ຕາມຂ່າວCRI:ທີ່ນີ້ວິທະຍຸສາກົນແຫ່ງປະເທດຈີນ,ສະບາຍດີທ່ານຜູ່ຟັງທີ່ໂຄລົບ.ນັບແຕ່ ເປີດສວນໃນວັນທີ1ພຶດສະພາເປັນຕົ້ນມາ,ງານວາງສະແດງໂລກຊຽງໄຮ້ໄດ້ດຳເນີນງານ ມາເດືອນໜຶ່ງເຕັມໆແລ້ວ,ໄດ້ມີນັກທ່ອງທ່ຽວຫຼາຍກວ່າ8ລ້ານຄົນເຂົ້າຊົມ.ວັນທີ1ມິຖຸນານີ້,ໃນກອງປະຊຸມຂ່າວທີ່ຈັດຂຶ້ນຢູ່ສູນງານວາງສະແດງໂລກ,ທ່ານຮົງຮ້າວ,ຮອງເລຂາທິການອົງການປົກຄອງນະຄອນຊຽງໄຮ້,ຫົວໜ້າຄະນະກຳມະການຈັດອົງການງານວາງສະແດງໂລກຊຽງໄຮ້ກ່າວວ່າ,ໃນເດືອນທຳອິດ,ການປະຕິບັດງານຂອງງານວາງສະແດງໂລກຊຽງໄຮ້ໝັ້ນທ່ຽງແລະເປັນລະບຽບຮຽບຮ້ອຍ,ວຽກງານຕ່າງໆ ຄື:ການຮັບປະກັນ,ການຈັດກິດ ຈະກຳ,ການຕ້ອນຮັບ,ການປ້ອງກັນຄວາມປອດໄພ,ການອະນາໄມຮັກສາສິ່ງແວດລ້ອມ, ລ້ວນແຕ່ບໍ່ໄດ້ເກີດເຫດການໜ້າທີ່ຮັບຜິດຊອບທີ່ສຳຄັນແລະເຫດການຄວາມປອດໄພແລະດ້ານອາຫານອັນໃຫຍ່.
ທ່ານຮົງຮ້າວບອກໃຫ້ຮູ້ວ່າ,ໃນເດືອນພຶດສະພາແລ້ວນີ້,ງານວາງສະແດງໂລກຊຽງໄຮ້ລວມໄດ້ຕ້ອນຮັບຜູ່ເຂົ້າຊົມຫຼາຍກວ່າ8ລ້ານຄົນ,ມື້ທີ່ຕ້ອນຮັບຫຼາຍກວ່າໝູ່ໄດ້ລື່ນກາຍ5ແສນຄົນ.ເພື່ອໃຫ້ຜູ່ຊົມເຂົ້າຊົມງານວາງສະແດງຢ່າງປອດໄພແລະສະດວກ,ຝ່າຍຈັດຕັ້ງໄດ້ສະໜອງສິ່ງອຳນວຍຄວາມສະດວກຫຼາຍຢ່າງ.
ທ່ານກ່າວວ່າ:"ແຕ່ເປີດສວນເປັນຕົ້ນມາ,ພວກເຮົາໄດ້ເພີ່ມຕິດຕັ້ງຈໍເອເລັກໂຕຼນິກ57ແຜ່ນຢູ່ໃນສວນແລະບ່ອນເຂົ້າອອກສວນ,ຕິດຕັ້ງຄັນຮົ່ມກັນແດດ2000ກວ່າຄັນ,ວາງຕັ່ງນັ່ງ4ໝື່ນກວ່າໜ່ວຍແລະຜ້າກັ້ງແດດຫຼາຍຜືນຢູ່ຫໍວາງສະແດງທີ່ມີຜູ່ຊົມຫຼາຍ;ຕິດຕັ້ງເຄື່ອງຜົ່ນອ່າຍສີດນ້ຳຈຳນວນຫຼວງຫຼາຍເພື່ອຫຼຸດອຸນຫະພູມ;ແລະເພີ່ມບ່ອນປິ່ນປົວພະຍາດຢູ່ປະຕູເຂົ້າອອກທາງບົກ7ບ່ອນທີ່ມີຄົນເຂົ້າອອກຫຼາຍ."
ເພື່ອຊ່ອຍຜູ່ຊົມວາງແຜນທ່ຽວຊົມຢ່າງເຫມາະສົມ,ຫໍວາງສະແດງຕ່າງໆລ້ວນແຕ່ໄດ້ປັບປຸງການບໍລິການເພື່ອອຳນວຍຄວາມສະດວກສະບາຍແກ່ຜູ່ຊົມ. ຕົວຢ່າງຫນຶ່ງກໍ່ແມ່ນຫໍວາງສະແດງຈີນທີ່ໄດ້ຮັບຄວາມນິຍົມຊົມຊອບຫຼາຍກວ່າຫມູ່ໃນ ງານວາງສະແດງ, ຍ້ອນຜູ່ຊົມຫຼາຍໂພດຈຶ່ງໄດ້ໃຊ້ວິທີນັດຫມາຍລ່ວງຫນ້າທັງຫມົດ ຜູ່ຊົມມີບັດນັດຫມາຍລ່ວງຫນ້າເທົ່ານັ້ນ ຈຶ່ງເຂົ້າລຽນແຖວຖ້າຊົມງານໄດ້ .
ຫໍວາງສະແດງຂອງເຢຍລະມັນກໍ່ແມ່ນຫໍວາງສະແດງມີຄົນຫຼາຍໃນຈຳນວນຫໍວາງສະແດງຂອງເອີລົບ, ໃນເດືອນພຶດສະພາແລ້ວນີ້,ໄດ້ຮັບຕ້ອນຜູ່ຊົມເຖິງມື້ລະ 2 ຫມຶ່ນ 6 ພັນຄົນ, ຕາມທຳມະດາແລ້ວ,ເວລາລຽນແຖວຖ້າທີ່ເຂົ້າຊົມເທື່ອຫນຶ່ງຫຼາຍກວ່າ 3 ຊົ່ວໂມງ. ໃນເວລານາງມາຣີອອນ ຄອນເຣດີ,ຜູ່ຮັບຜິດຊອບຫໍວາງສະແດງເຢຍລະມັນໃຫ້ສຳພາດຕໍ່ນັກຂ່າວ,ນາງກ່າວວ່າ,ຫໍວາງສະແດງເຢຍລະມັນ ພວມປຶກ ສາຫາລືກັນກັບຄະນະກຳມະການຈັດງານວາງສະແດງໂລກ,ເພື່ອແກ້ໄຂບັນຫາລຽນແຖວທີ່ເສຍເວລາຫຼາຍເພື່ອຮັບປະກັນຄຸນະພາບໃນການທ່ຽວຊົມ.
"ເວົ້າສຳລັບຈີນແລ້ວ,ເທື່ອນີ້ແມ່ນເທື່ອທຳອິດທີ່ພສກເພິ່ນຈັດງານວາງສະແດງໂລກ,ແຕ່ວ່າ,ໃນເດືອນຫນຶ່ວມານີ້,ຂ້າພະເຈົ້າເຫັນວ່າເລື່ອງລາວກໍ່ພວມຄ່ອຍໆດີຂຶ້ນ.ແນ່ນອນແລ້ວ,ພວກເຮົາກັບຄະນະກຳມະການຈັດງານວາງສະແດງໂລກໄດ້ປະສານງານກັນຢ່າງໃກ້ຊິດ,ຖ້າມີບັນຫາຫຍັງໃນງານວາງສະແດງ,ພວກເຮົາກໍ່ຈະ ຕິດຕໍ່ພົວພັນກັບເຂົາເຈົ້າ,ແລະຫວັງໃຫ້ໄດ້ຮັບການແກ້ໄຂ."ການລຽນແຖວຖ້າເຂົ້າຊົມງານວາງສະແດງໂລກຊຽງໄຮຍັງແມ່ນບັນຫາທີ່ແກ້ໄຂຍາກຢູ່,ເມື່ອໄດ້ເຫັນແຖວຍາວໆໃນທຸກມື້ແລ້ວກໍ່ຮູ້ວ່າຄວນຊອກຫາວິທີແກ້ໄຂທີ່ດີກວ່ານີ້,ແຕ່ກໍ່ກຳລັງແນມເຫັນຊ່ອງທາງແລ້ວ.ໃນຫນຶ່ງເດືອນມານີ້, ຄະນະກຳມະການຈັດງານວາງສະແດງໂລກຊຽງໄຮໄດ້ຈັດສັນລົດເມໃນເຂດຈັດງານວາງສະແດງໃຫ້ເຫມາະສົມກວ່າເກົ່າ, ເພື່ອແກ້ໄຂບັນຫາການເດີນທາງໃນຍາມທີ່ມີຄົນຫລາຍ. ມາຮອດປັດຈຸ ບັນ,ຈຳນວນຜູ່ໂດຍສານທາງລົດເມ,ທາງນ້ຳແລະທາງລົດໄຟມີ 22 ລ້ານກວ່າເທື່ອຄົນ.ໃນການນຳໃຊ້ຫົນທາງສຳລັບຄົນພິການ, ຄະນະກຳມະການຈັດງານວາງສະແດງກໍ່ໄດ້ແລກປ່ຽນຄວາມຫັນກັບທຸກຝ່າຍທີ່ເຂົ້າຮ່ວມງານວາງສະແດງ, ເພື່ອວາງມາດຕະຖານໃຫ້ເປັນເອກະພາບກັນ.ເມື່ອເຂົ້າສູ່ເດືອນມິຖຸນາແລ້ວ, ໂຮງຮຽນຢູ່ແຫ່ງຕ່າງໆຂອງຈີນກໍ່ເລີ່ມ ພັກຮ້ອນ,ນັກຮຽນທີ່ຈະໄປຊົມງານວາງສະແດງໂລກກໍ່ຈະເພີ່ມຂຶ້ນຫລາຍກວ່າເກົ່າ.ຕໍ່ເລື່ອງນີ້,ທ່ານຫົງຮ້າວ, ຫົວຫນ້າຄະນະກຳມະການຈັດງານວາງສະແດງກ່າວວ່າ,ໄດ້ກຽມພ້ອມໃນທຸກດ້ານແລ້ວ.
