ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ,ທ່ານຜູ່ຟັງທີ່ໂຄລົບ ,ຕອນເຊົ້າວັນທີ18ເມສານີ້,ທ່ານຫູຈີນທ່າວ,ປະທານປະເທດຈີນໄດ້ເດີນທາງດ້ວຍເຄື່ອງບິນພິເສດອອກຈາກນະຄອນຫຼວງປັກກິ່ງ ໄປເຂດປະສົບໄພແຜ່ນດິນໄຫວຢູ່ເມືອງຢູ້ຊູ້ແຂວງຊິ່ງໄຮ, ເພື່ອຢາມພະນັກງານແລະປະຊາຊົນທີ່ຢູ່ເຂດປະສົບໄພແລະຊີ້ນໍາວຽກງານກູ້ໄພຢູ່ແຫ່ງນີ້.
ວັນທີ 14 ເມສານີ້,ໃນເວລາເມືອງຢູ້ຊູ້ຂອງກິ່ງແຂວງຢູ້ຊູ້ເຜົ່າຕິເບດປົກຄອງຕົນເອງຂອງແຂວງຊິ່ງໄຮ ໄດ້ເກີດແຜ່ນດິນໄຫວທີ່ວັດແຮງສັ່ນສະເທືອນໄດ້7,1 ຣິກເຕີ ນັ້ນ, ທ່ານຫູຈິນທາວຫາກໍເຂົ້າຮ່ວມກອງປະຊຸມສຸດຍອດຄວາມປອດໄພດ້ານນິວເຄຼຍ ທີ່ຈັດຂຶ້ນຢູ່ວໍຊິງຕັນຂອງອາເມລິກາ. ທ່ານໄດ້ກັບຄືນຮອດພາຍໃນປະເທດກ່ອນເວລາທີ່ກຳນົດໃນຕອນບ່າຍວັນທີ 17 ເມສານີ້.ຕອນເຊົ້າວັນທີ 18,ທ່ານຫູຈີນທາວໄດ້ເດີນທາງດ້ວຍເຄື່ອງບິນພິເສດອອກຈາກນະຄອນຫຼວງປັກກິ່ງ,ຫຼັງຈາກຂີ່ຍົນ3ຊົ່ວໂມງປາຍແລ້ວ,ທ່ານຫູຈີນທ່າວກໍ່ໄປຮອດສະໜາມບິນປ່າຖາງຢູ້ຊູ້ທີ່ສູງຈາກໜ້ານ້ຳທະເລເກືອບ4ພັນແມັດ. ຖັດຈາກນັ້ນ,ທ່ານກໍ່ໄດ້ຂີ່ລົດໄປບ້ານຈ່າຊີຕ້າທົງ ຕາແສງເຈກູ້ທີ່ໄດ້ຖືກປະສົບໄພຢ່າງໜັກໜ່ວງ,ເພື່ອໄປຢາມປະຊາຊົນຜູ່ປະສົບໄພ. ບ້ານຈ່າຊີຕ້າທົງມີຊາວບ້ານ600ກວ່າຄົນໃນເມື່ອກ່ອນ, ໃນແຜ່ນດິນໄຫວເທື່ອນີ້ໄດ້ມີ120ຄົນເສຍຊີວິດ,72ຄົນຫາຍສາບສູນ ,ແລະຍັງມີ 100 ກວ່າຄົນໄດ້ຮັບບາດເຈັບ. ທ່ານຫູຈິນທາວໄດ້ໄປຮອດຕູບຜ້າເຕັນຝ້າຍຢູ່ຈຸດຍົກຍ້າຍຊົ່ວຄາວຂອງບ້ານນີ້, ເພື່ອໄປຖາມສະພາບການຄ້ຳປະກັນດ້ານຊີວິດການເປັນຢູ່ຂອງປະຊາຊົນໃນປະຈຸບັນ.ມີຊາວບ້ານເຜົ່າຕິເບດຜູ່ຫນຶ່ງເວົ້ານຳທ່ານຫູຈິນທ່າວວ່າ,ປະຈຸບັນ,ການກິນແລະນຸ່ງເຄື່ອງລ້ວນແຕ່ບໍ່ມີບັນຫາຫຍັງ, ມີແຕ່ເປັນຫ່ວງນຳບັນຫາເຮືອນຢູ່ແລະເດັກນ້ອຍເຂົ້າຮຽນໃນຕໍ່ຫນ້າເທົ່ານັ້ນ. ທ່ານຫູຈິນທາວຟັງແລ້ວກໍ່ປະໂລມໃຈລາວວ່າ:
"ສິ່ງທີ່ເຈົ້າເວົ້າມານັ້ນ, ຂ້ອຍສາມາດຮັບປະກັຫນໄດ້ວາ, ອັນທີໜຶ່ງ, ຕໍ່ໄປ, ພັກແລະລັດຖະບານຈະຊ່ອຍເຫຼືອປະຊາຊົນຢູ່ເຂດປະສົບໄພສ້າງບ້ານແປງເມືອງໃຫ້ດີ, ອັນທີສອງ, ພວກເດັດນ້ອຍກໍ່ບໍ່ເປັນຫຍັງ, ແນວໃດລັດຖະບານກໍຈະໃຫ້ພວກຫຼານໄດ້ເຂົ້າໂຮງຮຽນຄືນໃໝ່ໂດຍໄວ."
ເມື່ອອອກຈາກບ້ານຈາຊີຕ້າຖົງ, ທ່ານຫູຈີນທ່າວກໍຂ້ຽວເດີນທາງໄປສະໜາມກິລາກິ່ງແຂວງອີ້ຊູ້, ເພາະວ່າຢູ່ບ່ອນນັ້ນໄດ້ຊ່ອຍເຫຼືອກອບກູ້ຜູ້ບາດເຈັບໃນແຜ່ນດິນໄຫວ. ທ່ານຫູຈີນທ່າວໄດ້ເຂົ້າໄປໃນຕູບຜ້າເຕັນເພື່ອຢື້ຢາມຖາມຂ່າວຜູ້ບາດເຈັບທີ່ພວມຮັບການປິ່ນປົວ.ໃນເວລາເຫັນນາງໂຈ່ວມາ,ນັກຮຽນມັດທະຍົມເຜົ່າຕິເບດທີ່ແຂນຫັດໃນແຜ່ນດິນໄຫວກຳລັງໃຫ້ຢູ່ຢ່າງເຈຍໃຈ, ທ່ານຫູຈີນທ່າວໄດ້ຫອດໃຈນາງວ່າ: "ລຸງຮູ້ວ່າຫຼາຍແມ່ນເດັກທີ່ດີ, ແລະກໍແມ່ນເດັກນ້ອຍທີ່ກ້າຫານ,ທັງຮຽນເກັ່ງມີອະນາຄົດສະຫວ່າງສະໄຫວ.ຫຼານຕ້ອງເຂັ້ມແຂວງ, ໂດຍສະເພາະແມ່ນໃນເວລານີ້ພວມປະສົບໄພແຜ່ນດິນໄຫວ,ຫຼານຕ້ອງມີຄວາມໝັ້ນໃຈ,ຟັງຄວາມທ່ານໝໍປົວໃຫ້ດີ, ລຸງຈະຄຶດຮອດຫຼານຢູ່ສະເໝີ."
ເມື່ອໄດ້ຢາມຜູ່ບາດເຈັບ,ແພດໝໍແລະຜູ່ພະຍາບານແລ້ວ,ທ່ານຫູຈິນທ່າວກໍຂ້ຽວເດີນທາງ ໄປໂຮງຮຽນເດັກກຳພ້າກຳພອຍຢູ້ຊູ້,ຢ້ຽມຢາມເດັກນ້ອຍທີ່ກຳລັງຮຽນຢູ່ຫ້ອງຮຽນຊົ່ວຄາວ.ຢູ່ທີ່ນີ້,ທ່ານຫູຈິນທ່າວເວົ້າຕໍ່ພວກເດັກນ້ອຍວ່າ,ຕໍ່ໄປຍ່ອມຈະປຸກໂຮງຮຽນໃໝ່ທີ່ສວຍງາມກວ່າເກົ່າ.ທ່ານຍັງເອົາສໍຂາວຂຽນໃສ່ກະດານດຳວ່າ:"ໂຮງຮຽນໃໝ່,ຫາກຈະມີ!ບ້ານໃໝ່ເຮືອນໃໝ່,ຫາກຈະມີ!",ແລະພາເດັກນ້ອຍທັງຫຼາຍອ່ານສຽງແຮງໆພ້ອມກັນ.
ຢູ່ບ້ານຈ່າຊີ່ເຄີ່ຂອງເມືອງຢູ້ຊູ້ທີ່ປະສົບໄພໜັກໜ່ວງ,ທ່ານຫູຈິນທ່າວຍັງໄດ້ຢາມນາຍແລະພົນທະຫານພ້ອມດ້ວຍຕຳຫຼວດປ້ອງກັນຄວາມສະຫງົບທີ່ພວມຊຳລະສະສາງຊາກເຮືອນເພພັງ.
ເມື່ອຢາມມວນຊົນທັງຫຼາຍໃນວັນທີ18ແລ້ວ,ທ່ານຫູຈິນທ່າວໄດ້ຈັດກອງປະຊຸມຢູ່ກອງບັນ ຊາການກູ້ໄພແຜ່ນດິນໄຫວທີ່ຕັ້ງຢູ່ໃນຕູບຜ້າເຕັນ,ຟັງການລາຍງານວຽກງານກູ້ໄພໃນປະຈຸບັນນີ້,ແລະຊີ້ອອກວ່າ,ຕໍ່ໄປພາຍໜ້າ,ຕ້ອງເຮັດວຽກຄື:ອອກແຮງຊອກກອບກູ້ຜູ່ຖືກຝັງຢູ່ໃຕ້ຊາກເຮືອນ,ພະຍາຍາມປິ່ນປົວຜູ່ບາດເຈັບ,ຈັດວາງຊີວິດການເປັນຢູ່ຂອງປະຊາຊົນຜູ່ປະສົບໄພໃຫ້ດີ,ສ້ອມແປງພື້ນຖານໂຄງລ່າງໂດຍໄວ,ແລະຮັບປະກັນຄວາມໝັ້ນຄົງແລະຄວາມກົມກຽວກັນຂອງສັງຄົມ.
