ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ,ທ່ານຜູ່ຟັງທີ່ໂຄລົບ, ວັນທີ21ເມສານີ້, ຢູ່ທີ່ວໍຊິງຕັນ ອົງການກອງທຶນເງິນຕາສາກົນ ຫຼືIMFໄດ້ເຜີຍແຜ່ບົດ ລາຍງານ"ເບິ່ງເສດຖະກິດໂລກ"ສະບັບຫຼ້າສຸດໂດຍກ່າວວ່າ,ຫຼັງຈາກຜ່ານວິກິດການການເງິນສາກົນແລະເສດຖະກິດຊຸດໂຊມລົງແລ້ວ,ປະຈຸບັນ,ສະພາບການຟື້ນຕົວຂອງເສດຖະກິດໂລກ ດີຂຶ້ນເກີນຄາດໝາຍ,ແຕ່ເສດຖະກິດຂອງທົ່ວໂລກທີ່ຍັງອາໄສນະໂຍ ບາຍເສດຖະກິດມະຫາພາກທີ່ຜ່ອນຍານໃນລະດັບສູງນັ້ນ ຍັງມີຄວາມສ່ຽງຢູ່,ຄວນປະຕິຮູບລະບົບການເງິນຂອງທົ່ວໂລກ, ເພື່ອຫຼີກລ້ຽງບໍ່ໃຫ້ເກີດວິກິດການອີກ.
ບົດລາຍງານສະບັບຫຼ້າສຸດບົດນີ້ໄດ້ເຜີຍແຜ່ກ່ອນກອງປະຊຸມລະດູໃບໄມ້ປົ່ງທີ່ IMF ແລະທະນາຄານໂລກຮ່ວມກັນຈັດຂຶ້ນໃນທ້າຍສັບປະດານີ້. ໃນບົດລາຍງານ, IMF ໄດ້ຍົກສູງຄາດຫມາຍທີ່ມີຕໍ່ການເຕີບໂຕຂອງເສດຖະກິດໂລກ, ແລະສະແດງໃຫ້ເຫັນຢ່າງຈະແຈ້ງເຖິງທ່າທີ່ທີ່ເຫັນໄປແງ່ດີຕໍ່ເສດ ຖະກິດຂອງໂລກໃນອະນາຄົດ. ຕາມການຄາດຄະເນ, ເສດຖະກິດໂລກປີນີ້ຈະເຕີບໂຕ4,25%,ປີໜ້າຈະເຕີບໂຕ 4,3%. ນັບແຕ່ວິກິດການການເງີນສາກົນກະທົບກະເທືອນເຖິງທົ່ວໂລກໃນປີ 2008 ເປັນຕົ້ນມາ, ບົດລາຍງານເທື່ອນີ້ເຫັນຢ່າງຈະແຈ້ງ ວ່າ, ເສດຖະກິດໂລກໄດ້ຟື້ນຕົວດີຄືນຢ່າງແທ້ຈິງແລ້ວ.
ແຕ່ບົດລາຍງານຍັງຊີ້ອອກວ່າ, ເຖິງວ່າຄວາມສ່ຽງຂອງທົ່ວໂລກທີ່ພວມປະເຊີນກັບຄວາມຫມັ້ນທ່ຽງທາງການເງິນ ໄດ້ຜ່ອນຄາຍລົງໃນປະຈຸບັນກໍ່ຕາມ,ແຕ່ຍັງມີຄວາມສ່ຽງຢູ່ນຳອີກ. ປະຈຸບັນ,ລະດັບຟື້ນຕົວຂອງແຕ່ລະອົງກອນເສດ ຖະກິດແມ່ນຫຼຸດໂຕນກັນຫຼາຍ, ຫຼາຍອົງກອນເສດຖະກິດທີ່ພັດທະນາແລ້ວ ຍັງຟື້ນຕົວຄືນຢ່າງບໍ່ແຂງແຮງ, ຕົວຢ່າງຄື ໃນອົງກອນເສດຖະກິດທີ່ພັດທະນາແລ້ວ, ການຟື້ນຕົວຂອງອາເມລິກາ ໄວກວ່າເອີລົບແລະຍີ່ປຸ່ນຢ່າງຈະແຈ້ງ. ສ່ວນການຟື້ນຕົວຂອງອົງກອນເສດຖະກິດທີ່ຈະເລີນໃຫມ່ ກໍ່ຍິ່ງກ້າວໄປຫນ້າດ້ວຍບາດກ້າວກວ້າງ. ອົງກອນເສດຖະກິດທີ່ຈະເລີນໃຫມ່ຂອງອາຊີ ຈະສືບຕໍ່ຮັກສາການເຕີບໂຕຂອງເສດຖະກິດ.
ບົດລາຍງານເຫັນວ່າ, ເຖິງວ່າເສດຖະກິດໂລກມີທ່າອຽງຟື້ນຟູຄືນໃໝ່ນັບມື້ນັບຫຼາຍຂຶ້ນ, ແຕ່ຍັງມີບັນຫາຄົງຄ້າງຢູ່, ຫຼາຍຂະແໜງການຍັງປະເຊີນຄວາມຫຍຸ້ງຍາກທີ່ບໍ່ມີເງິນກູ້,ນະໂຍບາຍເງິນຕາທີ່ຜ່ອນຍານໄດ້ກະຕຸ້ນໃຫ້ເສດຖະກິດຟື້ນຟູຄືນໃໝ່, ແຕ່ຄວາມສ່ຽງທີ່ພາໃຫ້ເງິນເຟີ້ກໍເພີ່ມຂຶ້ນ, ການປະຕິຮູບຂອງລະບົບຕິດຕາມຄຸ້ມຄອງການເງິນຍັງຂາດຄວາມເປັນເອກະພາບກັນ, ອັດຕາຫວ່າງງານຂອງຫຼາຍປະເທດຍັງສູງຫຼາຍ. ສິ່ງເຫຼົ່ານີ້ລ້ວນແຕ່ໄດ້ສ້າງທ່າອ່ຽງທີ່ບໍ່ແນ່ນອນໃຫ້ແກ່ເສດຖະກິດໂລກໃນອະນາຄົດ. ເຮັດແນວໃດຈະຫຼີກເວັ້ນຄວາມສ່ຽງແລະຮັກສາໃຫ້ເສດຖະກິດພັດທະນາແບບຍືນຍົງ, ໄດ້ກາຍເປັນບັນຫາສຳຄັນບັນຫາໜຶ່ງຂອງການພັດທະນາຂອງເສດຖະກິດໂລກ.ບົດລາຍງານຂອງIMFໄດ້ໃຫ້ຂໍ້ສະເໜີຈຳນວນໜຶ່ງຕໍ່ເລື່ອງນີ້.
ກ່ອນອື່ນໝົດ, ບົດລາຍງານໄດ້ກ່າວເນັ້ນຄວາມສຳຄັນຂອງນະໂຍບາຍ. ອັນທີສອງ, ການປະຕິຮູບດ້ານການຕິດຕາມຄຸ້ມຄອງການເງິນຕ້ອງດຳເນີນຕໍ່ໄປສະເພາະຢ່າງຍິ່ງ, ນີ້ແມ່ນ"ສິ່ງສຳຄັນສຳລັບອົງກອນເສດຖະກິດທີ່ພັດທະນາເພື່ອຮັກສາການຟື້ນຕົວ,ສ່ວນອົງກອນເສດຖະກິດທີ່ຈະເລີນໃໝ່ກໍຄວນຖືເລື່ອງນີ້ເປັນແວ່ນແຍງ, ແກ້ໄຂສະພາບການທີ່ລະບົບການເງິນທີ່ມີປະສິດທິພາບຕ່ຳຫຼືຂາດປະສິດທິພາບ;ອັນທີສາມ,ອັດຕາຫວ່າງງານສູງຍັງແມ່ນບັນຫາສຳຄັນທີ່ເສດຖະກິດໂລກຈະປະເຊີນໃນຫຼາຍປີຕໍ່ໜ້າ.ນະໂຍບາຍທີ່ກ່ຽວຂ້ອງທີ່ຊຸກຍູ້ການປະກອບອາຊີບແມ່ນຂາດບໍ່ໄດ້. ບົດລາຍງານສະເໜີຄວນວ່າປັບປຸງບັນຫາດັ່ງກ່າວຈາກນະໂຍບາຍມະຫາພາກ.
ບົດລາຍງານຂອງIMFຈະຖືເປັນພື້ນຖານຂອງການປຶກສາຫາລືໃນກອງປະຊຸມລັດຖະ ມົນຕີການເງິນແລະຜູ່ອຳນວຍການທະນາຄານກາງຂອງກຸ່ມ20ປະເທດຫຼືG20ທີ່ຈະຈັດຂຶ້ນໃນວັນທີ23ເມສານີ້.ມີຜູ່ຊ່ຽວຊານຊີ້ອອກວ່າ,ຖ້າຢາກເຮັດໃຫ້ເສດຖະກິດໂລກຟື້ນຕົວຢ່າງໝັ້ນທ່ຽງ,ປະຈຸບັນນີ້ຍັງປະເຊີນສິ່ງການທ້າທາຍຫຼາຍຢ່າງ.ແຕ່ການປະຕິຮູບການຕິ ຕາມຄຸ້ມຄອງການເງິນໄດ້ກາຍເປັນຫົວຂໍ້ໃນຕົ້ນປີ2009ເປັນຕົ້ນມາ,ປະເທດຕ່າງໆກໍ່ບໍ່ໄດ້ບັນລຸຄວາມເຫັນເປັນເອກະສັນກັນກ່ຽວກັບການຕິດຕາມຄຸ້ມຄອງລະບົບການເງິນສາກົນ.ນອກນີ້,ໃນການເຮັດໃຫ້ຄວາມຕ້ອງການທົ່ວໂລກສະໝ່ຳສະເໝີກັນນັ້ນ,ລັດທິປົກປ້ອງການຄ້າຍັງແມ່ນໄພຂົ່ມຂູ່ຢ່າງໃຫຍ່ຫຼວງຕໍ່ການຟື້ນຕົວຂອງເສດຖະກິດ.
ມີນັກວິເຄາະຊີ້ອອກວ່າ,ໃນການຟື້ນຕົວແລະການທ້າທາຍຂອງເສດຖະກິດໂລກຈະເຫັນໄດ້ວ່າ,ໂຄງປະກອບຂອງເສດຖະກິດໂລກພວມປ່ຽນແປງ.ເພື່ອຮັບມືກັບການທ້າທາຍເຫຼົ່ານີ້,ບໍ່ພຽງແຕ່ຄວນດຳເນີນການປະສານງານກັນດ້ານນະໂຍບາຍທໍ່ນັ້ນ,ສິ່ງທີ່ສຳຄັນກວ່ານັ້ນແມ່ນອົງປະກອບປັບປຸງເສດຖະກິດໂລກທີ່ຖືອົງການເສດຖະກິດທີ່ພັດທະນາແລ້ວເປັນການຊີ້ນຳນັ້ນຄວນກ້າວໄປໜ້າຕາມຍຸກສະໄໝ,ຖ້າເຮັດແນວນີ້ຈຶ່ງຈະສາມາດສ້າງລະບຽບການເສດຖະກິດສາກົນຄືນໃໝ່ຢ່າງດີກວ່າເກົ່າ,ເລັ່ງລັດບາດກ້າວຂອງການຟື້ນຕົວ,ແລະປ້ອງກັນບໍ່ໃຫ້ວິກິດການເກີດຂຶ້ນອີກ.
