ເລີ່ມແຕ່ວັນທີ 25 ກຸມພານີ້, ອັດຕາເງິນຝາກຄັງສຳຮອງຄັງສຳຮອງເງິນຝາກເງິນຢວນຈີນຂອງທະນາຄານພາຍໃນປະເທດຈີນຈະຍົກສູງຂຶ້ນຮອດ 16,5% ຢ່າງເປັນທາງການ, ຄາດວ່າຈະໂຈະໄວ້ຫຼາຍກວ່າ 300 ຕື້ຢວນ.ນີ້ແມ່ນຈີນຍົກສູງອັດຕາເງິນຝາກທະນາຄານຄັ້ງທີສອງພາຍເຄີຍຍົກໃນວັນທີ 18 ມັງກອນປີນີ້.ນັກວິເຄາະຊີ້ອອກວ່າ, ການດັດສົມການເງິນເລື້ອຍໆແມ່ນເພື່ອຫຼີກເວັ້ນເງິນຕາໝູນວຽນຫຼາຍເກີນໄປ, ສະກັດກັ້ນບໍ່ໃຫ້ການກູ້ເງິນເພີ່ມຂຶ້ນໄວໂພດແລະຜ່ອນຄາຍແຮງກົດດັນບ້ອນລາຄາສິນຄ້າແພງຂຶ້ນ, ແຕ່ບໍ່ປ່ຽນແປງທິດທາງນະໂຍບາຍເງິນຕາທີ່ຜ່ອນຍານຢ່າງເໝາະສົມ.
ເລີ່ມແຕ່ມື້ນີ້ເປັນຕົ້ນໄປ, ອັດຕາຄັງສຳຮອງເງິນຢວນຈີນຂອງທະນາຄານຝາກເງິນຂອງຈີນໄດ້ຍົກສູງຂຶ້ນ0,5%.ນີ້ແມ່ນທະນາຄານກາງຈີນຍົກສູງອັດຕາເງິນຝາກຄັງສຳຮອງຄັ້ງທີ 2, ກ່ອນໜ້ານີ້ທະນາຄານກາງບໍ່ໄດ້ໃຊ້ນະໂຍບາຍເງິນຕາດັ່ງກ່າວໜຶ່ງປີແລ້ວ.
ທ່ານຈ້າວຊີຈຸ່ນ, ຮອງຫົວໜ້າສະຖາບັນການເງິນຂອງມະຫາວິທະຍາໄລປະຊາຊົນຈີນວິເຄາະວ່າ, ການປັບປຸງການເງິນເລື້ອຍໆໃນມໍ່ໆມານີ້ແມ່ນການຄຸ້ມຄອງຊົ່ວຄາວປົກກະຕິ,ຈຸດປະສົງແມ່ນເພື່ອຫຼີກເວັ້ນບໍ່ໃຫ້ເງິນຕາໝູນວຽນຫຼາຍເກີນໄປ.
ປີກາຍນີ້ຢູ່ໃນຕະຫຼາດ, ກໍ່ໄດ້ສະສົມທຶນຢ່າງຫຼວງຫຼາຍ, ອັນໄດ້ມີບົດບາດອັນຕັ້ງຫນ້າໃນການຟື້ນຕົວຄືນຂອງເສດຖະກິດຂອງພວກເຮົາໃນປີ 2009.ແຕ່ວ່າ,ຫຼັງຈາກເສດຖະກິດຟື້ນຕົວຄືນເປັນປົກກະຕິແລ້ວ,ກໍ່ອາດຈະພິຈາລະນາເຖິງການດັດສົມການຫມູນວຽນຂອງທຶນທີ່ຫຼາຍປານນັ້ນເທື່ອລະກ້າວ, ແລະດຳເນີນການຄວບຄຸມແລະໂຈະທຶນເຫຼົ່ານີ້, ເພື່ອຫຼີກເວັ້ນບໍ່ໃຫ້ທຶນຫມູນວຽນໄວໂພດ.
ຕາມການຄາດຄະເນທີ່ຍັງບໍ່ແນ່ນອນ, ຫຼັງຈາກເພີ່ມອັດຕາຄັງສຳຮອງເງິນຝາກສອງເທື່ອແລ້ວ, ເງິນກູ້ຂອງທະນາຄານທີ່ຖືກໂຈະນັ້ນ ຈະຫຼາຍກວ່າ 400 ຕື້ຢວນ. ຕະຫຼາດທົ່ວໄປເຫັນວ່າ,ການກະທຳດັ່ງກ່າວສະແດງໃຫ້ເຫັນຢ່າງຊັດເຈນວ່າ ນັບແຕ່ປີ 2009 ເປັນຕົ້ນມາການປ່ອຍເງິນກູ້ສິນເຊື່ອຂອງຈີນເພີ່ມຂຶ້ນໄວໂພດ, ແລ້ວໄດ້ສົ່ງສັນຍານໃຫ້ທະນາຄານການຄ້າກຳຈັງຫວະປ່ອຍເງິນກູ້ສິນເຊື່ອໃຫ້ດີ.ພ້ອມກັນນັ້ນ,ໃນເດືອນກຸມພານີ້,ຄະນະກຳມະການຕິດຕາມຄຸ້ມຄອງຂອງຂະແຫນງການທະນາຄານຈີນຍັງໄດ້ປະກາດໃຊ້ "2ວິທີຄຸ້ມຄອງເງິນກູ້ທຶນຫມູນວຽນ ຂອງວິສາຫະກິດແລະເງິນກູ້ຂອງສ່ວນບຸກຄົນ",ອອກລະບຽບການແລະເງື່ອນໄຂກູ້ເງິນໃຫ້ເຂັ້ມງວດຕື່ມອີກ,ເພື່ອຮັບປະກັນໃຫ້ເງິນກູ້ສິນເຊື່ອເຂົ້າສູ່ເສດຖະກິດຮູບປະທຳຢ່າງແທ້ຈິງ.
ທ່ານສາດສະດາຈານຈ້າວສີ່ຈຸ່ນກ່າວວ່າ, ປີນີ້ຈະປະຫມາກແຮງກົດດັນຂອງໄພເງິນເຟິ້ທີ່ຍັງມີຢູ່ນັ້ນບໍ່ໄດ້ແລ້ວ,ນີ້ກໍ່ແມ່ນສາເຫດຫນຶ່ງຍັງຕ້ອງດັດສົມຄວບຄຸມການເງິນໃນໄລຍະມໍ່ໆນີ້."ສັງເກດຈາກສະພາບປະຈຸບັນ,ເຫັນວ່າແຮງກົດດັນຈາກໄພເງິນເຟີ້ບໍ່ສູງຄືການຄາດຄິດແລ້ວ,ແຕ່ບໍ່ໝາຍຄວາມວ່າບໍ່ມີແຮງກົດດັນເລີຍ.ເຖິງວ່າດັດຊະນີລາຄາຜູ່ບໍລິໂພກຫຼືCPIເຕີບໂຕຊ້າລົງໃນເດືອນມັງກອນປີນີ້,ແຕ່ຜົນກະທົບຂອງດັດຊະນີລາຄາຜູ່ຜະລິດຫຼື PPIທີ່ມີຕໍ່ດັດຊະນີCPIນັ້ນອາດຈະສະແດງອອກມາໃນອີກຫຼາຍເດືອນຂ້າງໜ້າ."
ນັກວິເຄາະຍັງຊີ້ອອກວ່າ,ຍ້ອນວ່າວິກິດການການເງິນຍັງບໍ່ໄດ້ສິ້ນສຸດລົງເທື່ອ,ພື້ນຖານທີ່ເຮັດໃຫ້ເສດຖະກິດຟື້ນຕົວຄືນນັ້ນກໍຍັງບໍ່ໝັ້ນຄົງເທື່ອ,ນະໂຍບາຍກະຕຸ້ນເສດຖະກິດຈະບໍ່ຖອນອອກໄປຢ່າງວ່ອງໄວ.ຫວ່າງມໍ່ໆມານີ້,ຄຳເວົ້າທີ່ວ່າ ຈະຮັກສາຄວາມຕໍ່ເນື່ອງແລະຄວາມໝັ້ນຄົງຂອງນະໂຍບາຍເສດຖະກິດມະຫາພາກນັ້ນໄດ້ປະກົດອອກມາເລື່ອຍໆໃນການສະແດງທ່າທີຂອງລັດຖະບານຈີນ.ບົດລາຍງານປະຕິບັດນະໂຍບາຍເງິນຕາທີ່ທະນາຄານກາງຂອງຈີນເຜີຍແຜ່ກ່ອນໜ້ານີ້ກໍຊີ້ອອກວ່າ,ໃນໄລຍະຕໍ່ໄປຈະສືບຕໍ່ປະຕິບັດນະໂຍບາຍເງິນຕາທີ່ຜ່ອນຍານໃນລະດັບອັນເໝາະສົມ,ຄວບຄຸມຄວາມແຮງ,ຈັງຫວະແລະຈຸດໜັກຂອງການປະຕິບັດນະໂຍບາຍໃຫ້ດີ,ແລະຮັກສາຄວາມຕໍ່ເນື່ອງແລະຄວາມໝັ້ນຄົງຂອງນະໂຍບາຍ.
