ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ປີ 2022, ງານກິລາໂອລິມປິກລະດູໜາວປັກກິ່ງແລະງານກິລາໂອລິມປິກຄົນພິການລະດູໜາວປັກກິ່ງຈະຈັດຂຶ້ນຢູ່ເຂດການແຂ່ງຂັນ 3 ແຫ່ງຄື: ນະຄອນຫຼວງປັກກິ່ງ, ເມືອງຢຽນຊິ້ງແລະນະຄອນຈ່າງເຈ່ຍໂຂວ, ສາມເຂດການແຂ່ງຂັນດັ່ງກ່າວລ້ວນແຕ່ໄດ້ສ້າງບ້ານພັກນັກກິລາໂອລິມປິກລະດູໜາວແຫ່ງໜຶ່ງ.
ບ້ານພັກນັກກິລາໂອລິມປິກລະດູໜາວຂອງເຂດການແຂ່ງຂັນປັກກິ່ງຕັ້ງຢູ່ໃກ້ກັບສະໜາມກິລາ “ຮັງນົກ” ເຊິ່ງເປັນສະໜາມກິລາແຫ່ງຊາດຈີນ, ແນວຄວາມຄິດການອອກແບບມາຈາກເດີ່ນເຮືອນທີ່ມີກຳແພງອ້ອມທັງສີ່ດ້ານຂອງປັກກິ່ງ. ເຮືອນທີ່ມີເດີ່ນແບບນີ້ຂອງປັກກິ່ງແມ່ນສິ່ງກໍ່ສ້າງຕາມປະເພນີແບບໜຶ່ງຂອງປັກກິ່ງ, ເຊິ່ງສ່ວນກາງເປັນເດີ່ນແລະສ້າງເຮືອນອ້ອມສີ່ດ້ານ.
ບ້ານພັກນັກກິລາໂອລິມປິກລະດູໜາວຢຽນຊິ້ງຕັ້ງຢູ່ຕີນພູສຽວໄຫໂຖວເຂດຢຽນຊິ້ງຂອງປັກກິ່ງ, ແມ່ນບ້ານພັກນັກກິລາແຫ່ງໜຶ່ງທີ່ອອກແບບຈາກຈຸດພິເສດຂອງບ້ານຊາວຈີນທາງພາກເໜືອຂອງຈີນ, ບູຮານສະຖານບ້ານເກົ່າໄດ້ກາຍເປັນທັດສະນີຍະພາບພິເສດຂອງບ້ານພັກນັກກິລາໂອລິມປິກລະດູໜາວແຫ່ງນີ້.
ບ້ານພັກນັກກິລາໂອລິມປິກລະດູໜາວຈ່າງເຈ່ຍໂຂວຕັ້ງຢູ່ເມືອງຫິມະນ້ອຍໄທ້ຈືເສິງເຂດສົງຫຼີ້ນະຄອນຈ່າງເຈ່ຍໂຂວ, ມຶຕຶກອາຄານ 31 ຫຼັງທີ່ແບ່ງເປັນ 10 ກຸ່ມ, ແຕ່ລະກຸ່ມມີຕຶກອາຄານ 3 ຫາ 4 ຫຼັງອ້ອມຢູ່ທັງ 4 ດ້ານຂອງເດີ່ນແຫ່ງໜຶ່ງ. ໃນໄລຍະຈັດງານກິລາໂອລິມປິກລະດູໜາວ, ສາມາດຕອບສະໜອງເຮືອນຊຸດ 1.286 ຊຸດ, ຫ້ອງນອນ 1.810 ຫ້ອງແລະຕຽງນອນ 2.784 ຕຽງ.
ຄຳເຫັນ
0