 |
|
|
|||
| |
 |
|
||||||
 |
||
|
||
|
||
|
||
|
||
|
1.ມະຫາສະໝຸດແລະທ້ອງຟ້າປອດໂປ່ງ
ເມື່ອໄດ້ຟັງເພງມະຫາສະໝຸດແລະທ້ອງຟ້າປອດໂປ່ງທີ່ຮ້ອງໂດຍວົງດົນຕີBEYOND,ກໍ່ຍິນດີຕ້ອນຮັບທ່ານເຂົ້າສູ່ລາຍການເພງດັງໃນອະດີດ.
ມີເພື່ອນຜູ້ໜຶ່ງເວົ້າວ່າ,ໃນເວລາຫາກຟັງເພງມະຫາສະໝຸດແລະທ້ອງຟ້າປອດໂປ່ງ,ຍັງບໍ່ສາມາດເຂົ້າໃຈຄຳທີ່ວ່າຄວາມຫງົາແບບສະຫງ່າ,ເລີຍເອົາຖິ້ມໄວ້ບ່ອນໜຶ່ງບໍ່ຢາກຟັງ.ໝູ່ເວົ້າວ່າ,ໃນເວລາຮຽນຊັ້ນມັດທະຍົມຕົ້ນ ບໍ່ມີເລື່ອງຫວ່ງໃຍຫຍັງໝົດນຳເລື່ອງທີ່ເກີດຂຶ້ນຢູ່ອ້ອມຂ້າງ,ຕໍ່ວົງBEYONDກໍ່ແຮງບໍ່ຮູ້ຫຍັງເລີຍ,ແຕ່ເມື່ອຮອດເວລາທີ່ສາມາດເຂົ້າໃຈແລ້ວນັ້ນ,ຈຶ່ງຮູ້ສຶກວ່າມີຄວາມເສົ້າໝອງໃຈຢ່າງໜຶ່ງຊາບຊຶມເຂົ້າຈົນຮອດກະດູກ.
ຫວນຄຶດເຖິງຮວາງເຈ່ຍຈູ່ ນັກຮ້ອງນຳຂອງວົງBEYONDໃນປີນັ້ນ,ຮ້ອງດ້ວຍສຽງທີ່ເສົ້າໆວ່າ ຂໍອະໄພທີ່ຂ້ອຍມັກເຮັດຕາມລຳພັງໃຈ,ແຕ່ເວລາລາວໄດ້ເຖິງແກ່ກຳນັ້ນ ລາວພຽງແຕ່31ປີເທົ່ານັ້ນ,ເປັນຕາເສຍດາຍແທ້ໆ.
ມີເທື່ອໜຶ່ງ ບັງເອີນມີໂອກາດ,ໄດ້ເຫັນVCDຄອນເສີດຂອງວົງBEYONDທີ່ສະແດງໃນປີ1991,ກໍ່ແມ່ນຮວາງເຈ່ຍຈູ່ເປັນຜູ້ຮ້ອງເພງ "ໃຜຈະເປັນໝູ່ຂ້ອຍອອກໄປຫາກິນຢູ່ຖິ່ນອື່ນ"ເພງນີ້,ໃນເວລານັ້ນ ລາວກົ້ມໜ້າດີດກີຕາ,ບໍ່ເຫັນແສງຕາຂອງລາວ,ທຳນອງເຍືອກເຢັນ,ຄົນຢູ່ອ້ອມຂ້າງລາວຫຼາຍປານນັ້ນ,ແຕ່ລາວພັດໂດດດ່ຽວຫຼາຍ.ຕໍ່ມາ,ໃນປີ1993 ລາວໄດ້ສະແດງຢູ່ຮົງກົງໂດຍບໍ່ສຽບໄຟຟ້າ,ລາວບອກໃຫ້ຜູ້ຟັງມິດງຽບ,ແລະລາວກໍ່ດີດກີຕາສີດຳຂອງລາວແບບເກົ່າ.ສຽງດົນຕີດັງມາແຕ່ໄກຮອດໃກ້,ລາວເຮັດໜ້ານິ້ງເສີຍ, ທ່ານຄິດວ່າ ດົນຕີຕອນນັ້ນເປັນແນວໃດ?
2.ຮັກເຈົ້າຈື່ໄດ້ວ່າ,ມິວຊິກວີດີໂອຂອງເພງຮັກເຈົ້າ,ຮວາງເຈ່ຍຈູ່ຍ່າງລົງມາຈາກຂັ້ນໄດເທື່ອລະກ້າວ,ຖ້າເຫັນຄົນທີ່ລາວມັກຍ່າງໄປທາງອື່ນ,ສາຍຕາແບບ,ແນ່ນອນບໍ່ແມ່ນສະແດງເອົາ,ແລະບໍ່ເຄີຍເຫັນໃນມິວຊິກວີດີໂອຂອງເພງອື່ນຈັກເທື່ອ.ເວລານັ້ນ,ຮວງເຈ່ຍຈູ່ກຳລັງຄິດຫຍັງຢູ່?ຕອນນັ້ນ ລາວຍັງໜຸ່ມປານນັ້ນ ຍັງຄືເດັກນ້ອຍຢູ່,ຕາກໍ່ໃສ,ແມ່ນນ້ຳຕາລາວຫວະ?
ເມື່ອຂ້ອຍເປີດເບິ່ງປະຫວັດສາດຂອງBEYONDນັ້ນ,ຂ້ອຍໄດ້ສັງເກດວ່າໄດ້ພົບຮວາງເຈ່ຍຈູ່ຢູ່ໃນວົງການບັນເທີງແມ່ນເລື່ອງອັດສະຈັນ,ວົງBEYONDທີ່ລາວຕັ້ງຂຶ້ນກໍ່ແມ່ນເລື່ອງອັດສະຈັນຄືກັນ.
3.ຍຸກສະໄໝທີ່ຮຸ່ງເຮືອງ
ການສ້າງຄຸນສົມບັດຂອງຄົນຜູ້ໜຶ່ງແມ່ນມີສ່ວນກ່ຽວພັນກັບຄວາມສາມາດການຄວບຄຸມຕົນເອງ ແລະສະພາບແວດລ້ອມສັງຄົມແລະຄອບຄົວ.ຮວາງເຈ່ຍຈູ່ເກີດຢູ່ຮົງກົງໃນຊຸມປີ1960ຫາ1970,ນັ້ນແມ່ນຍຸກສະໄໝທີ່ສັງຄົມມີຮີດຄອງທີ່ດີ, ມີຫຼາຍຄົນບຸກບືນສູ້ຊົນຢ່າງລຳບາກໃນສະໄໝນັ້ນ,ຄອບຄົວຂອງລາວບໍ່ຮັ່ງ,ແຕ່ເປັນຄອບຄົວທີ່ມີຄວາມສຸກແລະອົບອຸ່ນ,ທັງໝົດເຫຼົ່ານີ້ໄດ້ເຮັດໃຫ້ລາວມີນິດໄສທີ່ດີ.
ການນຸ່ງຖືຂອງຮວາງເຈ່ຍຈູ່ບໍ່ຫຼູຫຼາຈັກໜ້ອຍ,ແລະບໍ່ຂີ້ອວດຂີ້ອົ່ງຄືດາລາໃຫຍ່ອື່ນໆ,ລາວນຳພາວົງBEYONDກໍ່ເປັນແບບມະຫາຊົນ,ທຳມະຊາດແລະທັງປະຢັດ.
ຫຼາຍຄົນເວົ້າວ່າ ຄົນເຮັດວຽກດົນຕີມີຈິນຕະນາການທີ່ອ່າວຕ່າງກັບຄົນທົ່ວໄປ,ແຕ່ລາວບໍ່ແມ່ນ,ລາວພັດເປັນຄົນຊື່ແລະທຸ່ນທ່ຽງ,ແກ້ໄຂບັນຫາດ້ວຍຄວາມມີສະຕິສຳປະຊັນຍະ,ບໍ່ຮ້ອນຮົນກະລົກກະລົນ.ເບິ່ງກະແຊັດວິດີໂອໃນປີນັ້ນ,ຮວາງເຈ່ຍຈູ່ເວົ້າຫຍັງກໍ່ເວົ້າດ້ວຍທ່າທີທຸ່ນທ່ຽງ,ເວົ້າຫຍັງກໍ່ບໍ່ຂຶງຂັງມັງມໍ,ແລະສຽງເວົ້າກໍ່ມ່ວນ,ບາງເທື່ອກໍ່ໄຮ້ດຽງສາຄືເດັກນ້ອຍ,ບໍ່ຂີ້ອວດ ແຕ່ມີຄວາມໝັ້ນໜຽວບໍ່ຫວັ່ນໄຫວຄອນແຄນ.ຄວາມໃຈຮ້າຍຂອງລາວສ່ວນຫຼາຍມີແຕ່ຢູ່ໃນສາຍຕາຫຼືໃນຄອນເສີດຂອງລາວ,ບາງທີແມ່ນຮ້າຍໃນໃຈ.
4.ຮັກເຈົ້າແທ້
ທ່ານຜູ້ຟັງ,ລາຍການເພງດັງໃນອະດີດຂອງວິທະຍຸສາກົນແຫ່ງປະເທດຈີນcriສຳລັບມື້ນີ້ຂໍຈົບລົງພຽງທໍ່ນີ້.ຫວັງວ່າທ່ານຄົງຕິດຕາມລາຍການຂອງພວກເຮົາເລື້ອຍໆໃນທຸກໆວັນອັງຄານ.ຖ້າທ່ານຢາກຕິດຕໍ່ກັບພວກເຮົາ.ທີ່ຢູ່ຕູ້ໄປສະນີແມ່ນ lao service ,CRI-13. China radio International p.o.BOX:4216,Beijing. China 100040. ເບີໂທ008610 68892192 ຫຼືຂໍ້ຄວາມສັ້ນກໍ່ແມ່ນ2430000,ຢ່າລືມຕິດຕໍ່ກັບພວກເຮົາເດີ້.ຄືນນີ້ຂໍໃຫ້ທ່ານຈົ່ງນອນຫຼັບຝັນດີ.
 |
 |
| © China Radio International.CRI. All Rights Reserved. 16A Shijingshan Road, Beijing, China. 100040 |