ຕາມຂ່າວCRI:ວັນທີ26ມັງກອນນີ້,ຢູ່ປັກກິ່ງ,ທ່ານເຊິນເຕີມີງ,ລັດຖະມົນຕີວ່າການກະຊວງການຄ້າຈີນໄດ້ມອບເງິນບໍລິຈາກໄຮຕິ2ລ້ານ6ແສນຢວນໃຫ້ແກ່ຫຼາຍອົງການສະຫະປະ ຊາຊາດປະຈຳຈີນ.ທ່ານເຊິນເຕີມີງກ່າວວ່າ,ຈີນຈະສືບຕໍ່ຕັ້ງໜ້າເຂົ້າຮ່ວມການສ້າງສາໄຮຕິຄືນໃໝ່ຫຼັງແຜ່ນດິນໄຫວ.ກ່ຽວກັບການກູ້ໄພສຸກເສີນແລະການບໍລິຈາກທີ່ລັດຖະບານຈີນສະໜອງໃຫ້ໄຮຕິ,ເຈົ້າໜ້າທີ່ທີ່ກ່ຽວຂ້ອງຂອງສະຫະປະຊາຊາດໄດ້ຕີລາຄາຢ່າງສູງ.
ເງິນບໍລິຈາກ2ລ້ານ6ແສນຢວນທີ່ຈີນບໍລິຈາກໃຫ້ກອງທຶນຮັບມືສຸກເສີນສະຫະປະຊາຊາດ, ອົງການສະຫະປະຊາຊາດເພື່ອການພັດທະນາ ຫຼືUNDP, ກອງທຶນສະຫະປະຊາຊາດເພື່ອແມ່ແລະເດັກ ຫຼືUNICEF, ອົງງານອາຫານໂລກຫຼືWFPແລະມູນນິທິປະຊາກອນສະຫະປະຊາຊາດຫຼືUNFPA,ເພື່ອໃຊ້ເຂົ້າໃນການສະໜັບສະໜູນວຽກງານສ້າງສາຄືນໃໝ່ໃນທຸກຂົງເຂດຂອງໄຮຕິ.ທ່ານເຊິນເຕີມີງກ່າວວ່າ,ປະຊາຊົນຈີນຮູ້ເຖິງຄວາມຮູ້ສຶກຄວາມເຈັບປວດທໍລະມານຂອງປະຊາຊົນໄຮຕິທີ່ມາຈາກແຜນດິ່ນໄຫວ,ແລະໃຫ້ການຊ່ວຍເຫຼືອສຸກເສີນທຸກຮູບແບບໃຫ້ໄຮຕິຢ່າງວ່ອງໄວ.
ໃນໂອກາດພິເສດນີ້, ຈີນແລະອົງການຈັດຕັ້ງຕ່າງໆຂອງສະຫະປະຊາຊາດປະຈຳຈີນຮ່ວມກັນຫາບແບກວຽກງານໃນການຊ່ອຍເຫຼືອຫຼາຍກວ່າເກົ່າແກ່ເຂດປະສົບໄພ,ຈີນມີສຸພາສິດຫນຶ່ງທີ່ມີຊື່ສຽງເວົ້າ ໄວ້ວ່າ：" ຍາມອັດ ຕະຄັດຂັດສົນຈຶ່ງຮູ້ໃຈກັນ ". ໃນຖານະທີ່ເປັນສະມາຊິກຂອງວົງຄະນາຍາດສາກົນ, ຈີນຕັ້ງຫນ້າຕອບສະຫນອງຄວາມຮຽກຮ້ອງຂອງຫ້ອງການປະສານງານວຽກງານມະນຸດສະທຳຂອງສະຫະປະຊາຊາດ, ເພຶ່ອໃຫ້ການຊ່ອຍເຫຼືອສຸກເສີນດ້ວຍທຸກຮູບການແກ່ໄຮຕີໃນທັນໃດໂລດ. ວັນທີ 13 ມັງກອນນີ້,ລັດຖະບານຈີນໄດ້ສົ່ງຫນ່ວຍກູ້ໄພສາກົນຂອງຈີນເດີນທາງໄປຮອດໄຮຕີເພື່ອດຳເນີນການກູ້ໄພ.ວັນທີ15 ,ຈີນໄດ້ປະກາດໃຫ້ການຊ່ອຍເຫຼືອສຸກເສີນທີ່ມີມູນຄ່າ 30ລ້ານຢວນແກ່ໄຮຕີ.ວັນທີ19,ຈີນກໍ່ໄດ້ເພີ່ມເງິນຊ່ອຍເຫຼືອໃຫ້ແກ່ໄຮຕີອີກ18 ລ້ານຢວນ. ຮອດປະຈຸບັນນີ້,ລັດຖະບານຈີນໄດ້ສະຫນອງເຄື່ອງຊ່ອຍເຫຼືອແລະເຄື່ອງປິ່ນປົວທັງຫມົດທີ່ມີມູນຄ່າ48ລ້ານຢວນ, ແລະມອບເງິນສົດຊ່ອຍເຫຼືອ3ລ້ານ 6 ແສນໂດລາແກ່ໄຮຕີ.
ທ່ານຄາລິດ ມາລິກ, ເຈົ້າຫນ້າທີ່ປະສານງານຂອງອົງການຈັດຕັ້ງສະຫະປະຊາຊາດປະຈຳຈີນໄດ້ສະແດງຄວາມຂອບອົກຂອບໃຈຕໍ່ລັດຖະບານແລະປະຊາຊົນຈີນທີ່ໄດ້ທຳຄວາມພະຍາຍາມ,ໃຫ້ການສະຫນັບສະ ຫນູນແລະໃຫ້ຄຳຫມັ້ນສັນຍາໃນການຊ່ອຍເຫຼືອໄຮຕີຮັບມືກັບສະພາບໄພແຜ່ນດິນໄຫວ.ພ້ອມນີ້,ທ່ານຍັງຫວັງຢາກຮ່ວມມືກັບຈີນຢ່າງຫຼາຍກວ່າເກົາໃນວຽກງານສ້າງສາຄືນໃຫມ່ຢູ່ເຂດປະສົບໄພໄຮຕີໃນຕໍ່ຫນ້າ.
"ຈີນແມ່ນປະເທດຫນຶ່ງທີ່ສົ່ງຫນ່ວຍກູ້ໄພສຸກເສີນໄປເຂດປະສົບໄພໄວກວ່າຫມູ່,ເຖິງວ່າຈີນກັບໄຮຕິບໍ່ທັນສ້າງການພົວພັນທາງການທູດຢ່າງເປັນທາງການກໍ່ຕາມ,ເຖິງວ່າສອງປະເທດຢູ່ຫ່າງໄກກັນກໍ່ຕາມ,ແຕ່ພວກເຮົາຍັງສາ ມາດສຳຜັດເຖິງຄວາມຮັກແພງຂອງປະຊາຊົນຈີນໄດ້ຢ່າງເລິກເຊິ່ງ.ໃນໄລ ຍະນີ້,ໄຮຕິໄດ້ປະສົບກັບວິກິດການຕ່າງໆ, ເຮັດແນວໃດຈະຄວບຄຸມແລະຄຸ້ມຄອງວິກິດການເຫລົ່ານີ້ໃຫ້ດີ,ສ້າງສາຄືນໃຫມ່ຫລັງໄພໃຫ້ດີກວ່າເກົ່າ,ລ້ວນແຕ່ແມ່ນສິ່ງທ້າທາຍຕໍ່ໄຮຕິ,ສະນັ້ນ,ພວກເຮົາຄອງຄອຍການຊ່ວຍເຫຼືອເພື່ອກູ້ໄພໃນປະຈຸບັນແລະໃນການສ້າງສາຄືນໃໝ່,ຫຼັງຈາກນັ້ນສາມາດຮ່ວມມືແລະເພີ່ມທະວີການພົວພັນຮ່ວມມືແລະການພົວພັນແບບໝູ່ເພື່ອກັບລັດຖະບານຈີນ."
ທ່ານຄາລິດ ມາລິກກ່າວວ່າ,ສະຫະປະຊາຊາດຈະລະດົມຊັບພະຍາກອນທັງຫມົດທີ່ສາມາດໃຊ້ໄດ້ຈາກທົ່ວໂລກ,ຊ່ວຍເຫລືອໄຮຕິສ້າງສາຄືນໃຫມ່ໃຫ້ດີກວ່າເກົ່າ.ຕໍ່ເລື່ອງນີ້,ທ່ານເສີນເຕີຫມິງ,ລັດຖະມົນຕີວ່າການກະຊວງການຄ້າຈີນກ່າວວ່າ,ລັດຖະບານຈີນຍິນດີສືບຕໍ່ຕັ້ງຫນ້າເຂົ້າຮ່ວມການສ້າງສາໄຮຕິຄືນໃຫມ່ຕາມຄວາມສາມາດຂອງຕົນ.
