ເນື່ອງ​ໃນ​ໂອ​ກາດທີ່​ວັນ​ແມ່​ຍິງ​ສາ​ກົນ 8 ມີ​ນາ​ໃກ້​ຈະ​ວຽນ​ມາ​ເຖິງ​ນີ້, ສະ​ຫະ​ພັນ​ແມ່​ຍິງ​ແຫ່ງ​ຊາດ​ຈີນສົ່ງ​ສານໃຫ້​ສະ​ຖານ​ທູດ​ປະ​ຈຳ​ຈີນ​ຂອງ 170 ກວ່າ​ປະ​ເທດ, ສຳ​ນັກ​ງານ​ປະ​ຈຳ​ຈີນ​ຂອງ​ອົງ​ກາ​ນ​ຈັດ​ຕັ້ງ​ສາ​ກົນ, ອົງ​ການ​ຈັດ​ຕັ້ງ​ແມ່​ຍິງແລະ​ບຸກ​ຄົນ​ທີ່​ເປັນ​ມິດ​ຕໍ່​ຈີນ​ທີ່​ເປັນແມ່​ຍິງ​ຂອງ​ຕ່າງ​ປະ​ເທດ​ ຮົງ​ກົງ​ ມາ​ກາວ ​ໄຕ້​ຫວັນ​ແລະ​ຈີນ​ຕ່າງ​ດ້າວເພື່ອ​ສົ່ງ​ຄວາມ​ຖາມ​ຂ່າວ​​ອັນ​ປະ​ເລີດ​ແລະ​ຄວາມອວຍ​ພອນ​ອັນ​ດີ​ງາມ.

ໃນ​ສານອວຍ​ພອນ, ສະ​ຫະ​ພັນ​ແມ່​ຍິງ​ແຫ່ງ​ຊາດ​ຈີນ​ໄດ້​ຕັ້ງ​ໜ້າແນະ​ນຳຄວາມ​ເຫັນ 4 ຂໍ້ທີ່​ທ່ານ​ປະ​ທານ​ສີ​ຈິ້ນ​ຜິງ​ສະ​ເໜີ​ອອກ​ໃນ​ກອງ​ປະ​ຊຸມ​ລະ​ດັບ​ສູງ​​ຂອງ​ສະ​ມັດ​ຊາ​ໃຫຍ່​​ອົງ​ການສະ​ຫະ​ປະ​ຊາ​ຊາດ​ເພື່ອ​ລະ​ລຶກກອງ​ປະ​ຊຸມ​ໃຫຍ່​ແມ່​ຍິງ​ໂລກ​ປັກ​ກິ່ງ​ຄົບ​ຮອບ 25 ປີ, ​ທັງ​ໄດ້​ແນະ​ນຳຜົນ​ງານອັນ​ໃຫຍ່​ຫຼວງ​ໃນ​ດ້ານ​ການ​ຕ້ານ​ກັບ​ສະ​ພາບ​ພະ​ຍາດ, ລຶບ​ລ້າງ​ຄວາມ​ທຸກ​ຍາກ​ເປັນ​ຕົ້ນທີ່ ປະ​ຊາ​ຊົນ​ຈີນ​ໄດ້​ຮັບ ພາຍ​ໃຕ້​ການ​ນຳ​ພາຂອງ​ສູນ​ກາງ​ພັກ​ກອມ​ມູ​ນິດ​ຈີນ​ທີ່​ຖື​ສະ​ຫາຍ​ສີ​ຈິ້ນ​ຜິງ​ເປັນ​ແກນ​ກາງ, ໄດ້​ຫວນ​ຄືນ​ໄມ​ຕີ​ຈິດ​ມິດ​ຕະ​ພາບ​ທີ່​ແມ່​ຍິງ​ຈີນ​ແລະ​ຕ່າງ​ປະ​ເທດ​ຕ້ານ​ກັບ​ພະ​ຍາດ​ຮ່ວມ​ກັນ, ໄດ້​ສະ​ແດງ​ຄວາມ​ປາ​ຖະ​ໜາ​ອັນ​ດີ​ງາມ​ທີ່​ຮ່ວມ​ກັບ​ເອື້ອຍ​ນ້ອງ​ບັນ​ດາ​ປະ​ເທດ​​ໃນໂລກ​ສ້າງ​ປະ​ຊາ​ຄົມ​ຮ່ວມ​ຊາ​ຕາ​ກຳ​ຂອງ​ມວນມະ​ນຸດ.