CPI ຂອງຈີນໃນເດືອນມັງກອນແລ້ວນີ້ ເພີ່ມຂຶ້ນ1,5%ເມື່ອທຽບກັບໄລຍະດຽວກັນຂອງປີກາຍ
(GMT+08:00) 2010-02-11 18:36:05 cri
ວັນທີ 11 ກຸມພານີ້,ກົມສະຖິຕິແຫ່ງຊາດຈີນໄດ້ເຜີຍແຜ່ວ່າ, ໃນເດືອນມັງກອນແລ້ວນີ້, ດັດສະນີລາຄາຜູ່ບໍລິໂພກຫຼືCPIຂອງຈີນ ໄດ້ເພີ່ມຂຶ້ນຫຼາຍກວ່າໄລຍະດຽວກັນຂອງປີ2009 1,5%, ເຊິ່ງຮັກສາການເພີ່ມຂຶ້ນເປັນເດືອນທີ 3ລຽນຕິດແລ້ວ,ແຕ່ຍັງຫຼຸດຕ່ຳລົງໃນລະດັບໃດຫນຶ່ງເມື່ອທຽບກັບເດືອນທັນວາປີກາຍ,ນາງຈົວສ້ຽວ ເຫຼ,ຫົວຫນ້ານັກເສດຖະສາດຂອງບໍລິສັດຫຼັກຊັບເຢັນເຫີ ຄາດວ່າ,ຍ້ອນໄດ້ຮັບຜົນກະທົບຈາກຕົວເລກພື້ນຖານທີ່ຕ່ຳສົມຄວນໃນປີກາຍນີ້, ໃນຫມົດປີນີ້,CPI ອາດຈະບັນລຸເຖິງລະດັບ 3% ຮອດ 4%. ຫຼັງຈາກຢຸດຕິການຫຼຸດຕ່ຳລົງເປັນເດືອນທີ 9 ລຽນຕິດແລ້ວ, ນັບແຕ່ເດືອນພະຈິກປີກາຍນີ້ເປັນຕົ້ນມາ,CPIຂອງຈີນໄດ້ເລີ່ມຈາກສະພາບການຫຼຸດຕ່ຳລົງ ປ່ຽນເປັນການເພີ່ມຂຶ້ນ,CPI ໃນເດືອນພະຈິກປີກາຍໄດ້ເພີ່ມຂຶ້ນ 0,6%, ແລະ CPIໃນເດືອນທັນວາປີກາຍນີ້ໄດ້ເພີ່ມຂຶ້ນຫຼາຍກວ່າໄລຍະດຽວກັນຂອງປີ 2008 1,9%, ແລ້ວໄດ້ເຮັດໃຫ້ຊັ້ນຄຸ້ມຄອງເປັນຫ່ວງນຳຄວາມສ່ຽງຂອງໄພເງິ້ນເຟີ້.
ເມື່ອທຽບກັບເດືອນທັນວາປີກາຍ , CPI ໃນເດືອນມັງກອນແລ້ວນີ້ໄດ້ຫຼຸດຕ່ຳລົງ 0,4%.ກ່ຽວກັບເລື່ອງນີ້,ນາງຈົວສ້ຽວເຫຼ,ຫົວຫນ້ານັກເສດຖະສາດຂອງບໍລິສັດຫຼັກຊັບເຢັນເຫີ ເຫັນວ່າ,CPIໃນເດືອນມັງກອນແລ້ວນີ້ໄດ້ສະແດງສະພາບການເພີ່ມຂຶ້ນແທ້ຈິງ,ນາງກ່າວວ່າ: ຍ້ອນໄດ້ຮັບຜົນກະທົບທີ່ອາກາດບໍ່ດີໃນເດືອນທັນວາປີກາຍ, ແລ້ວເຮັດໃຫ້ຕົວເລກສູງກວ່າເມື່ອທຽບກັບໄລຍະດຽວກັນຂອງປີ 2008.ມາຮອດເດືອນມັງກອນແລ້ວນີ້,ອາກາດກໍ່ຄ່ອຍໆຟື້ນຟູເປັນປົກກະຕິ,ຜົນກະທົບທີ່ມີລັກສະນະລະດູນັ້ນບໍ່ມີແລ້ວ,CPIຄວນກັບຄືນຮອດລະດັບທີ່ເພີ່ມຂຶ້ນເປັນປົກກະຕິ.ແຕ່ວ່າ ພວກເຮົາເຫັນວ່າ,ເມື່ອພິຈາລະນາເຖິງປັດໄຈທີ່ບຸນກຸດຈີນໃນເດືອນກຸມພານີ້ຫຍັບມໍ່ເຂົ້າມາ,CPI ໃນເດືອນກຸມພານີ້ອາດຈະເກີດມີການເພີ່ມຂຶ້ນ 2% ຫຼືເພີ່ມຂຶ້ນຫຼາຍນີ້.
ນາງໂຈ່ວສ້ຽວເຫຼຄາດວ່າ, ປີນີ້ເສດຖະກິດຈີນຈະບໍ່ເກີດທ່າອຽງເງິນເຟີ້ຮ້າຍແຮງຂຶ້ນ, ແຕ່ຍ້ອນຕົວເລກໃນປີກາຍນີ້ຕ່ຳຫຼາຍ,ສະນັ້ນCPIໃນໝົດປີນີ້ຍັງຈະເພີ່ມຂຶ້ນຮອດ 3% ຫຼື 4%.ກົມສະຖິຕິຍັງປະກາດວ່າ, ໃນເດືອນມັງກອນປີນີ້,PPIຂອງຈີນເພີ່ມຂຶ້ນຫຼາຍກວ່າໄລຍະດຽວກັນປີກາຍນີ້4,3%, ໄດ້ເພີ່ມຂຶ້ນລຽນຕິດເປັນເວລາສອງເດືອນແລ້ວ,ອັດຕາເພີ່ມຂຶ້ນສູງກວ່າເດືອນທັນວາປີກາຍນີ້ 2,6%.ຜູ້ຊ່ຽວຊານວິເຄາະວ່າ, ອັດຕາປ່ຽນແປງຂອງPPIຈະໃຫຍ່ກວ່າCPI,ຕົ້ນຕໍແມ່ນຍ້ອນໄດ້ຮັບຜົນກະທົບຈາກສອງດ້ານຄື: ອັນທີໜຶ່ງແມ່ນຕົວເລກໃນປີກາຍນີ້ອ່າວຕ່ຳ, ອັນທີສອງແມ່ນລາຄາວັດຖຸດິບແພງຂຶ້ນຢ່າງບໍ່ຢຸດຢັ້ງ, ໄດ້ສ້າງແຮງກົດດັນໃຫ້ແກ່ວິສາຫະກິດ.
ມື້ດຽວກັນ, ທະນາຄານປະຊາຊົນຈີນເຊິ່ງເປັນທະນາຄານກາງຂອງຈີນຍັງໄດ້ປະກາດຕົວເລກສິນເຊື່ອໃນເດືອນມັງກອນແລ້ວນີ້.ຕົວເລກສະແດງໃຫ້ເຫັນວ່າ, ໃນເດືອນມັງກອນປີນີ້, ສະຖາບັນການເງິນຂອງຈີນໄດ້ເພີ່ມເງິນກູ້ 1390 ຕື້ຢວນ,ທຽບກັບໄລຍະດຽວກັນປີກາຍນີ້ແລ້ວເພີ່ມຂຶ້ນໜ້ອຍກວ່າ 224 ຕື້ 300 ລ້ານຢວນ. ນາງໂຈ່ວສ້ຽວເຫຼ, ນັກເສດຖະສາດເຫັນວ່າ:"ເງິນກູ້ເພີ່ມຂຶ້ນຢ່າງໝັ້ນທ່ຽງໂດຍທຽບໃສ່ໄລຍະດຽວກັນຂອງປີ2009,ການສະໜອງເງິນຕາເພີ່ມຂຶ້ນກໍ່ເທົ່າທຽມກັບລະດັບຂອງໄລຍະດຽວກັນຂອງປີ2009,ທັງໝົດເຫຼົ່ານີ້ມີການພົວພັນກັບການປັບປຸງຕ່າງໆ ຄືການປັບປຸງອັດຕາຄັງສຳຮອງເງິນຝາກ,ພ້ອມດ້ວຍການຄວບຄຸມຕໍ່ໂຄຕາປ່ອຍເງິນກູ້ສິນເຊື່ອ.ການປັບປຸງເຫຼົ່ານີ້ເຮັດໃຫ້ດັດຊະນີຕ່າງໆຂອງເສດຖະກິດໝັ້ນທ່ຽງ,ເຊິ່ງໄດ້ບັນລຸເປົ້າໝາຍຂອງພວກເຮົາທີ່ຄຸ້ມຄອງການຄາດໝາຍ ລ່ວງໜ້າຕໍ່ໄພເງິນເຟີ້."
ນາງໂສສຽວເລີຍກ່າວວ່າ,ທະນາຄານກາງບັນລຸການຄຸ້ມຄອງການຄາດໝາຍລ່ວງໜ້າຕໍ່ໄພເງິນເຟີ້ຕົ້ນຕໍແມ່ນຜ່ານການຄວບຄຸມການຈໍລະຈອນຂອງເງິນຕາ,ຜ່ານການໃຊ້ແຜນການຕ່າງໆ ຄື ການປັບປຸງອັດຕາຄັງສຳຮອງເງິນຝາກ,ແລະຄວບຄຸມໂຄຕາປ່ອຍເງິນກູ້ສິນເຊື່ອໃຫ້ເໝາະສົມເປັນຕົ້ນ.ສ່ວນການປັບປຸງອັດຕາດອກເບ້ຍໃຫ້ສູງຂຶ້ນຍັງບໍ່ຮອດເວ ລາອັນເໝາະສົມ.
