ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສູ່ມື້ນີ້, ແມ່ເຖົ້າສວີເຈຍຊິ້ວ ທີ່ເປັນຕົວລະຄອນເອກໃນເລື່ອງລາວປະຕິວັດດັ່ງກ່າວໄດ້ລາຈາກໂລກໄປແລ້ວເກືອບ 30 ປີແລ້ວ, ລູກຫຼານຄົນລຸ້ນຫຼັງຂອງແມ່ເຖົ້າກຳລັງເຮັດຫຍັງຢູ່ໃສ?
ພໍ່ເຖົ້າ ຈູ່ຈົ່ງສົງ ລູກຫຼ້າຂອງແມ່ເຖົ້າສວີເຈຍຊິ້ວ.
ພໍ່ເຖົ້າ ຈູ່ຈົ່ງສົງ ເປັນລູກຫຼ້າຂອງແມ່ເຖົ້າສວີເຈຍຊິ້ວ.ທຸກມື້ນີ້, ພໍ່ເຖົ້າຈູ່ຈົ່ງສົງ ທີ່ມີອາຍຸ 80 ກວ່າປີແລ້ວຍັງມຸ້ງໝັ້ນປົກປັກຮັກສາຢູ່ອະນຸສອນສະຖານປະຕິວັດ “ຜ້າຫົ່ມເຄິ່ງຜືນ”ໂດຍເປັນອາສາສະໝັກຜູ້ບັນຍາຍເພື່ອໂຄສະນາເຜີຍແຜ່ເລື່ອງລາວປະຕິວັດກ່ຽວກັບຄວາມຮັກແພງກັນລະຫວ່າງກອງທັບແລະປະຊາຊົນປຽບເໝືອນປາກັບນ້ຳສູ່ລູກຫຼານຄົນລຸ້ນຫຼັງຕໍ່ໆໄປ. “ປັດຈຸບັນ,ໃນເຮືອນມີຜ້າຫົ່ມ 20 ກວ່າຜືນ, ຈົນເຫຼືອໃຊ້” ເມື່ອເວົ້າເຖິງການປ່ຽນແປງໃນຊຸມປີຜ່ານມາ, ພໍ່ເຖົ້າຈູ່ຈົງສົງດີໃຈເປັນພິເສດ.
ລຸງຈູ່ສຽວຫົງ ຫຼານຂອງແມ່ເຖົ້າສວີເຈຍຊິ້ວ.
ລຸງຈູ່ສຽວຫົງ ເກີດເມື່ອປີ 1968, ເປັນຫຼານຂອງແມ່ເຖົ້າສວີເຈຍຊິ້ວ. ຕອນຍັງນ້ອຍ, ລາວໄດ້ຟັງຍ່າເລົ່າເຖິງເລື່ອງ “ຜ້າຫົ່ມເຄິ່ງຜືນ”ເປັນປະຈຳ, ແລະກໍໄດ້ເຫັນຍ່າໄປຢືນຫຼຽວເບິ່ງຢູ່ຂົວໄມ້ນ້ອຍທີ່ຫົວບ້ານເລື້ອຍໆ. ລຸງຈູ່ສຽວຫົງບອກໃຫ້ຮູ້ວ່າ: ຍ່າຕົນກຳລັງລໍຖ້າທະຫານຍິງສາມຄົນກັບມາ. ຍ່າເຄີຍບອກພວກຫຼານວ່າ, ຕ້ອງໄປນຳພັກກອມມູນິດ, ພັກກອມມູນິດແມ່ນຄົນແບບວ່າ ເຖິງວ່າຕົນເອງມີຜ້າຫົ່ມພຽງຜືນດຽວເທົ່ານັ້ນກໍຕາມ, ກໍຈະຕັດເອົາເຄິ່ງໜຶ່ງມອບໃຫ້ປະຊາຊົນ.
ລຸງຈູ່ສຽວຫົງເຄີຍເປັນຜູ້ທຸກຍາກທີ່ລົງທະບຽນໃນບ້ານ. ຜ່ານມາ, ເນື່ອງຈາກບໍ່ມີສີມືສະເພາະຕົວ, ຈິ່ງຜະເຊີນກັບຄວາມຫຍຸ້ງຍາກໃນການສ້າງທຸລະກິດແລະການປະກອບອາຊີບ, ມີລາຍໄດ້ໜ້ອຍ, ບວກກັບພໍ່ແມ່ອາຍຸຫຼາຍທັງມັກເຈັບເປັນ, ລູກສອງຄົນຕ້ອງເຂົ້າໂຮງຮຽນ, ພາລະທາງຄອບຄົວຈິ່ງໜັກໜ່ວງຫຼາຍ. ເພື່ອຊ່ວຍລຸງຈູ່ສຽວຫົງຫຼຸດພົ້ນອອກຈາກຄວາມທຸກຍາກ, ພະນັກງານບ້ານພ້ອມດ້ວຍໜ່ວຍງານລຶບລ້າງຄວາມທຸກຍາກປະຈຳບ້ານໄດ້ສ້າງແຜນການຊ່ວຍເຫຼືອຕ່າງໆເຊັ່ນ: ຝຶກອົບຮົມສີມືແຮງງານ, ການຊ່ວຍເຫຼືອດ້ານການສຶກສາເປັນຕົ້ນ. ປີ 2017,ຫຼັງຈາກຜ່ານການຝຶກອົບຮົມສີມືພໍ່ຄົວ ແລ້ວ, ລຸງຈູ່ສຽວຫົງໄດ້ເຮັດຮ້ານອາຫານພື້ນເມືອງແຫ່ງທຳອິດຢູ່ບ້ານຊ່າໂຈ່ວ. ຮ້ານອາຫານແຫ່ງນີ້ເຮັດໃຫ້ຊີວິດການເປັນຢູ່ຂອງລຸງຈູ່ສຽວຫົງນັບມື້ນັບດີຂຶ້ນ.
ທ້າວຈູ່ຊ້ຽງສຸນ ເຫຼນຂອງແມ່ເຖົ້າສວີເຈຍຊິ້ວ
ທ້າວຈູ່ຊ້ຽງສຸນເປັນຫົວໜ້າຄະນະກຳມະການບ້ານເຜົ່າຢ້າວຊ່າໂຈ່ວ, ລາວເປັນເຫຼນຂອງແມ່ເຖົ້າສວີເຈຍຊິ້ວ. ນັບຕັ້ງແຕ່ຂຶ້ນດຳລົງຕຳແໜ່ງເປັນຫົວໜ້າຄະນະກຳມະການບ້ານແລ້ວ, ທ້າວຈູ່ຊ້ຽງສຸນ ໄດ້ຜັນຂະຫຍາຍນ້ຳໃຈ “ຜ້າຫົ່ມເຄິ່ງຜືນ”ໃນຕະຫຼອດຂະບວນການປະຕິບັດໜ້າທີ່ວຽກງານ, ສະແຫວງຫາການພັດທະນາເພື່ອປະຊາຊົນ,ເຮັດແທ້ທຳຈິງເພື່ອສ້າງຜົນປະໂຫຍດໃຫ້ແກ່ປະຊາຊົນ. ລາວຕັດສິນໃຈຂາຍລົດຈົກຂອງຕົນ ດ້ວຍເຫດຜົນທີ່ຢາກທຸ້ມເທເວລາແລະເຫື່ອແຮງສະຕິປັນຍາເຂົ້າໃນວຽກງານຂອງບ້ານໃຫ້ຫຼາຍກວ່າເກົ່າ, ລາວມັກເວົ້າເລື້ອຍໆວ່າ: “ແຕ່ລະເຊັ່ນຄົນຕ່າງກໍມີເສັ້ນທາງເຄື່ອນທັບທາງໄກຂອງຕົນ,ເສັ້ນທາງເຄື່ອນທັບທາງໄກຂອງພວກເຮົາກໍແມ່ນນຳພາປະຊາຊົນບ້ານຊ່າໂຈ່ວຫຼຸດພົ້ນອອກຈາກຄວາມທຸກຍາກຢ່າງສົມບູນແລ້ວມຸ້ງໜ້າສູ່ຊີວິດທີ່ອີ່ມໜຳສຳລານ”
ຮອຍຍີ້ມຂອງຊາວບ້ານຊ່າໂຈ່ວໃນປັດຈຸບັນ
ບ້ານຊ່າໂຈ່ວເຄີຍເປັນບ້ານທຸກຍາກ, ລາຍໄດ້ສະເລ່ຍຕໍ່ຫົວຄົນຕໍ່ປີມີພຽງແຕ່ 2600 ຢວນເທົ່ານັ້ນ. ຊຸມປີຜ່ານມາ, ຜ່ານຈາກການຊ່ວຍເຫຼືອຢ່າງຖືກຕ້ອງຕາມເປົ້າໝາຍ, ອີງຕາມສະພາບຄວາມເປັນຈິງຂອງທ້ອງຖິ່ນຕົນ,ບ້ານຊ່າໂຈ່ວໄດ້ພັດທະນາຂະແໜງການປູກຕົ້ນໄມ້ໃຫ້ໝາກ, ພັດທະນາຂະແໜງການທ່ອງທ່ຽວປະຕິວັດ, ພັດທະນາເສດຖະກິດລວມໝູ່ໃຫ້ເຕີບໃຫຍ່ຂະຫຍາຍຕົວ, ຈຶ່ງສາມາດເຮັດໃຫ້ລາຍໄດ້ສະເລ່ຍຕໍ່ຫົວຄົນຕໍ່ປີບັນລຸເຖິງ 12.000 ຢວນ. “ຜ້າຫົ່ມເຄິ່ງຜືນ”ກຳລັງສ້າງຄວາມອົບອຸ່ນໃຫ້ກັບເຂດຖານທີ່ໝັ້ນຂອງປະຕິວັດແຫ່ງນີ້, ບ້ານຊ່າໂຈ່ວໃນທຸກມື້ນີ້ໄດ້ກາຍເປັນ “ບ້ານປະຫວັດການເຄື່ອນທັບທາງໄກ”ທີ່ສວຍງາມທີ່ສຸດ.
ຮອຍຍີ້ມຂອງຊາວບ້ານຊ່າໂຈ່ວໃນປັດຈຸບັນ
ຄຳເຫັນ
0