ຕົວແທນແມ່ຍິງທີ່ດີເດັ່ນຈາກທົ່ວໂລກ ມາໂຮມກັນປັກກິ່ງເພື່ອແບ່ງປັນບົດຮຽນ ແລະໂອກາດ
(GMT+08:00) 2010-05-21 15:03:12 cri
ກອງປະຊຸມສຸດຍອດແມ່ຍິງໂລກ 2010 ໄດ້ຈັດຂຶ້ນຢູ່ນະຄອນຫຼວງປັກກິ່ງ. ຕົວແທນແມ່ຍິງທີ່ດີເດັ່ນຂອງວົງການຕ່າງໆ 1000 ກວ່າຄົນທີ່ມາຈາກ 60 ກວ່າປະເທດແລະເຂດແຄວ້ນໃນທົ່ວໂລກໄດ້ໄປເຕົ້າໂຮມກັນຢູ່ນະຄອນຫຼວງປັກກິ່ງ, ເພື່ອແລກປ່ຽນຫມາກຜົນທີ່ດີໃນການເຄື່ອນໄຫວຂອງແມ່ຍິງ,ແລະພະຍາຍາມປະກອບສ່ວນອັນໃຫມ່ເພື່ອຊຸກຍູ້ພາລະກິດພັດທະນາຂອງມວນມະນຸດ.
ສຳນັກງານໃຫຍ່ຂອງກອງປະຊຸມສຸດຍອດແມ່ຍິງໂລກ(ຫຼືGSW)ຕັ້ງຢູ່ນະຄອນຫຼວງວໍຊິງຕັນຂອງອາເມລິກາ, ເຊິ່ງເປັນອົງ ການຈັດຕັ້ງທີ່ບໍ່ແມ່ນຂອງລັດຖະບານ. ກອງປະຊຸມສຸດຍອດແມ່ຍິງທົ່ວໂລກເທື່ອນີ້ແມ່ນສະມາຄົມສົ່ງເສີມການແລກປ່ຽນລະ ຫວ່າງຊາດຂອງອົງການຈັດຕັ້ງປະຊາຊົນຈີນແລະສະຫະພັນແມ່ຍິງທົ່ວປະເທດຈີນຮ່ວມກັນຈັດຂຶ້ນ, ເຊິ່ງມີຫົວຂໍ້ວ່າ: "ແມ່ຍິງທີ່ຢືນຢູ່ແຖວຫນ້າຂອງເສດຖະກິດໂລກໃນສັດຕະວັດທີ 21." ໃນພິທີໄຂປະຊຸມ, ທ່ານນາງເສີນຈື້ລີ້, ຮອງປະທານຄະນະປະຈຳສະພາປະຊາຊົນແຫ່ງຊາດທັງເປັນປະທານສະຫະພັນແມ່ຍິງທົ່ວປະເທດຈີນກ່າວຄຳປາໄສວ່າ, ກອງປະຊຸມສຸດຍອດແມ່ຍິງທົ່ວໂລກໄດ້ສ້າງຊ່ອງທາງທີ່ສະແດງບົດບາດຕົນເອງ,ປະກອບສ່ວນສະຕິປັນ ຍາແລະແບ່ງປັນບົດຮຽນທີ່ດີໃຫ້ແກ່ແມ່ຍິງຂອງປະເທດຕ່າງໆ,ແລະຫວັງຢາກໃຫ້ ກອງປະຊຸມສຸດຍອດເທື່ອນີ້ ສາມາດກະຕຸ້ນໃຫ້ແມ່ຍິງຂອງປະເທດຕ່າງໆໃນທົ່ວໂລກເພິ່ງຕົນເອງແລະສ້າງຄວາມເຂັ້ມແຂງດ້ວຍຕົນເອງແລະບຸກບືນກ້າວຫນ້າ,ເພື່ອປະ ກອບສ່ວນອັນໃຫຍ່ຫຼວງກວ່າເກົ່າເຂົ້າໃນການຊຸກຍູ້ຄວາມກ້າວຫນ້າແລະການຂະ ຫຍາຍຕົວຂອງພາລະກິດແມ່ຍິງໂລກ ແລະຊຸກຍູ້ການພັດທະນາເສດຖະກິດຂອງປະເທດຕ່າງໆ.
"ນັບແຕ່ກອງປະຊຸມສຸດຍອດແມ່ຍິງໂລກສ້າງຕັ້ງຂຶ້ນ 20 ປີມານີ້, ໄດ້ສຸມກຳລັງເພີ່ມທະວີການແລກປ່ຽນບົດຮຽນລະຫວ່າງນັກທຸລະກິດແລະຜູ້ນຳຄຸ້ມຄອງລະດັບສູງເພດຍິງຂອງບໍລິສັດປະເທດຕ່າງໆຕະຫຼອດມາ, ຍົກສູງຄວາມສາມາດຂອງແມ່ຍິງທີ່ເຂົ້າຮ່ວມການພັດທະນາເສດຖະກິດ. ກອງປະຊຸມສຸດຍອດເທື່ອນີ້ແມ່ນກອງປະຊຸມເທື່ອໜຶ່ງທີ່ເຕົ້າໂຮມສະຕິປັນຍາແລະກຳລັງແຮງຂອງແມ່ຍິງ, ຈະປະກອບສ່ວນເຂົ້າໃນການຍົກສູງຄວາມສາມາດແລະຖານະບົດບາດຂອງແມ່ຍິງ, ແລະຊຸກຍູ້ໃຫ້ເສດຖະກິດຂອງປະເທດຕ່າງໆພັດທະນາແຂງແຮງກວ່າເກົ່າຢ່າງແນ່ນອນ."
ເຂົ້າຮ່ວມກອງປະຊຸມສຸດຍອດເທື່ອນີ້ມີນາງມາວດ໌ ໂອລົຟຊັນ, ຮອງນາຍົກລັດຖະມົນຕີຊູແອັດ, ນາງງວຽນທິຊວນ, ຮອງປະທານປະເທດຫວຽດນາມ, ນາງຊານມາ ກິເຄວັດ, ພັນລະຍາຂອງປະທານາທິບໍດີຕັງຊານີ, ພ້ອມດ້ວຍເຈົ້າໜ້າທີ່ລະດັບລັດຖະມົນຕີ 40 ຄົນແລະແມ່ຍິງທີ່ມີຊື່ສຽງປະມານ 1000 ຄົນທີ່ມາຈາກວົງການການຄ້າແລະຂະແໜງການຕ່າງໆ, ແມ່ນກອງປະຊຸມຄັ້ງໜຶ່ງທີ່ໃຫຍ່ໂຕນທີ່ສຸດໃນປະຫວັດສາດ 20 ປີມານີ້. ທ່ານນາງຊົ້ງຊິ້ວຢຽນ, ຮອງປະທານສະມາຄົມແມ່ຍິ່ງທົ່ວປະເທດຈີນກ່າວວ່າ, ແມ່ຍິງຜູ້ດີເດັ່ນທີ່ມີຊື່ສຽງຫຼາຍຂະໜາດນີ້ເຕົ້າໂຮມກັນແລະແລກປ່ຽນ ປຶກສາຫາລືກັນ, ຈະເກີດແສງສະຫວ່າງແຫ່ງພູມປັນຍາຢ່າງແນ່ນອນ, ແລະຈະສະໜອງບົດຮຍນຫຼາຍກວ່າເກົ່າໃຫ້ແກ່ຄວາມກ້າວໜ້າຂອງພາລະກິດພັດທະນາແມ່ຍິງຈີນ.
ນາງໄອເຣັນ ນາທິວິດັດ, ປະທານກອງປະຊຸມສຸດຍອດແມ່ຍິງໂລກຊີ້ອອກວ່າ, ກອງປະຊຸມສຸດຍອດເທື່ອນີ້ແມ່ນງານມະໂຫລານແຫ່ງໂລກາພິວັດ, ເຮັດໃຫ້ຜູ້ແທນທີ່ມາຈາກແຫ່ງຕ່າງໆໃນໂລກສາມາດຊອກພົບໂອກາດຮ່ວມມືແລະພັດທະນາເຄືອຂ່າຍການພົວພັນ, ຮູ້ຈັກກັບບຸກຄົນທີ່ມີຊື່ສຽງໃນວົງການການເມືອງ, ການຄ້າແລະວິສາຫະກິດທີ່ມາຈາກທົ່ວໂລກ, ນີ້ແມ່ນໂອກາດທີ່ດີທີ່ສຸດສຳລັບແມ່ຍິງເພື່ອເຂົ້າຮ່ວມການພັດທະນາເສດຖະກິດສັງຄົມໃນອະນາຄົດຫຼາຍກວ່າເກົ່າ.
"ມີ1037ຄົນເຂົ້າຮ່ວມກອງປະຊຸມຄັ້ງນີ້,ແມ່ນກອງປະຊຸມສຸດຍອດແມ່ຍິງໂລກຄັ້ງທີ່ມີຂະ ໜາດໃຫຍ່ທີ່ສຸດໃນ20ປີຜ່ານມາແລະກໍແມ່ນຄັ້ງໜຶ່ງທີ່ມີລັກສະນະທົ່ວໂລກຫຼາຍທີ່ສຸດ.ປະຈຸບັນນີ້,ເສດຖະກິດໂລກກຳລັງຟື້ນຕົວ,ແລະໄດ້ເກີດການປ່ຽນແປງໃນຫຼາຍດ້ານ,ນີ້ເຮັດໃຫ້ພວກເຮົາຍິ່ງສົນໃຈວ່າ,ໃຜຈະແມ່ນຜູ່ນຳຂອງເສດຖະກິດໃນສະຕະວັດທີ21.ໃນກອງປະຊຸມ,ພວກເຮົາຈະປຶກສາຫາລືວິທີການທີ່ເຮັດໃຫ້ແມ່ຍິງໄດ້ຮັບໂອກາດຫຼາຍກວ່າເກົ່າໃນການເຂົ້າຮ່ວມການພັດທະນາເສດຖະກິດສັງຄົມ,ນີ້ແມ່ນບັນຫາທີ່ພວກເຮົາສົນໃຈໂດຍຕະຫຼອດໃນ20ປີທີ່ຜ່ານມາ."ກອງປະຊຸມສຸດຍອດຄັ້ງນີ້ຈະອັດລົງໃນວັນທີ22ພຶດສະພານີ້.ໃນໄລຍະປະຊຸມ,ຜູ່ແທນທີ່ເຂົ້າຮ່ວມຈະຫາລືກັນກ່ຽວກັບວິທີການຍົກສູງໂອກາດການພັດທະນາເສດຖະກິດຂອງແມ່ຍິງ.ກອງປະຊຸມຄັ້ງນີ້ຈະສະແດງໃຫ້ເຫັນຄວາມສາມາດໃນການນຳພາຂອງແມ່ຍິງດ້ວຍການສະແດງຕົວຢ່າງດ້ານການປະຕິຮູບວິສາຫະກິດ,ດຳເນີນທຸລະກິດທາງອິນເຕີເນັດ,ການໝູນວຽນຂອງພະລັງງານແລະສິ່ງແວດລ້ອມ,ພ້ອມດ້ວຍວຽກງານການກຸສົນ,ເພື່ອຍົກສູງສະຕິພັດທະນາວຽກງານຂອງແມ່ຍິງ.
