ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນໄດ້ອັດລົງໃນວັນທີ 28 ພຶດສະພານີ້. ໃນຂະນະທີ່ໃຫ້ສຳພາດຕໍ່ນັກຂ່າວຫຼັງກອງປະຊຸມ, ທ່ານ ຫຼີເຄີ້ສຽງ ນາຍົກລັດຖະມົນຕີຈີນໄດ້ຕອບຄຳຖາມຂອງນັກຂ່າວ 11 ຄົນໃຊ້ເວລາເກືອບສອງຊົ່ວໂມງ ນີ້ເປັນການສະແດງໃຫ້ເຫັນເຖິງຄວາມເອົາໃຈໃສ່ຂອງພັກກຳອຳນາດແລະລັດຖະບານຈີນທີ່ມີຕໍ່ຊີວິດການເປັນຢູ່ຂອງປະຊາຊົນ,ທັງສະແດງໃຫ້ເຫັນເຖິງຈິດໃຈການເຮັດແທ້ທຳຈິງກໍຄືການປະກອບສ່ວນແລະການແບກຫາບໜ້າທີ່ຮັບຜິດຊອບໃນການຟື້ນຟູການເຕີບໂຕຂອງເສດຖະກິດໂລກຄືນໃໝ່.
ທ່ານ ສະຕີເຟນ ເປຣີ ປະທານສະໂມສອນຂອງກຸ່ມບໍລິສັດ 48 ແຫ່ງຂອງອັງກິດໄດ້ຕີລາຄາວ່າ: ທ່າທີແລະການກະທຳຂອງລັດຖະບານຈີນທີ່ມີຕໍ່ການຟື້ນຟູເສດຖະກິດພາຍໃນປະເທດຈີນແລະຕ່າງປະເທດຄືນໃໝ່ມີຄວາມສຸຂຸມຮອບຄອບແລະສົມເຫດສົມຜົນ,ໄດ້ສ້າງຄວາມໝັ້ນໃຈໃຫ້ແກ່ການຟື້ນຟູເສດຖະກິດໂລກຄືນໃໝ່ຢ່າງໝັ້ນທ່ຽງ.
ສິ່ງທີ່ໜ້າສົນໃຈແມ່ນ,ຈີນໄດ້ເນັ້ນໜັກວ່າ: ພິເສດຕ້ອງຮັກສາຕ່ອງໂສ້ອຸດສາຫະກຳແລະຕ່ອງໂສ້ການສະໜອງໃຫ້ມີຄວາມໝັ້ນທ່ຽງໃນຂະບວນການຕ້ານກັບການແຜ່ລະບາດຂອງພະຍາດໂຄວິດ-19, ຊຸກຍູ້ການຄ້າແລະການລົງທຶນເສລີແລະສະດວກ. ນີ້ມີຄວາມສຳຄັນຫຼາຍຕໍ່ການຟື້ນຟູການເຕີບໂຕຂອງເສດຖະກິດໂລກໃນສະພາບທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19, ນອກນີ້ຍັງເປັນການເພີ່ມຄວາມໝັ້ນໃຈໃຫ້ແກ່ນັກລົງທຶນຕ່າງປະເທດທີ່ສືບຕໍ່ລົງທຶນຢູ່ຈີນ.
ໃນກອງປະຊຸມສອງສະພາທີ່ມີຄວາມເປັນພິເສດໃນປີນີ້, ລັດຖະບານຈີນໄດ້ວາງມາດຕະການຕ່າງໆ, ເຊິ່ງໄດ້ສະແດງໃຫ້ເຫັນທັດສະນະທີ່ “ປະຊາຊົນຢູ່ເໜືອທຸກສິ່ງທຸກຢ່າງ”, ໄດ້ເພີ່ມຄວາມໝັ້ນໃຈຂອງຄົນຈີນໃນການເອົາຊະນະຄວາມຫຍຸ້ງຍາກແລະສິ່ງທ້າທາຍແລະໄດ້ເສີມສ້າງຄວາມໝັ້ນໃຈໃນການຟື້ນຟູການເຕີບໂຕຂອງເສດຖະກິດໂລກຄືນໃໝ່.
ຄຳເຫັນ
0