ຈີນໃຊ້ແຜນການຕ່າງໆຊຸກຍູ້ການພັດທະນາການທ່ອງທ່ຽວຂອງຊິ່ນຈ່ຽງ
(GMT+08:00) 2010-04-01 13:15:14 cri
ຕາມຂ່າວCRI:ວັນທີ31ມີນານີ້,ພະແນກທ່ອງທ່ຽວຂອງເຂດຊິ່ນຈ່ຽງຈີນໄດ້ຈັດກອງປະຊຸມໂຄ ສະນາເຜີຍແຜ່ການທ່ອງທ່ຽວຢູ່ນະຄອນຫຼວງປັກກິ່ງ,ທ່ານວາງຈື້ຟ່າ,ຮອງຫົວໜ້າກົມທ່ອງທ່ຽວແຫ່ງຊາດຈີນກ່າວວ່າ,ໃນຕະຫຼາດການທ່ອງທ່ຽວຂອງຈີນ,ການທ່ອງທ່ຽວຂອງຊິ່ນຈ່ຽງມີເອກະລັກພິເສດຂອງຕົນແລະມີທ່າແຮງບົ່ມຊ້ອນຫຼາຍ,ຈີນຈະໃຊ້ແຜນການຕ່າງໆເພື່ອຊຸກຍູ້ການພັດທະນາການທ່ອງທ່ຽວຂອງຊິ່ນຈ່ຽງ.
ໃນກອງປະຊຸມ,ຫົວໜ້າພະແນກທ່ອງທ່ຽວຂອງເຂດປົກຄອງຕົນເອງອຸຍເກີຊິ່ນຈ່ຽງກ່າວ ວ່າ,ນັບແຕ່ໄຕມາດທີສາມປີ2009ມານີ້,ຈຳນວນນັກທ່ອງທ່ຽວທີ່ໄປທ່ຽວຊິ່ນຈ່ຽງມີທ່າອຽງເພີ່ມຂຶ້ນ.ໃນຂະນະດຽວກັນນີ້,ທາງລົດໄຟດ່ວນທີ່ຈາກປັກກິ່ງໄປຊິ່ນຈ່ຽງພວມກໍ່ສ້າງຢູ່,ເມື່ອສ້າງສຳເລັດແລ້ວຈາກປັກກິ່ງຮອດອູລຸມກີຈະໃຊ້ເວລາພຽງແຕ່11ຊົ່ວໂມງ,ເຊິ່ງຈະສ້າງຄວາມສະດວກແກ່ນັກທ່ອງທ່ຽວຫຼາຍ.ນອກນີ້,ຊິ່ນຈ່ຽງກຳລັງອົບຮົມຜູ່ປະກອບອາຊີບການທ່ອງທ່ຽວໃຫ້ຮຽນຮູ້ພາສາຕ່າງປະເທດຫຼາຍກວ່າເກົ່າ,ເພື່ອບໍລິການນັກທ່ອງທ່ຽວຕ່າງປະເທດໄດ້ເປັນຢ່າງດີ.
ຫົວໜ້າພະແນກທ່ອງທ່ຽວຂອງເຂດຊິ່ນຈ່ຽງກ່າວວ່າ,ເຂດຊິ່ນຈ່ຽງມີຄວາມໝັ້ນຄົງ,ປະຊາ ຊົນຊົນເຜົ່າຕ່າງໆຢູ່ຮ່ວມກັນຢ່າງປອງດອງກັນ,ນັກທ່ອງທ່ຽວໄປທ່ຽວຊິ່ນຈ່ຽງບໍ່ຕ້ອງເປັນຫ່ວງນຳບັນຫາຄວາມປອດໄພ.ທ່ານບອກໃຫ້ຮູ້ວ່າ,ຄາດວ່າໃນປີນີ້,ຊິ່ນຈ່ຽງຈະຕ້ອນຮັບນັກທ່ອງທ່ຽວຕ່າງປະເທດ5ແສນເທື່ອຄົນ,ເພີ່ມຂຶ້ນ40%ເມື່ອທຽບໃສ່ປີກາຍນີ້,ສ່ວນນັກທ່ອງທ່ຽວຈີນຈະມີ25ລ້ານເທື່ອຄົນ,ຫຼາຍກວ່າປີກາຍນີ້ເກືອບ20%.
ຊິ່ນຈ່ຽງມີແຫຼ່ງທ່ອງທ່ຽວອຸດົມສົມບູນ,ມີພູຫິມະ,ລານນ້ຳກ້າມ,ພູສູງຜາຊັນແລະເຂດທະເລ ຊາຍ.ບ່ອນທ່ອງທ່ຽວທີ່ມີຊື່ສຽງດັງກວ່າໝູ່ມີໜອງຄານາສ໌,ເມືອງບູຮານໂລລານແລະໜອງທ່ຽນຊື.