ເປັນ​ເວ​ລາ​ຍາວ​ນານ​ມາ​ແລ້ວ, ທ່ານ​ສີ​ຈິ້ນ​ຜິງ​ໄດ້​ມີ​ຄວາມ​ຮັບ​ຮູ້​ອັນ​ເລິກ​ເຊິ່ງ​ຕໍ່​ແນວ​ຄວາມ​ຄິດ “ພູ​ຂຽວ​ນ້ຳ​ໃສ​ກໍ​ແມ່ນ​ພູ​ເງິ​ນ​ພູ​ຄຳ”. ໃນ​ໄລ​ຍະ​ທີ່​ເຮັດ​ວຽກ​ຢູ່ ແຂວງ​ຟູ​ຈ້ຽນ, ແຂວງ​ເຈີ້​ຈ່ຽງ ແລະ​ແຫ່ງ​ອື່ນໆ, ທ່ານ​ໄດ້​ນຳ​ເອົາ​ແນວ​ຄວາມ​ຄິດ​ຂອງ​ຕົນ​​ໄປໝູນ​ໃຊ້​ເຂົ້າ​ໃນ​ການ​ປະ​ຕິ​ບັດ​ຕົວ​ຈິງ​ໃນ​ການ​ເຮັດ​ວຽກ​ຢູ່​ທ້ອງ​ຖິ່ນ ໂດຍ​ໄດ້ລົງ​ມື​ເຮັດຕົວ​ຈິງ​ໃນ​ການ​ນຳ​ພາ​ພະ​ນັກ​ງານ​ແລະ​ປະ​ຊາ​ຊົນ​ໃນ​ການ​ຮ່ວມ​ກັນ​ປ່ຽນ​ແປງ​ຮູບ​ແບບ​ເກົ່າ​ໃນ​ການ​ພັດ​ທະ​ນາ​ເສດ​ຖະ​ກິດ​ໃນ​ເມື່ອ​ກ່ອນ ເຊິ່ງ​ເຮັດ​ໃຫ້​ທັດ​ສະ​ນະ​ພັດ​ທະ​ນາ​ແບບ​ສີ​ຂຽວ​ກາຍ​ເປັນ​ຈິດ​ສຳ​ນຶກທີ່​​ຝັງ​ເລິກ​ຢູ່ໃນ​ຈິດ​ໃຈ​ຂອງ​ປະ​ຊາ​ຊົນ​ ​.

ເດືອນ​ມັງ​ກອນ​ປີ 1989, ທ່ານ​​ສີ​ຈິ້ນ​ຜິງ ເລ​ຂາ​ຄະ​ນະ​ພັກ​ເຂດ​ນິງ​ເຕີ(ຫຼື​ອີກ​ຊື່​ໜຶ່ງ​ເອີ້ນ​ວ່າ ໝິນ​ຕຸ່ງ) ແຂວງ​ຟູ​ຈ້ຽນ​ໃນ​ເວ​ລາ​ນັ້ນໄດ້​ສະ​ເໜີ​ວ່າ: ທ່າ​ແຮງ​ບົ່ມ​ຊ້ອນ​ໃນ​ການ​ພັດ​ທະ​ນາ​ເສດ​ຖະ​ກິດ​ຂອງ​ໝິນ​ຕຸ່ງ​ແມ່ນ​ຂຶ້ນ​ຢູ່​ກັບ​ພູ, ຄວາມ​ຈະ​ເລີນ​ຮຸ່ງ​ເຮືອງ​ແມ່ນ​ຂຶ້ນ​ຢູ່​ກັບ​ປ່າ, ປ່າ​ໄມ້​ຄື​ອ່າງ​​ເກັບນ້ຳ, ຄັງ​ເງິນ​ແລະ​ສາງ​ສະ​ບຽງ​ອາ​ຫານ. ການ​ຖື​ເອົາ​ການ​ພັດ​ທະ​ນາ​ຂະ​ແໜງ​ການ​ປ່າ​ໄມ້​​ເປັນ​ຍຸດ​ທະ​ສາດ​ໃນ​ກາ​ນ​ພັດ​ທະ​ນາ​ເສດ​ຖະ​ກິດ​ໝິນ​ຕຸ່ງ​ແລະ​ຖື​ເປັ​ນພາ​ຫະ​ນະ​ແລະ​ຈຸດ​ເລີ່ມ​ຕົ້ນ​ອັນສຳ ຄັນ ​ໃນ​ການ​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ​ໝິ​ຕຸ່ງ,ເຊິ່ງ​ໄດ້​ສະ​ແດງ​ໃຫ້​ເຫັນ​ເຖິງ​ທັດ​ສະ​ນະ​ການ​ພັດ​ທະ​ນາ​ຂອງ​ທ່ານ​ສີ​ຈິ້ນ​ຜິງ​ກ່ຽວ​ກັບ​ການ​ບັນ​ລຸ​ຄວາມ​ເປັນ​ເອ​ກະ​ພາບ​ກັນ​ໃນ​ລະ​ດັບ​ສູງ​ລະ​ຫວ່າງ ​ປະ​ສິດ​ທິ​ຜົນ​ດ້ານ​ເສດ​ຖະ​ກິດ, ສັງ​ຄົມ​ແລະ​ນິ​ເວດ.
 

​ເດືອນ​ຕຸ​ລາ ​ປີ 2001,ທ່ານສີຈິ້ນຜິງໄດ້​ສຳຫຼວດ​ຄົ້ນ​ຄວ້າ​ວຽກ​ງານ​ປ້ອງ​ກັນ​ນ້ຳ​ເຊາະ​ດິນ​ເຈື່ອນ​ຢູ່​ເມືອງ​ສາງ​ທິງ​ທັງ​ໄດ້​​ມີ​ການ​ປະ​ຕິ​ບັດ​ຕົວ​ຈິງ​ໂດຍໄດ້ປູກ​ຕົ້ນ​ໄມ້​ຮັກ​ສິ່ງ​ແວດ​ລ້ອມ.

 

ຢູ່​ຟູ​ຈ້ຽນ, ທ່ານ​ສີ​ຈິ້ນ​ຜິງ​ໄດ້​ທຸ້ມ​ເທ​ເຫື່ອ​ແຮງ​ແລະ​ຈິດ​ໃຈ​ຢ່າງຫຼວງຫຼາຍ​ທີ່​ສຸດ​ເຂົ້າ​ໃນ​ການ​ປົວແປງ​ບັນ​ຫາ​ນ້ຳ ເຊາະ​ດິນ​ເຈື່ອນ​ຂອງ​ທ້ອງ​ຖິ່ນ​ໜຶ່ງ​ຄື ເມືອງ​ສາງ​ທິງ.  ບັນ​ຫາ​ນ້ຳ ເຊາະ​ດິນ​ເຈື່ອນ​​ຢູ່ເມືອງ​ນີ້​ໄດ້​ມີ​ມາ​ເປັນ​ເວ​ລາ​ຍາວ​ນານ​ແລ້ວ. ນອກ​ຈາກ​ໄດ້​ຮັບ​ຜົນ​ກະ​ທົບ​ຈາກ​ປັດ​ໄຈ​ດ້ານ​ທຳ​ ມະ​ຊາດ​ແລ້ວ, ສັງ​ຄົມ​ມີ​ຄວາມ​ຫຍຸ້ງ​ຍາກ,ຂາດ​ເຊື້ອ​ໄຟ, ປະ​ຊາ​ຊົນ​ຈຳ ເປັນ​ຕ້ອງຕັດ​ໄມ້​ຢ່າງຫຼວງຫຼວງ​​ເຊິ່ງ​ໄດ້​ກາຍ​ເປັນ​ໄພ​ອັນ​ຕະ​ລາຍ​ຕໍ່​ສິ່ງ​ແວດ​ລ້ອມ.
 

  ປີ 1985, ບັນ​ຫາ​ນ້ຳ ເຊາະ​ດິນ​ເຈື່ອນ​ຢູ່​ເມືອງ​ສາງ​ທິງ​ນັບ​ມື້​ນັບ​ຮ້າຍ​ແຮງ​ຂຶ້ນ, ເນື້ອ​ທີ່​​ທີ່ຖືກ​ນ້ຳ ເຊາະ​ດິນ​ເຈື່ອນ​ໃນ​ທົ່ວ​ເມືອງ​ມີ​ເກືອບ 1 ແສນ​ເຮັກ​ຕາ, ກວມ​ເນື້ອ​ທີ່​ທັງ​ໝົດ​ຂອງ​ທົ່ວ​ເມືອງ​ເຖິງ 31,5%, ລະ​ບົບ​ນິ​ເວດ​ຊຸດ​ໂຊມ, ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ທຸກ​ຍາກ​ລຳ​ບາກ ເປັນສະ​ພາບ​​ຕົວ​ຈິງ​ຂອງ​ເມືອງ​ສາງ​ທິງ​ໃນ​ເວ​ລາ​ນັ້ນ ເຊິ່ງ​ສະ​ແດງ​ໃຫ້​ເຫັນ​ຢູ່​ບ່ອນ​ວ່າ “ພູ​​ຫົວ​ໂລ້ນ, ນ້ຳ​ຂຸ່ນ,  ດິນ​ປຸກ​ຝັງ​ໄດ້​ບໍ່​ດີ, ຄົນ​ທຸກ​ຍາກ”​.
 

 

ເດືອນ​ພະ​ຈິກ​ປີ 1999, ທ່ານ​ສີ​ຈິ້ນ​ຜິງ​ລົງ​ສຳຫຼວດກວດກາສະ​ພາບ​ການ​​ປ້ອງ​ກັນ​ນ້ຳ​ເຊາະ​ດິນ​ເຈື່ອນ​ຢູ່​ເມືອງ​ສາງ​ທິງ​
 

ແຕ່​ປີ 1996ຫາ​ປີ 2001, ທ່ານ​ສີ​ຈິ້ນ​ຜິງ​ໄດ້​ເດີນ​ທາງ​ໄປ​ເຄື່ອນ​ໄຫວ​ເຮັດ​ວຽກ​ຢູ່​ເມືອງ​ສາງ​ທິງ 5 ຄັ້ງ. ທ່ານ​ໄດ້​ເດີນ​ທາງ​ດ້ວຍ​ການ​ຖື​ສຳ ພາ​ລະ​​ແລະ​ຄົນ​ຕິດ​ຕາມ​ໄປໜ້ອຍ, ​ທ່ານ​ໄດ້​ໄປຢ້ຽມ​ຢາມ​ບ້ານ​ແລະ​ເຮືອນ​ປະ​ຊາ​ຊົນ​ຕ່າງໆໂດຍ​ໄດ້​ລົງ​ເລິກ​​ຊອກ​ຮູ້​ສະ​ພາບ​ການ​ກ່ຽວ​ກັບ​ການ​ພັດ​ທະ​ນາ​ແລະ​ການ​ປົວ​ແປງ​ບັນ​ຫາ​ນ້ຳ​ເຊາະ​ດິນ​ເຈື່ອນ​​ຢູ່ເມືອງ​ສາງ​ທິງ. ເດືອນ​ພະ​ຈິກ​ປີ 1999, ທ່ານ​ສີ​ຈິ້ນ​ຜິງ​ໄດ້​ເດີນ​ທາງ​ໄປສຳຫຼວດ​ຄົ້ນ​ຄວ້າ​ວຽກ​ງານ​ຢູ່ເມືອງ​ສາງ​ທິງ​ເປັນ​ເທື່ອ​ທີ4, ​ເມື່ອ​ໄດ້​ຮູ້​ວ່າ ເມືອງ​ສາງ​ທິງ​ຍັງ​ມີເນື້ອ​ທີ່​ທີ່​ຖືກ​ນ້ຳ ເຊາະ​ດິນ​ເຈື່ອນ​ຫຼາຍກວ່າ 6 ໝື່ນ​ເຮັກ​ຕາ, ສີ​ໜ້າ​ຂອງ​ທ່ານ​ກໍ​ເຄັ່ງ​ຂຶມ​ຂຶ້ນ ແລະ​ໄດ້​ໃຫ້​ທິດ​ຊີ້​ນຳ​ວ່າ: “ການ​ພັດ​ທະ​ນາ​ເສດ​ຖະ​ກິດ​ເມືອງ​ສາງ​ທິງ​ຕ້ອງ​ໄດ້​ສຸມ​ຄວາມ​ພະ​ຍາ​ຍາມ​ຢ່າງ​ບໍ່​ລົດ​ລະ ທັງ​ວາງ​ແຜນ​ພັດ​ທະ​ນາ​ໃຫ້​ເປັນ​ເອ​ກະ​ພາບ​ກັນ, ໃຊ້​ເວ​ລາ 8ຫາ 10 ປີ ໃຫ້​ສຳ​ເລັດ​ເປົ້າ​ໝາຍ​ປົວ​ແປງ​ນ້ຳ ເຊາະ​ດິນ​ເຈື່ອນ​ຂອງ​ລ້ອງ​ແມ່​ນ້ຳ . ”ຕ້ອງ​ມີ​ແນວ​ຄວາມ​ຄິດ​ໃນ​ການ​ປະ​ຕິ​ບັດ​ໂຄງ​ການ​ຢ່າງ​ເປັນ​ລະ​ບົບ, ​ກຳ ນົດຕາ​ຕະ​ລາງ​ເວ​ລາ, ພັດ​ທະ​ນາ​ປ່າ​ເສດ​ຖະ​ກິດ ທັງ​ສ້າງ​ປ່າ​ສະ​ຫງວນ​ທຳ ມະ​ຊາດ, ຕ້ອງວິ​ເຄາະ​ວ່າ​ທ້ອງ​ຖິ່ນ​ຕົນ​ມີ​ຄວາມ​ສາ​ມາດຫຼາຍ​ຊ່ຳ​ໃດ ແລ້ວ​ຍາດ​ແ​ຍ່ງ​ເອົາ​ການ​ສະ​ໜັບ​ສະ​ໜູນ​ຈາກ​ລັດ​ຖະ​ບານ, ແຂວງ​ແລະ​ນະ​ຄອນ, ເພື່ອ​​ເຮັດສຳ​ເລັດ​ການ​ປົວ​ແປງ​ທີ່​ດິນ​ແຫ່ງ​ຊາດ​ແລະ​ສ້າງ​ຄວາມ​ຜາ​ສຸກ​ໃຫ້​ແກ່​ປະ​ຊາ​ຊົນ. ທ່ານ​ສີ​ຈິ້ນ​ຜິງ​ຍັງ​ກ່າວ​ຕື່ມ​ວ່າ: ທາງ​ແຂວງ​ຈະ​ໃຫ້​ບູ​ລິ​ມະ​ສິດ​ແກ່​ເມືອ​ງ​ສາງ​ທິງ​ໃນ​ດ້ານ​ນະ​ໂຍ​ບາຍ​ແລະ​ເງິນ​ທຶນ, ເຖິງ​ຈະ​ຫຍຸ້ງ​ຍາກ​ແນວ​ໃດ​ກໍ​ຕ້ອງ​ສືບ​ຕໍ່​ໃຫ້​ບູ​ລິ​ມະ​ສິດຢ່າງ​ບໍ່​ຢຸດ​ຢັ້ງ​.
 

 ​ເມື່ອ​ຜ່ານ​ຈາກ​ຄວາມ​ພະ​ຍາ​ຍາມ​ມາ​ເປັນຫຼາຍ​ສິບ​ປີ, ໃນ​ທຸກ​ມື​ນີ້, ເມືອງ​ສາງ​ທິງ​ໄດ້​ຮັບ​ປະ​ສິດ​ທິ​ຜົນ​ອັນ​ຈະ​ແຈ້ງ​ໃນ​ການ​ປົວ​ແປງ​ບັນ​ຫາ​ນ້ຳເຊາະ​ດິນ​ເຈື່ອນ. ເນື້ອ​ທີ່​ນ້ຳ ເຊາະ​ດິນ​ເຈື່ອນ​ຂອງ​ທົ່ວ​ເມືອງ​ໄດ້ຫຼຸດ​ລົງ​ຈາກ​ປະ​ມານ 1 ແສນ​ເຮັກ​ຕາ​ໃນ​ປີ 1985 ຫຼຸດ​ລົງ​ເຫຼືອ​ພຽງ ປະ​ມານ 3 ໝື່ນ​ເຮັກ​ຕາ​ໃນ​ປີ 2011 ເຊິ່ງ​ໄດ້​ສ້າງ​ຜົນ​ປະ​ໂຫຍດ​ຕົວ​ຈິງ​ໃຫ້​ແກ່​ປະ​ຊາ​ຊົນ 210.000 ຄົນ​​ໃນ 118 ບ້ານ ​ຂອງ 12 ຕາ​ແສງ, ອັດ​ຕາ​ການ​ປົກ​ຫຸ້ມ​ປ່າ​ໄມ້​ເພີ່ມ​ຂຶ້ນ​ຈາກ59,8% ​ເປັນ 79,4% ​ໄດ້​ເຮັດ​ໃຫ້​ຄວາມ​ໃຝ່​ຝັນ​ສີ​ຂຽວ​ໃນ​ຮອບ100 ປີ​ຂອງ​ປະ​ຊາ​ຊົນ​ເມືອງ​ສາງ​ທິງ​ ​ປາ​ກົດ​ຜົນ​ເປັນ​ຈິງ​ແລ້ວ.
 

 ເດືອນ​ກັນ​ຍາ​ປີ 2013, ທ່ານ​ສີ​ຈິ້ນ​ຜິງ​ໄດ້​ໃຫ້​ທັດ​ສະ​ນະ​ດັ່ງ​ກ່າວ​ໃນ​ເວ​ລາ​ກ່າວ​ປາ​ຖະ​ກະ​ຖາ​ຢູ່​ມະ​ຫາ​ວິ​ທະ​ຍາ​ໄລ​ນາ​ຊາ​ບາ​ເຢັ​ຟ ປະ​ເທດ​ກາ​ຊັກ​ສະ​ຖານ
 

 “ພວກ​ເຮົາຢາກ​ໄດ້​ທັງ ພູ​ຂຽວ​ນ້ຳ​ໃສ ​ທັງ ພູ​ເງິນ​ພູ​ຄຳ. ຖ້າ​ໃຫ້​ເອົາພູ​ເງິນ​ພູ​ຄຳ ແໜງວ່າ​ເອົາ​ພູ​ຂຽວ​ນ້ຳໃສ​ຈະ​ດີກວ່າ, ແລະ ພູ​ຂຽວ​ນ້ຳ​ໃສ​ກໍ​ແມ່ນ​ພູ​ເງິ​ນ​ພູ​ຄຳ ”.  ເດືອນ​ກັນ​ຍາ​ປີ 2013, ທ່ານ​ສີ​ຈິ້ນ​ຜິງ​ໄດ້​ໃຫ້​ທັດ​ສະ​ນະ​ດັ່ງ​ກ່າວ​ໃນ​ເວ​ລາ​ກ່າວ​ປາ​ຖະ​ກະ​ຖາ​ຢູ່​ມະ​ຫາ​ວິ​ທະ​ຍາ​ໄລ​ນາ​ຊາ​ບາ​ເຢັ​ຟ ປະ​ເທດ​ກາ​ຊັກ​ສະ​ຖານ, ໂດຍ​ໄດ້​ເຜີຍ​ແຜ່ແນວ​ຄວາມ​ຄິດ​ການ​ພັດ​ທະ​ນາ​ແບບ​ສີ​ຂຽວ​ຂອງ​ຈີນ​ຕໍ່​ຊາວ​ໂລກ. ຄຳ  ເວົ້າ​ດັ່ງ​ກ່າວ​ຂອງ​ທ່ານ​ສີ​ຈິ້ນ​ຜິງ​ເປັນ​ຄຳ​ເວົ້າ​ອັນ​ສັ້ນໆ​ແຕ່​ເຕັມ​ໄປ​ດ້ວຍ​ຄວາມ​ໜັກ​ແໜ້ນ. ໃນ​ນີ້, ​ຄຳວ່າ “ຖ້າ​ໃຫ້​ເອົາພູ​ເງິນ​ພູ​ຄຳ ແໜງວ່າ​ເອົາ​ພູ​ຂຽວ​ນ້ຳໃສ​ຈະ​ດີກວ່າ” ​ນີ້ໄດ້​ສະ​ແດງ​ໃຫ້​ເຫັນ​ເຖິງ​ຈຸດ​ຢືນ​ໃນ​ການ​ໃຫ້​ບູ​ລິ​ມະ​ສິດ​ແກ່​ທຳ​ມະ​ຊາດ​ແລະ​ສິ່ງ​ແວດ​ລ້ອມ, ໃນ​ເວ​ລາ​ທີ່ “ພູ​ຂຽວ​ນ້ຳ​ໃສ” ແລະ“​ພູ​ເງິ​ນ​ພູ​ຄຳ”​ເກີດ​​ມີຄວາມ​ຂັດ​ແຍ້ງ​ກັນ, ກໍ​ຕ້ອງ​ຖື​ເອົາ  “ພູ​ຂຽວ​ນ້ຳ​ໃສ” ໄປ​ກ່ອນ, ຫາກ​ບໍ່​ໃຫ້​ເດີນ​ຕາມ​ເສັ້ນ​ທາງ​ເກົ່າ​ທີ່​ ແລກ “​ພູ​ເງິ​ນ​ພູ​ຄຳ” ດ້ວຍ  “ພູ​ຂຽວ​ນ້ຳ​ໃສ”. ​ຄຳຊີ້​ແຈງ​ນີ້​ໄດ້​ເປັນ​ການ​ກຳ​ນົດ​ເສັ້ນພື້ນ​ຖານ​ໃຫ້​ແກ່​ການ​ປົກ​ປ້ອງ​ທຳ​ມະ​ຊາດ​ແລະ​ສິ່ງ​ແວດ​ລ້ອມ​ໃນ​ການ​ພັດ​ທະ​ນາ​ເສດ​ຖະ​ກິດ​ຂອງ​ຈີນ, ຍິ່ງ​ເປັນ​ການ​ສະ​ແດງ​ໃຫ້​ເຫັນ​ເຖິງ​ຄວາມ​ຕັດ​ສິນ​ໃຈ​ອັນ​ໜັກ​ແໜ້ນ​ຂອງ​ຈີນ​ໃນ​ການ​ພັດ​ທະ​ນາ​ແບບ​ສີ​ຂຽວ.