ບົດລາຍງານວຽກງານລັດຖະບານບັນລະຍາຍແຜນການພັດທະນາຂອງຈີນໃນໄລຍະຫຼັງວິກິດການການເງິນ

(GMT+08:00) 2010-03-05 17:57:02 cri

ຕາມຂ່າວCRI:ວັນທີ5ມີ ນານີ້,ກອງປະຊຸມປະຈຳປີຂອງສະພາຜູ່ແທນປະຊາຊົນແຫ່ງຊາດຈີນ ເຊິ່ງເປັນອົງການອຳນາດແຫ່ງຊາດສູງສຸດຂອງຈີນໄດ້ໄຂຂຶ້ນຢູ່ນະຄອນຫລວງປັກກິ່ງ.ໃນກອງປະຊຸມ,ທ່ານເວີນເຈ່ຍປາວ,ນາຍົກລັດຖະມົນຕີຈີນໄດ້ຜ່ານບົດລາຍງານວຽກງານລັດຖະບານຕໍ່ຜູ່ແທນສະພາຜູ່ແທນປະຊາຊົນຈາກທົ່ວປະເທດເກືອບ3ພັນທ່ານ.ໃນສະພາບການທີ່ຈີນຫຼຸດພົ້ນອອກຈາກວິກິດການການເງິນສາກົນຢ່າງສຳເລັດຜົນແລະເສດຖະກິດນຳໜ້າຟື້ນຕົວຄືນມາ,ບົດ ລາຍງານວຽກງານລັດຖະບານສະບັບນີ້ໄດ້ບັນລະຍາຍແຜນການພັດທະນາຂອງຈີນໃນໄລຍະຫຼັງວິກິດການການເງິນສາກົນຢ່າງຈະແຈ້ງ.ພ້ອມກັນນັ້ນ,ບົດລາຍງານຍັງໄດ້ຕອບ ບັນຫາຕ່າງໆທີ່ປະຊາຊົນຈີນສົນໃຈທີ່ສຸດ,ເປັນຕົ້ນວ່າ:ລາຄາຊື້ເຮືອນ,ລາຍໄດ້ແລະການປິ່ນປົວພະຍາດ,ແລະໄດ້ວາງມາດຕະການແກ້ໄຂອັນລະອຽດ,ເຊິ່ງໄດ້ສະແດງໃຫ້ເຫັນແນວຄິດການປົກຄອງທີ່ເອົາໃຈໃສ່ນຳຊີວິດການເປັນຢູ່ຂອງປະຊາຊົນແລະຄວາມກົມກຽວໃນສັງຄົມ.

ບົດລາຍງານທີ່ມີຄວາມຍາວເຖິງສອງໝື່ນກວ່າຄຳຕົວໜັງສືຈີນສະບັບນີ້ພິຈາລະນາເຖິງສະພາບເສດຖະກິດພາຍໃນປະເທດແລະໃນໂລກ,ຖືການດັດສົມຄວບຄຸມທາງມະຫາພາກໃຫ້ດີ,ໃຫ້ເສດຖະກິດຮັກສາການພັດທະນາຢ່າງໝັ້ນທ່ຽງແລະໄວສົມຄວນ,ເລັ່ງລັດຫັນ ປ່ຽນຮູບແບບພັດທະນາເສດຖະກິດ,ປັບປຸງໂຄງປະກອບເສດຖະກິດ,ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນແລະຊຸກຍູ້ໃຫ້ສັງຄົມກົມກຽວກັນແລະໝັ້ນທ່ຽງເປັນໜ້າທີ່ສຳ ຄັນຂອງລັດຖະບານໃນປີນີ້.ທຸກໆພາກສ່ວນຂອງບົດລາຍງານສະບັບນີ້ໄດ້ສະແດງໃຫ້ເຫັນຄວາມຕັດສິນໃຈແລະຄວາມໝັ້ນໃຈຂອງລັດຖະບານຈີນທີ່ກ້າປະເຊີນໜ້າກັບການທ້າ ທາຍແລະກ້າແກ້ໄຂບັນຫາຕ່າງໆ.ທີ່ຈິງແລ້ວ,ຄວາມໝັ້ນໃຈຂອງລັດຖະບານຈີນແມ່ນຍ້ອນໄດ້ຮັບຜົນງານອັນເປັນໜ້າພູມໃຈໃນເວລາຮັບມືກັບວິກິດການການເງິນສາກົນໃນປີ2009.

ໃນປີ2009ທີ່ຖືກເອີ້ນເປັນ"ປີທີ່ການພັດທະນາເສດຖະກິດສັງຄົມລຳບາກທີ່ສຸດແຕ່ກ້າວເຂົ້າສູ່ສະຕະວັດໃໝ່ມານີ້",ລັດຖະບານຈີນໄດ້ວາງແລະປັບປຸງຊຸດແຜນການຕ່າງໆເພື່ອຮັບປະກັນການເຕີບໂຕ,ປັບປຸງໂຄງປະກອບ,ຊຸກຍູ້ການປະຕິຮູບແລະສ້າງຜົນປະໂຫຍດແກ່ຊີວິດການເປັນຢູ່ຂອງປະ ຊາຊົນ,ໄດ້ຫັນປ່ຽນສະພາບທີ່ຈັງຫວະການເຕີບໂຕຂອງເສດຖະກິດຍ່າງລົງຄ້ອຍຢ່າງຈະແຈ້ງນັ້ນຢ່າງວ່ອງໄວ,ຮັບມືກັບການໂຈມຕີຈາກວິກິດການການເງິນສາກົນຢ່າງບໍ່ຟ້າວຟັ່ງ.ໃນສະພາບທີ່ເສດຖະກິດທົ່ວໂລກຊຸດໂຊມລົງ,ເສດຖະກິດຈີນດີຂຶ້ນຢ່າງພົ້ນເດັ່ນ,ບໍ່ພຽງແຕ່ໄດ້ບັນລຸເປົ້າໝາຍທີ່GDPຮັກສາການເຕີບໂຕ8%ຢ່າງສຳເລັດຜົນທໍ່ນັ້ນ,ຍັງໄດ້ບັນລຸ 8,7%ເຊິ່ງລື່ນລະດັບທີ່ຄາດໄວ້ລ່ວງໜ້າ.ເປົ້າໝາຍພັດທະນາຕ່າງໆທີ່ຕົກລົງໃນບົດລາຍງານວຽກງານລັດຖະບານໃນຕົ້ນປີ2009ນັ້ນໄດ້ບັນລຸຜົນເປັນຈິງໃນຂັ້ນພື້ນຖານ.ເສດຖະກິດເຕີບໂຕຢ່າງແຂງແຮງ,ກໍ່ໄດ້ກາຍເປັນຫົວຈັກທີ່ແຂງແຮງທີ່ສຸດທີ່ຊັກນຳໃຫ້ເສດຖະກິດທົ່ວໂລກຟື້ນຕົວຄືນມາ.

ເຖິງວ່າໄດ້ພົບກັບປັດໄຈບໍ່ແນ່ນນອນແລະຄວາມຫຍຸ້ງຍາກຢ່າງຫລວງຫລາຍກໍ່ຕາມ,ແຕ່ລັດຖະບານຈີນກໍຍັງມີຄວາມຫມັ້ນໃຈອັນເຕັມປ່ຽມຕໍ່ການພັດທະນາຂອງເສດຖະກິດໃນປີນີ້,ແລະໄດ້ກຳນົດເປົ້າຫມາຍຢ່າງຈະແຈ້ງອອກຄື:ໃຫ້ຍອດມູນຄ່າຜະລິດຕະພັນພາຍໃນຂອງຈີນເພີ່ມຂຶ້ນປະມານ 8%, ຄວບຄຸມອັດຕາໄພຫວ່າງງານທີ່ຈົດທະບຽນໃນຕົວເມືອງແລະຊົນນະບົດໃຫ້ຢູ່ໃນ 4,6%,ລາຄາບໍລິໂພກຂອງປະຊາຊົນເພີ່ມຂຶ້ນປະມານ 3%.ຕໍ່ການກຳນົດເປົ້າຫມາຍເຫລົ່ານີ້ແລ້ວ, ທ່ານນາຍົກລັດຖະມົນຕີເວີນເຈ່ຍປາວກ່າວວ່າ:

ສິ່ງທີ່ຕ້ອງເນັ້ນເຖິງໃນທີ່ນີ້ແມ່ນ: ການສະເຫນີອອກໃຫ້ຍອດມູນຄ່າຜະລິດຕະພັນພາຍໃນປະເທດເພີ່ມຂຶ້ນປະມານ8%,ສຳຄັນແມ່ນເນັ້ນຫນັກໃຫ້ມີການພັດທະນາທີ່ດີ, ນຳພາວຽກງານໃນດ້ານຕ່າງໆຖືການຫັນປ່ຽນຮູບແບບການພັດທະນາເສດຖະກິດ,ປັບປຸງໂຄງປະກອບເສດຖະກິດເປັນຈຸດຫນັກຂອງວຽກງານ.ການສະເຫນີໃຫ້ລາຄາບໍລິໂພກຂອງປະຊາຊົນເພີ່ມຂຶ້ນປະມານ 3%,ແມ່ນພິຈາລະນາລວມເຖິງຜົນກະທົບຂອງການປ່ຽນແປງຂອງລາຄາສິນຄ້າໃນປີກາຍ,ແລະຜົນສະທ້ອນຈາກລາຄາສິນຄ້າງວດໃຫຍ່ໃນສາກົນ,ຜົນສະທ້ອນຈາກການເຕີບໂຕຂອງສິນເຊື່ອເງິນກູ້ພາຍໃນປະເທດຊັກຊ້າ,ແລະຄວາມສາມາດຫາບແບກຂອງປະຊາຊົນ,ພ້ອມທັງໄດ້ຈົ່ງເງື່ອນໄຂອັນແນ່ນອນໃຫ້ແກ່ການປະຕິຮູບລະບຽບອາກອນສິ່ງແວດລ້ອມຂອງຊັບພະຍາກອນແລະລາຄາຜະລິດຕະພັນປະເພດຊັບພະຍາກອນ.

ເພື່ອບັນລຸເປົ້າຫມາຍພັດທະນາເສດຖະກິດດັ່ງກ່າວ, ທ່ານເວີນເຈ່ຍປາວໄດ້ວາງມາດຕະການກ່ຽວກັບການແກ້ໄຂບັນຫາຕ່າງໆ,ເຊິ່ງລວມທັງການສືບຕໍ່ປະຕິບັດນະໂຍບາຍການເງິນທີ່ຕັ້ງຫນ້າ,ນະໂຍບາຍເງິນຕາທີ່ຜ່ອນຄາຍຢ່າງເຫມາະສົມ,ຕັ້ງຫນິ້າກະຕຸ້ນຄວາມຕ້ອງການບໍລິໂພກຂອງປະຊາຊົນ, ເລັ່ງລັດຫັນປ່ຽນຮູບແບບການພັດທະນາເສດຖະກິດ,ປັບປຸງໂຄງປະກອບເສດຖະກິດໃຫ້ດີຂຶ້ນ,ຊຸກຍູ້ເສດຖະກິດພາກພື້ນພັດທະນາຢ່າງກົມກຽວກັນ,ຊຸກຍູ້ການຫັນຕົວເມືອງແລະສ້າງສາຊົນນະບົດໃຫມ່ຢ່າງກົມກຽວກັນແລະອື່ນໆ.

ເພື່ອຍົກຄຸນນະພາບແລະລະດັບການພັດທະນາເສດຖະກິດ,ທ່ານເວີນເຈ່ຍປາວຍັງສະເຫນີວ່າຕ້ອງກໍ່ສ້າງອຸດສາຫະກຳຈະເລີນໃຫມ່ທີ່ມີລັກສະນະຍຸດທະສາດ, ອອກແຮງພັດທະນາພະລັງງານໃຫມ່,ວັດຖຸດິບໃຫມ່,ຂະແຫນງການປະຢັດພະລັງງານແລະອະນຸລັກສິ່ງແວດລ້ອມ,ການຜະລິດຢາຊີວະພາບ,ສ້າງຕາຫນ່າງຂໍ້ມູນຂ່າວສານແລະອຸດສາຫະກຳປຸງແຕ່ງຊັ້ນສູງ.ພ້ອມກັນນັ້ນ, ເພື່ອຮັກສາຄວາມຕໍ່ເນື່ອງແລະຄວາມຫມັ້ນທ່ຽງຂອງການພັດທະນາເສດຖະກິດ,ທ່ານເວີນເຈ່ຍປາວຍັງສະເຫນີໃຫ້ແກ້ໄຂຄວາມຂັດແຍ່ງກັນແລະບັນຫາຕ່າງໆຢ່າງເຫມາະສົມ,ໂດຍສະເພາະແມ່ນໃນສະພາບທີ່ພື້ນຖານເສດຖະກິດໂລກທີ່ພວມຟື້ນຕົວຍັງອ່ອນແອຢູ່,ຈຶ່ງຕ້ອງຍົກສະຕິປ້ອງກັນຄວາມສ່ຽງໃຫ້ສູງຂຶ້ນ.

"ເພີ່ມທະວີການຕິດຕາມຄຸ້ມຄອງຢ່າງບັງເກີດຜົນຕໍ່ທຶນໝູນວຽນລະຫວ່າງຊາດ, ປ້ອງກັນຄວາມສ່ຽງດ້ານການເງິນປະເພດຕ່າງໆ. ສືບຕໍ່ປັບປຸງກົນໄກອັດຕາແລກປ່ຽນເງິນຢວນຈີນໃຫ້ສົມບູນຂຶ້ນ, ຮັກສາໃຫ້ອັດຕາແລກປ່ຽນເງິນຢວນຈີນໝັ້ນທ່ຽງຢູ່ໃນລະດັບອັນເໝາະສົມແລະສະໝ່ຳສະເໝີ."

ໃນເວລາສືບຕໍ່ຮັກສາໃຫ້ເສດຖະກິດພັດທະນາຢ່າງໝັ້ນທ່ຽງແລະໄວສົມຄວນ, ນັ້ນລັດຖະບານຈີນບໍ່ໄດ້ປ່ອຍປະການທຳຄວາມພະຍາຍາມດ້ານການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ. ທັດສະນະຄະຕິທີ່ຖືຄົນເປັນກົກ, ເອົາໃຈໃສ່ຊີວິດການເປັນຢູ່ຂອງປະຊາຊົນນັ້ນໄດ້ສືບທອດກັນມາ, ໂດຍຕະຫຼອດບົດລາຍງານວຽກງານຂອງລັດຖະບານປີນີ້ໄດ້ຕອບສະໜອງບັນຫາທີ່ປະຊາຊົນສົນໃຈນຳຢ່າງຈະແຈ້ງ, ແລະມີທ່າທີອັນຈິງໃຈ.

ຫວ່າງມໍ່ໆມານີ້, ຜົນການສຳຫຼວດຫຼາຍເວັບໄຊຂະໜາດໃຫຍ່ຂອງຈີນສະແດງໃຫ້ເຫັນວ່າ, ຄວາມສົນໃຈຕໍ່ບັນຫາເຮືອນຢູ່ແມ່ນຫຼາຍກວ່າໝູ່. ປີກາຍນີ້, ລາຄາເຮືອນຢູ່ຂອງຈີນແພງຂຶ້ນເລື້ອຍໆ, ຈົນເຖິງລະດັບສູງສຸດໃນຫຼາຍປີມານີ້. ປະຊາຊົນຫວັງຢ່າງຮີບຮ້ອນຢາກໃຫ້ລັດຖະບານໃຊ້ມາດຕະການ, ເຮັດໃຫ້ລາຄາເຮືອນຢູ່ຫັນເປັນປົກກະຕິ. ສຽງຮຽກຮ້ອງຂອງປະຊາຊົນ, ກໍໄດ້ຮັບສຽງຕອບຈາກລັດຖະບານ. ຊຸກຍ້ໃຫູ້ຕະຫລາດອະສັງຫາລິມະຊັບຂະຫຍາຍຕົວຢ່າງສົມບູນ. ຄວາມຫວັງໃນີ້ໄດ້ຖືເປັນວຽກງານສຳຄັນແລະຂຽນເຂົ້າໃນບົດລານງານວຽກງານຂອງລັດຖະບານປີນີ້.

ເດັດດ່ຽວສະກັດກັ້ນທ່າອຽງທີ່ລາຄາເຮືອນຢູ່ສູງຂຶ້ນໄວເກີນໄປໃນຕົວເມືອງຈຳນວນຫນຶ່ງ. ເພື່ອຕອບສະໜອງຄວາມຮຽກຮ້ອງຕ້ອງການຂອງປະຊາຊົນ. ອັນທີໜຶ່ງແມ່ນຈະສືບຕໍ່ດຳເນີນໂຄງການສ້າງເຮືອນຢູ່ໃຫ້ປະຊາຊົນຢ່າງຂະຫນາດໃຫຍ່. ອັນທີສອງແມ່ນຫ້າມບໍ່ໃຫ້ຊື້ເຮືອນແບບສວຍໂອກາດເພື່ອຫາຜົນກຳໄລ. ອັນທີສາມແມ່ນຫ້າມບໍ່ໃຫ້ຊື້ເຮືອນແບບສວຍໂອກາດເພື່ອຫາຜົນກຳໄລ. ເພີ່ມທະວີການປະຕິປັດນະໂຍບາຍສິນເຊື່ອທີ່ຕ່າງກັນຫຼາຍແລະເພີ່ມກຳລັງແຮງໃນການປະຕິບັດນະໂຍບາຍເກັບສ່ວຍສາອາກອນ. ອັນທີສີ່ແມ່ນປັບປຸງລະບຽບຕະຫລາດອະສັງຫາລິມະຊັບໃຫ້ສົມບູນຂຶ້ນ, ປັບປຸງວິທີຄຸ້ມຄອງນຳໃຊ້ລາຍໄດ້ຈາກທີ່ດິນໃຫ້ສົມບູນຂຶ້ນແລະສະກັດກັ້ນບໍ່ໃຫ້ລາຄາທີ່ດິນແພງຂຶ້ນໄວເກີນໄປ."

ນອກຈາກແກ້ໄຂບັນຫາເຮືອນຢູ່ແລ້ວ, ການຊຸກຍູ້ການປະຕິຮູບລະບົບສຳມະໂນຄົວ, ເພີ່ມທະວີການປະກອບອາຊີບ, ເລັ່ງລັດສ້າງລະບົບປະກັນສັງຄົມໃຫ້ສົມບູນຂຶ້ນຕື່ມ, ປະຕິຮູບລະບອບການແບ່ງປັນລາຍຮັບ, ເລັ່ງລັດຊຸກຍູ້ການປະຕິຮູບວຽກງານປິ່ນປົວແລະຮັກສາສຸຂະພາບ, ອອກແຮງພັດທະນາວຽກງານການສຶກສາເປັນຕົ້ນ, ລ້ວນແຕ່ໄດ້ຈັດວາງໄວ້ໃນຖານະສຳຄັນທີ່ລັດຖະບານຈະສຸມກຳລັງແກ້ໄຂ, ບົດລາຍງານໄດ້ຍົກຕົວຢ່າງບັນລະຍາຍມາດຕະການແກ້ໄຂຕ່າງໆ.

ເພື່ອຮັບປະກັນໃຫ້ເສດຖະກິດແລະສັງຄົມພັດທະນາຢ່າງຕໍ່ເນື່ອງແລະປອດໄສ,ໃນບົດລາຍງານວຽກງານຂອງລັດຖະບານປີນີ້,ທ່ານນາຍົກເວີ່ນເຈ່ຍປາວຍັງໄດ້ສະເໜີໃຫ້ສືບຕໍ່ຊຸກຍູ້ການປະຕິຮູບແລະໄຂປະຕູສູ່ພາຍນອກ,ເສີມສ້າງວັດທະນະທຳ,ເພີ່ມທະວີວຽກງານຕໍ່ຕ້ານການສໍ້ລາດບັງຫຼວງແລະຮັບປະກັນສິດປະຊາທິປະໄຕທີ່ໃຫ້ປະຊາຊົນເປັນເຈົ້າ ຂອງປະເທດຊາດ.ທ່ານກ່າວວ່າ:"ຕ້ອງເອົາການຕ້ານການສໍ້ລາດບັງຫຼວງໄວ້ຢູ່ໃນຖານະສຳຄັນ,ເພີ່ມທະວີການຕິດຕາມກວດກາຕໍ່ການໃຊ້ສິດອຳນາດບໍລິຫານ.ຕ້ອງລົງເລິກຊຸກຍູ້ການເປີດເຜີຍທາງວຽກງານການເມືອງ,ປັບປຸງລະບຽບວຽກງານຕ່າງໆໃຫ້ສົມບູນຂຶ້ນແລະລະບຽບປຶກສາຫາລືຄືນໃໝ່ທາງບໍລິຫານ.ພວກເຮົາຕ້ອງສ້າງເງື່ອນໄຂໃຫ້ປະຊາຊົນຕຳນິ ຕິຊົມລັດຖະບານ,ຕິດຕາມກວດກາລັດຖະບານ,ພ້ອມທັງເສີມຂະຫຍາຍບົດບາດຕິດຕາມກວດກາຂອງສື່ມວນຊົນແລະຫາງສຽງທົ່ວໄປຢ່າງເຕັມທີ່,ເຮັດໃຫ້ສິດອຳນາດດຳເນີນໄປຢ່າງແທ້ຈິງພາຍໃຕ້ແສງສະຫວ່າງ."

ໃນບົດລາຍງານປີນີ້,ທ່ານເວີ່ນເຈ່ຍປາວຍັງໄດ້ກ່າວຢ້ຳນະໂຍບາຍພື້ນຖານຂອງລັດຖະ ບານຈີນທີ່ມີຕໍ່ຮົງກົງ,ມາເກົາແລະໄຕ້ຫວັນ,ທ່ານກ່າວວ່າຈະສືບຕໍ່ຈັດຕັ້ງປະຕິບັດທິດທາງ "ປະເທດດຽວສອງລະບອບ","ໃຫ້ຊາວຮົງກົງປົກຄອງຮົງກົງ","ໃຫ້ຊາວມາເກົາປົກຄອງມາເກົາ"ແລະປົກຄອງຕົນເອງໃນລະດັບສູງ,ອອກແຮງສະໜັບສະໜູນຮົງກົງແລະມາເກົາໃຫ້ຮັກສາຄວາມຈະເລີນຮຸ່ງເຮືອງແລະສະຖຽນລະພາບຍາວນານຢ່າງໝັ້ນໜຽວບໍ່ປ່ຽນແປງ.ໃນດ້ານການພົວພັນລະຫວ່າງສອງຝັ່ງຊ່ອງແຄບໄຕ້ຫວັນ,ຍຶດໝັ້ນຫຼັກໝັ້ນແຜ່ນດິນໃຫຍ່ແລະໄຕ້ຫວັນຂຶ້ນກັບປະເທດຈີນດຽວ,ຈະປັບປຸງພື້ນຖານການເມືອງທີ່ໃຫ້ການພົວພັນສອງຝັ່ງຂະຫຍາຍຕົວໂດຍສັນຕິແລະເພີ່ມທະວີຄວາມໄວ້ເນື້ອເຊື່ອໃຈກັນດ້ານການເມືອງລະຫວ່າງສອງຝັ່ງ.ເພີ່ມທະວີການແລກປ່ຽນລະຫວ່າງປະຊາຊົຊນແລະວົງການຕ່າງໆໃນສັງຄົມຂອງສອງຝັ່ງ,ຮ່ວມກັນຊົມໃຊ້ໝາກຜົນແຫ່ງການຂະຫຍາຍການພົວພັນລະຫວ່າງສອງຝັ່ງໂດຍສັນຕິ.

ກ່ຽວກັບວຽກງານການຕ່າງປະເທດ,ທ່ານເວີ່ນເຈ່ຍປາວກ່າວວ່າ,ຈີນຈະສືບຕໍ່ຍຶດໝັ້ນນະໂຍບາຍການຕ່າງປະເທດໂດຍສັນຕິທີ່ເປັນເອກະລາດແລະເປັນເຈົ້າຕົນເອງ,ຍຶດໝັ້ນເດີນຕາມເສັ້ນທາງພັດທະນາໂດຍສັນຕິ,ປະຕິບັດຍຸດທະສາດໄຂປະຕູທີ່ຕ່າງຝ່າຍຕ່າງມີຜົນປະໂຫຍດຮ່ວມກັນ,ຊຸກຍູ້ການສ້າງໂລກທີ່ມີສັນຕິພາບຖາວອນ,ມີຄວາມຈະລີນຮຸ່ງເຮືອງພ້ອມກັນແລະມີຄວາມກົມກຽວກັນ.ທ່ານກ່າວວ່າ,ລັດຖະບານແລະປະຊາຊົນຈີນຍິນດີຮ່ວມກັນທຳຄວາມພະຍາຍາມກັບປະຊາຄົມໂລກ,ພ້ອມກັນຮັບມືກັບຄວາມສ່ຽງແລະການ ທ້າທາຍ,ຮ່ວມກັນແບ່ງປັນໂອກາດພັດທະນາ,ແລະປະກອບສ່ວນອັນໃໝ່ເພື່ອສັນຕິພາບແລະການພັດທະນາຂອງໂລກ.

ຕາມວາລະປະຊຸມເທື່ອນີ້,ໃນໄລຍະດຳເນີນກອງປະຊຸມເປັນເວລາ9ວັນເຄິ່ງ,ຜູ່ແທນທັງ ຫຼາຍທີ່ມາຈາກແຫ່ງຕ່າງໆ,ຂະແໜງການຕ່າງໆຂອງຈີນຈະຄົ້ນຄວ້າພິຈາລະນາແລະລົງ ມະຕິຕໍ່ບົດລາຍງານວຽກງານຂອງລັດຖະບານ,ແລະຕົກລົງແນວຄິດແລະທິດທາງນະໂຍ ບຍແຫ່ງການພັດທະນາເສດຖະກິດແລະສັງຄົມຂອງຈີນໃນປີນີ້.

ຂ່າວ-ບົດທີ່ກ່ຽວຂ້ອງ

ຄຳເຫັນ