覃海芳

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2020年两会专题_fororder_lianghuibannerxiao

ປົກ​ປັກ​ຮັກ​ສາ​ຜົນ​ປະ​ໂຫຍດແຫ່ງຊາດ ຮັບ​ປະ​ກັນ​ຄວາມ​ສະ​ຫງົບ​ຖາ​ວອນ,ການ​ພັດ​ທະ​ນາ​​ແລະຄວາມ​ຈະ​ເລີ​ນ​ຮຸ່ງ​ເຮືອງ​ຂອງ​ຮົງ​ກົງ

2020-06-01 16:02:25 cri

ວັນ​ທີ 28 ພຶດ​ສ​ະ​ພາ​ແລ້ວ​ນີ້, ກອງ​ປະ​ຊຸ​ມ​ຄັ້ງ​ທີ 3 ຂອງ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​ສະ​ໄໝ​ທີ 13 ໄດ້​ພິ​ຈາ​ລະ​ນາ​ແລະ​ຮັບ​ຮອງ​ເອົາ​​ມະ​ຕິ​ຕົກ​ລົງ​ຂອງ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​ວ່າ​ດ້ວຍ​ການ​ສ້າງ​ຕັ້ງ​ແລະ​ປັບ​ປຸງ​ລະ​ບຽບ​ກົດ​ໝາຍ​ແລະ​ກົນ​ໄກ​ປະ​ຕິ​ບັດ​ງານ​ເພື່ອ​ປົກ​ປ້ອງ​ຄວາມ​ໝັ້ນ​ຄົງ​ແຫ່ງ​ຊາດ​ຢູ່​ເຂດ​ບໍ​ລິ​ຫານ​ພິ​ເສດ​ຮົງ​ກົງ​ໃຫ້​ສົມ​ບູນ​ຂຶ້ນ ໂດຍມອບ​ສິດ​ໃຫ້​ຄະ​ນະ​ປະ​ຈຳ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​ສ້າງ​ຕັ້ງ​ກົດ​ໝາຍ​ທີ່​ກ່ຽວ​ຂ້ອງ​ກັບ​ການ​ຮັກ​ສາ​ຄວາມ​ໝັ້ນ​ຄົງ​ແຫ່ງ​ຊາດ​ຂອງ​ເຂດ​ບໍ​ລິ​ຫານ​ພິ​ເສດ​ຮົງ​ກົງ. ບຸກ​ຄົນ​ຂອງຫຼາຍ​ປະ​ເທດ​ໄດ້​ໃຫ້​ຄວາມ​ສົນ​ໃຈ​ໃນ​ລະ​ດັບ​ສູງ​ຕໍ່​ເລື່ອງ​ນີ້ໂດຍ​ເຫັນ​ວ່າ ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​ໄດ້​ຊຸກ​ຍູ້​ການ​ສ້າງ​ກົດ​ໝາຍ​​ເພື່ອຮັກ​ສາ​ຄວາມ​ໝັ້ນ​ຄົງ​ແຫ່ງ​ຊາດ​​ຢູ່​ຮົງ​ກົງ​ຕາມ​ກົດ​ໝາຍ​ນັ້ນ​ເປັນ​ມາດ​ຕະ​ການ​ທີ່​​ຖືກ​ຕ້ອງ​ເປັນ​ທຳ​ໃນ​ການ​ຮັກ​ສາ​ຜົນ​ປະ​ໂຫຍດ​ດ້ານ​ອະ​ທິ​ປະ​ໄຕ​ແຫ່ງ​ຊາດ,ຄວາມ​ໝັ້ນ​ຄົງ​ແລະ​ການ​ພັດ​ທະ​ນາ​ຂອງ​ຊາດ, ທັງ​ມີ​ຄວາມ​ໝາຍ​ສຳ​ຄັນ​ ​ຕໍ່​ການ​ຮັບ​ປະ​ກັນ​ຄວາມ​ສະ​ຫງົບ​ຖາ​ວອນ​ ​ການ​ພັດ​ທະ​ນາ ແລະຄວາມ​ຈະ​ເລີ​ນ​ຮຸ່ງ​ເຮືອງ​ຂອງ​ຮົງ​ກົງ.
 

ທ່ານ ບາ​ລີ ລາມ ດູ​ປັກ ຫົວ​ໜ້າ​ສູນ​ຄົ້ນ​ຄວ້າ​ຈີນ​ແລະ​ອາ​ຊີ​ຕາ​ເວັນ​ອອກ​ສຽງ​ໃຕ້​ຂອງ​ມະ​ຫາ​ວິ​ທະ​ຍາ​ໄລ​ຈາ​ວາ​ຮາ​ລານ ເນ​ຣູ  ຂອງ​ອິນ​ເດຍ​ໄດ້​ຊີ້​ໃຫ້​ເຫັນ​ວ່າ:  “ສອງ​ລະ​ບອບ” ແມ່ນ​ຢູ່​ບົນ​ພື້ນ​ຖານ “ປະ​ເທດ​ດຽວ”, ຮົງ​ກົງ​ເປັນ​ດິນ​ແດນ​ສ່ວນ​ໜຶ່ງ​ຂອງ​ຈີນ​ທີ່​ບໍ່​ສາ​ມາດ​ຕັດ​ແຍກ​ອອກກັນ​ໄດ້. ບໍ່​ວ່າ​ປະ​ເທດ​ໃດ​ກໍ​ຕາມ​ລ້ວນ​ແຕ່​ຈະ​ບໍ່​ໂຍະ​ຍານ​ຢ່າງ​ເດັດ​ຂາດ​ຕໍ່​ການ​ເຄື່ອນ​ໄຫວ​ໂຄ່ນ​ລົ້ມ​ຫຼື​ປຸກ​ປັ່ນ​ທຳ​ລາຍ​ຢູ່​ພາຍ​ໃນ​ປະ​ເທດ​ຕົນ. ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​ໄດ້​ຊຸກ​ຍູ້​ການ​ສ້າງ​ກົດ​ໝາຍ​ວ່າ​ດ້ວ​ຍ​ການ​ຮັກ​ສາ​ຄວາມ​ໝັ້ນ​ຄົງ​ແ​ຫ່ງ​ຊາດ​​ຢູ່ເຂດ​ບໍ​ລິ​ຫານ​ພິ​ເສດ​ຮົງ​ກົງ​ຕາມ​ກົດ​ໝາຍ​ນັ້ນ ເຊິ່ງ​ມີ​ຜົນ​ດີ​ຕໍ່​ການ​ກຳ​ຈັດ​ຂໍ້​ບົກຜ່ອງ​ດ້ານ​ກົດ​ໝາຍ​ວ່າ​ດ້ວຍ​ຄວາມ​ໝັ້ນ​ຄົງ​ແຫ່ງ​ຊາດ, ປັບ​ປຸງ​ລະ​ບຽບ​ການ​ໃຫ້​ສົມ​ບູນ​ຂຶ້ນ​ເພື່ອ​ຮັບ​ປະ​ກັນ​ການ​ປະ​ຕິ​ບັດ​ຫຼັກ​ການ “ປະ​ເທ​ດ​ດຽວ​ສອງ​ລະ​ບອບ”ຢູ່​ຮົງ​ກົງ.
 

ທ່ານ​ວ​ອງ​ຊຸນ​ວາຍ ອະ​ດີດ​ປະ​ທານ​ຄະ​ນະ​ກຳ​ມະ​ການ​ບໍ​ລິ​ຫານ​ງານຫຼື CEO ແລະ​ຫົວ​ໜ້າ​ບັນ​ນາ​ທິ​ການ​ຂອງໜັງ​ສື​ພິມ THE STAR ຂອງ​ມາ​ເລ​ເຊຍ​ເຫັນ​ວ່າ: ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​​ໄດ້ຊຸກ​ຍູ້​ການ​ສ້າງ​ກົດ​ໝາຍ​ວ່າ​ດ້ວຍ​ຄວາມ​ໝັ້ນ​ຄົງ​ແຫ່ງ​ຊ​າດ​​ຢູ່​ເຂດ​ບໍ​ລິ​ຫານ​ພິ​ເສດ​ຮົງ​ກົງ, ​ແລະ​ປະ​ຕິ​ບັດ​ຕາມ​ກົດ​ໝາຍ​ໃນ​ການປ້ອງ​ກັນ, ສະ​ກັດ​ກັ້ນ, ລົງ​ໂທດ​ຕໍ່​ການ​ເຄື່ອນ​ໄຫວ​ຫົວ​ຮຸນ​ແຮງ​ແລະ​ການ​ໃຊ້​ຄວາມ​ຮຸນ​ແຮງ​ຂອງ​ພວກ​ແບ່ງ​ແຍກ​ຮົງ​ກົງ​ໃຫ້​ເປັນ​ເອ​ກະ​ລາດ​ທີ່​ເປັນ​ໄພ​ອັນ​ຕະ​ລາຍ​ຕໍ່​ຄວາມ​ໝັ້ນ​ຄົງ​ແຫ່ງ​ຊາດ​ນັ້ນ ຈະ​ຊ່ວຍ​ໃຫ້​ຮົງ​ກົງ​ສາ​ມາດ​ຟື້ນ​ຟູ​ສະ​ຖຽນ​ລ​ະ​ພາບ​ໄດ້​ໂດຍ​ໄວ.
 

ທ່ານວ​ະ​ລາ​ດີ​ເມຍ ຈາ​ຣີ​ຊີນ ຮອງ​ຫົວ​ໜ້າ​ສະ​ຖາ​ບັນ​ຄົ້ນ​ຄວ້າ​ປະ​ເທດ​ໃນເຄືອ​ລັດ​ເອ​ກະ​ລາດ​​ຂອງຣັດ​ເຊຍ​ເຫັນ​ວ່າ: ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​ໄດ້​ຊຸກ​ຍູ້​ການ​ສ້າງ​ກົດ​ໝາຍ​ວ່າ​ດ້ວຍ​ຄວາມ​ໝັ້ນ​ຄົງ​ແຫ່ງ​ຊ​າດ​ຢູ່​ເຂດ​ບໍ​ລິ​ຫານ​ພິ​ເສດ​ຮົງ​ກົງ ເປັນ​ມາດ​ຕະ​ການ​ອັນ​ຈຳ​ເປັນ​ທີ່​ປະ​ຕິ​ບັດ​ໃນ​ສະ​ຖາ​ນະ​ການ​ອັນ​ສັບ​ສົນ​ໃນ​ປັດ​ຈຸ​ບັນ. ຮົງ​ກົງ​ເປັນ​ດິນ​ແດນ​ສ່ວນ​ໜຶ່ງ​ທີ່​ບໍ່​ສາ​ມາດ​ຕັດ​ແຍກ​ອອກ​ຈາກ​ຈີນ​ໄດ້, ກົດ​ໝາຍ​ວ່າ​ດ້ວຍ​ຄວາມ​ໝັ້ນ​ຄົງ​ແຫ່ງ​ຊາດ​ຂອງ​ເຂດ​ບໍ​ລິ​ຫານ​ພິ​ເສດ​ຮົງ​ກົງ​ຈະ​ມີ​ຜົນ​ດີ​ຕໍ່​ການ​ປ້ອງ​ກັນ​,ສະ​ກັດ​ກັ້ນ​ແລະ​ລົງ​ໂທດ​ຕໍ່​ການ​ກະ​ທຳ​ທີ່​ທຳ​ລາຍ​ຄວາມ​ໝັ້ນ​ຄົງ​ແຫ່ງ​ຊາດ, ຊຸກ​ຍູ້​ໃຫ້​ສະ​ຖາ​ນະ​ການ​ຢູ່​ຮົງ​ກົງ​ສາ​ມາດ​ຟື້ນ​ຟູ​ສູ່​ສະ​ພາບ​ປົກ​ກະ​ຕິ​ໂດຍ​ໄວ ທັງ​ເປັນ​ການ​ຮັບ​ປະ​ກັນ​ການ​ປະ​ຕິ​ບັດຫຼັກ​ການ “ປະ​ເທດ​ດຽວ​ສອງ​ລະ​ບອບ”​ຢູ່​ຮົງ​ກົງ.

ຄຳ​ເຫັນ

0