ກອງປະຊຸມວຽກງານເສດຖະກິດສູນກາງຈີນທີ່ຫາກໍ່ສິ້ນສຸດລົງໃນຫວ່າງກ່ອນນີ້ບໍ່ດົນໄດ້ຊີ້ອອກວ່າ, ຈຸດສຸມຂອງວຽກງານເສດຖະກິດຈີນໃນປີຫນ້າແມ່ນທຳຄວາມພະຍາຍາມໃນດ້ານຫັນປ່ຽນຮູບການພັດທະນາ,ເຮັດໃຫ້ການຮັກສາໃຫ້ເສດຖະກິດພັດທະນາຢ່າງຫມັ້ນທ່ຽງແລະວ່ອງໄວກັບການເລັ່ງລັດການຫັນປ່ຽນຮູບການພັດທະນາຂອງເສດຖະກິດປະສົມປະສານເປັນເອກະພາບກັນຢ່າງແທ້ຈິງ.ນັກວິຊາການຊີ້ອອກວ່າ, ເພື່ອຊຸກຍູ້ການຫັນປ່ຽນຮູບການພັດທະນາ,ປີຫນ້າ,ຈີນຕ້ອງເພີ່ມທະວີການປັບປຸງໂຄງປະກອບເສດຖະກິດ, ສືບຕໍ່ຊຸກຍູ້ການບໍລິໂພກພາຍໃນປະເທດເພີ່ມຂຶ້ນ.
ໃຕ້ສະພາບທີ່ວິກິດການການເງິນສາກົນກະທົບຢ່າງຫນັກຫນ່ວງ,ປີ 2009, ການເຮັດໃຫ້ເປົ້າຫມາຍເສດຖະກິດຈີນເຕີບໂຕ 8% ໃນຫມົດປີນີ້ ບັນລຸຜົນເປັນຈິງໄດ້ໃນຂັ້ນພື້ນຖານແມ່ນເລື່ອງທີ່ບໍ່ຕ້ອງເປັນຫ່ວງແລ້ວ,ແຕ່ກໍ່ຄວນເຫັນວ່າ,ກຳລັງທີ່ຊຸກຍູ້ເສດຖະກິດຈີນຟື້ນຕົວຄືນມາຍັງບໍ່ພຽງພໍປານໃດ, ຄວາມຂັດແຍ່ງກັນດ້ານໂຄງປະກອບຍັງພົ້ນເດັ່ນຢູ່,ສະນັ້ນ, ຈີນຫັນປ່ຽນຮູບການພັດທະນາຂອງເສດຖະກິດ, ປັບປຸງໂຄງປະກອບເສດຖະກິດແມ່ນເລື່ອງທີ່ຊັກຊ້າບໍ່ໄດ້,ປີຫນ້າ, ເສດຖະກິດຈີນຄວນບັນລຸການເຕີບໂຕທາງຄຸນນະ ພາບແລະດ້ານປະລິມານພ້ອມກັນ.
ໃນເວລາກ່າວເຖິງບັນຫາປັບປຸງໂຄງປະກອບເສດຖະກິດ,ທ່ານໂຈ່ວຕ້າຕີ້, ນັກຄົ້ນຄວ້າຂອງສະຖາບັນຄົ້ນຄວ້າພະລັງງານຂອງຄະນະກຳມະການພັດທະນາແລະປະຕິຮູບແຫ່ງລັດຈີນເຫັນວ່າ,ການພັດທະນາເສດຖະກິດທີ່ລະບາຍກາກບອນຕ່ຳນັ້ນແມ່ນຈຸດເນັ້ນຫນັກຂອງການປັບປຸງໂຄງປະກອບ,ລັດຖະບານຈີນອາດຈະເພີ່ມຄວາມແຮງໃນການຫລຸດການລະບາຍອາຍພິດເຮືອນແກ້ວ,ພັດທະນາພະລັງງານທົດແທນແລະແກ້ໄຂການເຊື່ອມພິດຕໍ່ສິ່ງແວດລ້ອມ.
"ສູນກາງຈີນເນັ້ນໜັກການປັບປຸງມາຕະຫຼອດ,ຄື:ວິທີການພັດທະນາຄວນປັບປຸງ,ໂຄງປະ ກອບເສດຖະກິດຄວນປັບປຸງ,ຈົນສະເໜີວ່າ,ພວກເຮົາບໍ່ຄວນຖືການໃຫ້GDPເຕີບໂຕດ້ວຍຈັງຫວະໄວເປັນເປົ້າໝາຍ.ທັງໝົດເຫຼົ່ານີ້ພໍດີເປັນເອກະສັນກັນກັບການພັດທະນາເສດຖະກິດກາກບອນດີອອກຊິດຕ່ຳ."
ອີງຕາມເປົ້າໝາຍຫຼຸດການລະບາຍອາຍພິດເຮືອນແກ້ວຂອງລັດຖະບານຈີນ,ຮອດປີ 2020,ການລະບາຍກາກບອນດີອອກຊິດຕໍ່ຫົວໜ່ວຍGDPຂອງຈີນຈະຫຼຸດລົງ40ຫາ45%ເມື່ອທຽບໃສ່ປີ2005.ກອງປະຊຸມວຽກງານເສດຖະກິດຂອງສູນກາງຈີນກໍສະເໜີອອກມາເປັນພິເສດວ່າ,ຈີນຈະຊຸກຍູ້ການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວ,ດຳເນີນການທົດລອງເສດຖະກິດກາກບອນດີອອກຊິດຕ່ຳຢູ່ບາງທ້ອງຖິ່ນ,ພະຍາ ຍາມຄວບຄຸມການລະບາຍອາຍພິດເຮືອນແກ້ວ.ທັງໝົດເຫຼົ່ານີ້ລ້ວນແຕ່ໄດ້ສ້າງພື້ນຖານໃຫ້ແກ່ການພັດທະນາເສດຖະກິດກາກບອນດີອອກຊິດຕ່ຳ.
ເພື່ອຊຸກຍູ້ການປັບປຸງໂຄງປະກອບເສດຖະກິດ,ກອງປະຊຸມວຽກງານເສດຖະກິດຂອງສູນກາງຈີນຍັງສະເໜີຢ່າງຈະແຈ້ງວ່າ,ຈະພັດທະນາອຸດສາຫະກຳຈະເລີນໃໝ່ທີ່ມີລັກສະ ນະຍຸດທະສາດ.
ຜູ່ຊ່ຽວຊານທັງຫຼາຍຍັງຊີ້ອອກວ່າ,ຈຸດເນັ້ນໜັກອີກອັນໜຶ່ງຂອງນະໂຍບາຍປັງປຸງໂຄງປະ ກອບເທື່ອນີ້ແມ່ນຫັນປ່ຽນຮູບແບບອັນເກົ່າທີ່ອາໄສການສົ່ງອອກແລະການລົງທຶນມາຊຸກຍູ້ໃຫ້ເສດຖະກິດເຕີບໂຕນັ້ນໃຫ້ກາຍເປັນການໃຊ້ການບໍລິໂພກ ລົງທຶນແລະການຄ້າຂາເຂົ້າຂາອອກໄປຄຽງຄູ່ກັນເພື່ອຊຸກຍູ້ໃຫ້ເສດຖະກິດເຕີບໂຕ.ປະຈຸບັນນີ້,ຈີນແມ່ນອົງກອນເສດຖະກິດໃຫຍ່ທີສາມຂອງໂລກ,ແຕ່ລາຍຈ່າຍສຳລັບການບໍລິໂພກຂອງສ່ວນບຸກຄົນກວມບໍ່ຮອດ40%ຂອງGDP,ສ່ວນລາຍຈ່າຍການບໍລິໂພກຂອງອົງກອນເສດຖະກິດທີ່ອ່າວໃຫຍ່ອື່ນໆພັດກວມ60%ຫຼືວ່າຫຼາຍກວ່ານັ້ນໃນGDP.
ປີນີ້, ລັດຖະບານຈີນໄດ້ເລີ່ມປະຕິບັດນະໂຍບາຍທີ່ຊຸກຍູ້ປະຊາຊົນບໍລິໂພກເພື່ອເຮັດໃຫ້ໂຄງປະກອບເສດຖະກິດປ່ຽນແປງແລະໄດ້ຮັບໝາກຜົນຢ່າງເດັ່ນຊັດ. ນາງໂຈ່ວສ້ຽວເລ, ນັກເສດຖະສາດທີໜຶ່ງຂອງບໍລິສັດຫຼັກຊັບອິນເຫີເຫັນວ່າ,ປີໜ້າ, ຮູບການທີ່ກະຕຸ້ນການບໍລິໂພກຢູ່ພາຍໃນປະເທດເພື່ອຊຸກຍູ້ໃຫ້ເສດຖະກິດພັດທະນານັ້ນດຳເນີນຕໍ່ໄປ.
"ການປັບປຸງໂຄງປະກອບເສດຖະກິດກ່ອນອື່ນຕ້ອງຈັດໂຄງປະກອບມະຫາພາກໃຫ້ກັນ. ຕົວຢ່າງວ່າຮູບການເສດຖະກິດເຕີບໂຕ, ໃນເມື່ອກ່ອນພວກເຮົາແມ່ນຖືການລົງທຶນເປັນຕົ້ນຕໍ,ປັດຈຸບັນພວກເຮົາຕ້ອງປ່ຽນວິທີເຮັດໃຫ້ເສດຖະກິດເຕີບໂຕ, ຄວນເຮັດໃຫ້ການບໍລິໂພກ, ການລົງທຶນແລະຂາເຂົ້າຂາອອກຕ້ອງພັດທະນາໄປຄຽງຄູ່ກັນ, ສະນັ້ນກອງປະຊຸມວຽກງານເສດຖະກິດສູນກາງຊີ້ອອກວ່າ, ໃນເວລາໃຫ້ພວກເຮົາກະຕຸ້ນຄວາມຕ້ອງການພາຍໃນນັ້ນສຳຄັນແມ່ນກະຕຸ້ນໃຫ້ການບໍລິໂພກເພີ່ມຂຶ້ນ, ເພາະວ່າເຮັດແບບນີ້ຈະມີລັກສະນະຕໍ່ເນື່ອງຫຼາຍກວ່າ,ຄວາມຄິດແບບບນີ້ແມ່ນຈະແຈ້ງທີ່ສຸດ,ສະນັ້ນໃນອະນາຄົດນະໂຍບາຍກະຕຸ້ນໃຫ້ການບໍລິໂພກເພີ່ມຂຶ້ນຈະມີການເຈັ້ນໜັກຫຼາຍກວ່າ
