ຕາມຂ່າວCRI:ເຖິງວ່າສູນອຳນວຍການແກ້ໄຂສະຖານະການສຸກເສີນຂອງລັດຖະບານໄທໄດ້ ອອກຄຳສັ່ງໃຫ້ຜູ່ປະທ້ວງຂອງກຸ່ມເສື້ອແດງຕ້ອງຖອນອອກຈາກສະຖານທີ່ປະທ້ວງກ່ອນ15ໂມງວັນທີ17ພຶດສະພານີ້ກໍຕາມ,ແຕ່ກໍຍັງມີຜູ່ປະທ້ວງປະມານ5000ຄົນເຕົ້າໂຮມກັນຢູ່ເຂດລາຊະປະສົງທີ່ຢູ່ໃຈກາງນະຄອນຫຼວງບາງກອກ.ກອງທະຫານທີ່ປະກອບອາວຸດເລີ່ມຮັດເຂົ້າວົງປິດລ້ອມຜູ່ປະທ້ວງຈາກທິດຕ່າງໆ,ການປະທ້ວງຂອງກຸ່ມເສື້ອແດງໄດ້ຂະຫຍາຍຮອດຂັ້ນສຸດທ້າຍແລ້ວ.ແຕ່ວ່າ,ຈະຢຸດຕິສະພາບຄ້ຳຢັນກັນດັ່ງກ່າວແນວໃດພັດໄດ້ກາຍເປັນບັນຫາຫຍຸ້ງ ຍາກທີ່ຮ່ວມກັນຂອງລັດຖະບານອະພິຊິດກັບຫົວໜ້າກຸ່ມເສື້ອແດງ.
ຕອນເຊົ້າວັນທີ17ພຶດສະພານີ້,ພົນຕີຂັດຕິຍະ ສະຫວັດດີຜົນ,ຫຼືເອີ້ນວ່າເສແດງນັ້ນໄດ້ເສຍຊີວິດຢູ່ໂຮງໝໍແຫ່ງໜຶ່ງທີ່ບາງກອກ.ທ່ານຂັດຕິຍະເຄີຍເປັນຜູ່ຊ່ຽວຊານທາງການທະຫານຂອງກອງ ທັບບົກໄທ,ມໍ່ໆມານີ້ຖືກກະຊວງປ້ອງກັນປະເທດຂອງໄທປົດຕຳແໜ່ງຍ້ອນການເຂົ້າຮ່ວມການໂຮມຊຸມນຸມປະທ້ວງຂອງກຸ່ມເສື້ອແດງ.ເຖິງວ່າທ່ານຂັດຕິຍະບໍ່ແມ່ນສະມາຊິກທາງການຂອງກຸ່ມເສື້ອແດງກໍຕາມ,ແຕ່ວ່າພັດຮັບຜິດຊອບວຽກງານປ້ອງກັນຄວາມປອດໄພຂອງການໂຮມຊຸມນຸມປະທ້ວງຂອງກຸ່ມເສື້ອແດງໂດຍຕະຫຼອດແລະຄັດຄ້ານຜູ່ນຳຝ່າຍອ່ອນໂຍນຂອງກຸ່ມເສື້ອແດງທີ່ປະນີປະນອມກັບລັດຖະບານ,ຈຶ່ງຖືກຖືເປັນຜູ່ນຳຫົວຮຸນແຮງທີ່ສຸດ.ໃນຕອນຄ່ຳວັນທີ13ພຶດສະພານີ້,ໃນເວລາໃຫ້ສຳພາດຕໍ່ນັກຂ່າວຕ່າງປະເທດຢູ່ນອກສະຖານທີ່ໂຮມຊຸມນຸມປະທ້ວງຂອງກຸ່ມເສື້ອແດງ,ທ່ານຂັດຕິຍະຖືກຍິງເຂົ້າຫົວ.ໂຮງໝໍໄດ້ຜ່າຕັດຫົວຂອງທ່ານແລະສືບຕໍ່ເນີນປອດໄພແລະຄັດຄ້ານຜູ່ນຳຝ່າຍອ່ອນໂຍນຂອງກຸ່ມເສື້ອແດງທີ່ປະນີປະ ນອມກັບລັດຖະບານ,ຈຶ່ງຖືກຖືເປັນຜູ່ນຳຫົວຮຸນແຮງທປິ່ນ ປົວຫຼັງຜ່າຕັດ,ແຕ່ວ່າທ່ານບໍ່ໄດ້ຮູ້ສຶກໂຕຄືນເລີຍ,ອາໄສເຄື່ອງຊ່ວຍຊູຫາຍໃຈຮັກສາຊີວິດຈົນ ຮອດໃຈຂາດໃນທີ່ສຸດ.
ພໍຂ່າວທ່ານຂັດຕິຍະ ສະຫວັດດີຜົນເສຍຊີວິດເປີດເຜີຍຕໍ່ສັງຄົມ, ຜູ້ປະທ້ວງຂອງກຸ່ມເສື້ອແດງທີ່ເຕົ້າໂຮມກັນຢູ່ສີ່ແຍກລາຊະປະສົງກາງນະຄອນບາງກອກຮູ້ສຶກໂສກເສົ້າສະຫຼົດໃຈທີ່ສຸດ. ໃນຂະນະນີ້ຈະສືບຕໍ່ຕໍ່ຕ້ານລັດຖະບານຫຼຈະືປະລະການປະທ້ວງ? ໂດຍປະເຊີນກັບກອງທັບທີ່ເຂັ້ມແຂງ, ປະເຊີນກັບຜົນການຕ້ານຢັນທີ່ມີຜູ້ປະທ້ວງຕາຍແລະບາດເຈັບຢ່າງຫຼວງຫຼາຍນັບແຕ່ວັນທີ 14 ພຶດສະພາມານີ້, ຕອນທ່ຽງວັນທີ 17 ພຶດສະພາ, ຢູ່ບ່ອນຊຸມນຸມລາຊະປະສົງ, ທ່ານນັດທະວຸດ ໃສເກື້ອ, ຜູ້ນຳຂອງກຸ່ມເສື້ອແດງກ່າວວ່າ, ຖ້າວ່າລັດຖະບານຢຸດຕິການໃຊ້ກຳລັງປະກອບອາວຸດ,ຜູ້ປະທ້ວງຍິນດີຄືນສູ່ໂຕະເຈລະຈາກັບລັດຖະບານຄືນໃໝ່, ດຳເນີນການປຶກສາຫາລືກ່ຽວກັບຈະແກ້ໄຂວິກິດການທີ່ເກີດຂຶ້ນໃນປະຈຸບັນແນວໃດ. ແຕ່ວ່າ, ທ່ານນັດທະວຸດປະຕິເສດຄຳທີ່ວ່າຜູ້ປະທ້ວງຈະສິ້ນສຸດການໂຮມຊຸມນຸມປະທ້ວງໂດຍບໍ່ມີເງື່ອນໄຂ.ຄວາມຮຽກຮ້ອງອັນໜຶ່ງອັນດຽວຂອງກຸ່ມເສື້ອແດງໃນປະຈຸບັນກໍແມ່ນໃຫ້ກອງທັບຢຸດຍິງໃນທັນທີ.
ທ່ານປະນິທານ ວັດທະນະຍາກອນ, ໂຄສົກລັດຖະບານໄທໄດ້ໃຫ້ຄຳຕອບໂດຍໄວ. ທ່ານກ່າວວ່າ,ຜູ້ນຳຂອງກຸ່ມເສື້ອແດງຕ້ອງສະແດງໃຫ້ເຫັນຄວາມຈິງໃຈ,ຢຸດຕິການປະທ້ວງແລະຄວາມປັ່ນປ່ວນວຸ້ນວາຍກ່ອນ,ລັດຖະບານຈິ່ງຈະເຈລະຈາກັບກຸ່ມເສື້ອແດງ, ແລະຟື້ນຟູແຜນການປອງດອງກັນທີ່ສະເໜີອອກໃນເມື່ອກ່ອນ.ທ່ານປະນິທານຍັງກ່າວວ່າ,ລັດຖະບານໄທມີຄວາມສາມາດຊຳລະວຽກງານພາຍໃນຂອງໄທດັ່ງກ່າວຕາມມາດຕະຖານສາກົນ.
ການທີ່ຈະໃຊ້ກຳລັງອາວຸດຂັບໄລ່ຜູ່ປະທ້ວງຫຼືຈະຖ້າໃຫ້ສະພາບການປ່ຽນແປງ? ລັດຖະບານອະພິສິດຍັງລັ່ງເລໃຈຢູ່. ຕອນທ່ຽງວັນທີ 17 ພຶດສະພານີ້, ສູນອຳນວຍການແກ້ໄຂສະຖານະການສຸກເສີນຂອງລັດຖະບານໄທໄດ້ປະກາດອີກເທື່ອຫນຶ່ງວ່າ, ກ່ອນເວລາບ່າຍ 3 ໂມງມື້ດຽວກັນ, ຜູ່ປະທ້ວງຂອງ＂ກຸ່ມເສື້ອແດງ＂ຕ້ອງຫນີອອກຈາກສະຖານທີ່ໂຮມຊຸມນຸມປະທ້ວງ ຢູ່ທາງແຍກລາຊະປະສົງ, ຖ້າບໍ່ດັ່ງນັ້ນ, ເຂົາເຈົ້າຈະຖືກລົງໂທດຕິດຄຸກຍາວສຸດເປັນເວລາ 2 ປີ. ເຖິງວ່າໄດ້ລົງຄຳຂາດເທື່ອແລ້ວເທື່ອອີກ, ກອງທັບຍັງແຕ່ງຍົນເຮລິກົບແຕໄປຫວ່ານໃບປິວໃສ່ສະຖານທີ່ປະທ້ວງກໍຕາມ,ແຕ່ວ່າມາຮອດເວລາບ່າຍ 3 ໂມງວັນທີ 17 ພຶດສະພານີ້,ກໍຄືເວລາກຳນົດສຸດທ້າຍຂອງສູນອຳນວຍການແກ້ໄຂສະຖານະການສຸກເສີນ,ກໍ່ຍັງມີຜູ່ປະທ້ວງຂອງ＂ກຸ່ມເສື້ອແດງ＂ປະມານ 5000 ຄົນປະຕິເສດບໍ່ຖອນຫນີ,ກຸ່ມຄົນທີ່ອ່ອນແອລວມທັງແມ່ຍິງ,ເດັກນ້ອຍແລະຜູ່ເຖົ້າກໍ່ເລືອກການຍ້າຍໄປຢູ່ວັດແຫ່ງຫນຶ່ງໃກ້ກັບບ່ອນໂຮມຊຸມນຸມ.ແລະບໍ່ຍອມເມືອບ້ານ.
ໂດຍປະເຊີນກັບສະພາບທີ່ຄ້ຳຢັນກັນໃນປະຈຸບັນ, ສູນອຳນວຍການແກ້ໄຂສະຖາ ນະການສຸກເສີນຂອງລັດຖະບານໄທ ຍັງຄົ້ນຄວ້າມາດຕະການທີ່ຕ້ອງໃຊ້ໃນບາດກ້າວຕໍ່ໄປ. ມາຮອດປະຈຸບັນ, ສູນອຳນວຍການແກ້ໄຂສະຖານະການສຸກເສີນຂອງລັດຖະບານຍັງບໍ່ໄດ້ປະກາດການຫ້າມສັນຈອນໃນຍາມກາງຄືນ, ແຕ່ວ່າ,ທີ່ຈິງແລ້ວ,ຢູ່ໃຈກາງຂອງນະຄອນຫຼວງບາງກອກໄດ້ກາຍເປັນເຂດຫ້າມສັນຈອນໃນຍາມກາງຄືນແລ້ວ.ກອງທັບຂອງໄທໄດ້ປະກາດຫຼາຍແຫ່ງ ເປັນເຂດທີ່ຍິວລູກປືນແທ້,ຖະຫນົນຫຼາຍສາຍທີ່ໃກ້ກັບທາງແຍກລາຊະປະສົງ ລ້ວນແຕ່ບໍ່ມີຄົນ,ປະຊາຊົນທີ່ຢູ່ໃກ້ຫັ້ນ,ບາງຄົນກໍ່ຖອນຫນີ,ບາງຄົນຮູ້ສຶກຊີວິດການເປັນຢູ່ບໍ່ສະດວກຮູ້ສຶກສະທ້ານຢ້ານກົວທີ່ສຸດ.ແຕ່ທາງລົດໄຟໃຕ້ດິນ,ລົດໄຟໃນຕົວເມືອງບາງກອກຍັງໄດ້ເຊົາການຂົນສົ່ງຜູ່ໂດຍສານຕໍ່ມາ. ເພື່ອຫຼຸດຜ່ອນຜົນກະທົບຕໍ່ປະຊາຊົນໃນສັງຄົມ,ສູນອຳນວຍການແກ້ໄຂສະຖານະການສຸກເສີນໄດ້ປະກາດວັນທີ 17 ແລະວັນທີ 18 ເປັນວັນພັກ.
ຕາມຂໍ້ມູນຂອງກະຊວງສາທາລະນະສຸກໄທທີ່ເຜີຍແຜ່ໃນວັນທີ 17 ພຶດສະພານີ້, ໃນເວລາ 2 ເດືອນປາຍທີ່ກຸ່ມເສື້ອແດງຈັດການໂຮມຊຸມນຸມປະທ້ວງຕໍ່ຕ້ານລັດຖະ ບານນັບແຕ່ວັນທີ 12 ມີນາປີນີ້ເປັນຕົ້ນມາ,ການປະທະກັນຢ່າງນອງເລືອດຫຼາຍເທື່ອໄດ້ເຮັດໃຫ້65ຄົນເສຍຊີວິດ,ແລະມີ1669ຄົນໄດ້ຮັບບາດເຈັບ.
