ຕອນຂ້ອນແຈ້ງວັນທີ23ມີນານີ້ຕາມເວລາປັກກິ່ງ,ທ່ານເດວິດ ດຣຳມອນ,ຮອງປະທານອາວຸໂສ,ເຈົ້າໜ້າທີ່ກົດໝາຍຜູ່ທຳອິດຂອງບໍລິສັດກູໂກ（Googleໄດ້ອອກຖະແຫຼງການຢ່າງເປີດເຜີຍ, ເພື່ອຕິຕຽນຈີນອີກເທື່ອໜຶ່ງ ກ່ຽວກັບບັນຫາທີ່ຖືກໂຈມຕີຈາກແຮັກເກີ,ແລະປະກາດຢຸດຕິການ"ກວດກາກັ່ນຕອງ"ຂ່າວທີ່ເວັບໄຊກູໂກຄົ້ນຫາບໍລິການ,ແລະຍ້າຍການບໍລິການຄົ້ນຫາທາງອິນເຕີເນັດຈາກແຜ່ນດິນໃຫຍ່ຈີນໄປຮົງກົງ.ເມື່ອໄດ້ສັງເກດຈາກເວທີປຶກສາຫາລືແລະblogບັນທຶກສ່ວນຕົວຈຳນວນຫຼວງຫຼາຍຢູ່ແຜ່ນດິນໃຫຍ່ແລະໄປສຳພາດຄວາມເຫັນຂອງ ຜູ່ໃຊ້ອິນເຕີເນັແລ້ວ,ນັກຂ່າວກໍ່ໄດ້ພົບວ່າ,ຜູ່ໃຊ້ອິນເຕີເນັດຈີນຮູ້ສຶກເສີຍໆຕໍ່ບໍລິສັດກູໂກຈະຖອນຕົວອອກຈາກຈີນ
ຈີນແມ່ນປະເທດທີ່ມີຈຳນວນຜູ່ໃຊ້ອິນເຕີເນັດຫຼາຍທີ່ສຸດໃນໂລກ. ປີ 2009, ອັດຕາປົກຄຸມຂອງບໍລິສັດກູໂກ ໄດ້ຫຼາຍກວ່າ 30% ໃນຕະຫຼາດການບໍລິການຄົ້ນຫາຂໍ້ມູນຂ່າວສານທາງອິນເຕີເນັດຈີນ.ນັບແຕ່ວັນທີ23ມີນາເປັນຕົ້ນໄປ,ຫຼັງຈາກບໍລິສັດກູໂກ ຍ້າຍການບໍລິການຄົ້ນຫາທາງອິນເຕີເນັດໄປຮົງກົງຈີນແລ້ວ,ນັກຂ່າວໄດ້ເຂົ້າເບິ່ງເວັບໄຊຫຼາຍແຫ່ງທີ່ໄດ້ຮັບຄວາມນິຍົມຊົມຊອບຫຼາຍຢູ່ຈີນ,ແລ້ວພົບອັນທີ່ວ່າເຫດການບໍລິສັດກູໂກຖອນຕົວອອກຈາກຈີນ ບໍ່ໄດ້ເຮັດໃຫ້ຜູ່ໃຊ້ອິນເຕີເນັດຢູ່ຈີນສົນໃຈນຳຫຼາຍປານໃດ,ແຕ່ສິ່ງທີ່ຜູ່ໃຊ້ອິນເຕີເນັດເຮັດຫຼາຍກວ່ານັ້ນກໍ່ແມ່ນເຂົາເຈົ້າຂຽນຄຳເວົ້າຈີນໃສ່ເວັບໄຊ ວ່າ"ເຈົ້າຈົ່ງໄປດີ."ທີ່ມີຄວາມຫມາຍເຍາະເຍີ້ຍສຽດສີຕໍ່ກູໂກ.
ທ້າວຈ່າງຈິງເຟ່ທີ່ເຮັດວຽກຢູ່ບໍລິສັດແຫ່ງໜຶ່ງຢູ່ຈົ່ງກວ່ນຂຸນຂອງປັກກິ່ງກ່າວວ່າ: "ຂ້ອຍໄດ້ໃຊ້ກູໂກຕະຫຼອດມາ,ໃນເວລາເຮັດວຽກກໍໃຊ້ຫຼາຍ.ສິ່ງທີ່ດີອັນໜຶ່ງຂອງກູໂກແມ່ນສາມາດຊອກດ້ວຍພາສາຈີນແລະພາສາອັງກິດ, ອີກຢ່າງໜຶ່ງແມ່ນຊອກໄດ້ຫຼາຍໜ້າແລະຄົບຖ້ວນ.ຖ້າວ່າກູໂກຖອນອອກຈາກຕະຫຼາດຈີນ, ໃນໄລຍະທຳອິດກໍ່ອາດຈະບໍ່ລືງເຄີຍປານໃດ, ແຕ່ວ່າຖ້າມີບໍລິສັດອື່ນສາມາດສະໜອງການບໍລິການທີ່ຄ້າຍຄືກັບກູໂກ,ຂ້ອຍເຊື່ອວ່າຂ້ອຍກໍຈະສາມາດໃຊ້ເວັບໄຊຊອກໃໝ່ເພື່ອຊອກຫາຂໍ້ມູນທີ່ຕ້ອງການ."ຕາມສູນຂໍ້ມູນຂ່າວສານອິນເຕີເນັດຈີນແຈ້ງວ່າ,ຜູ້ໃຊ້ອິນເຕີເນັດຂອງຈີນມີຫຼາຍກວ່າ384ລ້ານຄົນແລ້ວ, ເວັບໄຊຫຼາຍກວ່າ3ລ້ານ2ແສນ3ໝື່ນແຫ່ງ.ການຫັນເປັນແບບພາຍໃນແມ່ນຂໍກະແຈທີ່ວິສາຫະກິດອິນເຕີເນັດສາມາດໄດ້ຮັບຜົນສຳເລັດໃນບັນຫາດັ່ງກ່າວ, ກູໂກເຮັດບໍ່ດີປານໃດ.ຜູ້ໃຊ້ອິນເຕີເນັດຈີນຫຼາຍຄົນເຫັນວ່າ,ກູໂກແມ່ນປະກາດຈະຖອນອອກຈາກຕະຫຼາດຈີນກ່ອນ, ແລ້ວປ່ຽນເວັບໄຊຂອງຕົນໄປເຮັດຢູ່ຮົງກົງ, ໃນນັ້ນສາເຫດສຳຄັນອັນໜຶ່ງແມ່ນເພື່ອໂຄສະນາ.
ພາຍຫຼັງເຫດການກູໂກເກີດຂຶ້ນແລ້ວ,ຫ້ອງການຖະແຫຼງຂ່າວຂອງຄະນະລັດຖະບານຈີນສະແດງທ່າທີວ່າ,ຖ້າວ່າບໍລິສັດກູໂກຕົກລົງຈະຖອນຕົວອອກຈາກຕະຫຼາດຄົ້ນຫາຂໍ້ມູນ ຂ່າວສານທາງອິນເຕີເນັດຂອງແຜ່ນດິນໃຫຍ່ຈີນ,ມັນແມ່ນເລື່ອງຂອງບໍລິສັດກູໂກເອງ,ແຕ່ຕ້ອງປະຕິບັດຕາມກົດໝາຍຈີນແລະທຳນຽບປະຕິບັດສາກົນ,ສະສາງວຽກງານພາຍຫຼັງໃຫ້ດີ.ສື່ມວນຊົນຕ່າງປະເທດກໍ່ໄດ້ລາຍງານຂ່າວນີ້.ແຕ່ຜູ່ຊົມໃຊ້ໃນແຜ່ນດິນໃຫຍ່ຈີນມີປະຕິກິລິຍາແບບເສີຍໆຕໍ່ເລື່ອງນີ້.ກ່ຽວກັບປະກົດການນີ້,ທ່ານຈູ່ເຟີ່ງ,ສາສະດາຈານສະຖາ ບັນການພົວພັນລະຫວ່າງຊາດຂອງມະຫາວິທະຍາໄລປັກກິ່ງທີ່ຕິດຕາມເລື່ອງນີ້ຕະຫຼອດ ມາກ່າວວ່າ:"ບໍລິສັດກູໂກກວມໜຶ່ງສ່ວນສາມຂອງຕະຫຼາດຄົ້ນຫາຂໍ້ມູນຂ່າວສານທາງອິນເຕີເນັດຂອງຈີນ,ດຽວນີ້ຕົກລົງຖອນຕົວອອກຈາກຕະຫຼາດນີ້,ຂ້ອຍຄິດວ່າຄົງບໍ່ແມ່ນການຕົກລົງທຳມະດາ,ແຕ່ຖ້າຢາກເອົາອັນນີ້ເປັນເຄື່ອງມືຕໍ່ລອງກັບຈີນແລ້ວ,ຕາມສັງເກດຈາກສະພາບປະຈຸບັນເຫັນໄດ້ວ່າ,ແມ່ນບໍ່ມີຜົນຫຍັງ."
