覃海芳

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ທ່ານ​ເລ​ຂາ​ທິ​ການ​ໃຫຍ່​ເຄີຍ​ຈັບ​ມື​ກັບ​ຂ້ອຍ:ຢ້ຽມ​ຢາມບ້​ານ​ເສີນ​ສ່ານ​ເມືອງ​ຈິງ​​ກ່າງ​ສ່ານ​ແຂວງ​ຈ່ຽງ​ຊີ່ 2

2022-02-01 12:54:17 cri


 

ທ່ານ​ເລ​ຂາ​ທິ​ການ​ໃຫຍ່​ເຄີຍ​ຈັບ​ມື​ກັບ​ຂ້ອຍ:ຢ້ຽມ​ຢາມບ້​ານ​ເສີນ​ສ່ານ​ເມືອງ​ຈິງ​​ກ່າງ​ສ່ານ​ແຂວງ​ຈ່ຽງ​ຊີ່ 2_fororder_神山村-慰问群众

 

ວັນ​ທີ 2 ກຸມ​ພາ​ປີ 2016, ທ່ານ​ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ກອມ​ນິດ​ຈີນ ປະ​ທານ​ປະ​ເທດ​ຈີນ​ໄດ້​ແຂ່ງ​ກັບອາ​ກາດ​ທີ່​ໜາວ​ຈັດ ໄປ​ຢ້ຽມ​ຢາມ​ປະ​ຊາ​ຊົນ​ຜູ້​ທຸກ​ຍາກ​ຢູ່​ບ້ານ​ເສີນ​ສ່ານ​​ເມືອງ​ຈິງ​​ກ່າງ​ສ່ານ​ແຂວງ​ຈ່ຽງ​ຊີ່​ຈີນ. ຢູ່​ແຫ່ງ​ນີ້​ເປັນ​ເຂດ​ພູ​ດອຍ​ທີ່​ສູງ​ຊັນ, ​ເນື້ອ​ທີ່​ດິນ​ບໍ່​ເໝາະ​ສົມ​ຕໍ່​ການ​ປູກ​ຝັງ, ການ​​ຄົມ​ມະ​ນາ​ຄົມ​ຂົນ​ສົ່ງບໍ່​ສະ​ດວກ, ເຄີຍ​ເປັນ​ບ້ານ​ທຸກ​ຍາກ​ທີ່​ມີ​ລັກ​ສະ​ນະ​​ຊຳ​ເຮື້ອ​ຢູ່​ບໍ​ລິ​ເວນ​ພູ​ຈິງ​ກ່າງ​ສ່ານ.
 

ທ່ານ​ເລ​ຂາ​ທິ​ການ​ໃຫຍ່​ເຄີຍ​ຈັບ​ມື​ກັບ​ຂ້ອຍ:ຢ້ຽມ​ຢາມບ້​ານ​ເສີນ​ສ່ານ​ເມືອງ​ຈິງ​​ກ່າງ​ສ່ານ​ແຂວງ​ຈ່ຽງ​ຊີ່ 2_fororder_神山村今昔对比
 

​ບ້ານ​ເສີນ​ສ່ານ​ໃນ​ເມື່ອ​ກ່ອນ(ຮູບ​ເບື້ອງ​ຊ້າຍ)​ແລະ​ບ້ານ​ເສີນ​ສ່ານ​ໃນ​ປັດ​ຈຸ​ບັນ(ຮູບ​ເບື້ອງ​ຂວາ)

 

ປັດ​ຈຸ​ບັນ​ນີ້, ບ້ານ​ພູ​ດອຍ​ທີ່​ທຸກ​ຍາກ​ໃນ​ອະ​ດີດ​ໄດ້​ກາຍ​ເປັນ “ບ້ານ​ທີ່​ສວຍ​ງາມ​ສຳ​ລັບ​ການ​ຜັກ​ຜ່ອນ​ຢ່ອນ​ໃຈ​ຂອງ​ຈີນ”, ​ເສັ້ນທາງ​ນ້ອຍ​ເຂົ້າ​ບ້ານ​ທີ່ຄົດ​ລ້ຽວ​ຍາວປະ​ມານ 10 ກິ​ໂລ​ແມັດ ໄດ້​ກາຍ​ເປັນ​​ເສັ້ນທາງ​ຊີ​ມັງ​ກວ້າງ 5 ແມັດ​ປາຍ, ມີລົດ​ບັ​ສ​ນັກ​ທ່ອງ​ທ່ຽວແລ່ນ​ເຂົ້າ​ບ້ານ​ເລື້ອຍໆ, ຈຳ​ນວນ​ນັກ​ທ່ອງ​ທ່ຽວ​ສູງ​ສຸດ​ມີ​ເຖິງ  3 ແສນ 3 ໝື່ນ​ເທື່ອ​ຄົນ​ຕໍ່​ປີ; ເຮືອ​ນ​ຢູ່​ຂອງ​ຊາວ​ບ້ານ​ກໍ​ໄດ້​ຮັບ​ການ​ປັບ​ປຸງ​ດີ​ຂຶ້ນ, ໄດ້​ສ້າງ​ເຮືອນ​ພັກ​ໂຮມ​ສະ​ເຕ​ຫຼາຍຫຼັງທີ່ກວ້າງ​ຂວາງ​ ແລະ ສະ​ອາດ; ຜູ້​ທີ່ອາ​ໄສປະ​ຈຳ​​ຢູ່​ໃນ​ບ້ານ​ກໍ​ໄດ້​ເພີ່ມ​ຈາກ 20-30 ຄົນ ​ຂຶ້ນ​ເປັນ​ເກືອບ 200 ຄົນ, ລາຍ​ຮັບ​ສະ​ເລ່ຍ​ຕໍ່​ຫົວ​ຄົນ​ຕໍ່​ປີ​ໄດ້​ເພີ່ມ​ຈາກ ບໍ່​ຮອດ 3000 ຢວນ​​ຂຶ້ນ​ເປັນ  26000 ກວ່າ​ຢວນ​ເມື່ອ​ປີ 2020; ຫຼັງ​ຈາກ​ການ​ປົວ​ແປງ​ແລ້ວ, ສິ່ງ​ແວດ​ລ້ອມພາຍໃນ​ບ້ານ​ໄດ້​ດີ​ຂຶ້ນ ກາຍ​ເປັນ​ທິວ​ທັດ​ທີ່​ສວຍ​ງາມ, ໄດ້​ຮັບ​​ການປະ​ກ​າດ​ເປັນ​ບ້ານ​ຈຸດ​ສຸມໃນ​ການ​ທ່ອງ​ທ່ຽວ​ຊົນ​ນະ​ບົດ​ທົ່ວ​ປະ​ເທດ, ແລະ ແຫຼ່ງ​ທ່ອງ​ທ່ຽວ​ຊົນ​ນະ​ບົດ​ລະ​ດັບ5Aຂອງ​ແຂ​ວງ​ຈ່ຽງ​ຊີ່.

 

“ຫຼັງ​ຈາກ​ທ່ານ​ເລ​ຂາ​ທິ​ການ​ໃຫຍ່​ມາ​ຮອດ​ບ້ານ​ເສີນ​​ສ່ານ​ແລ້ວ, ຊີ​ວິດ​ການ​ເປັນ​ຢູ່​ຂອງ​​ຊາວ​ບ້ານພວກ​ເຮົາ​ນັບ​ມື້​ນັບ​ດີ​ຂຶ້ນ!” ນີ້​ຄື​ຄວາມ​ຮູ້​ສຶກ​ຮ່ວມ​ຂອງ​ຊາວ​ບ້ານ​ທັງຫຼາຍ​ຂອງ​ຢູ່​ບ້ານ​ເສີນ​ສ່ານ.

 

ໃນ​ມື້​ທີ 2 ຫຼັງ​ຈາກ​ທ່ານ​ສີ​ຈິ້ນ​ຜິງ​ໄປ​ສຳຫຼວດກວດ​ກາ, ຢູ່​ເຮືອນ​ຂອງ​ທ່ານ​ຈ່າງ​ເສີງ​ເຕີ ຊາວ​ບ້ານ​ບ້ານ​ເສີນ​ສ່ານ​ກໍ​ໄດ້​ຕ້ອນ​ຮັບ​ນັກ​ທ່ອງ​ທ່ຽວ 2 ຄົນ ທີ່ຢາກ​ກິນເຂົ້າ​ໜົມມີ​ໂກ ເຊິ່ງ​ເປັນ​ເຂົ້າ​ໜົມ​ທີ່​ເຮັດ​ດ້ວຍ​ແປ້ງ​ເຂົ້າ​ໜຽວ ແລະ ​ອາ​ຫານພື້ນ​ບ້ານ​. ຕໍ່​ມາ, ມີ​ນັກ​ທ່ອງ​ທ່ຽວນັບ​ມື້​ນັບຫຼາຍ​ຂຶ້ນຍ້ອນໄດ້​ຮູ້​ຊື່​ສຽງ​ແລ້ວ​ມາ​ຢາມ, ເມຍ​ຂອງ​ທ່ານ​ຈ່າງ​ເສີງ​ເຕີ​ໄດ້​ເປີດ​ຮ້ານ​ອາ​ຫານ​ພື້ນ​ບ້ານ, ໃນ​ມື້​ທີ່​ມີ​ແຂກຫຼາຍ​ທີ່​ສຸດ​ຕ້ອງ​ເຮັດ​ອາ​ຫານ 8-9 ໂຕະ.

 

ໃນ​ເມື່ອ​ກ່ອນ, ທ່ານ​ຈ່າງ​ເສີງ​ເຕີ​ມັກ​ລ້ຽງ​ແບ້. ຕໍ່​ມາ​ທາງ​ບ້ານ​ຕົກ​ລົງ​ພັດ​ທະ​ນາ​ອຸດ​ສາ​ຫະ​ກຳ​ໝາກ​ຄາຍ​ເຫຼືອງ ແລະ ໃບ​ຊາ, ຈຶ່ງ​ຊີ້​ນຳ​ໃຫ້ຊາວ​ບ້ານ​ຢຸດ​ຕິ​ການ​ລ້ຽງ​ແບ້​ທີ່​ມັກ​ກິນ​ເບ້ຍ​ໄມ້​ເທື່ອ​ລະ​ກ້າວ. ໃນ​ເບື້ອງ​ຕົ້ນ, ທ່ານ​ຈ່າງ​ເສີງ​ເຕີ​ໄດ້​ລ້ຽງ​ແບ້ 30 ກວ່າ​ໂຕ ຈຶ່ງ​ບໍ່​ຍອມ​ຢຸດ​ຕິ​ການ​ລ້ຽງ​ແບ້, ແຕ່​ຫຼັງ​ຈາກ​ເຫັນ​ວ່າ​ຢູ່​ພາຍໃນ​ບ້ານ​ໄດ້​ເກີດ​ການ​ປ່ຽນ​ແປງ​ຢ່າງຫຼວງຫຼາຍ, ທຸ​ລະ​ກິດ​ການ​ທ່ອງ​ທ່ຽວ​​ຕາມ​ວິ​ຖີ​ຊົນ​ນະ​ບົດ​ນັບ​ມື້​ນັບ​ຈະ​ເລີນ​ຂຶ້ນ, ຄູ່​ຜົວ​ເມຍ ​ທ່ານ​ຈ່າງ​ເສີງ​ເຕີ​ກໍ​ໄດ້​ເປັນ​ເຈົ້າ​ການ​ສະ​ໜັບ​ສະ​ໜູນ​ຂໍ້​ຕົກ​ລົງ​ຂອງ​ທາງ​ບ້ານ, ແລະ​ນຳ​ໜ້າ​ຂາຍ​ແບ້​ທັງ​ໝົດ​ທີ່​ຕົນ​ລ້ຽງ​ໄວ້.
 

ທ່ານ​ເລ​ຂາ​ທິ​ການ​ໃຫຍ່​ເຄີຍ​ຈັບ​ມື​ກັບ​ຂ້ອຍ:ຢ້ຽມ​ຢາມບ້​ານ​ເສີນ​ສ່ານ​ເມືອງ​ຈິງ​​ກ່າງ​ສ່ານ​ແຂວງ​ຈ່ຽງ​ຊີ່ 2_fororder_彭夏英在自家农家乐前展示农产品
 

ນາງ​ເຜີງ​ເຊ້ຍ​ຢິ່ງ ເມຍ​ຂອງ​ທ່ານ​ຈ່ງ​ເສີງ​ເຕີ​ກຳ​ລັງ​ສະ​ແດງ​ໃຫ້​ເຫັນ​ຜະ​ລິດ​ຕະ​ພັນ​ກະ​ສິ​ກຳ​ທີ່​ຄອບ​ຄົວ​ຕົນ​ຜະ​ລິດ​ນັ້ນ​ຢູ່​ຕໍ່​ໜ້າ​ຮ້ານ​ອາ​ຫານ​ພື້ນ​ເມືອງ​ຂອງ​ຕົນ

 

ປັດ​ຈຸ​ບັນ​ນີ້, ການ​ທ່ອງ​ທ່ຽວ​​ຕາມ​ວິ​ຖີ​ຊົນ​ນະ​ບົດ ແລະ​ເຮືອນ​ພັກ​​ໂຮມ​ສະ​ເຕໄດ້​ພັດ​ທະ​ນາ​ຂຶ້ນ​ຢູ່​ບ້ານ​ເສີນ​ສ່ານ, ອຸດ​ສາ​ຫະ​ກຳ​ໝາກ​ຄາຍ​ເຫຼືອງ ແລະ ໃບ​ຊາ​ກໍ​ໄດ້​ຮັບ​ການ​ພັດ​ທະ​ນາ​ນັບ​ມື້​ນັບ​ດີ​ຂຶ້ນ, ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ບ້ານ​ເສີ​ນ​ສ່ານ​ກໍ​ນັບ​ມື້​ນັບ​ດີ​ຂຶ້ນ. ລາຍ​ຮັບຈາກ​ທຸ​ລະ​ກິດ​ການ​ທ່ອງ​ທ່ຽວ​​ຕາມ​ວິ​ຖີ​ຊົນ​ນະ​ບົດ ບວກ​ກັບ​ລາຍ​ຮັບ​ຈາກ​ການ​ຈຳ​ໜ່າຍ​ຜະ​ລິດ​ຕະ​ພັນ​ພື້ນ​ເມືອງ ເຮືອນ​ພັກ​ໂຮມ​ສະ​ເຕ, ຜົນ​ກຳ​ໄລ​ຈາກ​ສະ​ຫະ​ກອນ​ປູກ​ໝາກ​ຄາຍ​ເຫຼືອງ ແລະ ໃບ​ຊາ, ລວມ​ທັງ​ໝົດ​ແລ້ວ ລາຍ​ຮັບ​ໝົດ​ປີ​ໄດ້​ເພີ່ມ​ຂຶ້ນຫຼາຍ​​ເທົ່າ​ເມື່ອ​ທຽບ​ໃ​ສ່​ປີ 2016.

 

“ໃນ​ມື້​ນັ້ນ, ຢູ່​ສະ​ໜາມຫຼວງ​ນ້ອຍ​ຂອງ​ບ້ານ, ທ່ານ​ສີ​ຈິ້ນ​ຜິງ​ກ່າວ​ວ່າ, ພັກ​ພວກ​ເຮົາ​ແມ່ນ​ພັກ​ທີ່​ຮັບ​ໃຊ້​ປະ​ຊາ​ຊົນ​ຢ່າງ​ສຸດ​ອົກ​ສຸດ​ໃຈ, ຈະ​ສືບ​ຕໍ່​ອອກ​ແຮງ​ສະ​ໜັບ​ສະ​ໜູນ​ການ​ພັດ​ທະ​ນາເຂດ​ທີ່​ໝັ້ນ​ເກົ່າ, ໃຫ້​ພີ່​ນ້ອງ​ປະ​ຊາ​ຊົນ​ມີ​ຊີ​ວິດ​ການ​ເປັນ​ຢູ່​ທີ່​ນັບ​ມື້​ນັບ​ດີ​ຂຶ້ນ. ຢູ່​ບົນ​ເສັ້ນ​ທາງ​ທີ່​ຫຼຸດ​ພົ້ນ​ອອກ​ຈາກ​ຄວາມ​ທຸກ​ຍາກ, ຈະ​ບໍ່​ປ່ອຍ​ປະໃຫ້ ​ຄອບ​ຄົວ​ທຸກ​ຍາກ​ແມ່ນ​ແຕ່​ຄອບ​ຄົວ​ດຽວ ແລະ ປະ​ຊາ​ຊົນ​ຜູ້​ທຸກ​ຍາກ​ຕົກ​ແຖວ​ແມ່ນ​ແຕ່​ຄົນ​ດຽວ​.” ເມື່ອ​ຫວນ​ຄືນ​ສະ​ພາບ​ການ​ໃນ​ເວ​ລາ​ນັ້ນ, ​ທ່ານລານ​ເ​ຊີ້ງ​ຮ​ວາ​ ຊາວ​ບ້ານ​ບ້ານ​ເສີນ​ສ່ານ​ເວົ້າ​ດ້ວຍ​ຄວາມ​ຕື່ນ​ເຕັ້​ນ​ໃຈ​ທີ່​ສຸດ​ວ່າ: ພາຍ​ໃຕ້​ຄວາມ​ພະ​ຍາ​ຍາມ​ຮ່ວມ​ຂອງ​ພະ​ນັກ​ງານບ້ານ ແລະ ປ​ະ​ຊາ​ຊົນ​ຈຳ​ນວນຫຼວງຫຼາຍ, ປັດ​ຈຸ​ບັນ​ນີ້ ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ບ້ານ​ເສີນ​ສ່ານ​ນັບ​ມື້​ນັບ​ດີ​ຂຶ້ນ, ຜູ້​ເຖົ້າ​ທັງຫຼາຍ​ມີ​ຄວາມ​ສຸກກວ່າ​ເກົ່າ, ພວກ​ເດັກ​ນ້ອຍ​ກໍ​ໄດ້​ເຕີບ​ໃຫຍ່​ຂຶ້ນ​ຢ່າງ​ແຂງ​ແຮງ.

 

ທ່ານ​ລານ​ເຊີ້ງ​ຮ​ວາ​ໄດ້​ພາ​ນັກ​ຂ່າວ​ເດີນ​ທາງໄປ​ຕາມ​ເສັ້ນ​ທາງ​ການ​ສຳຫຼວດກວ​ດ​ກາ​ວຽກ​ງານ​ຂອງ​ທ່ານ​ສີ​ຈິ້ນ​ຜິງ, ແລະ​ເວົ້າ​ວ່າ: “ທ່ານ​ສີ​ຈິ້ນ​ຜິງ​ມີ​ຄວາມ​ຮັບ​ຮູ້​ຫຼາຍ​ທີ່​ສຸດ​ຕໍ່​ກັບ​ຄວາມ​ເປັນ​ຈິງ​ຢູ່​ຊົນ​ນະ​ບົດ ແລະ ຮາກ​ຖານ. ເພິ່ນ​ມີ​ຄວາມ​ເອົາ​ໃຈ​ໃສ່​ຢ່າງ​ສຸ​ຂຸມ​ຮອບ​ຄອບ​ຕໍ່​ປະ​ຊາ​ຊົນ, ສັງ​ເກດ​ເບິ່ງ​ຢ່າງ​ລະ​ອຽດ ແລະ​ຖາມ​ລະ​ອຽດ​ທີ່​ສຸດ. ໃນ​ຖາ​ນະ​ເປັນ​ພະ​ນັກ​ງານ​ຂັ້ນ​ຮາກ​ຖານ, ຂ້າ​ພະ​ເຈົ້າ​ມີ​ຄວາມ​ຮູ້​ສຶກ​ຢ່າງ​ເລິກ​ເຊິ່ງວ່າ, ມີ​ທ່ານ​ສີ​ຈິ້ນ​ຜິງ​ເປັນ​ຜູ້​ນຳ, ພະ​ນັກ​ງານ​ຂັ້ນ​ຮາກ​ຖານ​ກໍ​ມີ​ຄວາມ​ໝັ້ນ​ໃຈ, ປະ​ຊາ​ຊົນ​ມີ​ຄວາມ​ສຸກ, ການ​ຟື້ນ​ຟູ​ຄວາມ​ຈະ​ເລີນ​ຮຸ່ງ​ເຮືອງ​ຂອງ​ຊາດ​ກໍ​ມີ​ຄວາມ​ຫວັງ!”

 

ໃນ​ມື້​ນັ້ນ, ທ່ານຫຼີ​ຈົ່ງ​ອູ ຊາວ​ບ້ານ​ບ້ານ​ເສີນ​ສ່ານ​ໄດ້​ຮ່ວມ​ກັບ​ທ່ານ​ສີ​ຈິ້ນ​ຜິງ​ຕຳເຂົ້າ​ເພື່ອ​ເຮັດ​ເຂົ້າ​ໜົມ​ສື​ປ່າ. ຕຶກ​ນ້ອຍ 2 ​ຊັ້ນຂອງ​ທ່ານ​ໄດ້​ປັບ​ປຸງ​ເປັນ​ເຮືອນ​ພັກ​ທີ່​ມີ 5 ຫ້ອງ. ຫ້ອງ​ພັກ​ກວ້າງ​ຂວາງ ແລະ ສະ​ອາດ, ໃນ​ປີ 2021 ຍັງ​ໄດ້​ປູ​ພື້ນ​ໃໝ່. ​ກ່ອນ​ປີ 2016, ​ພື້ນ​ຂອງ​ຕຶກ​ນ້ອຍ​ແຫ່ງ​ນີ້​ຍັງ​ເປັນພື້ນ​ດິນ​, ເມື່ອ​ມີ​ຝົນ​ຕົກ ຫຼື ຫິ​ມະ​​ຕົກແລ້ວ, ຫຼັງ​ຄາ​ຈະ​​ຮົ່ວມີ​ນ້ຳ​ຍ້ອຍ, ພື້ນ​ເຮືອນ​ກໍ​ກາຍ​ເປັນ​ດິນ​ຕົມ​ໝົດ. ທ່ານຫຼີ​ຈົ່ງ​ອູ​ເວົ້າ​ດ້ວຍ​ຄວາມ​ຕື່ນ​ເຕັ້ນ​ໃຈ​ວ່າ: “ຊີ​ວິດ​ການ​ເປັນ​ຢູ່​ຂອງ​ພວກ​ເຮົາ​ນັບ​ມື້​ນັບ​ດີ​ຂຶ້ນ. ຫວັງ​ວ່າ​ທ່ານ​ສີ​ຈິ້ນ​ຜິງ​ຈະ​ມາຫຼິ້ນ​ບຸນ​ກຸດ​ຈີນ​ຢູ່​ເຮືອນ​ຂອງຂ້ອຍ​ອີກ, ຂ້ອຍ​ຈະ​ເຮັດ​ເຂົ້າ​ໜົມ​ສື​ປ່າ​ກັບ​ທ່ານ​ອີກ​ຄັ້ງ​ໜຶ່ງ, ​ແລະເຊີນ​ທ່ານ​ກວດ​ກາ​ເບິ່ງວ່າ​ຢູ່​ບ້ານ​ຂອງ​ພວກ​ເຮົາ​ໄດ້​ເກີດ​ການ​ປ່ຽນ​ແປງ​ອັນ​ໃຫຍ່ຫຼວງ​ແນວ​ໃດ​ແດ່.”

 

ທ່ານ​ເລ​ຂາ​ທິ​ການ​ໃຫຍ່​ເຄີຍ​ຈັບ​ມື​ກັບ​ຂ້ອຍ:ຢ້ຽມ​ຢາມບ້​ານ​ເສີນ​ສ່ານ​ເມືອງ​ຈິງ​​ກ່າງ​ສ່ານ​ແຂວງ​ຈ່ຽງ​ຊີ່ 2_fororder_彭夏英查看黄桃生长情况

 

ນາງ​ເຜີງ​ເຊ້ຍ​ຢິ່ງ​ກຳ​ລັງ​ກວດ​ເບິ່ງ​ສະ​ພາບ​ການ​ເຕີບ​ໃຫຍ່​ຂອງ​ຕົ້ນ​ໝາກ​ຄາຍ​ເຫຼືອງ​ໃນ​ສວນ​ໝາກ​ໄມ້​ຂອງ​ຕົນ

 

ນາງ​ເຜີງ​ເຊ້ຍ​ຢີ່ງ ຊາວ​ບ້ານ​ບ້ານ​ເສີນ​ສ່ານ​ກໍ​ເວົ້າ​ດ້ວຍ​ຄວາມ​ຍິ້ມແຍ້ມ​ແຈ່ມ​ໃສ​ວ່າ: “ພັກ ແລະ ລັດ​ຖະ​ບານ​ໃຫ້​ການ​ສະ​ໜັບ​ສະ​ໜູນ​ແກ່​ພວກ​ເຮົາ, ພວກ​ເຮົາ​ຍິ່ງ​ຕ້ອງ​ມີ​ສະ​ຕິ​ເ​ພິ່ງ​ຕົນ​ເອງ ແລະ ສ້າງ​ຄວາມ​ເຂັ້ມ​ແຂງ​ດ້ວຍ​ຕົນ​ເອງ.” ປັດ​ຈຸ​ບັນ​ນີ້, ບ້ານ​ເສີນ​ສ່ານ​​ມີ​ຄວາມ​ສວຍງາມກວ່າ​ເກົ່າ, ພີ່​ນ້ອງ​ປະ​ຊາ​ຊົນ​ຮັ່ງ​ມີ​ຂຶ້ນ, ພວກ​ເຮົາ​ຄິດ​ຮອດ​ຄິດ​ເຖິງ​ທ່ານ​ສີ​ຈິ້ນ​ຜິງຫຼາຍ​ທີ່​ສຸດ, ຫວັງ​ວ່າ​ທ່ານ​ຈະ​ມາ​ຢາມ​ພວກ​ເຮົາ​ອີກ​ເທື່ອ​ໜຶ່ງ.

 

ປັດ​ຈຸ​ບັນ​ນີ້, ປະ​ຊາ​ຊົນ​ບ້ານ​ເສີນ​ສ່ານ​ມັກ​ເວົ້າ​ເລື້ອຍໆ​ວ່າ: “ດື່ມ​ນ້ຳ​ບໍ່​ລືມ​ບຸນ​ຄຸນ​ຂອງ​ຜູ້​ຂຸດ​ນ້ຳ​ສ້າງ.” ຖ້າ​ບໍ່​ມີ​ຄວາມ​ເອົາ​ໃຈ​ໃສ່​ຂອງ​ທ່ານ​ສີ​ຈິ້ນ​ຜິງ, ບໍ່​ມີ​ນະ​ໂຍ​ບາຍ​ທີ່​ດີ​ຂອງ​ພັກ, ກໍ​ບໍ່​ອາດ​ມີ​ຊີ​ວິດ​ທີ່​ຜາ​ສຸກ​​ຄື​ຊູ່​ມື້​ນີ້.

 

ການ​ໄປ​ຢ້ຽມ​ຢາມ​ຂອງ​ທ່ານ​ສີ​ຈິ້ນ​ຜິງ, ໄດ້​ນຳ​ເອົາ​ຄວາມ​ໝັ້ນ​ໃຈ ແລະ ຄວາມ​ກ້າ​ຫານມາ​ໃຫ້​ແກ່​ປະ​ຊາ​ຊົນ​ບ້ານ​ເສີນ​ສ່ານ, ເຂົາ​ເຈົ້າ​ບໍ່​ພຽງ​ແຕ່​ຂອບ​ອົກ​ຂອບ​ໃຈ​ນຳ​ທ່ານ​ສີ​ຈິ້ນ​ຜິງ​ຢ່າງ​ສຸດ​ໃຈ, ​ເທົ່າ​ນັ້ນ​ຍັງ​ມີ​ຄວາມ​ຄິດ​ຮອດ​ຄິດ​ເຖິງ​ຕໍ່​ທ່ານ​ສີ​ຈິ້ນ​ຜິງ​ຕື່ມ​ອີກ, ຫວັງ​ວ່າ​ທ່ານ​ຈະ​ໄປ​ສຳ​ຜັດ​ກັບ​ການ​ປ່ຽນ​ແປງ​ຂອງ​ຂອງ​ບ້ານ​ເສີນ​ສ່ານ, ແລະ ກວດ​ເບິ່ງ​ຊີ​ວິດ​ທີ່​ມີ​ຄວາມ​ສຸກ​ຂອງ​ປະ​ຊາ​ຊົນ​ບ້ານ​ເສີ​ນ​ສ່ານ.

ຄຳ​ເຫັນ

0