ເວທີປຶກສາຫາລືການຮ່ວມມືດ້ານບໍ່ແຮ່ຂອງຈີນອາຊຽນ2010ຈະຈັດຂຶ້ນຢູ່ນານນີງກວງຊີຈີນ
(GMT+08:00) 2010-03-29 16:54:58 cri
ຕາມຂ່າວCRI:ຫວ່າງມໍ່ໆມານີ້,ກອງເລຂາຂອງກອງປະຊຸມສຸດຍອດທຸລະກິດແລະການລົງທຶນຈີນອາຊຽນແຈ້ງຂ່າວວ່າ,ເວທີປຶກສາຫາລືກ່ຽວກັບການຮ່ວມມືດ້ານຂະແໜງການບໍ່ແຮ່ລະຫວ່າງຈີນກັບອາຊຽນ2010,ເຊິ່ງເປັນໜຶ່ງໃນກິດຈະກຳຕ່າງໆຂອງກອງປະຊຸມສຸດ ຍອດທຸລະກິດແລະການລົງທຶນຈີນອາຊຽນຄັ້ງທີ7ຈະຈັດຂຶ້ນຢູ່ສູນກອງປະຊຸມວາງສະແດງສາກົນນານນີງແຕ່ວັນທີ6ຫາວັນທີ7ສິງຫາປີນີ້.
ຫົວຂໍ້ຂອງເວທີປຶກສາຫາລືຄັ້ງນີ້ແມ່ນ"ການຮ່ວມມືໃນພາກພື້ນດ້ານຂະແໜງການບໍ່ແຮ່ພາຍຫຼັງເຂດການຄ້າເສລີຈີນອາຊຽນສ້າງສຳເລັດແລ້ວ",ຕົ້ນຕໍປຶກສາຫາລືການຮ່ວມມືແລະການບໍລິການດ້ານຂະແໜງການບໍ່ແຮ່,ນະໂຍບາຍແລະວຽກງານຕົວຈິງດ້ານຂະແໜງການບໍ່ແຮ່ເປັນຕົ້ນ.ຈຸດປະສົງແມ່ນເພື່ອສະໜອງເວທີການແລກປ່ຽນແລະຮ່ວມມືແຫ່ງໜຶ່ງໃຫ້ແກ່ຂະແໜງການບໍ່ແຮ່ຂອງຈີນແລະອາຊຽນ,ເພື່ອໂຄສະນາວິສາຫະກິດ,ສະເໜີຜະລິດຕະພັນບໍ່ແຮ່,ເຕັກນິກແລະອຸປະກອບນຳໃຊ້ເຕັກນິກສູງ.
ເວທີປຶກສາຫາລືຈະເຊີນນັກລົງທຶນບໍ່ແຮ່ທີ່ສຳຄັນ,ຜູ່ຊ່ຽວຊານທີ່ມີຊື່ສຽງຂອງອົງການກົດ ໝາຍແລະຂະແໜງການບໍ່ແຮ່,ພ້ອມດ້ວຍເຈົ້າໜ້າທີ່ລັດຖະບານທັງໝົດ1ພັນກວ່າຄົນເຂົ້າຮ່ວມ,ແລະມີຮ້ານວາງສະແດງ200ຮ້ານ.
