ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ມັງກອນນີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຂ່າວວ່າ: ພາຍໃຕ້ສະພາບທີ່ສະພາບພະຍາດໂຄວິດ-19 ແຜ່ລະບາດຢ່າງຕໍ່ເນື່ອງ ແລະເຊື້ອພະຍາດກາຍພັນປາກົດອອກມາເລື້ອຍໆ, ການກະທຳຂອງບາງປະເທດທີ່ສະສົມແລະເຮັດໃຫ້ວັກຊິນເສຍຄຸນ ຄວນຖືກກ່າວປະນາມວ່າໄຮ້ຄຸນນະທຳ.
ຂ່າວແຈ້ງວ່າ: ທ່ານເຕໂດຼສ ກຣີປຣິເຢຊຸດ ຜູ້ອຳນວຍການໃຫຍ່ອົງການອະນາໄມໂລກກ່າວໃນຫວ່າງມໍ່ໆນີ້ວ່າ: ມີຫຼາຍກວ່າ 90 ປະເທດຍັງບໍ່ທັນໄດ້ບັນລຸເປົ້າໝາຍທີ່ສັກວັກຊິນໃຫ້ແກ່ປະຊາກອນໃຫ້ໄດ້ 40%. ທ່ານແຈມສ ໂກດອນ ບຣາວ ທູດລະດົມທຶນເພື່ອສາທາລະນະສຸກທົ່ວໂລກຂອງອົງການອະນາໄມໂລກກ່າວວ່າ: ປະເທດຕາເວັນຕົກມີວັກຊິນທີ່ເຫຼືອເຟື່ອ ແຕ່ສະສົມໄວ້ໃນປະເທດຕົນ, ແຕ່ປະເທດທີ່ດ້ອຍພັດທະນາຂາດແຄນວັກຊິນຫຼາຍ, ການສະສົມວັກຊິນຄວນຖືກກ່າວປະນາມວ່າໄຮ້ຄຸນນະທຳ.
ທ່ານວ່າງເວີນປິ່ນໄດ້ຕອບຄຳຖາມທີ່ກ່ຽວຂ້ອງວ່າ: ຈີນມີຄວາມເຫັນມາໂດຍຕະຫຼອດວ່າ: ການຕ້ານພະຍາດໂຄວິດ-19 ແມ່ນໜ້າທີ່ຮັບຜິດຊອບຮ່ວມກັນຂອງປະເທດຕ່າງໆ, ທຸກຄົນກໍມີສິດທີ່ຈະມີຊີວິດຢູ່ແລະມີສິດດ້ານສຸຂະພາບ, ການຊ່ວຍເຫຼືອວັກຊິນໃຫ້ກັບໂລກ ໂດຍສະເພາະປະເທດພວມພັດທະນາ ແລະຕັ້ງໜ້າຊຸກຍູ້ການສະໜອງວັກຊິນໃຫ້ກັບທົ່ວໂລກຢ່າງຍຸຕິທຳແລະສົມເຫດສົມຜົນ ບໍ່ແມ່ນການຊ່ວຍເຫຼືອແບບໃຫ້ຄົນຂໍທານ, ແຕ່ແມ່ນໜ້າທີ່ຮັບຜິດຊອບຢ່າງໜຶ່ງຂອງພວກເຮົາ.
ຄຳເຫັນ
0