ເສີມສ້າງການຕິດຕໍ່ພົວພັນກັນ,ອາຊຽນກ້າວໄປສູ່ປະຊາຄົມ
(GMT+08:00) 2009-11-18 17:01:32 cri
ກອງປະຊຸມສຸດຍອດອາຊຽນຄັ້ງທີ 15 ແລະກອງປະຊຸມສຸດຍອດອາຊຽນກັບປະເທດຄູ່ເຈລະຈາຕ່າງໆຈະຈັດຂຶ້ນຢູ່ເມືອງຊະອຳແລະເມືອງຫົວຫີນທີ່ພາກກາງຂອງໄທທີ່ຫ່າງຈາກນະຄອນຫຼວງບາງກອກປະມານ 200 ກິໂລແມັດແຕ່ວັນທີ21ຫາວັນທີ25ຕຸລານີ້.ຈຸດສຸມຂອງກອງປະຊຸມເທື່ອນີ້ແມ່ນຈະສືບຕໍ່ຊຸກຍູ້ສ້າງປະຊາຄົມອາຊຽນແນວໃດ, ແລະເສີມສ້າງການຕິດຕໍ່ພົວພັນກັນລະຫວ່າງປະເທດສະມາຊິກ,ຊຸກຍູ້ປະຊາຊົນເຂົ້າຮ່ວມການກໍ່ສ້າງປະຊາຄົມອາຊຽນແລະເຮັດໃຫ້ປະຊາຊົນໄດ້ຮັບຜົນປະໂຫຍດຢ່າງແທ້ຈິງ.
ກອງປະຊຸມສຸດຍອດອາຊຽນເທື່ອນີ້ແລະກອງປະຊຸມສຸດຍອດອາຊຽນກັບປະເທດຄູ່ເຈລະຈາຕ່າງໆມີຫົວຂໍ້ວ່າ"ເສີມສ້າງການຕິດຕໍ່ພົວພັນກັນ, ມອບສິດອຳນາດໃຫ້ປະຊາຊົນ", ລວມທັງກອງປະຊຸມສຸດຍອດອາຊຽນ, ກອງປະຊຸມສຸດຍອດອາຊຽນກັບ 3 ປະເທດຄູ່ເຈລະຈາຄືຈີນ, ຍີ່ປຸ່ນແລະສ.ເກົາຫຼີແລະກອງປະຊຸມສຸດຍອດອາຊຽນກັບຈີນ, ກອງປະຊຸມສຸດຍອດອາຊຽນກັບອິນເດຍແລະກອງປະຊຸມສຸດຍອດອາຊີຕາເວັນອອກເປັນຕົ້ນ. ໃນເວລາແນະນຳຫົວຂໍ້ຂອງກອງປະຊຸມເທື່ອນີ້, ທ່ານວິທະວັດ ສິຣິວິຮົກ, ຫົວໜ້າກົມອາຊຽນກະຊວງການຕ່າງປະເທດໄທກ່າວວ່າ: "ອັນທີ່ວ່າ"ຕິດຕໍ່ພົວພັນກັນ"ລວມທັງດ້ານວັດຖຸ,ກໍ່ລມີຄວາມໝາຍທີ່ບໍ່ແມ່ນວັດຖຸ.ພວກຂ້າພະເຈົ້າເຫັນວ່າ,ພາຍໃຕ້ສະພາບການໂລກາພິວັດ,ສິນຄ້າແລະການບໍລິການຈໍລະຈອນ ຢ່າງເສລີ,ພ້ອມດ້ວຍທຶນ,ຄວາມຮູ້,ຂໍ້ມູນຂ່າວສານວິທະຍາສາດເຕັກນິກແລະຊັບພະຍາກອນມະນຸດກໍ່ຈໍລະຈອນຢ່າງເສລີ.ຜູ່ນຳອາຊຽນກັບຜູ້ນຳປະເທດຄູ່ເຈລະຈາຈະຮ່ວມກັນຫາລືເຮັດແນວໃດເພື່ອສ້າງຕັ້ງປະຊາຄົມອາຊຽນໃນປີ2015ຕາມເວລາກຳນົດ.ປະຈຸບັນນີ້,ເຫຼືອແຕ່6ປີແລ້ວ."ຕິດຕໍ່ພົວພັນ"ແມ່ນປັດໄຈສຳຄັນທີ່ສຸດຕໍ່ການສ້າງຕັ້ງປະຊາຄົມອາຊຽນ ຂອງພວກຂ້າພະເຈົ້າໃນ6ປີຂ້າງໜ້າ."
ກອງປະຊຸມສຸດຍອດອາຊຽນຄັ້ງທີ15ຈະຈັດຂຶ້ນໃນຕອນເຊົ້າວັນທີ23ຕຸລານີ້.ຮອດເວລານັ້ນ,"ຄະນະກຳມະການສິດທິມະນຸດລະຫວ່າງລັດຖະບານອາຊຽນ"ເຊິ່ງເປັນອົງການຈັດຕັ້ງສິດທິມະນຸດອົງການທຳອິດຂອງອາຊຽນກໍ່ຈະຈັດພິທີຂຶ້ນຮັບຕຳແໜ່ງໃນມື້ດຽວກັນ,ຜູ້ນຳຂອງ10ປະເທດອາຊຽນລ້ວນແຕ່ຈະເຂົ້າຮ່ວມ.ການສ້າງຕັ້ງຄະນະກຳມະການດັ່ງ ກ່າວເປັນຂີດໝາຍສະແດງໃຫ້ເຫັນວ່າ,ອາຊຽນໄດ້ຢ່ວງບາດກ້າວໜຶ່ງໃນການເຜີຍແຜ່ແລະປົກປ້ອງສິດທິມະນຸດ.ທ່ານວິທະວັດ ສິຣິວິຮົກ,ຫົວໜ້າກົມອາຊຽນກະຊວງການຕ່າງ ປະເທດໄທກ່າວວ່າ,ການສ້າງຕັ້ງຄະນະກຳມະການສິດທິມະນຸດມີຄວາມໝາຍສຳຄັນທີ່ສຸດຕໍ່ອາຊຽນ.
ທ່ານກ່າວວ່າ:"ນັບແຕ່ປີກາຍນີ້ເປັນຕົ້ນມາ, ຫນ່ວຍງານສິດທິມະນຸດໄດ້ຈັດກອງປະຊູມ15 ເທື່ອ, "ກົດລະບຽບອົງການສິດທິມະນຸດຂອງອາຊຽນ "ຫຼືTOR ໄດ້ຮັບອະນຸມັດໃນກອງປະຊຸມລັດຖະມົນຕີການຕ່າງປະເທດອາຊຽນເທື່ອແລ້ວນີ້ທີ່ຈັດຂຶ້ນຢູ່ພູເກັດຂອງໄທ, ສ່ວນໃນກອງປະຊຸມເທື່ອນີ້ ,ຜູ່ນຳຂອງປະເທດຕ່າງໆຈະເປັນສັກຂີພິຍານຂອງການຈັດຕັ້ງຄະນະກຳມະການສິດທິມະນຸດ. ນີ້ແມ່ນມາດຕະການສຳຄັນ ທີ່ອາຊຽນສ້າງຕັ້ງປະຊາຄົມທີ່ຖືຄົນເປັນກົກ."
ໂດຍອີງຕາມແຜນການພັດທະນາໃນອະນາຄົດຂອງປະຊາຄົມອາຊຽນທີ່ທ່ານອະພິສິດ ເວດຊາຊີວະ,ນາຍົກລັດຖະມົນຕີໄທວາງອອກ, ປະຊາຄົມອາຊຽນ ຄວນແມ່ນ"ປະຊາຄົມປະຕິບັດງານ", "ປະຊາຄົມທີ່ຕິດຕໍ່ພົວພັນກັຣ"ແລະ"ປະຊາຄົມປະຊາຊົນ". ວັນທີ 23 ຕຸລານີ້, ຜູ່ນຳຂອງປະເທດຕ່າງໆໃນອາຊຽນ ຈະພົບປະກັບບັນດາຜູ່ຕາງຫນ້າຂອງກອງປະຊຸມລະຫວ່າງລັດຖະສະພາ, ອົງການຈັດຕັ້ງຊາວຫນຸ່ມແລະອົງການຈັດຕັ້ງມະຫາຊົນຂອງອາຊຽນຢ່າງບໍ່ເປັນທາງການ, ນີ້ແມ່ນການສະແດງຕົວຈິງທີ່ອາຊຽນສົ່ງເສີມປະຊາຊົນເຂົ້າຮ່ວມການສ້າງຕັ້ງປະຊາຄົມ.
