງ​ໂລກ​ຢ່າງ​ສະ​ເໝີ​ຕົ້ນ​ສະ​ເໝີ​ປາຍ.

 

ຄຳ​ເຫັນ

0