ວັນທີ 15 ເມສານີ້, ທ່ານຫູຈີນທ່າວ, ປະທານປະເທດຈີນໄດ້ສິ້ນສຸດການຢ້ຽມຢາມທະວີບອາເມລິກາແລ້ວກັບຄືນປະເທດ.ນີ້ແມ່ນປະມຸກລັດຈີນໄປຢ້ຽມຢາມຕ່າງປະເທດຄັ້ງທຳອິດໃນປີນີ້.ໃນເວລາທ່ານຢາງເຈສື, ລັດຖະມົນຕີວ່າການກະຊວງການຕ່າງປະເທດຈີນທີ່ໄປຢ້ຽມຢາມກ່າວນຳກັນກັບທ່ານຫູຈີນທ່າວນັ້ນໄດ້ເວົ້າຕໍ່ນັກຂ່າວວ່າ,ການຢ້ຽມຢາມຂອງທ່ານຫູຈີນທ່າວເທື່ອນີ້ມີເນື້ອໃນອຸດົມສົມບູນ, ແລະໄດ້ຮັບຜົນສຳເລັດຢ່າງຈົບງາມ.
ນັບແຕ່ວັນທີ 12 ຫາວັນທີ 15 ເມສານີ້, ໂດຍຕອບສະໜອງຕາມການເຊີນ, ທ່ານຫູຈີນທ່າວໄດ້ເຂົ້າຮ່ວມກອງປະຊຸມສຸດຍອດຄວາມປອດໄພດ້ານນີວເຄຼຍຄັ້ງທຳອິດທີ່ຈັດຂຶ້ນຢູ່ວໍຊິງຕັນແລະການພົບປະກັນຢ່າງເປັນທາງການຄັ້ງທີສອງລະຫວ່າງຜູ້ນຳສີ່ປະເທດຫຼີກຄືເບຼຊີນ,ຣັດເຊຍ, ອິນເດຍກັບຈີນຢູ່ເບຼຊີເລຍແລະໄດ້ຢ້ຽມຢາມເບຼຊີນ.
ທ່ານຢາງເຈສືກ່າວວ່າ, ກອງປະຊຸມສຸດຍອດເທື່ອນີ້ແມ່ນກອງປະຊຸມຄວາມປອດໄພນີວເຄຼຍຫຼາຍຝ່າຍຄັ້ງທຳອິດໃນປະຫວັດສາດທີ່ປະເທດພັດທະນາແລ້ວແລະປະເທດພວມພັດທະນາເຂົ້າຮ່ວມນຳກັນ,ມີບົດບາດຊີ້ນຳທີ່ສຳຄັນຕໍ່ອະນາຄົດຂອງຂະບວນຄວາມປອດໄພດ້ານນີວເຄຼຍສາກົນ.ທ່ານຫູຈີນທ່າວກ່າວຄຳປາໄສສຳຄັນໃນກອງປະຊຸມດັ່ງກ່າວ,ນີ້ແມ່ນຜູ້ນຳຈີນສະແດງຄວາມເຫັນໂດຍສະເພາະກ່ຽວກັບບັນຫາຄວາມປອດໄພດ້ານນີວເຄຼຍຄັ້ງທຳອິດໃນສະຖານທີ່ຫຼາຍຝ່າຍ. ທ່ານໄດ້ແນໃສ່ສະຖານະການຄວາມປອດໄພດ້ານນີວເຄຼຍໃນປະຈຸບັນ, ອະທິບາຍຄວາມໝາຍສຳຄັນຂອງການເພີ່ມທະວີຄວາມປອດໄພດ້ານນີວເຄຼຍທີ່ມີຕໍ່ການຮັບປະກັນພະລັງງານນີວເຄຼຍໃຫ້ພັດທະນາແບບຕໍ່ເນື່ອງໄປໃນທາງດີ, ແລະຮັກສາຄວາມປອດໄພແລະສະຖຽນລະພາບຂອງສາກົນ, ແນະນຳນະໂຍບາຍແລະພຶດຕິກຳຕົວຈິງຂອງຈີນໃນບັນຫາຄວາມປອດໄພນີວເຄຼຍ, ພ້ອມທັງໄດ້ມີຄວາມເຫັນ5ຂໍ້ກ່ຽວກັບປະຊາຄົມໂລກຮ່ວມມືຮັບມືກັບການທ້າທາຍຕໍ່ຄວາມປອດໄພດ້ານນີວເຄຼຍໃນປະຈຸບັນ.ຄວາມເຫັນເຫຼົ່ານີ້ໄດ້ຮັບການສະໜັບສະໜູນແລະຕອບສະໜອງຢ່າງກວ້າງຂວາງຈາກຝ່າຍຕ່າງໆທີ່ຮ່ວມປະຊຸມ.
ທ່ານຢາງເຈຊືກ່າວວ່າ,ໃນໄລຍະພົບປະຢ່າງເປັນທາງການເທື່ອທີສອງລະຫວ່າງຜູ່ນຳສີ່ປະເທດບຣິກສ໌,ຜູ່ນຳສີ່ປະເທດໄດ້ແລກປ່ຽນຄວາມເຫັນກ່ຽວກັບຫຼາຍບັນຫາ,ເປັນຕົ້ນວ່າ:ສະຖານະການເສດຖະກິດການເງິນຂອງໂລກ,ການປະຕິຮູບອົງການທະນາຄານສາ ກົນ,ແລະບັນຫາການສົນທະນາແລະຮ່ວມມືລະຫວ່າງສີ່ປະເທດບຣິກສ໌,ແລະໄດ້ອອກຖະແຫຼງການຮ່ວມ.ໃນເວລາກ່າວຄຳປາໄສໃນກອງປະຊຸມ,ທ່ານປະທານຫູຈິນທ່າວຊີ້ອອກວ່າ,ຄວນເຮັດໃຫ້ທິດທາງການຮ່ວມມືລະຫວ່າງສີ່ປະເທດແຈ່ມແຈ້ງແລະຊຸກຍູ້ຂະບວນ ການຮ່ວມມືລະຫວ່າງສີ່ປະເທດຈາກຄວາມສູງຍຸດທະສາດ,ຖືຄວາມໄວ້ເນື້ອເຊື່ອໃຈກັນເປັນພື້ນຖານ,ຖືການຮ່ວມມືທີ່ຕິດແທດຕົວຈິງເປັນວຽກງານສຳຄັນ,ຖືການສ້າງສາກົນໄກເປັນການຮັບປະກັນ,ເປົ້າໝາຍແມ່ນໃຫ້ຕ່າງຝ່າຍຕ່າງໄດ້ຮັບຜົນປະໂຫຍດ,ພາຍໃຕ້ເງື່ອນໄຂປະຕູຢ່າງໂປ່ງໃສເປັນປະຖົມປັດໄຈ.ທ່ານຍັງໄດ້ທິຂໍ້ສະເໜີ5ຂໍ້ກ່ຽວກັບວຽກງານສຳຄັນໃນຂັ້ນຕອນຕໍ່ໄປ.ໂຄງຄວາມຄິດແລະຄວາມເຫັນກ່ຽວກັບການຮ່ວມມືລະຫວ່າງສີ່ປະເທດຂອງທ່ານປະທານຫູຈິນທ່າວໄດ້ຮັບຄວາມເຫັນດີເຫັນພ້ອມແລະສະໜັບສະໜູນຈາກຝ່າຍຕ່າງໆ,ສ່ວນຈີນຕົກລົງຮັບຈັດການພົບປະຢ່າງເປັນທາງການເທື່ອທີສາມລະຫວ່າງສີ່ຜູ່ນຳປະເທດບຣິກສ໌ນັ້ນກໍໄດ້ຮັບຄວາມຍ້ອງຍໍສັນລະເສີນ.
ທ່ານຢາງເຈຊືກ່າວວ່າ,ໃນເວລາບໍ່ພໍ4ມື້,ທ່ານຫູຈິນທ່າວໄດ້ເຂົ້າຮ່ວມກອງປະຊຸມສາກົນສອງຄັ້ງແລະຢ້ຽມຢາມເບຼຊິນ.ໃນໂອກາດພັກຜ່ອນອັນສັ້ນໆ,ທ່ານຫູຈິນທ່າວຍັງໄດ້ຈັດການພົບປະເຈລະຈາກັນສອງຕໍ່ສອງຫຼາຍເທື່ອ,ໄດ້ພົບປະແລະຕິດຕໍ່ພົວພັນກັບຜູ່ນຳຫຼາຍສິບປະເທດ,ເຊິ່ງລວມທັງທ່ານບາຣັກ ໂອບາມາ,ປະທານາທິບໍດີອາເມລິກາ,ໄດ້ແລກ ປ່ຽນຄວາມເຫັນກ່ຽວກັບການຂະຫຍາຍການພົວພັນສອງຕໍ່ສອງ,ແລະເຮັດໃຫ້ການຕິດຕໍ່ພົວພັນແລະປະສານງານໃນວຽກງານສາກົນຢ່າງແໜ້ນແຟ້ນກວ່າເກົ່າຕື່ມອີກ.ໄດ້ໂຮມຄວາມເຫັນທີ່ເປັນເອກະສັນກັນ,ເພີ່ມຄວາມໄວ້ເນື້ອເຊື່ອໃຈກັນ,ແລະເປີດກວ້າງການຮ່ວມມື.
ສຸດທ້າຍ,ທ່ານຢາງເຈຊືກ່າວວ່າ,ການຢ້ຽມຢາມຂອງທ່ານຫູຈິນທ່າວເທື່ອນີ້ໄດ້ບັນລຸຈຸດປະ ສົງດັ່ງນີ້,ຄື:ເປີດກວ້າງຄວາມເຫັນທີ່ເປັນເອກະສັນກັນ,ສ້າງມິດຕະພາບອັນແໜ້ນແຟ້ນ ກວ່າເກົ່າ,ລົງເລິກການຮ່ວມມື,ແລະຮ່ວມກັນປຶກສາຫາລືການພັດທະນາ.ໄດ້ຊຸກຍູ້ການຮ່ວມມືລະຫວ່າງຊາດໃນຂົງເຂດຄວາມປອດໄພດ້ານນິວເຄຼຍຕື່ມອີກ,ເພີ່ມທະວີການສົນທະນາແລະຮ່ວມມືລະຫວ່າງປະເທດທີ່ມີຕະຫຼາດຈະເລີນໃໝ່,ຊຸກຍູ້ໃຫ້ລະບົບສາກົນພັດ ທະນາຢ່າງປອດໃສ,ແລະເຮັດໃຫ້ການພົວພັນມິດຕະພາບລະຫວ່າງຈີນກັບປະເທດອາເມລິກາລາຕີນເລິກເຊິ່ງກວ່າເກົ່າ.ຈີນຈະຕັ້ງໜ້າຜັນຂະຫຍາຍໝາກຜົນຂອງການຢ້ຽມຢາມເທື່ອນີ້,ປະກອບສ່ວນອັນໃໝ່ຫຼາຍກວ່າເກົ່າເຂົ້າໃນສັນຕິພາບ,ສະຖຽນລະພາບແລະການພັດທະນາຂອງໂລກ.
