ປະຊາຄົມໂລກໃຫ້ການຊ່ວຍເຫຼືອໄຮຕິຢ່າງວ່ອງໄວ
(GMT+08:00) 2010-01-15 16:37:56 cri
ຕາມຂ່າວCRI:ພາຍຫລັງໄຮຕິເກີດແຜ່ນດິນໄຫວທີ່ວັດແຮງສັ່ນສະເທືອນໄດ້ 7,3 ລິກເຕີແລ້ວ, ກອງຕຳຫລວດປ້ອງກັນຄວາມຮຸນແຮງທີ່ຮັກສາສັນຕິພາບຢູ່ໄຮຕິຫນ່ວຍທີ 8 ຂອງຈີນທີ່ພວມປະຕິບັດຫນ້າທີ່ຢູ່ນະຄອນຫລວງປອກໂຕແປັຼງນັ້ນໄດ້ຊ່ວຍກູ້ໄພໃນທັນທີ,ພ້ອມກັນນັ້ນ,ອີງຕາມຄຳກ່າວຂອງທ່ານຫູຈິນທ່າວ,ປະທານປະເທດຈີນ,ແລະທ່ານເວີ່ນເຈ່ຍປາວ,ນາຍົກລັດຖະມົນຕີຈີນ,ຫນ່ວຍກູ້ໄພສາກົນຫນ່ວຍທີ 8 ຂອງຈີນທັງໝົດ68ຄົນກໍ່ໄດ້ເດີນທາງໂດຍຍົນພິເສດຂອງບໍລິສັດການບິນສາກົນຈີນໄປຮອດປອກໂຕແປັຼງໃນເວລາປະມານ16ໂມງຂອງວັນທີ 14 ມັງກອນນີ້ຕາມເວລາປັກກິ່ງ.ສິ່ງທີ່ຂົນສົ່ງໄປຮອດໄຮຕິໃນຍົນລຳດຽວກັນຍັງມີເຄື່ອງມືກູ້ໄພ,ເຄື່ອງຊ່ວຍເຫຼືອ20ກວ່າໂຕນແລະໝາກູ້ໄພສາມໂຕ.ເມື່ອໄປຮອດແລ້ວ,ໜ່ວຍກູ້ໄພສາກົນຈີນກໍ່ແບ່ງອອກເປັນສອງຫນ່ວຍ,ຫນ່ວຍໜຶ່ງໄປກູ້ໄພຢູ່ສຳນັກງານໃຫຍ່ຄະນະພິເສດປະຈຳໄຮຕິຂອງສະຫະປະຊາຊາດທີ່ພັງທະລາຍ,ອີກຫນ່ວຍຫນຶ່ງໄດ້ນຳເອົາເຄື່ອງຊ່ວຍເຫລືອຂອງຈີນໄປໃຫ້ຄ້າຍຂອງກອງປ້ອງກັນຄວາມຮຸນແຮງຂອງຈີນ,ເພື່ອສ້າງສະຖານທີ່ເຮັດວຽກ.ນອກນີ້,ຫນ່ວຍແພດຂອງຈີນຍັງໄດ້ຕັ້ງຈຸດປິ່ນປົວຊົ່ວຄາວຢູ່ສຳນັກງານນາຍົກລັດຖະມົນຕີທີ່ປອກໂຕແປັຼງ,ເພື່ອຊ່ວຍເຫລືອປະຊາຊົນທີ່ເຕົ້າໂຮມກັນຢູ່ແຫ່ງນັ້ນ.
ພ້ອມກັນນັ້ນ,ອົງການຈັດຕັ້ງສາກົນລວມທັງສະຫະປະຊາຊາດແລະປະເທດອື່ນໆກໍຕ່າງລະດົມກັນຢ່າງຮີບດ່ວນ,ພ້ອມໃຈຮ່ວມແຮງກັນຊ່ວຍໄຮຕິຜ່ານຜ່າຄວາມຫຍຸ້ງຍາກ.
ວັນທີ 14 ມັງກອນນີ້, ທ່ານບານກີມູນ, ເລຂາທິການໃຫຍ່ສະຫະປະຊາຊາດກ່າວວ່າ, ປັດຈຸບັນ, ມີກຳລັງຮັກສາສັນຕິພາບສະຫະປະຊາຊາດຫລາຍກວ່າ 3 ພັນຄົນພວມປະຕິບັດໜ້າທີ່ຢູ່ໄຮຕິ, ເພື່ອຮັບປະກັນໃຫ້ການຊ່ວຍເຫລືອດ້ານມະນຸດສະທຳສາມາດດຳເນີນໄປເປັນຢ່າງດີ.ທ່ານກ່າວວ່າ,ແຜ່ນດິນໄຫວເທື່ອນີ້ເວົ້າສຳລັບໄຮຕິແລະສະຫະປະຊາຊາດແລ້ວແມ່ນໄພພິບັດໃຫຍ່ ບັ້ນໜຶ່ງ,ວຽກງານກູ້ໄພພວມປະເຊີນກັບສິ່ງທ້າທາຍອັນຂ້ຽວຂາດ,ແຕ່ໃນເວ ລາດຽວກັນນັ້ນ,ທ່ານກໍ່ຮູ້ສຶກມີກຳລັງໃຈຫລາຍທີ່ປະຊາຄົມໂລກທີ່ໄດ້ໃຫ້ ການຊ່ວຍເຫລືອຢ່າງຕັ້ງຫນ້າພາຍຫລັງໄຮຕິເກີດແຜ່ນດິນໄຫວ.
ວັນທີ 14 ມັງກອນນີ້, ຫນ່ວຍກູ້ໄພຂອງອາເມລິກາກໍ່ໄດ້ເປີດກວ້າງເນື້ອທີ່ຄົ້ນຫາແລະກອບກູ້ຜູ່ປະສົບໄພ.ທ່ານບາຣັກ ໂອບາມາ, ປະທານາທິບໍດີອາເມລິກາປະກາດວ່າ,ອາເມລິກາຈະໃຫ້ການຊ່ວຍເຫລືອກູ້ໄພທີ່ມີມູນຄ່າ 100 ລ້ານໂດລາແກ່ໄຮຕິ.ກອງທັບອາເມລິກາກໍ່ປະກາດວ່າ,ຍັງຈະສົ່ງທະຫານເຮືອສູ້ຮົບເທິງບົກອີກ2200ຄົນໄປໄຮຕິເພື່ອຊ່ວຍກູ້ໄພ,ຮັກສາຄວາມເປັນລະບຽບຮຽບຮ້ອຍທາງສັງຄົມແລະແຈກຢາຍເຄື່ອງຊ່ວຍເຫຼືອ.ຍັງມີກຳປັ່ນຮົບອາເມລິກາຫຼາຍກວ່າເຄິ່ງໜຶ່ງກໍຈະເຂົ້າຮ່ວມການກູ້ໄພ.
ເອີລົບກໍ່ພວມດຳເນີນການຊ່ວຍເຫລືອຢ່າງວ່ອງໄວ.ຄະນະກຳມະການສະຫະ ພາບເອີລົບໄດ້ສົ່ງເງິນຊ່ວຍເຫລືອສຸກເສີນຊຸດທຳອິດ 3 ລ້ານເອີໂຣໃຫ້ໄຮຕິແລ້ວ.ນອກນີ້,ອັງກິດ,ແອສປາຍ,ໂຮນລັງກໍ່ໄດ້ໃຫ້ການຊ່ວຍເຫລືອດ່ວນທີ່ມີມູນຄ່າຕ່າງກັນ.ພ້ອມກັນນັ້ນ,ແບນຊິກ,ອັງກິດ,ຝຣັ່ງ,ອິສລັງ,ລຸກຊຳບວກແລະໂຮນລັງກໍ່ໄດ້ສົ່ງຫນ່ວຍແພດແລະຫນ່ວຍກູ້ໄພໄປໄຮຕິແລ້ວ.
ວັນທີ 14 ມັງກອນນີ້, ຕາມເວລາທ້ອງຖີ່ນ, ບັນດາປະເທດອາເມລິກາລາຕິນແລະເຂດທະເລກາຣາອິບກໍເພີ່ມການຊ່ວຍເຫລືອໄຮຕິ.ທຳນຽບປະທານາທິບໍ ດີໂດເມນີກາອອກຖະແຫຼງການ,ປະກາດໃຫ້ທຳນຽມຜ່ານດ່ານງ່າຍຂຶ້ນ,ເພື່ອໃຫ້ປະຊາຊົນໄຮຕິທີ່ປະສົບໄພສາມາດເຂົ້າສູ່ໂດເມນີກາໂດຍໄວ,ແລະຍັງຈະສະໜອງອາຫານມື້ລະ3ແສນ1ໝື່ນກັບໃຫ້ແກ່ຜູ່ປະສົບໄພ.ໃນຂະນະດຽວກັນນີ້,ທ່ານເລໂອແນວ ເຟວນັນເດັສ ເຣນາ,ປະທານາທິບໍດີໂດເມນີກາຍັງຈະເດີນທາງໄປປອກໂຕແປຼງ,ເພື່ອກວດກາສະພາບການປະສົບໄພ,ເພື່ອກະ ກຽມໃຫ້ແກ່ການຊ່ວຍເຫຼືອໄຮຕິສ້າງສາຄືນໃໝ່ໃນຕໍ່ໜ້າ.
ຕອນຄ່ຳວັນທີ 14 ມັງກອນນີ້, ກະຊວງການຕ່າງປະເທດສິງກະໂປແຈ້ງວ່າ, ລັດຖະບານສິງກະໂປຈະຊ່ວຍເຫລືອໄຮຕິເປັນເງິນ 5 ຫມື່ນໂດລາໂດຍຜ່ານຫ້ອງການປະສານງານມະນຸດສະທຳສະຫະປະຊາຊາດ.
ສະຫະພັນສະພາກາແດງແລະສະພາເຄີ່ງວົງເດືອນແດງສາກົນໄດ້ຮຽກຮ້ອງໃຫ້ບໍລິຈາກ 10 ລ້ານໂດລາສະຫະລັດ,ເພື່ອຊ່ວຍເຫລືອຂັ້ນພື້ນຖານໃຫ້ແກ່ 2ຫມື່ນຄອບຄົວທີ່ປະສົບໄພຫນັກຫນ່ວງທີ່ສຸດຢູ່ໄຮຕິ,ເຊິ່ງລວມທັງການປຸກສ້າງເຮືອນຢູ່ຊົ່ວຄາວ,ສະຫນອງນ້ຳດື່ມນ້ຳໃຊ້,ສຸຂາອະນາໄມ,ການປິ່ນປົວພະຍາດແລະອື່ນໆ.
ນອກນີ້,ເບຼຊິນ,ຍີ່ປຸ່ນແລະປະເທດອື່ນໆກໍ່ໄດ້ເຂົ້າຮ່ວມການກູ້ໄພເຊັ່ນກັນ.
