ທ່ານ ຢວນ​ລົງ​ພິງ ທີ່​ມີ​ສົມ​ຍາ​ນາມ​ວ່າ “ບິ​ດາ​ເຂົ້າ​ນາ​ພັນ​ປະ​ສົມ”, ບັນ​ດິດ​ສະ​ຖາ​ບັນ​ວິ​ສະ​ວະ​ກຳຈີນ, ຜູ້​ໄດ້​ຮັບ​ຫຼຽນ​ໄຊ​ສາ​ທາ​ລະ​ນະ​ລັດ​ຂອງ​ຈີນໄດ້​ມໍ​ລະ​ນະ​ກຳແລ້ວ​ໃນ​ເວ​ລາ 13 ໂມງ 7 ນາ​ທີ​ຂອງວັນ​ທີ 22 ພຶດ​ສະ​ພາ​ນີ້​ຢູ່​ນະ​ຄອນຊາງ​ຊ່າແຂວງ​ຮູນານ ສ​ປ ຈີນ, ລວມ​ອາ​ຍຸ​ໄດ້ 91 ປີ. 
    ມື້​ນີ້​ຈະ​ແນະ​ນຳ​ຮູບ​ເງົາ “ທ່ານຢວນ​ລົງ​ຜິງ” ໃຫ້​ແກ່​ບັນ​ດາ​ທ່ານ. 
    ທ່ານຢວນ​ລົງ​ຜິງເປັນ​ຜູ້​ບຸກ​ເບີກ​ຄົ້ນ​ຄວ້າ​ ແລະ​ພັດ​ທະ​ນາ​ເຂົ້າ​ນາ​ພັນ​ປະ​ສົມ​ຂອງ​ຈີນທັງ​ເປັນ​ນັກ​ວິ​ທະ​ຍາ​ສາດ​ຜູ້​ທຳ​ອິດໃນ​ໂລກ​ທີ່​ໄດ້​ນຳ​ໃຊ້​ທ່າ​ແຮງ​ດ້ານ​ເຂົ້າ​ນາ​ພັນ​ປະ​ສົມ​ຢ່າງ​ສຳ​ເລັດ​ຜົນ.
ທ່ານຢວນລົງພິງເປັນຜູ້ບຸກເບີກຄົ້ນຄວ້າແລະພັດທະນາເຂົ້ານາພັນປະສົມຂອງຈີນ. ຄວາມພະຍາຍາມຕະຫຼອດຊີວິດຂອງທ່ານ ໄດ້ສົ່ງຜົນດີໃຫ້ກັບສັນຕິພາບຂອງໂລກ ແລະການພັດທະນາຂອງມວນມະນຸດ.
    ທ່ານຢວນລົງພິງຍັງໄດ້ຕັ້ງໜ້າຊຸກຍູ້ໃຫ້ເຂົ້ານາພັນປະສົມສ້າງຜົນປະໂຫຍດໃຫ້ແກ່ແຫ່ງຕ່າງໆຂອງໂລກ.ຕົວເລກສະຖິຕິສະແດງໃຫ້ເຫັນວ່າ, ເນື້ອທີ່ປູກເຂົ້ານາພັນປະສົມຢູ່ຕ່າງປະເທດ ໄດ້ບັນລຸເຖິງ 7 ລ້ານເຮັກຕາ, ຜົນຜະລິດສະເລ່ຍຢ່າງຕ່ຳແມ່ນໄດ້ສູງກວ່າແນວພັນທ້ອງຖິ່ນ 20%.
    ທ່ານ ຢວນ​ລົງ​ພິງ ​ເຄີຍ​ກ່າວ​ວ່າ: “ສິ່ງ​ທີ່​ຂ້າ​ພະ​ເຈົ້າ​ສະ​ແຫວງ​ຫາ​ໃນ​ຕະຫຼອດ​ຊີ​ວິດ​ນັ້ນ ​ກໍ​ແມ່ນ​ໃຫ້​ທຸກ​ຄົນ​ສາ​ມາດ​ຫ່າງ​ໄກ​ຈາກ​ຄວາມ​ອຶດ​ຫິວ.” ແລະທ່ານເອງກໍ​ໄດ້​ທຸ້ມ​ເທ​ເວ​ລາ​ຕະຫຼອດ​ຊີ​ວິດ​ເຂົ້າ​ໃນ​ການ​ປະ​ຕິ​ບັດ​ຕາມ​ຄຳ​ໝັ້ນ​ສັນ​ຍາ​​ຂອງ​ຕົນ​ຢ່າງ​ແທ້​ຈິງ.