ສຳພາດທ່ານຫງວຽນຊອງຢຸງກົງສຸນໃຫຍ່ຫວຽດນາມປະຈຳເມືອງນານນິງກ່ຽວກັບການສ້າງ"ຂົວ"ເຂດການຄ້າເສລີຈີນ-ອາ ຊຽນກັບເຂດປົກຄອງຕົນເອງເຜົ່າຈ້ວງກວາງຊີ.

(GMT+08:00) 2010-02-04 17:16:51 cri

ທີ່ນີ້ວິທະຍຸສາກົນແຫ່ງປະເທດຈີນ ! ສະບາຍດີ, ທ່ານຜູ້ຟັງທີ່ເຄົາລົບ, ໃນຖານະເປັນບ່ອນທິ່ຕິດຕໍ່ລະຫວ່າງຈີນກັບອາຊຽນ, ເພື່ອຊຸກຍູ້ການໄປມາຫາສູ່ກັນດ້ານເສດຖະກິດການຄ້າກັບບັນດາປະເທດອາຊຽນ, ເຂດປົກຄອງຕົນເອງເຜົ່າຈ້ວງກວາງຊີທີ່ຢູ່ພາກຕາເວັນຕົກສຽງໃຕ້ຂອງຈີນບໍ່ພຽງແຕ່ໄດ້ຈັດງານວາງສະແດງສິນຄ້າຈີນ-ອາຊຽນ6ເທື່ອຢ່າງສຳເລັດຜົນ, ຍັງໄດ້ດຶງດູດປະເທດຕ່າງໆຂອງອາຊຽນມາຕັ້ງກົງສຸນໃຫຍ່ຢູ່ເມືອງນານນິງເທດສະບານຂອງກວາງຊີ. ເນື່ອງໃນໂອກາດທີ່ເຂດການຄ້າເສລີຈີນ-ອາຊຽນຈະສ້າງສຳເລັດ, ນັກຂ່າວCRIໄດ້ສຳພາດທ່ານຫງວຽນ ຊອງ ຢຸງກົງສຸນໃຫຍ່ຫວຽດນາມປະຈຳເມືອງນານນິງ. ໃນຫົວຂໍ້《ຫວຽດນາມກັບເຂດປົກຄອງຕົນເອງເຜົ່າຈ້ວງກວາງຊີຮ່ວມກັນສ້າງ"ຂົວ"ເຂດການຄ້າເສລີຈີນ-ອາຊຽນ》

ຈີນກັບຫວຽດນາມແມ່ນປະເທດບ້ານໃກ້ເຮືອນຄຽງທີ່ດີຕໍ່ກັນໃນນັ້ນເຂດປົກຄອງຕົນເອງເຜົ່າຈ້ວງກວາງຊີຕິດກັບແຂວງກວາງນີງ, ແຂວງລາງເຊິມ, ແຂວງກາວບັງແລະແຂວງຮໍາຊ່າງສີ່ແຂວງທີ່ຢູ່ພາກເໜືອຂອງຫວຽດນາມ, ມີທີ່ຕັ້ງສຳຄັນດ້ານການຄ້າລະຫວ່າງຈີນກັບປະເທດຕ່າງໆຂອງອາຊຽນ. ໃນປະເທດອາຊຽນ, ຫວຽດນາມໄດ້ກາຍເປັນຄູ່ຮ່ວມມືໃຫຍ່ກວ່າໝູ່ຂອງເມືອງນານນິງກວາງຊີຈີນໃນ 10ປີລຽນຕິດ.

ໃນສາຍຕາຂອງທ່ານຫງວຽນ ຊອງ ຢຸງກົງສຸນໃຫຍ່ປະຈຳເມືອງນານນີງຂອງຫວຽດນາມ, ຫວຽດນາມກັບກວາງຊີຈີນລ້ວນແຕ່ມີບົດບາດເປັນ"ຂົວ"ໃນເຂດການຄ້າເສລີຈີນ-ອາຊຽນທີ່ສ້າງສຳເລັດໃນມໍ່ໆມານີ້.

"ເຂດກວາງຊີແມ່ນຂົວທີ່ຈີນເຂົ້າສູ່ອາຊຽນ, ຫວຽດນາມແມ່ນຂົວທີ່ອາຊຽນເຂົ້າສູ່ຈີນ"

ນັບແຕ່ປີ1991ຫວຽດນາມກັບຈີນຫັນການພົວພັນເປັນປົກກະຕິເປັນຕົ້ນມາ, ການໄປມາຫາສູ່ກັນດ້ານເສດຖະກິດການຄ້າລະຫວ່າງສອງປະເທດໄດ້ດຳເນີນໄປດີຫຼາຍ. ໃນທ້າຍປີ2008, ມູນຄ່າການຄ້າຂອງສອງປະເທດເກືອບຮອດ20ຕື້ໂດລາ, ເຊິ່ງຫຼາຍກວ່າມູນຄ່າການຄ້າສອງປະເທດໃນປີ1991 600ກວ່າເທົ່າ.ທ່ານຫງວຽນ ຊອງ ຢຸງກ່າວວ່າ: ໃນຖານະເປັນສະມາຊິກໃໝ່ຂອງອາຊຽນຫຼັງຈາກເຂດການຄ້າເສລີຈີນ-ອາຊຽນເລີ່ມດຳເນີນໃນປີ2002, ເຖິງແມ່ນວ່າຮອດປີ2015ຫວຽດນາມຈິ່ງຈະປະຕິບັດການປອດພາສີແລະເປີດປະເທດຢ່າງຮອບດ້ານ, ແຕ່ວົງການຕ່າງໆຂອງຫວຽດນາມກໍ່ຖືການສ້າງສຳເລັດຂອງເຂດການຄ້າເສລີຈີນ-ອາຊຽນຕາມເວລາກຳນົດໃນເດືອນມັງກອນປີ2010ເປັນໂອກາດທີ່ດີຂອງການຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງຈີນກັບຫວຽດ.

"ຫວຽດນາມກັບຈີນກໍ່ໄດ້ວາງນະໂຍບາຍຢ່າງເປັນລະບົບເພື່ອຕ້ອນ ຮັບການສ້າງສຳເລັດຂອງເຂດການຄ້າເສລີຈີນ-ອາຊຽນ. ປະຈຸບັນນີ້, ພາຍໃນປະເທດຫວຽດນາມກຳລັງໂຄສະນານະໂຍບາຍພິເສດຕ່າງໆຂອງເຂດການຄ້າເສລີຈີນ-ອາຊຽນແລະຕະຫຼາດຈີນໂດຍທົ່ວໄປ", ຍ້ອນວ່າ, ພວກເຮົາຖືເປັນໂອກາດທີ່ດີເພື່ອຊຸກຍູ້ການຮ່ວມມືດ້ານເສດຖະກິດການຄ້າຂອງສອງປະເທດ.

ທ່ານຫງວຽນ ຊອງ ຢຸງເຫັນວ່າ, ຫຼັງຈາກເຂດາການຄ້າເສລີຈີນ-ອາຊຽນສ້າງສຳເລັດແລ້ວ, ການຮ່ວມມືດ້ານເສດຖະກິດລະຫວ່າງຫວຽດນາມກັບຈີນ, ໂດຍສະເພາະແມ່ນກັບເຂດກວາງຊີຈະມີຊ່ອງທາງໃນການພັດທະນາຢ່າງກວ້າງຂວາງ.ຜະລິດຕະພັນກະສິກຳ, ຜະລິດຕະພັນທະເລ, ເຂົ້າ, ຢາງພາລາແລະກາເຟຂອງຫວຽດນາມສາມາດຜ່ານເຂດກວາງຊີເຂົ້າສູ່ແຜ່ນດິນໃຫຍ່ຈີນ. ຢາປາບສັດຕູພືດ, ຜະລິດຕະພັນເຄມີແລະແນວພັນຂອງກວາງຊີສາມາດເຂົ້າສູ່ຫວຽດນາມ, ແລະເຂດກວາງຊີຮູ້ຄວາມມັກຂອງຜູ້ບໍລິໂພກຈີນດີກວ່າຫວຽດນາມ, ເອົາໄປປຸງແຕ່ງຢູ່ຫວຽດນາມແລ້ວເອົາມາຂາຍຢູ່ຈີນ.

"ຫຼັງຈາກເຂດການຄ້າເສລີຈີນ-ອາຊຽນສ້າງສຳເລັດແລ້ວ, ຫວຽດນາມກັບເຂດກວາງຊີທັງແມ່ນຄູ່ແຂ່ງຂັນທັງແມ່ນຄູ່ຮ່ວມມື. ໃນການແຂ່ງຂັນໃນແງ່ດີເນັ້ນໜັກການຮ່ວມມື, ເສີມຂະຫຍາຍທ່າແຮງທີ່ຕັ້ງພູມສາດຂອງສອງຝ່າຍ, ຈິ່ງສາມາດຮັດແໜ້າການພົວພັນສອງຊາດໃຫ້ດີກວ່າເກົ່າ, ແລະຊຸກຍູ້ການພັດທະນາຂອງເຂດການຄ້າເສລີຈີນ-ອາຊຽນ"

ທ່ານຫງວຽນ ຊອງ ຢຸງບອກນັກຂ່າວວ່າ, ຄຽງຄູ່ກັບການກໍ່ສ້າງເຂດການຄ້າເສລີຈີນ-ອາຊຽນໄດ້ເລັ່ງບາດກ້າວໄວຂຶ້ນ, ຫວຽດນາມກັບເຂດກວາງຊີໄດ້ສ້າງຕັ້ງກົນໄກຮ່ວມມືທີ່ດີໃນເບື້ອງຕົ້ນໃນຂົງເຂດການໄປມາຫາສູ່ກັນດ້ານເສດຖະກິດການຄ້າແລະການແລກປ່ຽນດ້ານຊັບພະຍາກອນມະນຸດ. ໃນປີ2008, ແຂວງຢູ່ຊາຍແດນຂອງຫວຽດນາມກັບເຂດກວາງຊີໄດ້ສ້າງຕັ້ງຄະນະກຳມະການວຽກງານຮ່ວມກັນ, ແຕ່ລະປີສອງປະເທດຜັດປ່ຽນກັນຈັດກອງປະຊຸມ, ຄະນະກຳມະການວຽກງານກວມທັງຂົງເຂດຕ່າງໆຂອງການຮ່ວມມືລະຫວ່າງບັນດາແຂວງຊາຍແດນຫວຽດນາມກັບເຂດກວາງຊີ.

ພ້ອມດຽວກັນນີ້, ມະຫາວິທະຍາໄລຕ່າງໆຂອງຫວຽດນາມກັບມະຫາວິທະຍາໄລຕ່າງໆຂອງເຂດກວາງຊີ, ໂຮງຮຽນວິຊາຊີບກໍ່ໄດ້ສ້າງການພົວພັນຮ່ວມມືທີ່ດີ. ສອງປະເທດນຳໃຊ້ຮູບແບບການສິດສອນແບບ"3+1"ແລະ"2+2", ກໍ່ຄືນັກສຶກສາສອງປະເທດຮຽນໜຶ່ງປີຫາສອງປີໃນປະເທດຕົນເອງ, ແລ້ວໄປຮຽນຕໍ່ຢູ່ອີກປະເທດໜຶ່ງ, ຜ່ານການສອບເສັງແສງແລ້ວຈິ່ງໄດ້ຮັບໃບປະກາດສະນີຍະບັດ. ປະຈຸບັນນີ້, ນັກສຶກສາຫວຽດນາມທີ່ໄປຮຽນຢູ່ກວາງຊີມີປະມານ3000ຄົນ, ກວມ1 ສ່ວນ 3ຂອງຈຳນວນນັກສຶກສາຫວຽດນາມທີ່ຮຽນຢູ່ຈີນ.

ນອກນີ້, ລັດຖະບານຫວຽດນາມຍັງມອບໝາຍໃຫ້ມະຫາວິທະຍາໄລທີ່ສຳຄັນຂອງເຂດກວາງຊີຝຶກອົບຮົມພະນັກງານຮາກຖານຂອງຫວຽດນາມ, ການຝຶກອົບຮົມນີ້ກ່ຽວກັບຂົງເຂດກະສິກຳ, ການເງິນເສດຖະກິດ,ການຄ້າແລະຂົງເຂດອື່ນໆ.

"ຈີນແມ່ນຄູ່ຮ່ວມມືການຄ້າໃຫຍ່ທີ່ສຸດຂອງຫວຽດນາມ. ພັດທະນາ ດ້ານເສດຖະກິດການຄ້າລະຫວ່າງສອງປະເທດຢ່າງວ່ອງໄວ, ໄດ້ເລັ່ງລັດບ່ອນຫວ່າງດ້ານການຮ່ວມມືຂອງຂົງເຂດອື່ນ. ການຮ່ວມມືດ້ານຊັບພະຍາກອນມະນຸດລະຫວ່າງຈີນກັບຫວຽດກໍ່ແມ່ນຈຸດຮຸ່ງໜຶ່ງດ້ານການພັດທະນາຂອງການພົວພັນຈີນຫວຽດ, ໃນຄວາມໝາຍບາງຢ່າງ, ນີ້ກໍ່ໄດ້ສະໜອງການສະສົມຂອງຊັບພະຍາ ກອນມະນຸດເພື່ອການສ້າງສຳເລັດຂອງເຂດການຄ້າເສລີຈີນ-ອາຊຽນ"ທ່ານຫງວຽນ ຢີງ ຢອງບອກວ່າ, ເພື່ອຕ້ອນຮັບການສ້າງເຂດການຄ້າເສລີຈີນ-ອາຊຽນສຳເລັດ

ໃນປີ2010, ຫວຽດນາມກັບເຂດກວາງຊີກຳລັງເລັ່ງລັດສ້າງຕັ້ງເຂດເສດຖະກິດຂ້າມແດນລະຫວ່າງເມືອງດົງດັງຫວຽດນາມກັບເມືອງພີງຊຽງຈີນແລະເມືອງເມົາກາຍຫວຽດນາມກັບເມືອງຕົ່ງຊິງຈີນ.ທ່ານກ່າວວ່າ:

"ໃນເດືອນທັນວາປີ2008, ຫວຽດນາມກັບຈີນໄດ້ສຳເລັດວຽກງານສຳຫຼວດແລະປັກຫຼັກໝາຍຊາຍແດນທາງບົກທັງໝົດ, ໄດ້ສະໜອງເງື່ອນໄຂທີ່ດີເຂົ້າໃນການຊຸກຍູ້ໃຫ້ການຮ່ວມມືລະຫວ່າງຫວຽດນາມກັບເຂດກວາງຊີ. ຫວຽດນາມຈະພະຍາຍາມສຸນໃສ່ປັບປຸງເສັ້ນທາງຫຼວງກັບເຂດກວາງຊີ, ເພື່ອເຮັດໃຫ້ແຜນການທ່າກຳປັ່ນຕ່າງໆສາມາດດຳເນີນໄປຢ່າງສະດວກ, ຮ່ວມກັບເຂດກວາງຊີສ້າງ"ຂົວ"ເຂດການຄ້າເສລີຈີນ-ອາຊຽນ"

ທ່ານຜູ້ຟັງທີ່ເຄົາລົບ, ທີ່ຟັງມານັ້ນແມ່ນຄໍລຳພິເສດ《ຮ່ວມກັນສ້າງ"ຂົວ"ເຂດການຄ້າເສລີຈີນ-ອາຊຽນກັບເຂດກວາງຊີຈີນ-ສຳພາດທ່ານຫງວຽນ ຊອງ ຢຸງກົງສຸນໃຫຍ່ຫວຽດນາມປະຈຳເມືອງ່ນານນິງ》. ລາຍການພິເສດເຂດການຄ້າເສລີຈີນ ອາຊຽນຂໍຈົບລົງທໍ່ນີ້, ຂອບໃຈທ່ານທີ່ຮັບຟັງ, ສະບາຍດີ

ຂ່າວ-ບົດທີ່ກ່ຽວຂ້ອງ

ຄຳເຫັນ