ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມຄັ້ງທີ 3 ຂອງສະພາປະຊາຊົນແຫ່ງຊາດຈີນສະໄໝທີ 13 ທີ່ຈັດຂຶ້ນຢູ່ນະຄອນຫຼວງປັກກິ່ງໄດ້ອັດລົງໃນວັນທີ 28 ພຶດສະພານີ້, ໃນພິທີຖະແຫຼງຂ່າວທີ່ຈັດຂຶ້ນຫຼັງກອງປະຊຸມ, ທ່ານຫຼີເຄີ້ສຽງ ນາຍົກລັດຖະມົນຕີຈີນກ່າວວ່າ, ການຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ຕາມຫຼັກວິທະຍາສາດ ຈະສາມາດປ້ອງກັນແລະຄວບຄຸມການແຜ່ລະບາດຂອງພະຍາດດັ່ງກ່າວໄດ້ດີກວ່າເກົ່າ. ປະເທດຕ່າງໆພວມເລັ່ງລັດການຄົ້ນຄວ້າຜະລິດຢາວັກແຊັງ, ຢາປິ່ນປົວພະຍາດ ແລະ ຢາກວດຫາເຊື້ອພະຍາດໂຄວິດ-19. ຢາເຫຼົ່ານີ້ລ້ວນແຕ່ເປັນຜະລິດຕະພັນສາທາລະນະຂອງທົ່ວໂລກ. ຈີນຍິນດີດຳເນີນການຮ່ວມມືສາກົນ ເພື່ອໃຫ້ມວນມະນຸດສາມາດເອົາຊະນະພະຍາດດັ່ງກ່າວໄດ້ໃນທີ່ສຸດ.
ທ່ານຫຼີເຄີ້ສຽງກ່າວຕື່ມວ່າ, ປັດຈຸບັນ, ປະຊາຄົມໂລກພວມຜະເຊີນກັບສິ່ງທ້າທາຍໃນສອງດ້ານ ຄື: ດ້ານການປ້ອງກັນແລະຄວບຄຸມການແຜ່ລະບາດຂອງພະຍາດ ແລະ ດ້ານພັດທະນາເສດຖະກິດສັງຄົມ, ສອງດ້ານນີ້ຕ້ອງການການຮ່ວມມືກັນໃນລະດັບສາກົນເປັນຢ່າງຍິ່ງ: “ບໍ່ວ່າຈະແມ່ນໃນດ້ານການປ້ອງກັນແລະຄວບຄຸມການແຜ່ລະບາດຂອງພະຍາດ, ຫຼືວ່າໃນດ້ານການພັດທະນາເສດຖະກິດສັງຄົມ, ລ້ວນແຕ່ຕ້ອງການໃຫ້ພວກເຮົາຮ່ວມແຮງຮ່ວມໃຈກັນ ເພື່ອໃຫ້ມະນຸດເຮົາສາມາດຜ່ານຜ່າຄວາມຫຍຸ້ງຍາກທີ່ລຳບາກໃນຄັ້ງນີ້.”
ຄຳເຫັນ
0