ວັນທີ 1 ມັງກອນປີ 2010, ເຂດການຄ້າເສລີຈີນ-ອາຊຽນໄດ້ສ້າງສຳເລັດຢ່າງເປັນທາງການ. ຜູ່ຊ່ຽວຊານທີ່ກ່ຽວຂ້ອງເຫັນວ່າ, ໃນຖານະທີ່ເປັນເຂດການຄ້າເສລີໃຫຍ່ທີ່ສຸດຂອງປະເທດທີ່ພວມພັດທະນາໃນປະຈຸບັນ, ເຂດການຄ້າເສລີຈີນ-ອາຊຽນບໍ່ພຽງແຕ່ນຳເອົາຜົນປະໂຫຍດມາໃຫ້ສອງຝ່າຍເທົ່ານັ້ນ, ຍັງສ້າງຮູບແບບໃຫມ່ໃນການສ້າງຕັ້ງເຂດການຄ້າເສລີໃຫ້ແກ່ປະເທດທີ່ພວມພັດທະນາ. ຕໍ່ໄປເຊີນຟັງບົດແຈ້ງຂ່າວລະອຽດກ່ຽວກັບເລື່ອງນີ້.
ເມື່ອໃຊ້ເວລາ 8 ປີແລ້ວ, ເຂດການຄ້າເສລີຈີນ-ອາຊຽນໄດ້ສ້າງສຳເລັດຕາມເວລາທີ່ກຳນົດ.ທີ່ກວມເອົາ11 ປະເທດ, ມີປະຊາກອນ 1 ຕື້ 900 ລ້ານຄົນ,ແລະ GDPມີເຖິງ 6000 ຕື້ໂດລາ ,ເຊິ່ງເປັນເຂດການຄ້າເສລີໃຫຍ່ອັນດັບທີ 3 ທີ່ສ້າງຕັ້ງຂຶ້ນຖັດຈາກ ສະຫະພາບເອີລົບຫຼື EU ແລະເຂດການຄ້າເສລີອາເມລິກາເຫນືອ.
ທ່ານຈັ່ງຢຸ້ນຫຼິງ, ຫົວຫນ້າພະແນກຄົ້ນຄວ້າບັນຫາສາກົນຂອງສະພາບັນດິດວິທະຍາສາດສັງຄົມ ຈີນເຫັນວ່າ, ເວົ້າສຳລັບປະເທດທີ່ພວມພັດທະນາແລ້ວ, ເຂດການຄ້າເສລີຈີນ-ອາຊຽນໄດ້ສ້າງຮູບແບບໃຫມ່ທີ່ມີຕ່າງກັນກັບສະຫະພາບເອີລົບແລະເຂດການຄ້າເສລີອາເມລິກາເຫນືອ.ກ່ອນອື່ນ,ເຂດນີ້ໄດ້ຄ່ອຍສ້າງສຳເລັດເປັນແຕ່ລະບາດກ້າວມາ, ແຕ່ບໍ່ຄືກັນກັບສະຫະພາບເອີລົບແລະເຂດການຄ້າເສລີອາເມລິກາເຫນືອທີ່ສ້າງສຳເລັດບາດດຽວໂລດ. ອັນທີສອງ,ເຖິງວ່າພວກເຮົາແມ່ນປະເທດທີ່ພວມພັດທະນາກໍ່ຕາມ,ແຕ່ພວກເຮົາຍັງໂຄລົບກະຕິກາຂອງອົງການການຄ້າໂລກຫຼືWTO ຢ່າງເຄັ່ງຄັດ, ພວກພເຮົາບໍ່ໄດ້ສ້າງອຸປະສັກຂັດກວາງດ້ານກາຄ້າໃຫ້ແກ່ປະເທດອື່ນ, ພວກເຮົາຜ່ານຮູບການທີ່ຄ່ອຍໆກ້າວໄປ,ແລະພະຍາຍາມສຸດຂີດໃຊ້ເວລາສັ້ນທີ່ສຸດບັນລຸເປົ້າຫມາຍເພື່ອເປີດຕະ ຫຼາດ.ອັນທີສາມ,ຢູ່ເຂດອາຊຽນມີປະເທດສະມາຊິກຫລາຍປະເທດທີ່ບໍ່ທັນ ພັດທະນາຫລາຍປານໃດ, ພວກເຮົາຄວນຊ່ວຍເຂົາເຈົ້າ,ເຮັດໃຫ້ທັງຫມົດປະເທດອາຊຽນໄດ້ຮັບຜົນປະໂຫຍດ,ນີ້ແມ່ນສຳຄັນທີ່ສຸດ.ອັນທີສີ່, ພວກເຮົາເລີ່ມຈາກການປັບປຸງສະພາບແວດລ້ອມດ້ານເສດຖະກິດ, ສ້າງສາພື້ນຖານໂຄງລ່າງ, ພັດທະນາອະນຸພາກພື້ນແມ່ນ້ຳຂອງແລະອື່ນໆ, ລ້ວນແຕ່ແມ່ນເພື່ອປັບປຸງເງື່ອນໄຂພັດທະນາຢູ່ແຫ່ງນີ້ໃຫ້ດີກວ່າເກົ່າ, ນີ້ມີຜົນດີຕໍ່ການພັດທະ ນາຂອງຈີນກໍ່ຄືຂອງທຸກປະເທດອາຊຽນ.
ຕັ້ງແຕ່ເຊັນສັນຍາຂອບການຮ່ວມມືດ້ານເສດຖະກິດຢ່າງຮອບດ້ານເປັນຕົ້ນມາ, ການພົວພັນດ້ານເສດຖະກິດການຄ້າລະຫວ່າງຈີນກັບອາຊຽນໄດ້ຂະຫຍາຍຕົວຢ່າງວ່ອງໄວ, ມູນຄ່າການຄ້າຈາກປະມານ 60 ຕື້ໂດລາເມື່ອປີ 2002ເພີທມຂຶ້ນເປັນ 230 ກວ່າຕື້ໂດລາໃນປີ 2008.ຄຽງຄູ່ກັບການສ້າງເຂດການຄ້າເສລີສຳເລັດ, ພາສີສະເລ່ຍຂອງຈີນທີ່ມີຕໍ່ສິນຄ້າອາຊຽນນັ້ນຈະຫລຸດຈາກ 9,8% ເຫລືອພຽງແຕ່ 0,1%.
ທ່ານຊາວຢຸນຮວາ, ຫົວຫນ້າສະຖາບັນຄົ້ນຄວ້າອາຊີອາຄະເນຂອງມະຫາວິທະຍາໄລຈີ້ນານຊີ້ອອກວ່າ, ການສ້າງເຂດການຄ້າເສລີຈີນອາຊຽນໃຫ້ສຳເລັດຈະເຮັດໃຫ້ທັງສອງຝ່າຍໄດ້ຮັບຜົນປະໂຫຍດຮ່ວມກັນ.
ເຂດການຄ້າເສລີຈີນ-ອາຊຽນຫຼຸດພາສີບໍ່ພຽງແຕ່ເຮັດໃຫ້ມູນຄ່າການຄ້າລະຫວ່າງສອງຝ່າຍເພີ່ມຂຶ້ນຢ່າງວ່ອງໄວ, ພ້ອມກັນນັ້ນຍັງເຮັດໃຫ້ໂຄງປະກອບເສດຖະກິດຂອງສອງຝ່າຍດີກວ່າເກົ່າອີກ. ເຖິງວ່າການສົ່ງອອກສິນຄ້າລ້ວນແຕ່ມີບົດບາດສຳຄັນຕໍ່ເສດຖະກິດຈີນແລະອາຊຽນກໍຕາມ, ແຕ່ສອງຝ່າຍຍັງມີຜະລິດຕະພັນແລະຂະແໜງການຢ່າງຫຼວງຫຼາຍທີ່ສາມາດຊ່ວຍຊູຍູ້ໜູນກັນ. ຕົວຢ່າງວ່າ, ສິນຄ້າທີ່ຈີນຂາຍໃຫ້ອາຊຽນຫຼາຍສົມຄວນນັ້ນກໍມີກຳປັ່ນ, ເຫຼັກກ້າ, ເຄື່ອງນຸ່ງຫົ່ມແລະເຄື່ອງເຄືອບດິນເຜົາ, ສິນຄ້າທີ່ນຳເຂົ້າຫຼາຍສົມຄວນແລະເພີ່ມຂຶ້ນໄວນັ້ນຄືຜະລິດຕະພັນທອງແລະຜະລິດຕະພັນຢາງພາລາເປັນຕົ້ນ.
ທ່ານຈ່າງຢຸນຫຼິງ, ຫົວໜ້າພະແນກຄົ້ນຄວ້າບັນຫາສາກົນຂອງສະພາບັນດິດວິທະຍາສາດສັງຄົມຈີນເຫັນວ່າ, ເຂດການຄ້າເສລີຈີນ-ອາຊຽນມີກຳລັງແຮງບົ່ມຊ້ອນແຫ່ງການພັດທະນາຢ່າງໃຫຍ່ຫຼວງ. ທ່ານກ່າວວ່າ:
"ອັນທີໜຶ່ງ, ເຂດການຄ້າເສລີຈີນ-ອາຊຽນແມ່ນສອງອົງກອນເສດຖະກິດໃຫຍ່ຮ່ວມກັນສ້າງເຂດເສດຖະກິດໃຫຍ່ນີ້, ມີຂະໜາດຕະຫຼາດໃຫຍ່ຫຼາຍແລະມີປະຊາກອນຫຼາຍ, ນີ້ກໍໝາຍຄວາມວ່າມີກຳລັງແຮງບົ່ມຊ້ອນແຫ່ງການພັດທະນາຢ່າງໃຫຍ່ຫຼວງ, ອັນທີສອງ, ເສດຖະກິດຈີນຈະສືບຕໍ່ເຕີບໂຕໄວສົມຄວນໃນຕໍ່ໜ້າ, ຈະນຳໜ້າການເຕີບໂຕຂອງເສດຖະກິດຂອງພາກພື້ນ, ກໍຄືຂອງໂລກ, ສະນັ້ນປະເທດອາຊຽນຈະໄດ້ຮັບຜົນປະໂຫຍດຈາກເລື່ອງນີ້. ໃນຖານະທີ່ເປັນປະເທດພວມພັດທະນາ, ຜ່ານການຮ່ວມມືແບບນີ້ສາມາດປັບປຸງເງື່ອນໄຂພັດທະນາເສດຖະກິດຂອງພາກພື້ນ, ເຮັດໃຫ້ພາກພື້ນນີ້ມີກຳລັງດຶງດູດ, ທຶນແລະເຕັກນິກໄຫຼເຂົ້າມາສູ່ພາກພື້ນແຫ່ງນີ້.
