ການ​ປະ​ກອບ​ອາ​ຊີບ​ໃນ​ຕົວ​ເມືອງຂອງ​ຈີນ​ໄດ້​ເພີ່ມ​ຂຶ້ນ 11,86 ລ້ານ​ຄົນ, ອັດ​ຕາ​ຫວ່າງ​ງານ​ໃນ​ການ​ສຳຫຼວດ​ຂອງ​ຕົວ​ເມືອງ​ໃນ​ທົ່ວ​ປະ​ເທດ​ຈີນ​ໃນ​ທ້າຍ​ປີ​ຜ່ານ​ມາ​ໄດ້ຫຼຸດ​ລົງ​ເປັນ 5,2%. ໃນ​ຖາ​ນະ​ເປັນ​ປະ​ເທດ​ພວມ​ພັດ​ທະ​ນາ​ທີ່​ໃຫຍ່​ທີ່​ສຸດ​ໃນ​ໂລກ, ຈີນ​ສາ​ມາດ​ຮັກ​ສາ​ຄວາມ​ໝັ້ນ​ຄົງ​ໃນ​ດ້ານ​ການ​ປະ​ກອບ​ອາ​ຊີບ ພາຍ​ໃຕ້​ຜົນ​ກະ​ທົບ​ທີ່​ໜັກ​ໜ່ວງ ເຊິ່ງ​ເປັນ​ສິ່ງ​ມະ​ຫັດ​ສະ​ຈັນ. ຈີນ​ໄດ້​ໃຫ້​ການ​ຊ່ວຍ​ເຫຼືອ​ແກ່​ປະ​ຊາ​ຊົນ​ທີ່​ພົບ​ຄວາມ​ຫຍຸ້ງ​ຍາກ​ຍ້ອນ​ການ​ແຜ່​ລະ​ບາດ​ຂອງ​ພະ​ຍາດ, ປະ​ຊາ​ຊົນ​ທີ່​ຖືກ​ຈັດ​ເຂົ້າ​ໃນ​ບັນ​ຊີ​ລາຍ​ຊື່​ການ​ປະ​ກັນ​ຕ່ຳ​ສຸດ ແລະ ຜູ້​ທຸກ​ຍາກ​ເປັນ​ພິ​ເສດ​ມີ​ເກືອບ 6 ລ້ານ​ຄົນ, ໄດ້​ປະ​ຕິ​ບັດ​ການ​ຊ່ວຍ​ເຫຼືອ​ຊົ່ວ​ຄາວຫຼາຍກວ່າ 8 ລ້ານ​ເທື່ອ​ຄົນ. ໄດ້​ສູ້​ກັບ​ໄພ​ນ້ຳ​ຖ້ວມ​ທີ່​ໜັກ​ໜ່ວງ, ລົມ​ໄຕ້​ຟຸ່ນ ແລະ ໄພ​ທຳ​ມະ​ຊາດ​ອື່ນໆ ເຊິ່ງ​ໄດ້​ຮັບ​ປະ​ກັນ​ຄວາມ​ປອດ​ໄພ​ດ້ານ​ຊີ​ວິດ​, ຊັບ​ສິນ​ ແລະ ຊີ​ວິ​ດການເປັນຢູ່​ພື້ນ​ຖານ​ຂອງ​ປະ​ຊາ​ຊົນ.