ຕາມຂ່າວCRI : ຫນັງສືພິມເອເລັກໂຕຼນິກຂອງພັກຄອມມູນິດຫວຽດນາມລາຍງານວ່າ, ງານວາງສະແດງຈຳຫນ່າຍແລະການລົງທຶນຂອງແມ່ນ້ຳຂອງປີ2009ທີ່ສະມາຄົມພັດທະນາການຮ່ວມມຶດ້ານເສດຖະກິດຂອງຫວຽດນາມ, ລາວແລະກຳປູເຈຍເປັນຜູ່ຈັດຂຶ້ນນັ້ນ ໄດ້ໄຂຂຶ້ນຢ່າງໃຫຍ່ໂຕມະໂຫລານ ຢູ່ສູນການປະຊູມແລະວາງສະແດງຂອງເຂດຕັ່ນຫມິ້ນນະຄອນໂຮຈິມິນຂອງຫວຽດນາມ.
ວິສາຫະກິດ 200 ແຫ່ງທີ່ເຂົ້າຮ່ວມງານວາງສະແດງເທື່ອນີ້ມາຈາກປະເທດແລະເຂດແຄວ້ນຕ່າງໆເຊັ່ນ:ຈີນ,ລາວ,ອິນເດຍ, ສິງກະໂປ,ໄທ,ຍີ່ປຸ່ນ,ປາກີສະຖານ,ກຳປູເຈຍ,ມຽນມາ,ມະເລເຊຍແລະອື່ນໆ, ມີຫ້ອງວາງສະແດງທັງຫມົດ 300 ຫ້ອງ, ຕົ້ນຕໍແມ່ນເພື່ອໂຄສະນາເຜີຍແຜ່ຜະລິດຕະພັນຕ່າງໆເຊັ່ນ: ຜະລິດຕະພັນກະສິກຳປ່າໄມ້,ອາຫານທະເລ, ແຜ່ນແພແລະເຄື່ອງນຸ່ງຫົ່ມ ຜະລິດຕະພັນ ເກີບ, ເຄື່ອງວິຈິດຕະກຳຫັດຖະກຳ, ອຸປະກອນເຄື່ອງໃຊ້ໄຟຟ້າ, ອຸປະກອນການແພດ, ເຄື່ອງເສີມຄວາມງາມ, ເຄື່ອງເຄືອບແລະແກ້ວຄຣິສຕານແລະອື່ນໆ.
