ກອງປະຊຸມຜູ່ນຳຈີນກັບອາຊຽນຫຼື10ບວກ1ຄັ້ງທີ12,ກອງປະຊຸມຜູ່ນຳອາຊຽນກັບຈີນ,ຍີ່ປຸ່ນ,ສ.ເກົາຫຼີຫຼື10ບວກ3ຄັ້ງທີ12ໄດ້ຈັດຂຶ້ນຢູ່ຫົວຫີນ ເມືອງແຄມທະເລຂອງໄທໃນວັນທີ24ຕຸລານີ້.ທ່ານເວິ່ນເຈ່ຍປາວ ນາຍົກລັດຖະມົນ ຕີຈີນໄດ້ເຂົ້າຮ່ວມກອງປະຊຸມ.ໃນກອງປະຊຸມຜູ່ນຳຈີນກັບອາຊຽນເທື່ອນີ້,ສອງຝ່າຍໄດ້ຫວນຄືນແລະສະຫຼຸບຂະບວນການທີ່ຮ່ວມກັນຮັບມືກັບການທ້າທາຍຕ່າງໆເຊັ່ນວິກິດການການເງິນສາກົນໃນ1ປີກວ່າທີ່ຜ່ານມາ,ໄດ້ກ້າວເຖິງຂັ້ນມີຄວາມເຫັນເປັນເອກະສັນກັນຢ່າງກວ້າງຂວາງກ່ຽວກັບການລົງເລິກການຮ່ວມມືຢ່າງຮອບດ້ານ.
ກອງປະຊຸມຕ່າງໆຂອງຜູ່ນຳອາຊີຕາເວັນອອກປີນີ້ແມ່ນຈັດຂຶ້ນພາຍໃຕ້ສະພາບການທີ່ປະເທດອາຊີຕາເວັນອອກຮັກສາທ່າອ່ຽງຂອງການຮ່ວມມື,ຕັ້ງໜ້າຮັບມືກັບວິກິດການການເງິນສາກົນ.ໃນເວລາເຂົ້າຮ່ວມກອງປະຊຸມຜູ່ນຳຈີນກັບອາຊຽນຄັ້ງທີ12,ທ່ານນາຍົກເວິ່ນເຈ່ຍປາວກ່າວວ່າ,ໂດຍປະເຊີນໜ້າກັບການທ້າກາຍອັນຂ້ຽວຂາດທີ່ມາຈາກວິກິດການການເງິນສາກົນ,ຈີນກັບອາຊຽນຊ່ວຍເຫຼືອກັນ,ເພີ່ມທະວີການຮ່ວມມື,ຊຸກຍູ້ການພັດທະນາພ້ອມກັນໃນຂະບວນການຮ່ວມກັນຮັບມືກັບການທ້າທາຍ.ປັດຈຸບັນ,ການເງິນຂອງຈີນກັບປະເທດອາຊຽນຮັກສາຄວາມໝັ້ນທ່ຽງໂດຍພື້ນຖານ,ເສດຖະກິດປະກົດມີທ່າອ່ຽງດີຂຶ້ນຢ່າງໜັກແໜ້ນໂດຍລວມ,ການຄ້າລະຫວ່າງສອງຝ່າຍພວມກ້າວເຂົ້າສູ່ໄລຍະເຕີບໂຕແບບຟື້ນຟູ.
ເຂດການຄ້າເສລີຈີນ-ອາຊຽນທີ່ໄດ້ຮັບຄວາມເອົາໃຈໃສ່ຫຼາຍຈະສ້າງສຳເລັດຢ່າງຮອບດ້ານຕາມເວລາກຳນົດໃນປີ2010. ເມື່ອສ້າງສຳເລັດແລ້ວ, ລະຫວ່າງຈີນ ກັບ ອາຊຽນຈະບັນລຸກການຄ້າເສລີໃນຂັ້ນພື້ນຖານ, ພາສີຈະບໍ່ແມ່ນສິ່ງຂັດຂວາງຕົ້ນຕໍຂອງການຄ້າສອງຕໍ່ສອງອີກ, ລະດັບເຊື່ອງໂຍງເສດຖະກິດເຂົ້າກັນຈະກ້າວເຖິງລະດັບສູງສຸດທີ່ບໍ່ເຄີຍມີມາກ່ອນ, ນີ້ກໍ່ຖືກຖືເປັນຫຼັກໝາຍທາງອັນສຳຄັນອີກອັນໜຶ່ງລໃນປະຫວັດສາດການພົວພັນລະຫວ່າງສອງຝ່າຍ. ກ່ຽວກັບເລື່ອງນີ້,ທ່ານເວີນເຈຍປາວໃຫ້ຂໍ້ສະເໜີວ່າ, ຈີນຍິນດີຈັດເວທີປຶກສາຫາລືເຂດການຄ້າເສລີຈີນ-ອາຊຽນໃນປີ2010, ແລະພ້ອມກັນກັບອາຊຽນສ້າງເວັບໄຊການຄ້າຂອງເຂດການຄ້າເສລີ,ສ້າງເຂດການຮ່ວມມືເສດຖະກິດຢູ່ປະເທດອາຊຽນ,ເປີດກວ້າງການລົງທຶນຕໍ່ອາຊຽນຂອງຈີນຢ່າງບໍ່ຢຸດຢັ້ງ, ປົກປັກຮັກສາສິດຊັບສິນທາງປັນຍາ, ລົບລ້າງສິ່ງຂັດຂວາງການຄ້າລັກສະນະເຕັກນິກ, ສ້າງລະບົບກວດກາພະຍາດຕໍ່ພືດ ແລະ ສັດເຂົ້າອອກເມືອງທີ່ເປັນເອກະພາບກັນ. ທ່ານນາຍົກເວີນເຈຍປາວຍັງສະເໜີໃຫ້ສອງຝ່າຍເລັ່ງລັດສ້າງພື້ນຖານໂຄງລ່າງ. ທີ່ເປັນຕາເອົາໃຈໃສ່ນັ້ນແມ່ນ, ຈີນໄດ້ຕົກລົງເພິ່ມຈຳນວນເງິນກູ້ທີ່ໃຫ້ສິດທິພິເສດໃນເງິນກູ້ສິນເຊື່ອ 15 ຕື້ໂດລາທີ່ຈີນຕົກລົງປ່ອຍໃຫ້ປະເທດອາຊຽນນັ້ນ ໄປຮອດ 6 ຕື້ 700 ລ້ານໂດລາ,ເພື່ອເພິ່ມການສະໜັບສະໜູນຕໍ່ການຮ່ວມມືກໍ່ສ້າງພື້ນຖານໂຄງລ່າງລະຫວ່າງຈີນ ກັບ ອາຊຽນ.
ຜູ້ນຳປະເທດຕ່າງໆຂອງອາຊຽນເປັນເອກະພາບກັນເຫັນວ່າ, ຈີນໃຊ້ການກະທຳຕົວຈິງເພື່ອສະໜັບສະໜູນແລະຊ່ອຍເຫຼືອປະເທດອາຊຽນແກ້ໄຂຄວາມຫຍຸ້ງຍາກ, ພ້ອມກັນຮັບມືກັບການທ້າທາຍ, ແມ່ນກຳລັງແຮງທີ່ສຳຄັນໃນການຮັກສາຄວາມໝັ້ນຄົງດ້ານການເງິນແລະເສດຖະກິດໃນພາກພື້ນນີ້, ຊຸກຍູ້ສັນຕິພາບແລະການພັດທະນາ. ຝ່າຍຕ່າງໆຫວັງໃຫ້ຮັກສາການສົນທະນາດ້ານການເມືອງກັບຈີນ, ລົງເລິກຄວາມໄວ້ເນື້ອເຊື່ອໃຈທາງການເມືອງ; ຖືເຂດການຄ້າເສລີອາຊຽນຈີນສ້າງສຳເລັດຢ່າງຮອບດ້ານນັ້ນເປັນໂອກາດ, ເພີ່ມທະວີການຮ່ວມມືດ້ານເສດຖະກິດການຄ້າແລະການໄປມາຫາສູ່ກັນດ້ານບຸກຄະລາກອນ; ຊູກຍູ້ການແລກປ່ຽນແລະການຮ່ວມມືໃນຂົງເຂດການເງິນການທະນາຄານ, ການກໍ່ສ້າງພື້ນຖານໂຄງລ່າງ, ການປ້ອງກັນແລະປິ່ນປົວພະຍາດ, ສິ່ງແວດລ້ອມ, ວັດທະນະທຳມະນຸດແລະອື່ນໆໃຫ້ໄດ້ໝາກຜົນຕົວຈິງຫຼາຍກວ່າເກົ່າ; ຊຸກຍູ້ການປະຕິຮູບລະບົບເສດຖະກິດການເງິນສາກົນ, ຮັກສາຜົນປະໂຫຍດຮ່ວມ.
