ແຂວງໄຫຫຼຳແມ່ນແຂວງເຂດຮ້ອນພຽງແຫ່ງດຽວຂອງຈີນ, ມີຊື່ວ່າ: "ຂອບຟ້າແຈທະເລ". ເດືອນມັງກອນປີ2010, ເຂດການຄ້າເສລີຈີນ-ອາຊຽນໄດ້ສ້າງຕັ້ງຂຶ້ນຕາມແຜນການ. ແຂວງໄຫຫຼຳກຳລັງອອກແຮງຊຸກຍູ້ແຜນການກໍ່ສ້າງ "ເກາະທ່ອງທ່ຽວສາກົນ ". ໃນຄໍລຳ ເຂດການຄ້າເສລີຈີນ-ອາຊຽນ;ເທື່ອນີ້, ເຊີນຟັງ<ລາຍງານພິເສດ: ເຊີນທ່ານໄປທ່ຽວແຂວງໄຫຫຼຳ.
ເພື່ອສ້າງໄຫຫຼຳເປັນ"ເກາະທ່ອງທ່ຽວສາກົນ", ແຂວງໄຫຫຼຳຈະປະຕິບັດນະໂຍບາຍການຄ້າການລົງທຶນແບບເສລີຕ່າງໆທີ່ຖືການ "ຍົກເວັ້ນວິຊາປອດພາສີ"ເປັນຫຼັກ, ເລັ່ງລັດຊຸກຍູ້ຂະບວນການບໍລິການທ່ອງທ່ຽວແບບເສລີ. ທ່ານວາງຈຽນເຊີງນັກຄົ້ນຄວ້າອາວຸໂສອຸດສາຫະກຳທ່ອງທ່ຽວຂອງແຂວງໄຫຫຼຳ, ຮອງປະທານທັງເປັນເລຂາທິການຂອງສະມາຄົມຄົ້ນຄວ້າການພັດທະນາດ້ານການທ່ອງທ່ຽວແຂວງໄຫຫຼໍາກ່າວວ່າ:
"ວັນທີ1ມັງກອນປີ2010, ເຂດການຄ້າເສລີຈີນ-ອາຊຽນໄດ້ສ້າງຕັ້ງຂຶ້ນ, ໃນສະພາບໃໝ່ນີ້, ການກໍ່ສ້າງເກາະທ່ອງທ່ຽວສາກົນທີ່ໄຫຫຼຳວາງອອກໃນແຕ່ກ່ອນໄດ້ກາຍເປັນແຜນຍຸດທະສາດແຫ່ງຊາດອັນໜຶ່ງ, ໄດ້ຮັບບູລິມະສິດໃຫ້ທົດລອງກ່ອນໝູ່ພາຍຫຼັງຈີນໄດ້ດຳເນີນການປະຕິຮູບແລະເປີດປະຕູສູ່ພາຍນອກເປັນເວລາ30ປີ, ເພື່ອສົມທົບກັບໂອກາດທີ່ເຂດການຄ້າເສລີຈີນ-ອາຊຽນໄດ້ສ້າງຕັ້ງຂຶ້ນ"
ປະຈຸບັນນີ້, ການຮ່ວມມືດ້ານອຸດສາຫະກຳທ່ອງທ່ຽວລະຫວ່າງແຂວງໄຫຫຼຳແລະອາຊຽນສ່ວນຫຼາຍເຕົ້າໂຮມຢູ່ສິງກະໂປ,ມະເລເຊຍ,ໄທແລະປະເທດອື່ນໆ, ການທ່ອງທ່ຽວທີ່ມີຫົວຂໍ້ຫຼັກຄືການພັກພ່ອນຢ່ອນອາລົມ, ພຸດທະສາສະນະສະຖານ, ຕີກອຟໄດ້ຮັບຄວາມນິຍົມຈາກນັກທ່ອງທ່ຽວອາຊີອາຄະເນຫຼາຍ. ເພື່ອຍົກສູງລະດັບການຮ່ວມມືດ້ານການທ່ອງທ່ຽວກັບບັນດາປະເທດອາຊຽນໃນຂະບວນການກໍ່ສ້າງເຂດການຄ້າເສລີຈີນ-ອາຊຽນຂຶ້ນອີກ, ໃນເດືອນເມສາປີ2006, ແຂວງໄຫຫຼຳໄດ້ເປີດຖ້ຽວບິນປົກກະຕິລະຫວ່າງສິງກະໂປຫາເມືອງໄຫໂຂ, ໃນເດືອນພຶດສະພາປີ2008ໄດ້ເປີດຖ້ຽວບິນປົກກະຕິລະຫວ່າງກົວລາລຳເປີຫາເມືອງໄຫໂຂ. ນອກຈາກນີ້, ໃນການຮ່ວມມືດ້ານການຄົມມະນາຄົມກັບຫວຽດນາມ,ນອກຈາກເດືອນຕຸລາປີ2009ເປີດຖ້ຽວບິນໂດຍກົງ, ພາຍໃຕ້ການວາງແຜນພັດທະນາເສັ້ນທາງທ່ອງທ່ຽວທາງກຳປັ່ນເທິງທະເລຢູ່ອ່າວເປີຍປູ້ ລະຫວ່າງໄຫຫຼຳກັບຫຽດນາມກໍ່ຄ່ອຍໆຟົດຟື້ນຂຶ້ນ
ເຖິງແມ່ນວ່າຖ້າທຽບກັບເກາະທະເລເຂດຮ້ອນທີ່ມີຊື່ສຽງຂອງອາຊີອາຄະເນ, ເຊັ່ນ:ເກາະບາຫຼີຂອງອິນໂດເນເຊຍ, ເກາະພູເກັດຂອງໄທແລະອື່ນໆ,ການພັດທະນາດ້ານການທ່ອງທ່ຽວເກາະທະເລຂອງແຂວງໄຫຫຼຳອ່າວຊ້າແດ່,ທັງຍ້ອນວ່າແຫຼ່ງທ່ອງທ່ຽວມີລັກສະນະຄ້າຍຄືກັນ,ແຂວງໄຫຫຼຳກັບປະເທດອາຊຽນສາມາດເວົ້າໄດ້ວ່າມີທັງການພົວພັນມີທັງການແຂ່ງຂັນກັນ.ແຕ່ເບິ່ງໄລຍະຍາວແລ້ວ,ໂອກາດຂອງແຂວງໄຫຫຼໍາມີຫຼາຍກວ່າການທ້າທາຍ. ທ່ານວາງຈຽນເຊີງເຫັນວ່າ:
"ແຂວງໄຫຫຼຳຈະຕັ້ງໜ້າເປີດກວ້າງການຮ່ວມມືກັບປະເທດອາຊຽນ, ແລກປ່ຽນບົດຮຽນເຊິ່ງກັນແລະກັນ,ເຮັດໃຫ້ຜະລິດຕະພັນການທ່ອງທ່ຽວຂອງໃຜລາວອຸດົມສົມບູນຂຶ້ນ, ພັດທະນາກະສິກຳເຂດຮ້ອນທີ່ມີປະສິດທິຜົນສູງ,ກະສິກຳທີ່ມີລັກສະນະພັກພ່ອນຢ່ອນອາລົມ, ການໄປພັກພ່ອນຢູ່ຊົນນະບົດແລະໂຄງການອື່ນໆ, ໃນຂອບການຮ່ວມມືຂອງເຂດການຄ້າເສລີຈີນ-ອາຊຽນ,ເຮັດໃຫ້ມັນຂະຫຍາຍຕົວຂຶ້ນ, ຮ່ວມກັນກັບປະເທດອາຊຽນດຶງດູດນັກທ່ອງທ່ຽວສາກົນ "
ສ່ວນແນວຄິດທີ່ລົງເລິກການຮ່ວມມືດ້ານການທ່ອງທ່ຽວຕື່ມອີກກັບປະເທດອາຊີອາຄະເນນັ້ນ, ໃນຖານະເປັນຜູ້ເຂົ້າຮ່ວມໂດຍກົງຂອງອຸດສາຫະກຳທ່ອງທ່ຽວ, ບໍລິສັດທ່ອງທ່ຽວໄດ້ສະແດງທ່າທີໃນແງ່ດີສົມຄວນ. ບໍລິສັດທ່ອງທ່ຽວສາກົນຈີນຈຽງນານຊານຂອງແຂວງໄຫຫຼຳທີ່ດຳເນີນທຸລະກິດການທ່ອງທ່ຽວກັບຕ່າງປະເທດມີຄູ່ຮ່ວມມືປະຈຳຢູ່ສິງກະໂປ, ມະເລເຊຍ, ໄທ, ອິນໂດເນເຊຍແລະປະເທດອື່ນ, ທ່ານຊີດູກຽນຮອງຜູ້ອໍານວຍການໃຫຍ່ເຫັນວ່າ:
ເຖິງແມ່ນວ່າປະເທດອາຊີອາຄະເນມີແຫຼ່ງທ່ອງທ່ຽວຄ້າຍຄືກັບແຂວງໄຫຫຼຳ,ແຕ່ຮີດຄອງປະເພນີ,ແລະວັດທະນະທໍາດ້ານອາຫານການກິນຂອງໄຫຫຼຳຍັງຈັບໃຈຫຼາຍແລະຫວັງວ່າສາມາດເພີ່ມການແລກປ່ຽນກັບບໍລິສັດການທ່ອງທ່ຽວຂອງອາຊີອາຄະເນຂຶ້ນຕື່ມອີກ.
ທ່ານຊຸນຈີຢິງ ຜູ່ອຳນວຍການໃຫຍ່ຂອງບໍລິສັດທ່ອງທ່ຽວສາກົນຈິ່ນຈ່ຽງນານຊ່ານແຂວງໄຫຼຫຼຳກໍ່ກ່າວວ່າ:"ເວົ້າສຳລັບບໍລິສັດພວກເຮົາແລ້ວ,ພວກເຮົາກໍ່ຄອງຄອຍທີ່ສຸດທີ່ສອງຝ່າຍສາມາດຊົມໃຊ້ຂໍ້ມູນຂ່າວສານຮ່ວມກັນ,ກາຍເປັນຮູບແບບການຮ່ວມມືທີ່ດີງາມ,ເຮັດແນວນີ້ຈິ່ງຈະບັນລຸເປົ້າໝາຍທີ່ຕ່າງຝ່າຍຕ່າງມີຜົນປະໂຫຍດໄດ້."
ແຂວງໄຫຫຼຳສ້າງເປັນ"ເກາະທ່ອງທ່ຽວສາກົນ"ຈະຍົກສູງລະດັບຂອງພື້ນຖານໂຄງລ່າງຢ່າງຮອບດ້ານເຊິ່ງລວມທັງເສັ້ນທາງທ່ອງທ່ຽວແຄມຝັ່ງທະເລ,ທາງດ່ວນ,ທ່າກ່ຳປັ່ນແລະສະໜາມບິນທີ່ມີຢູ່ໃນປັດຈຸບັນ,ປັບປຸງອາຄານຂອງດ່ານ,ແລະການກວດກາຜ່ານດ່ານໃຫ້ສົມບູນຂຶ້ນ,ເພີ່ມຈຳນວນຮ້ານຄ້າປອດພາສີແລະອື່ນໆ,ແລະຍັງສາມາດປັບປຸງສິ່ງກໍ່ສ້າງດ້ານການປິ່ນປົວພະຍາດ,ການສະໜອງນ້ຳ,ການກຳຈັດຂີ້ເຫຍື້ອແລະດ້ານອື່ນໆໃຫ້ດີຂຶ້ນ.ນອກນີ້,ພາຍຫຼັງເຂດການຄ້າເສລີຈີນ-ອາຊຽນສ້າງສຳເລັດຕາມເວລາກຳນົດແລ້ວ,ສອງຝ່າຍຈະເປີດຕະຫຼາດຂອງຕົນຫຼາຍກວ່າເກົ່າ.ຜົນປະໂຫຍດທີ່ດີຕໍ່ທັງສອງຝ່າຍຈະຊຸກຍູ້ໃຫ້ວິສາຫະກິດຫຼາຍກວ່າເກົ່າໄປຊອກຫາໂອກາດການຄ້າຢູ່ແຂວງໄຫຫຼຳ .
ໂຮງແຮມເວິນຮວາໄຫໂຂວແມ່ນໂຮງແຮມ5ດາວແຫ່ງທຳອິດຂອງແຂວງໄຫຫຼຳທີ່ລົງທຶນໂດຍກຸ່ມບໍລິສັດຈຸ່ນຮວາສິງກະໂປ.ທ່ານເຟິງຈື້ຈ່ຽນ ຜູ່ອຳນວຍການໃຫຍ່ຂອງໂຮງແຮມແຫ່ງນີ້ເຜີຍໃຫ້ຮູ້ວ່າ,ກໍ່ແມ່ນຍ້ອນໄດ້ເຫັນທ່າແຮງບົ່ມຊ້ອນໃນດ້ານການພັດທະນາຂອງແຂວງໄຫຫຼຳ ຫຼັງເຂດການຄ້າເສລີຈີນ-ອາຊຽນສ້າງສຳເລັດ,ປັດຈຸບັນ,ກຸ່ມບໍລິສັດຈຸ່ນຮວາພວມສຳຫຼວດເມືອງຊານຢ້າແຂວງໄຫຫຼຳ ແລະຢາກຈະສືບຕໍ່ລົງທຶນຢູ່ເມືອງນີ້.ທ່ານໃຫ້ຂໍ້ສະເໜີວ່າ,"ອົງການປົກຄອງແຂວງໄຫຫຼຳ ສາມາດຄົ້ນຄວ້າຫຼາຍຊ່ອງທາງກວ່າເກົ່າ,ເພີ່ມການພັດທະນາການທ່ອງທ່ຽວຫົວຂໍ້ຫຼັກຂອງໄຫຫຼຳ ,ດຶງດູດນັກທ່ອງທ່ຽວຕ່າງປະເທດຫຼາຍກວ່າເກົ່າໄປສຳຜັດກັບໄຫຫຼຳ ທີ່ມີຄວາມຫຼາກຫຼາຍດ້ານການທ່ອງທ່ຽວ,ນີ້ມີຜົນດີຕໍ່ການຊຸກຍູ້ໃຫ້ຂະແໜງການບໍລິການຂອງໂຮງແຮມພັດທະນາຕື່ມອີກ."
ທ່ານວາງຈ້ຽນເຊິ່ງ ຮອງປະທານທັງເປັນເລຂາທິການຂອງສະມາຄົມຄົ້ນຄວ້າການພັດທະນາດ້ານການທ່ອງທ່ຽວແຂວງໄຫຫຼຳ ບອກວ່າ:"ພາຍໃນຂອບການຮ່ວມມືຮອບດ້ານທີ່ເຂດການຄ້າເສລີຈີນ-ອາຊຽນຈະສ້າງສຳເລັດໃນໄວໆນີ້,ແຂວງໄຫຫຼຳ ຄວນກຳນົດບົດບາດພິເສດຂອງຕົນໃຫ້ຖືກຕ້ອງ,ກຳໂອກາດທີ່ດີ,ປະຕິບັດນະໂຍບາຍທີ່ລັດຖະບານໃຫ້ສິດທິພິເສດແກ່ແຂວງໄຫຫຼຳນັ້ນຢ່າງມີປະສິດທິພາບ,ໃນການປະຕິຮູບແລະໄຂປະຕູສູ່ພາຍນອກຮອບໃໝ່,ພະຍາຍາມພັດທະນາການທ່ອງທ່ຽວ,ແລະສ້າງສາໃຫ້ແຂວງນີ້ກາຍເປັນບ່ອນສຳຄັນແຫ່ງຂະແໜງການບໍລິການທັນສະໄໝໃນເຂດການຄ້າເສລີຈີນ-ອາຊຽນ"
