ເຈົ້າໜ້າທີ່ກະຊວງປ້ອງກັນປະເທດຈີນກ່າວວ່າ,ຫວັງວ່າຈະເພີ່ມທະວີການຮ່ວມມືດ້ານວຽກ ງານປ້ອງກັນທີ່ຕິດແທດຕົວຈິງກັບອາຊຽນຕື່ມອີກ
(GMT+08:00) 2010-03-29 17:54:44 cri
ຕາມຂ່າວCRI:ຕອນເຊົ້າວັນທີ29ມີນານີ້,ການເຈລະຈາກ່ຽວກັບວຽກງານປ້ອງກັນແລະຄວາມປອດໄພລະຫວ່າງຈີນກັບອາຊຽນໄດ້ໄຂຂຶ້ນຢູ່ນະຄອນຫຼວງປັກກິ່ງ.ໃນເວລາກ່າວຄຳປາໄສໄຂງານ,ພົນຕີກວັ່ນໂຢເຟີ່ຍ,ຮອງຫົວໜ້າຫ້ອງການວຽກງານການຕ່າງປະເທດຂອງກະຊວງປ້ອງກັນປະເທດຈີນກ່າວວ່າ,ໃນໜຶ່ງປີຜ່ານມາ,ພາກພື້ນນີ້ໄດ້ຮັກສາສະຖຽນລະພາບໃນໄດ້ໂດຍລວມ,ສັນຕິພາບ,ການພັດທະນາແລະການຮ່ວມມືຍັງແມ່ນທ່ວງທ່າອຽງຕົ້ນຕໍ,ແຕ່ລັດທິກໍ່ການຮ້າຍ,ລັດທິຫົວຮຸນແຮງແລະລັດທິແບ່ງແຍກດິນແດນຍັງເປັນການຂົ່ມຂູ່ຢ່າງຮ້າຍແຮງຕໍ່ຄວາມໝັ້ນຄົງທາງສັງຄົມ,ໄພທຳມະຊາດອັນຮ້າຍແຮງແລະພະ ຍາດຕິດແປດຮ້າຍແຮງທີ່ບໍ່ແມ່ນການຂົ່ມຂູ່ແບບເກົ່າຕໍ່ຄວາມປອດໄພໄດ້ຮ້າຍແຮງຂຶ້ນ ຕື່ມ,ການທ້າທາຍຮ່ວມລະຫວ່າງຊາດນັບມື້ນັບເພີ່ມຂຶ້ນ,ການພົວພັນລະຫວ່າງບັນຫາການພັດທະນາກັບຄວາມປອດໄພນັບມື້ນັບແໜ້ນແຟ້ນກວ່າເກົ່າ,ການຊຸກຍູ້ການພັດທະນາແລະສະແຫວງຫາຄວາມໝັ້ນຄົງໄດ້ກາຍເປັນໜ້າທີ່ຮ່ວມຂອງປະເທດຕ່າງໆ.
ທ່ານກວັ່ນໂຢເຟີ່ຍກ່າວວ່າ:"ອາຊຽນໄດ້ເສີມຂະຫຍາຍບົດບາດທີ່ເຂົ້າແທນບໍ່ໄດ້ມາໂດຍຕະຫຼອດໃນການສ້າງກົນໄກຄວາມໝັ້ນຄົງແລະວຽກງານປ້ອງກັນຂອງພາກພື້ນ.ພວກເຮົາຍິນດີຕ້ອນ ຮັບອາຊຽນເສີມຂະຫຍາຍບົດບາດລັກສະນະສ້າງສັນທີ່ສູງກວ່າເກົ່າໃນວຽກງານຄວາມໝັ້ນຄົງຂອງພາກພື້ນແລະກໍຫວັງວ່າຈະເພີ່ມທະວີການຮ່ວມມືດ້ານວຽກງານປ້ອງກັນທີ່ຕິດແທດຕົວຈິງກັບອາຊຽນຕື່ມອີກ,ພ້ອມກັນຊຸກຍູ້ການສ້າງກົນໄກວຽກງານປ້ອງກັນແລະຄວາມປອດໄພຂອງພາກພື້ນ,ປະກອບສ່ວນເຂົ້າໃນການປົກປັກຮັກສາສັນຕິພາບແລະສະຖຽນລະພາບຂອງພາກພື້ນ.ພວກເຮົາຈະສືບຕໍ່ຍຶດໝັ້ນນະໂຍບາຍທີ່ປອງດອງກັນກັບ ປະເທດໃກ້ຄຽງ,ໃຫ້ປະເທດໃກ້ຄຽງມີຄວາມປອດໄພແລະສ້າງຄວາມຮັ່ງມີຕະຫຼອດໄປ,ມີ ຄວາມຫວັງຢ່າງຈິງໃຈທີ່ຮ່ວມມືກັບປະເທດອາຊຽນ,ເຮັດໃຫ້ພວກເຮົາກາຍເປັນບ້ານໃກ້ເຮືອນຄຽງທີ່ດີຈົນເທົ່າໃດໆ."
