ມາຮອດປະຈຸບັນ, "ກົດລະບຽບວຽກງານສາສະຫນາ" ທີ່ເປັນຂໍ້ກຳນົດກົດລະບຽບແບບລວມໃນດ້ານສາສະຫນາສະບັບທຳອິດຂອງຈີນ ໄດ້ປະຕິບັດມາເປັນເວລາ5ປີແລ້ວ.ຫວ່າງມໍ່ໆມານີ້,ຢູ່ທີ່ນະຄອນຫຼວງປັກກິ່ງ,ທ່ານຮຸຍລຽງຢູ້,ຮອງນາຍົກລັດຖະມົນຕີຈີນກ່າວວ່າ,ນັບແຕ່ປະຕິບັດ"ກົດລະບຽບວຽກງານສາສະຫນາຂອງຈີນ"ໃນ5ປີມານີ້,ນະໂຍບາຍຄວາມເສລີພາບໃນການເຊື່ອຖືສາສະຫນາໄດ້ຮັບປະຕິບັດຢ່າງຮອບດ້ານ,ສິດທິແລະຜົນປະໂຫຍດຊອບກົດໝາຍຂອງວົງການສາສາຫນາໄດ້ຮັບການຄ້ຳປະກັນຢ່າງເຕັມສ່ວນ.
ຈີນແມ່ນປະເທດທີ່ມີຫຼາຍສາສະຫນາ,ຜູ່ເຊື່ອຖືສາສະຫນາມີປະມານ100ລ້ານກວ່າຄົນ, ເຂົາເຈົ້າສ່ວນຫຼາຍເຊື່ອຖືສາສະຫນາພຸດ,ສາສະຫນາເຕົາ,ສາສະຫນາອິສລາມ,ສາສະຫນາໂລມັງກະໂຕລິກແລະສາສະຫນາຄຼິສຕຽນ.ຕາມສະຖິຕິທີ່ບໍ່ຄົບຖ້ວນ,ສະຖານທີ່ສາສະຫນາປະເພດຕ່າງໆຂອງຈີນມີ8ຫມື່ນກວ່າແຫ່ງ,ອົງການຈັດຕັ້ງສາສະຫນາມີ3000ກວ່າອົງການ.ພົນລະເມືອງຈີນມີສິດເສລີເລືອກເຊື່ອຖືສາສະໜາຕາມໃຈຕົນເອງແລະສະແດງຖານະສາສະຫນາຂອງຕົນເອງ.
ປິ1982,ລັດຖະທຳມະນູນຂອງຈີນໄດ້ກຳນົດຫຼັກການເສລີພາບໃນການເຊື່ອຖືສາສະ ຫນາຢ່າງຈະແຈ້ງ;ປີ1994,ລັດຖະບານຈີນໄດ້ປະກາດຂໍ້ກຳນົດກົດລະບຽບການບໍລິຫານທາງສາສະຫນາ2 ສະບັບຄື; ເດືອນມີນາປີ 2005, "ກົດຂໍ້ກຳນົດວຽກງານສາສະຫນາຂອງຈີນ"ໄດ້ເລີ່ມປະຕິບັດແລ້ວ,ນີ້ເປັນຂີດຫມາຍສະແດງໃຫ້ເຫັນວ່າວຽກງານສາສະຫນາຂອງຈີນໄດ້ປ່ຽນຈາກການອາໄສຄຸ້ມຄອງສາສະໜານະໂຍບາຍໄປສູ່ການອາໄສກົດໝາຍຄຸ້ມຄອງສາສະຫນາ.
ໃນງານສົນທະນາເທື່ອໜຶ່ງທີ່ຈັດຂຶ້ນຢູ່ປັກກິ່ງ,ທ່ານຮຸຍລຽງຢູ້,ຮອງນາຍົກລັດຖະມົນຕີຈີນ ກ່າວວ່າ,ການປະຕິບັດກົດລະ ບຽບວຽກງານສາສະໜາແມ່ນມາດຕະການສຳຄັນເພື່ອຮັບ ປະກັນເສລີພາບໃນການເຊື່ອຖືສາສະໜາຂອງພົນລະເມືອງ,ປົກປັກຮັກສາສິດແລະຜົນປະໂຫຍດທີ່ຊອບດ້ວຍກົດໝາຍຂອງວົງການສາສະໜາ.ທ່ານກ່າວວ່າ:"ແຕ່ປະຕິບັດກົດລະບຽບສະບັບນີ້ເປັນຕົ້ນມາ,ນະໂຍບາຍເສລີພາບໃນການເຊື່ອຖືສາສະໜາຂອງພັກໄດ້ຮັບການຜັນຂະຫຍາຍຢ່າງຮອບດ້ານ,ສິດແລະຜົນປະໂຫຍດທີ່ຊອບກົດໝາຍຂອງວົງການສາສະໜາໄດ້ຮັບການຄ້ຳປະກັນຢ່າງເຕັມສ່ວນ,ການສ້າງສາລະບອບກົດໝາຍດ້ານສາສະໜາໄດ້ມີຄວາມຄືບໜ້າທີ່ສຳຄັນ,ພະນັກງານວຽກງານສາສະໜາແລະບຸກຄົນທີ່ມີຊື່ສຽງໃນວົງການສາສະໜາໄດ້ມີສະຕິກົດໝາຍເພີ່ມຂຶ້ນຢ່າງຈະແຈ້ງ,ການແກ້ໄຂບັນຫາຈຸດໜັກແລະຈຸດຍາກຂອງວຽກງານສາສະໜາຕາມກົດໝາຍໄດ້ມີຄວາມຄືບໜ້າໃໝ່,ຂົງເຂດສາສະໜາໄດ້ຮັກສາສະພາບການອັນດີງາມທີ່ກົມກຽວກັນແລະໝັ້ນທ່ຽງ."
ຕາມໄດ້ຊາບ,ແຕ່ປະຕິບັດກົດລະບຽບວຽກງານສາດສະໜາເປັນຕົ້ນມາ,ສາດສະໜາສຳຄັນຕ່າງໆໄດ້ຮັບຄວາມຄືບໜ້າຂະຫຍາຍຕົວທີ່ດີໃນການໃຊ້ພາຫະນະກົດໝາຍປົກປ້ອງສິດແລະຜົນປະໂຫຍດຂອງຕົນເອງ.ພະຊວນອີ້ນ,ຜູ່ອາວຸໂສທີ່ເປັນປະທານພຸດທະສະມາຄົມຂອງຈີນກ່າວວ່າ,ການຜັນຂະຫຍາຍກົດລະບຽບດັ່ງກ່າວໄດ້ເສີມຂະຫຍາຍບົດບາດສຳຄັນໃນການຮັບປະກັນໃຫ້ສາສະໜາພຸດພັດທະນາຢ່າງຮອບດ້ານແລະປອດໃສ.
ກົດລະບຽບດັ່ງກ່າວໄດ້ກຳນົດຢ່າງຈະແຈ້ງຕໍ່ສິດທິແລະຜົນປະໂຫຍດຊອບດ້ວຍກົດ ຫມາຍຂອງອົງການຈັດຕັ້ງສາສະຫນາ,ສະຖານທີ່ການເຄື່ອນໄຫວສາສະຫນາແລະຜູ່ເຜີຍແຜ່ສາສະຫນາ,ແລະຍັງກ່າວເນັ້ນວ່າສິດທິແລະຊັບສິນທີ່ຊອບດ້ວຍກົດຫມາຍຂອງວົງການສາສະຫນາແມ່ນໄດ້ຮັບການປົກປ້ອງຈາກົດຫມາຍ.ອີງຕາມຂໍ້ກຳນົດເຫລົ່ານີ້, ໄດ້ແກ້ໄຂການພົວພັນລະຫວ່າງບ່ອນທ່ອງທ່ຽວກັບສະຖານທີ່ພຸດທະສາສະຫນາທີ່ຢູ່ໃນເຂດທ່ອງທ່ຽວເປັນຢ່າງດີ,ປ້ອງກັນບໍ່ໃຫ້ເກີດບັນຫາທີ່ສະຖານທີ່ສາສະຫນາຖືກໃຊ້ໃນທາງການຄ້າແລະຫັນເປັນຕະຫລາດ,ອັນໄດ້ປົກປັກຮັກສາສິດທິຜົນປະໂຫຍດທີ່ຊອບກົດຫມາຍຂອງວົງການສາສະຫນາ.ຂໍ້ກຳນົດເຫລົ່ານີ້ໄດ້ຮັບຄວາມຍິນດີຈາກບຸກຄົນໃນວົງການພຸດທະສາສະຫນາແລະມວນຊົນທີ່ເຊື່ອຖືສາສະຫນາ, ອັນໄດ້ສ້າງພື້ນຖານດ້ານກົດຫມາຍທີ່ຫມັ້ນແກ່ນໃຫ້ແກ່ວຽກງານພຸດທະສາສະຫນາຂະຫຍາຍຕົວຕື່ມອີກ.
ນອກຈາກສ້າງລະບອບກົດຫມາຍດ້ານວຽກງານພຸດທະສາສະຫນາໃຫ້ສົມບູນຂຶ້ນຕື່ມແລ້ວ, ລັດຖະບານຈີນຍັງໄດ້ເພີ່ມການສະຫນັບສະຫນູນຕໍ່ການກໍ່ສ້າງອົງການຈັດຕັ້ງສາສະຫນາ,ໂຮງຮຽນສາສະຫນາແລະສະຖານທີ່ດຳເນີນການເຄື່ອນໄຫວສາສະຫນາ. ເລີ່ມແຕ່ຊຸມປີ 1980ເປັນຕົ້ນມາ,ລັດຖະບານຈີນກໍ່ໄດ້ສະຫນອງທຶນສ້ອມແປງວັດວາອາຮາມແລະໂບດຕ່າງໆແກ່ວົງການສາສະຫນາ,ເລີ່ມແຕ່ປີ 2006 ເປັນຕົ້ນມາ, ທຶນທີ່ເບີກໃຫ້ໃນແຕ່ລະປີໄດ້ບັນລຸ15ລ້ານຢວນ,ດຽວນີ້, ເງື່ອນໄຂເຮັດວຽກຂອງອົງການຈັດຕັ້ງສາສະຫນາແລະເງື່ອນໄຂຂອງໂຮງຮຽນສາສະຫນາໃນທົ່ວປະເທດໄດ້ຮັບການປັບປຸງໃຫ້ດີຂຶ້ນຢ່າງເດັ່ນຊັດ.
